Buku Ende HKBP Lengkap

Artikel Buku Ende HKBP lengkap ini dibuat secara berurutan berdasarkan nomor buku ende dengan selengkap mungkin untuk membantu seluruh jemaat dan hamba TUHAN gereja Huria Kristen Batak Protestan ( HKBP ) yang tersebar di seluruh pelosok dan perkotaan Indonesia. Tentunya setiap kita rata - rata sudah memiliki buku fisik buku ende HKBP, namun tidak ada salahnya bila buku ende hkbp dihadirkan berupa postingan artikel lirik lagu buku ende hkbp meskipun sudah banyak video dan aplikasi yang menyajikan berbagai fitur terkait dengan buku ende hkbp. Namun semuanya itu tidak akan berfungsi apabila data seluler ponsel Anda habis atau tidak ada. Berbeda dengan postingan artikel buku ende hkbp ini yang tetap berfungsi, dapat dibaca secara normal meskipun data seluler saudara sedang habis. Adapun caranya sangat sederhana, yaitu dengan menyimpan postingan buku ende hkbp lengkap ini secara offline terlebih dahulu sebelum data seluler saudara habis. 

Namun yang menjadi kekurangannya adalah lirik buku ende hkbp ini dibuat secara bertahap sampai akhirnya bisa kelak selesai hingga buku ende 864 yang berjudul Oikumene. 

Besar harapan admin Kristen Punya agar kiranya postingan buku ende hkbp ini dapat membantu saudara dan biarlah Nama TUHAN senantiasa diagungkan, dimuliakan dan ditinggikan, Amin.

ENDE PUJI - PUJIAN

• Buku Ende 1 : RINGGASMA HO TONDIKU

1.Ringgasma ho tondiku mamuji Debata ta

Ai diparmudu mudu Ho unang halupahon i

2. Na tolhas do tu hita uhumNa na sumurung i, 

Dibaen holong rohaNa diangka na porsea i, 

Ai dada dilaluhon tu hita rimas i

Sai lam dipatuduhon denggan basaNa i 

Ai songon dao sian purba i, halang dibaen Ibana sude dosa ta i. 

3. Asi roha ni ama marnida anakhonna i, 

Suman tusi Jahowa marnida na porsea i, 

Diboto do mula ta na sian tano i 

Tudoshon bunga bunga, tudoshon bulung i, disi ro haba haba,

Mamintor habang be, suman tusi do jolma, sai mate do sude 

4. Tung asi ni rohaNa sambing do na manongtong i 

Seleng ni lelengna di tonga huriaNa i, 

Di surgo habangsaNa, hinaliangan ni sude parhaladoNa,

Na sun badia i na sai tongtong mamuji, pasangap TUHAN i

Ho pe tondiku, puji tongtong goarNa i 

• Buku Ende 2 : NAENG PUJIONKU HO JAHOWA

1. Naeng pujionku Ho Jahowa ai Ho do Debata na tutu i

Sai suru Tondi Porbadia tu au asa hupuji goarMi

Marhite hite Jesus AnakMi asa lomo rohaM di endeki

2. Togihonma au tu AnakMu asa tu Ho ditogu au muse

TondiM pasaorhon tu tondiku manogu au di dalan na ture

Asa tongtong gok dame rohaki

3. Asi rohaM ale Jahowa pamalo au mamuji goarMi

Sai unang asal puas hata ingkon tutu dipuji rohaki Ho Ama

Anak dohot Tondi i doshon na jongjong au di joloMi

Huhut girgir mamuji goarMi  

   

• Buku Ende 3 : PUJI JAHOWA ALE TONDINGKU

1. Puji Jahowa ale tondiku puji Ibana Debatami

Tagan so suda dope bohalhu naeng pujionku basaNa i

Sitompa daging tondi pe ingkon dipuji sasude Haleluya Haleluya..

2. Tubu ni jolma do nang na sangap jala na mulak tu tano i, Tahitahina pe laho do monjap molo dibondut tanoman i.

Dang jolma hasonanganki, Debata do haposanki. Haleluya! Haleluya! 

3, Martua halak na niondingan ni Debata ta Jahowa i, 

Angka na hot marhaporseaon di Jesus Kristus TUHAN ta i. 

Molo Debata donganmu dang adong hurang tuamu. Haleluya! Haleluya! 

• Buku Ende 4 : SAI PUJI DEBATA

1. Sai puji Debata dibaen asi rohaNa 

Huhut tongtong basa di nasa tinompaNa 

Riama hita be mamuji Debata 

Ai sesado nuaeng dosa ta i dibaen 

2. Disuru Debata AnakNa Jesus Kristus 

Jadi mansai arga do hita on ditobus

Diporsan Jesus i dosa ta sasude asa MudarNa i paias hita be

3. Dibaen i tama pujion ni roha ta TUHAN ta Debata 

Nang Jesus pe AnakNa nang Pangondian i

Naung ro tu hita on manggonti Jesus i pujion do tongtong. 

• Buku Ende 5 : SAI TAPUJIMA JAHOWA

1. Sai ta pujima Jahowa Debata na tutu

Ta patimbulma Ama ta huhut burju

Binsan hosaki disi pujionhu TUHAN hi

2. Dang haposan ni roha ta dongan na di tano on

Ai jotjot do muba uba tahi ni rohakinon. 

Dung i, molo mate i, pesanma tahina i. 

3. Sai martua manang ise siasahon Debata

Ai dison pe dohot muse dipasonang Debata.

Ala ni haposi ma holan TUHAN Debata. 

4. Ai Ibana do sitompa langit dohot tano on, 

Rodi isi ni sudena, sasude portibi on, 

Debata haposan i, ai tongtong rohaNa i. 

5. Ai Ibana pasintongkon uhum tu na pogos i

Hangoluan ditumpakhon tu na haleonon  

Nang na hona hilangpe dipalua do sude. 

6. Sai Ibana patonggorhon mata na mapitung i, 

Pangapulon pe dihorhon di parroha na tungki

Sai diparhamaol tutu nasa jolma na burju

7. Sai Ibana mangondingi na mabalu i sude. 

Sai Ibana mangurupi na tading di lampin pe. 

Sogot uhumonNa be na tois roha i sude. 

8. Debata ta do Rajata saleleng lelengna i. 

Ala ni las ma roha ta, hita na porsea i

Taendehon Debata, Rap mandok Haleluya .

• Buku Ende 6 : PUJI JAHOWA NA SANGAP

1. Puji Jahowa na sangap huhut marmulia

Hamu sude na parroha na ringgas na ria 

Marpungu be marolop olop  sude hamu sude manisia 

2. Puji Jahowa sigomgom sude parluhutan,

Na manogihon ho songon niiring ni tangan dohot hosam. 

Songon hombar tu roham sai diramoti Ibana. 

3. Puji Jahowa, naung tipak manompa dagingmu, 

Jala na tongtong manumpak husar pamatangmu, 

Jotjot do ro pangurupiNa tu ho, uju na ro hagogotan. 

4. Puji Jahowa situmpak sude ulaonmu

Ai ditumpakkon tu ho tongtong hangoluanmu, 

Ingot ma i denggan basaNa do i, tomu tomuNa sambing do. 

5. Puji Jahowa tondiku, pasangap goarNa

Dohot sude na marhosa mamuji Ibana.

I do ture baenon ni hita sude...Sai ta endehon ma amen! 

• Buku Ende 7 : PUJI HAMUMA ASI NI ROHA

1. Puji hamuma asi niroha ni TUHAN Jahowa di halak Kristen i 

Ai naung diontang sude jolma tu hangoluan na sora suda 

2. TUHAN Jahowa panggomgom di sude 

Nasa parhosa manomba Raja i

Marloksa loksa suruanNa mamuji muji tongtong goarNa 

3. Hamu parbegu unangma tundal be 

tu TUHAN Jesus ro ma hamu sude

Ai naung di tongos do hataNa 

Dosa sudena naung sesaonNa 

4. Dohot do bohal dilehon Debata 

dang marnahurang tuk songon na tama, 

Udan pe dohot las ni ari, nasa parguna do dipasari 

5. I pe sai puji denggan basaNa i, Asa lam ganda hasangaponNa 

Tongtong do hita ramotanNa, On pe tapuji denggan basaNa. 

• Buku Ende 8 : JAHOWA JAHOWA 

1. Jahowa Jahowa Jahowa digoarMu hasangapon i Amen Amen 

Pujion nami do tongtong goarMi di joroMon 

Sae naeng dohononku badia badia do goarMu Haleluya Haleluya 

2. O Jesus o Jesus goarMi do dipuji hami on

Amen Amen Ho do disuru Ama i  na marholong roha i 

Asa saut maluama hami sian saluhut jea, pinuji Ho pinuji Ho 

3. O Tondi O Tondi O Tondi Porbadia pinuji dohot Ho 

Amen Amen na sintong na tiur pe

Nang na denggan sasude 

Ho do manuanhon tu roha ni sude hajolmaon Haleluya Haleluya 

• Buku Ende 9 : HUPUJI HOLONG NI ROHAMU

1. Hupuji holong ni rohaMu o TUHAN Jesus Rajaki

Tu Ho hulehonma tondiku

Ai i do pinangidoMi 

huhalupahonma diriku mamingkir holong ni rohaMu

2. Sai dilului Ho do au, Au pe huhalungunhon Ho

Ditaiti rohaMi rohaku, dibahen i hulehon do. 

Dipillit Ho hian tondiku, i pe hutodo Ho, TUHAN ku. 

3. Huhilala, ingkon mar TUHAN, ingkon mangolu au di Ho

dang jumpang au be hangoluan aut unang dipatupa Ho. 

Sai Ho do paradiananku, sai gok di Ho nama langkaku 

4. Di Ho saleleng ni lelengna, au on o Jesus, TUHAN ki

Ho ma nampuna sasudena gogongku ro di artaki

Ai naung dilehon Ho mudarMu manggarar utang ni dosaku. 

5. Ai nunga tung diparhatoban sibolis dohot dosa au,

Tuanima Ho ro, o TUHAN mamorsan uhum na tu au 

Ditaoni Ho do hamatean mambaen di au hangoluan. 

6. O Jesus, uhirma goarMu torang, bagas tu rohakon. 

Asa tarsurat di joloku holong ni rohaMi tongtong. 

Hataku ro di parangeku ingkon dipuji do goarMu. 

- buku ende no 9

• Buku Ende 10 : HUPUJI HUPASANGAP HO

1. Hupuji hupasangap Ho Amang pardenggan basa i 

Ai jadi jadian do sude angka na masa 

Ditompa Ho do sasude dagingku ro di tondi pe pinuji ma goarMu 

2. Saluhut na tinompaMi naeng sonang di rohaMu, 

Arian dohot borngin pe disarihon rohaMu 

Nang uhum digomgomanMi, na tigor, na sintong do i, 

Pinuji ma goarMu

3. Dang dung tartading bangsoMi, naung pinillitMu jolo, 

Sai Ho do haporusan ni sude na ro, na olo. 

Ditogu Ho do sasude. Asa tu hangoluan be, Pinuji ma goarMu

4. Tongtong pasangaponku Ho saleleng au mangolu Paratarataonku do barita ni goarMu. 

Pamatang dohot tondiki ingkon mamuji sangapMi. Pinujima goarMu

5. Antong, roma hamu sude saluhut na porsea,

Marolop olop hita be mamuji Debatata. 

Na sun denggan do sasude binaen ni Debata ta i Pinujima goarNa

• Buku Ende 11 : AHAMA ENDEHONONKU

1. Ahama endehononku asa pujionku Ho

ale TUHAN Debataku sai urupi au gogo

Ai dang tarpajojor au asi ni rohaM di ahu

Ala ni hupuji Ho tung maribu hali do

2. Sai sungguli ma rohaku mangendehon gogoMi

Dohot asi ni rohaMu ro di basaronMi 

Ai i do di hatindangkon tondi dohot pamatangku 

Ala ni hupuji Ho, Tung marribu hali do. 

3. Ia godang ni dosaku dipingkiri rohaki, 

Longang situtu rohaku manimbangi lambas ni 

RohaMi ale TUHAN ku mida pangalaosiku. 

Ala ni hupuji Ho tung marribu hali do

4. Haholongon, habasaron, hata hangoluan i 

Dohot angka haporsuhon, i do parhiteanMi, masuk tu harajaonMu. 

Ala ni hupuji Ho tung marribu hali do. 

5. Sai patogu ma rohaku pasangaphon goarMi, 

Dohot haporseaonku asa tu gandana i 

Sai pamasuk ale TUHAN, tondiki tu hangoluan

Mangendehon sangapMi saleleng lelengna.

• Buku Ende 12 : DIPUJI ROHAKON DO HO

1. Dipuji rohakon do Ho Jahowa TUHAN ki

Huhut hubaritahon do sude pambaenanMi

2. Huboto, Ho do mual ni na denggan sasude, 

Dilehon Ho do sian i godang di hami be. 

3. Ai ahama adong hian di hami na lea 

Sude dilehon Ho nian o TUHAN Debata

4. Ai Ho do na margogo i sitompa sasude,

Ho do na pangoluhon i nang marmuduhon pe. 

5. Di langit ni langitan i na hembang songon haen, 

Marribu ribu bintang i tung ise do mambaen

6. Tung ise do na basa i manatap huta be. 

Na pabornokkon hauma i, parngolu di sude

7. Gok eme angka sopo i tung ise do mala,

Nang sasude bohal ta i, da TUHAN Debata

8. I ma tutu, O Debata dilehon Ho sude, 

Ai Ho do na tongtong basa manumpak jolma i. 

9. Dipinsang Ho pe hami on dibahen dosa i 

Sai dipalambas Ho tongtong RohaM na denggan i

10. Ai molo marsak rohaki dibahen dosa i

Mura do mulak rohaMi manesa salaki

11. Diapul Ho do sasude na marsak roha i.

Diduduk Ho iluna i tu parningotanMi.

12. Sai disarihon Ho sude di hasiangan on

Tu daging, nang tu tondi pe panongos Ho tongtong. 

13. Antong, boasama tungki Ho ale tondiki? 

Haposima Debatami sitompa sasude 

14. Dang dung marsala Debata tu ginomgomNa i 

Ai manang dia pe dibaen denggan ujungna 

15. Antong, pasombu Debatam mambaen ture langkam, 

Asa tongtong sonang rohaM timbul dohot tuam. 

• Buku Ende 13 : DA TAMA ENDEHONONKU

1. Da tama endehononku goar ni Debata ki

Da tama halashononku denggan  ni basaNa

Ai sun holong ni rohaNa mida au pardosa on

Diramoti do tongtong naposoNa saluhutna 

Holong ni rohaNa i da tung hasuhatan i 

2. Songon pidong rajawali manjagai anakna i, 

Songon i do dipabali Debataku jea i, 

Sian au niramotanNa, olat ni na tubu au 

Sai diiring iring au masuk tu harajaonNa, 

Holong ni rohaNa i da tung hasuhatan i. 

3. Nang AnakNa sasadasa diseahon Debata, 

Pangoluhon au pardosa, uju i di Golgata. 

Mago au dibaen dosaku jadi ro AnakNa i, 

Manggarari utangki lao mambaen haluaonku, 

Holong ni rohaNa i da tung hasuhatan i

4. Dohot Tondi Parbadia do disuru Amangki, 

Asa dohot au badia jala tau tu surgo i, 

Naeng gohanNa do rohaku asal sai tongtong 

Sai gok dame nang sonang mandalani dalananku 

Holong ni rohaNa i da tung hasuhatan i. 

5. Dohot haporseanku dilopokkon TUHAN ki, 

Tu bagasan ni rohaku patiurhon dalanki, 

Asa sahat musengani au tu hangoluan i na rade di surgo i. 

Di sude na manjalahi 

holong ni rohaNa i da tung hasuhatan i 

6. Songon i do panarihon ni Debata ki di au

TUHAN ki do sumarihon nasa na ringkot di au. 

Tondi dohot pamatangku dipangolu TUHAN ki, 

Na marasi roha i diramoti di hosaku. 

Holong ni rohaNa i da tung hasuhatan i. 

7. Molo masa pangunjunan dipasonggop setan i 

Debata do pangondingan di au on anakNa i, 

Ai didokkon Debataku surusuruanNa i, 

Manamparhon jea i asa dao hamagoanku. 

Holong ni rohaNa i da tung hasuhatan i. 

8. Ganup ari do disesa Debataku dosaki

dang hea gotos rohaNa maniopi rimas i. 

Nang pe ingkon pinsangonNa au dibahen dosaki, 

dang maposihu disi uhum na nidabuhonNa, 

Holong ni rohaNa i da tung hasuhatan i. 

9. Ala na so hasuhatan holong ni rohaM, Amang 

Tatapma au on pasidung nasa sangkap ni rohaM 

Di naposoMon, TUHAN ku Pargogoima au tongtong 

Mangoloi di tano on nasa na pinatikkonMu.

Paima Ho pujionki saleleng lelengna i.

• Buku Ende 14 : PUJI HAMU JAHOWA TUTU

1. Puji hamu Jahowa tutu pardenggan basa parasi roha salelengna i 

Pardenggan basa i para siroha i 

2. Ingot tongtong ale tondingkon sude na denggan 

Na dipasonggop Debata tu ho denggan basaNa do na pangoluhon ho. 

3. Datung adong pargogo tongon, Na martudosan tu TUHAN Debata di surgo i, 

Sun hinagogo i, sun hinagogo i. 

4. Songkal tongtong Jahowa tongon, 

Na marmulia di sasude na tinompaNa i. 

Hamuliaonma di TUHAN Debata. 

5. Somba hamu Jahowa burju. Marhapantunonma hita di TUHAN ta Debata. 

Burju ta sombama TUHAN ta Debata

6. Sai burju be marende sude.  Mamuji-muji TUHAN ta Debata Jahowa i. 

Parasi roha i na marmulia i

• Buku Ende 15 : AUT NA SARIBU HALI GANDA

1. Aut na saribu hali ganda

Saringar ni suaraku

Naeng nasa gogo baenonku

Mamuji Debata  i 

Paboa las ni rohaku

Hinorhon pambaenanNa i 

2. Tung sura sahat suaraku tu ujung ni portibi on

Naeng nasa jolma haraonku mamuji Debata tongtong 

Tama do nasa hosaku hubaen pasangap TUHAN i 

3. Unangma modom ho tondiku

Sai ingot ma ho sai hehema

Radotma ho diulaonmu

Sai tapujima Debata 

Sai pake nasa malomi

Mamuji muji TUHAN i 

4. Mauliatema rohaku di Ho oh Debata 

dibaen sude denggan basamu

Naung nilehonmu di au on

Ai dipatongon Ho tongtong 

sude na rikkot di au on

5. Hupuji dohot Ho oh Jesus 

Marningot asi ni rohaM

Marningot mudarMi na durus 

ro di sude denggan ni basaM

patupa haluaon i di au pardosa  godang i

6. Ho pe, o Tondi Parbadia, dipuji ende-endekon. 

Margogo jala marmulia do Ho mangapul rohakon,

Molo hubaen na denggan i hinorhon ni gogoM do i. 

7. Ai ise do mamasu masu au on, o Debata da Ho? 

Pamatakon ro di tondiku sai diparmudu mudu Ho, 

Huhut lambas do rohaMi manatap pardosaonki. 

8. Sai pujionku do basaMu salelengna mangolu au 

Pasangaponku do goarMu saleleng na marhosa au 

Maradu tos pe hosaki, naeng pujionku sangapMi. 

9. Sai jalo ma ale TUHAN ku pamujingkon na hurang i,

Di surgo pe padengganonku dung sahat au di lambungMi 

Marloksa loksa hali do, di si endehononku Ho.

- buku ende no 15

• Buku Ende 16 : TAPUJIMA TUHANTA

1. Tapujima TUHAN ta sian sandok  roha ta 

Dibaen denggan basaNa na di hita huriaNa

2. Dilehon do di hita pamatang nang tondi ta,

Diudut do hosanta, di jaga nang ngolunta.

3. Disuru Debata ta do Jesus i, AnakNa,

Mamboan hatuaon di nasa hajolmaon. 

4. Naung sesado dosa ta, mangolu do tondi ta,

Godang nuaeng jambar ta di surgo jaloon ta.

5. I pe hupuji hami basaM, oh TUHAN nami,

Ho na marasi roha di nasa manisia. 

6. Sai pargogoima hami paringgas roha nami, 

Mamuji Ho, Jahowa, saleleng ni lelengna. 

Buku Ende 17 : RAJA NA TUMIMBUL

1. Raja na tumimbul sigomgomi hami

Jaloma pujian nami denggan ni basaM do pangoluhon hami

Atik pe mardosa hami sai apoi pargogoi hami 

Mangendehon sangapMi oh TUHAN 

2. Sai dipuji langit jadi jadianMu 

Saluhut pambaenanMu

Parsinondang bolon na marpamongguri Ho oh TUHAN do dipuji

bulan i bintang i pe Ho do 

Pinuji dohot sondangNa

3. Dohot do tondiku tukkap di adopan ni habangsaMi oh TUHAN 

Nang sude donganku nasa na marroha

Pujionna do Jahowa 

Sai tongtong na sintong 

Holan Debata ta do sipujion ta

- buku ende no 17

ENDE DI ARI MINGGU

• Buku Ende 18 : UNGKAP BAHAL NA UMMULI

1. Ukkap bahal na ummuli, bagas ni Debata ki

Ai tu si do au naeng mulia, ganup juppang minggu i 

Hulului do di si, Bohi ni Debata ki

2. Nunga ro au oh TUHAN ku, Roma Ho tu au muse

Ai di bagas ingananMu, las ni roha do sude

Sai bongoti rohakon, baenma joroMi di son

3. Sai pattun pangalahoku maradophon BohiMi

Sai suruhon tu rohaku Tondi Porbadia i 

Asa sai tongtong ture tangiangku ende pe

4. Doshon hauma na dengganma rohaku di joloM

Sai lopokkonma na denggan tu bagasan rohakon

Sai tuppahi hataMiasa marparbue i 

5. Baen togu haporseaon di bagasan rohaki

Asa unang be rappason ni sibolis artaki

Sai ditogu hataMi ma au on tu surgo i 

6. Pakkulingi au TUHAN ku Asa hutangihon Ho

Patandahon tu rohaku na tau pasangaphon Ho

Sai pabosur tondiki dohot asi asiMi

- buku ende no 18

• Buku Ende 19 : O JESUS TATAP MA TUSON

1. O Jesus tatapma tuson pasaor tondiM tu hami on

Sai roha nami dirajai dalan nami di pasae

2. Pamuji nami baen ture buha ma roha nami be, 

Patingggil pinggol nami i lao tumangihon hataMi. 

3. Haporsean nami on patogu ma sadari on,

Papintor langka nami be tu surgo i, tu lambungMi. 

4. Pamasuk hami on sude dung suda bohal nami be, 

Tu angka na di surgo i tongtong mamuji goarMi. 

5. Di Ama na sumurung i, nang di AnakNa, Jesus i 

Di tondi Porbadia pe, ma hasangapon sasude.

• Buku Ende : O JESUS TUHAN NAMI

1. O Jesus TUHAN nami Sai tatap hami on

Asi rohaM di hami, palua hami on.

2. Naeng ihuthonon nami na pinatikkonMi, 

Naeng pasidingon nami sogo ni rohaMi. 

3. Naeng lam botoon nami taringot tu sude 

Tinaon ni TUHAN nami uju targantung i. 

4. Luhutna dosanami diporsan Ho disi, 

Unang saut mate hami dibahen dosa i. 

5. On pe, o TUHAN nami tumpahi hataM

Masuk tu roha nami paian ma di si. 

• Buku Ende 21 : BEGEMA SUDE HAMU

1. Bege ma sude hamu begema na marsak roha

Nunga mate utangmu nunga sesa sude dosa

Ala asi roha ni Anak ni Debata i 

2. Ima TUHAN Jesus i  Sipalua manisia i 

Ditadingkon surgo i asa gabe jolma ia

Tung mudarNa do use asa sae dosanta be

3. Begema hamu sude saluhut na marsak roha

Dang adong na magool be anggo angka na porsea 

Di TUHAN ta Jesus i na homophop sasude. 

• Buku Ende 22 : NUNGA RO DI PARGURUAN HAMI ON

1. Nunga ro di parguruan hami on na dison

Masihangoluan Jesus, sai huingot hami hataMi nidokMi

Ho naeng dongan nami

2 Baen ture pingkiran nami, unang lao tu na dao, roha nami. Sai patingggil pinggol nami 

Tu hataM, asa lam huantasi hami. 

3. Suru Tondi parbadia baen ture hami be, 

Ringgas jala ria asa bali haliluan, Jea pe sasude, timbul hangoluan. 

4. Pabotohonma tu hami holong ni rohaMi na pangolu hami. Asa lam mardosniroha hami on, 

Sai tongtong mangalo na roa 

5. Jesus, ndang diparsineang rohaMi hata ni na ro martangiang, i do pos ni roha nami 

Mida Ho na dung ro paluahon hami.

• Buku Ende 24 : TATAP HAMI ON

1. Tatap hami on na pungu dison

Ai na naeng pujion nami denggan ni basaM di hami 

Tatap hami on na pungu dison

2. Togu hami on na mardosa on, ale Jesus, TUHAN nami
Sai asi rohaM di hami

Toguma tongtong na mardosa on.

3. Sai ramoti be hami on sude, maradophon musu nami,
Asa unang mago hami. Sai ramoti be hami on sude.

4. Sai urasi be hami on sude asa muba roha nami
Jala ias tondi nami. Sai urasi be hami on sude.

5. Sai ajari be hami on sude. Asa lam huboto hami dalan sidalanon nami Sai ajari be hami on sude

6. Sai pintori be hami on sude molo unduk roha nami, 

Manopoti dosa nami. Sai pintori be hami on sude.

7. Sai pintori hami on sude unang loas modom hami
Di bagasan dosa nami, Sai padungo be hami on sude.

8. Sai pamasuk be hami on sude di na jumpang ajal nami,
Molo suda bohal nami tu ingananMi hasonangan i.

- buku ende no 24

• Buku Ende 25 : HATAMI ALE TUHANKU 

1. HataMi ale TUHAN ku arta na umarga i 

Sai paian di rohaku unang so hutiop i 

Molo so be sitiopan hata na badia i 

Aha nama haojahan ni haporseaon i

2. Ale Jesus sai matahon sai ramoti ma au on

Asa hot haporseaon di bagasan rohakon

Sai paringgas ma rohaku mangoloi di hataMi

Asa mauas di podaMu songon si Maria i

• Buku Ende 26 : DAME NIMMU ALE JESUS

1. Dame nimmu ale Jesus lehononMu di bangsoM

TondiMi do na patulus hataMi tu naposoM

Dangol hami jala pogos

Dang tau baen parhaladoM

Tondi Porbadia tongos margogoihon hami on

2. Ale Tondi Sipardame sai bongoti hami be

Sai pasada roha nami, gok parbue baen sude. 

Lam patinggil pinggol nami, tumangihon dasdasMi, 

Asa ganda ringgas nami pararathon hataMi. 

3. Sada siradotan nami dipangido rohaMi

 Ingkon holong roha nami mida angka dongan i, 

Asa tung margogo hami patupahon hataMi, 

Sumeahon diri nami tu Ho, nang tu dongan i.

• Buku Ende 27 : HALELUYA ARI MINGGU ARI NA DUMENGGAN

1. Haleluya! Ari Minggu, ari na dumenggan

Molo iba lao marpungu dohot dongan Kristen i 

Ari na sumurungi, lasni rohaki 

2. Maradian do tondiku di na jumpang Minggu i, 

Nasa arsak ni rohaku. Hulonongkon do disi 

Tu bagasan roha ni Jesus Kristus TUHAN ki. 

3. Na huula ganup ari hutundalhon do disi, 

Asa tarpasari sari au ngolu ni tondingki, 

Arta na umarga i jumpang au di Minggu 

4. Lomo ni rohaM, o TUHAN, naeng patupaonku do, 

Parangengku hupadenggan asa hupasangap Ho. 

Ulos hatigoran i, lehonma di tondingki. 

5. Sai pahehe ma rohaku sai ajari ma au on, 

Jala tongos pangapulMu tu bagasan rohakon 

Baen sombu sadari on, uas ni tondikinon. 

6. Pasupasuma jamita di huriaMi sude

Sai pasonggop tu Pandita nang tu angka guru pe 

Tondi Parbadia i, 

Marsahala baen sude. 

7. Paimbaruma padanMu dohot na porsea 

Pargogoi ma siseanMu pasangaphon goarMi, 

Tangiangna, ende pe, sai tangihonma sude 

8. Sai urupi au TUHAN ku, paujungkon ari on 

Di bagasan tangiangku songon na hupungka on. 

Sai huhalungunhonma SabatMi, o Debata 

• Buku Ende 28 : HATA NI JAHOWA 

1. Hata ni Jahowa si padame jolma

Hangoluan i halalas ni roha

Siapuli roha ni na marsak i 

Gogo ni Debata ki paluahon na porsea sian nasa jea

2. Nasa tinahiNa tagan so ditompa

Tano on dope nang na tinuduan

ni sude pelean juppang do muse 

Sakkap ni AmaNa i 

Dipatulus Jesus Kristus jolma i ditobus

3. Na rade di hita asi ni rohaNa 

Nang basaNa pe nunga mate Kristus 

Nunga sun ditobus hita on sude

Sangap ma di Debata 

Na porsea di hataNa do pangoluonNa

4. Hata hangoluan do nuaeng diboan parjamita i 

Na lambok begeon i nuaeng dilehon tu roha ta i 

Hita on dijamitai, ai didokkon be do hita paubahon roha

5. Ro ho na marsak molo naung manosak rohami ale

Roma tu Jahowa pasesahon dosa

Ala mudar ni Jesus i AnakNa i 

Ido gabe haluaon sian nasa utang

6. I do haojahan na tongtong menahan salelengna i 

I hajonjonganku, i do haposanku hangoluanku

Gogoki tongtongma i mangihuthon tu hataNa

Lao mambaen lomoNa 

7. Jesus sai tangihon na hupangidohon 

Sai asi rohaM lehon sipargogo 

Asa lao tu surgo, au tu banuaM

Unang so tu Ho au ro 

Ipe molo tos hosaku

Tiur baen dalanku

- buku ende no 28

• Buku Ende 29 : IMA TIKKI HASONANGAN 

1. Ima tikki hasonangan molo Ho o Jesus ki

Pinahusor dipikkiran ro di asi asiMi molo Jesus niluluan

Holan Jesus sinangkapan tikki na lehetma i napasonang roha i 

2. Sai buas naeng lehononMu Jesus asi ni rohaM

Sai girgir do topotonMuna ulasan di hataM

Gok do mual hangoluan di bagasan Ho o TUHAN 

Jala sai dapotan do sasude na ro tu Ho

3. Ala ni i  o TUHAN nami  topot huriaMon 

Pasu pasu dohot hami gohi roha nami on

Mauas songon si Maria di hataM na sun badia

Baen ma hami sasude asa tung maruli be

• Buku Ende 30 : JESUS LEHON HATORANGAN

1. Jesus lehon hatorangan hapistaran mangantusi hataMi 

Lehon mata na marnida dohot roha na umboto dalanMi 

Asa tongtong maradophon BohiMi mardalan hami 

Asa digomgomi TondiMi ma hami 

2. Ganup ari ma ajari hami na di haotoon i dope

Asa lam porsea hami, Ho sambing do hangoluan nami i 

Lam lumeleng lam pasolhot tu rohaM ma roha nami, 

Hombar tu hataM ma pangalaho nami. 

3. Sai martua ma nasida na mambahen. 

Jesus haposanna 

Aut tung sura olo hita, Jesus i baen parsigantunganta 

Ale Jesus, sai patogu hami na di parporangan, 

Asa dapot di ujungna hamonangan. 

4. Sai tangihon ale TUHAN molo martangiang hami be tu Ho 

pasu pasu marlobian lehononMu tu na ro manopot Ho 

Sai dongani nama hami asa hot di parpadanan

Mian hami sahat ro tu hasonangan.

- buku ende Jesus lehon hatorangan

- buku ende no 30

• Buku Ende 31 : ARI NA MARHASONANGAN 

1. Ari na marhasonangan ima ari Minggu i 

Ari i paradianan ni na marulaon i

Sai martua halak i na ringgas marminggu i

2. Songon dia paheanku mandapothon Debata 

Unduk serep ni rohaku i do abis na tama

Dung adong na songon i  tau ma au di TUHAN ki

3. Ale TUHAN sai pangolu jala sai ajari au

Molo ganggu sai patogu marsak pe apuli au

Tung patorang hataMi sai tongtong tu rohaki 

4. Pasu pasu pengajaran nidok ni hataMi

Sai patogu parpadanan ni na manangihon i 

Sai urupi ma na ro martangiang dompak Ho. 

• Buku Ende 32 : NANG LAO RUAR MASUK PE

Nang lao ruar masuk pe Jesus sai dongani hami 

Pasu pasu hami be dohot hangoluan nami 

Togu hami ale TUHAN sahat tu banua ginjang.

• Buku Ende 33 : ANTONG SAI DOK MA AMEN

Antong sai dok ma Amen patorus roha nami tumangkup hataMi

O Jesus TUHAN nami patongtong roha nami marhite hite TondiMi 

• Buku Ende 34 : NGOT MA HO DIJOU SOARA

Jesus do haholonganta ai digarari do dosanta tobusta do mudarNa I

Daging dohot tondi nami tu Ho Jesus hu lehon hami ai sonang do di TanganMi

Sai jalo hami on hami huriaMon 

AnakkonMu asi rohaM  denggan basaM tumpakkon ma tu huriaM 

• Buku Ende 35 : SADA NAMA SANGKAP

Sude hami na dison marpungu do padomu tangan i 

Patoguhon padan di mudarMu tanda hot di Ho sude

Jesus sai paboa ma di hami lomo ni rohaM di ende nami 

Dok ma Amen situtu dame dame di hami.

• Buku Ende 36 : PASU PASU HAMI

1. Pasu pasu hami o Debata nami

sai sondangkon BohiMi tu na pungu on sude

2. Lehon ma di hami dame ganup ari

Sai pasaor ma TondiMi tu na pungu on sude 

3. Amen hidok hami ale TUHAN nami

Na marasi roha i sangap ma di goarMi

• Buku Ende 37 : ASI NI ROHA

Asi ni roha ni TUHAN Jesus Kristus 

Holong ni roha ni Debata  dohot parsaoran ni tondima mandongani hita sasude Na

ENDE DI ADVENTUS

• Buku Ende 38 : PARUAK MA HARBANGAN I

1. Paruak ma harbangan i , nunga ro Rajanta i sigomgom Raja sasude 

Sitobus hajolmaon pe siboan hatuaon i pasuang hasongan i 

Ipe tapujima TUHAN ta Debata 

2. Na sun tigor do roha ni na ro tumopot jolma i, 

Ai Raja na badia do huhut parasi roha do. 

Pabalionna do sude na mangarsahi hita be. 

Ipe tapuji ma TUHAN ta Debata

3. Martua luat, huta pe, dung jinangkonna Raja i, 

Rohanta pe sai sonang do dung masuk Raja i, naung ro, 

Ai tiur do rohanta i. Dung ro panondang i tusi

Ipe tapuji ma TUHAN ta Debata

4. O Jesus, ro ma Ho tuson, ai naung huungkap rohakon. 

Patongon asi ni rohaM, patolhas denggan ni basaM 

Tu au marhite TondiMi, Togihon au tu surgo i, 

Ai naeng tongtong disi hupuji goarMi. 

• Buku Ende 39 : BEHAMA PANJALONGKU

1. Behama panjaloku di Ho o TUHAN ki

Behama panomuku di Ho o Rajaki

Sondangi ma rohaku na holom na bodo

Ai naeng patupaonku las ni Rohaku di Ho

2. Pangisi ni SionMu do mangolophon Ho, 

rohaku lao mandapothon Ho 

Na ringgas do rohaku mamuji goarMi 

Na daulat do sangkaphu patulus rohaMi. 

3. Ai dang adong na hurang na pinatupaMon. 

Mambaen tu au sumuang, dame ni rohakon. 

Ai di na marsak ahu binaen ni dosa i, 

Ro Ho, ale Pangolu, mandaoni sahithi.

4. Tung aha ma alana umbaen ringkot rohaM

Tumopot manisia, da holong ni rohaM

Nda asi ni rohaMu di na tarsosak i

Ai naeng pangoluonMu sude naung mago i. 

5. Di na tarihot ahu, ro Ho mananggal au, Di na tarhurung ahu, Ho paluahon au. 

Ho do na pasangaphon na lea on hian,  

Ho do na pamorahon na pogos on hian. 

6. Hamu, na holso roha binaen ni dosa i, 

Tangihon boaboa na sian surgo i, 

Naung ro do Sipalua disuru Ama i, Pasonang roha muna mamboan dame i. 

7. Ndang be habiaranmu sude pangago i, 

Ai nunga ro Rajamu mangalo sasude. 

Maporus do luhutna dibaen Rajanta i, 

Rendep do sasudena di adopanNa i 

8. Ro do Ibana sogot di ari uhum i Ingkon di si tarsonggot parsosa na tois i

Alai na holong roha , marlas ni roha do

disi ma dohononNa pinuji Ho na ro

• Buku Ende 40 : LASBEMA ROHA MUNA

1. Lasbe ma roha muna na tigor roha i 

Naung ro do Raja muna mambuan tua i

Dang mangpanggortap i anggo di haroroNa 

Alai tuk do gogoNapadaohon jea i 

2. Ndang dilului rohaNa, dison sonangNa i, 

Di surgo habangsaNa, harajaonNa i. 

Ai naeng buni dope di tano on sangapNa, 

Dung tulus pe sangkapNa patar ma i sude. 

3. Hamuna, angka raja, oloi ma Raja on, 

Ai hangoluan muna do dipatupa on. 

Ai molo tois hamu, manjua di hataNa. 

Sai lalu do rimasNa mangago tu hamu. 

4, Hamu angka na sangap didok portibi on, 

Ibana do sumangap di hasiangan on. 

Sai bege hata i, sai unang ma mandali 

HataNa nang sahali tu roha muna i

5. Hamu na marsak roha di hasiangan on

Dibaen godang ni dosa na di portibi on

Sai hehe ma hamu padirgak ulu muna, 

Ai hamoraon muna, do Jesus i tutu. 

6. Tibu ma ulahanNa manopot jolma i 

Sude hasangaponNa tarida ma disi

Sai borhat ma hamu manomu Raja muna

Pagalak sulu muna Ibana ro tibu

• Buku Ende 41 : PARRIPE NI TUHAN TA

1. Parripe ni TUHAN ta, sai hehe ma hamu,
Sai jangkon ma Rajanta marroha na burju.
Girgir ma hita be marende di Ibana,
Manjouhon Hosianna, burju ma sasude.

2. Hamu na marsak roha jonok do Raja i,
Na ro mangapul roha ni nasa na tungki.
Torop nuaeng tahe, inganan hasonangan,
I ma partangiangan ni na porsea i.

3. Hamu na so mararta di hasiangan on,
Na mora do Rajanta naro tu huta on.
SarihononNa do saluhut na hasea Alai saluhut jea pabalionNa do.

4. Antong girgir ma hita manomu Raja i
Mangungkap di Ibana sandok rohanta i.
Denggan ta baen nuaeng dalanNa tu rohanta,
Na naeng pasonangonNa tiur ma i tabaen. 

5. Godang do lehononNa di hita sasude

Sai naeng do bongotanNa nuaeng rohanta be. 

Tung ise hita on manjua paluaon, Manjua pasonangon ni Raja i antong

6. O Jesus, sai bongoti ma dohot rohakon

Asi rohaM, ingani ma tondingki tongtong. 

Patiur langkangki lao tu banua ginjang

Ai naeng marsonang sonang, hupuji Ho disi.

Buku Ende 42 : HAMU SUDE NAUNG TINORUAN NI PATIK NI SI MUSA

1. Hamu sude naung tinoruan ni patik ni si Musa i 

Sai ro hamu tu hasonangan na di bagasan Jesus i 

Ai nunga ditostosi Jesus do i

2. Na ro ma Gurumi, tarehon pinggolmu tu podaNa i.

Naeng patuduhononNa dalan di ho nuaeng tu surgo i. 

Ai na buni anggo najolo, patar do di sude na olo 

Porsea di Tuhanta i. Ibana do na paboahon 

Salubut na hinalomohon ni Debata, AmaNa i. 

3. Na ro ma Rajami, sai jangkon, Ibana tu roham,

 ale HasangaponNa ditadingkon mambuat dangolmi tahe. 

Antong sai tiop ma tanganNa, paboa na nirajaanNa, 

Huhut niramotanNa ho. Mangmangkon ma burjum, paboa 

Tundalhononmu do na roa lao mangoloi Rajam naung ro. 

4. Gok situtu hamoraonmu di Jesus Kristus, Tuhanmi

Tangkas ma i naeng etongonmu, gotaphon sian rohami 

Luhut na olo mago sogot, ai ingkon gabe parsidohot 

Ho tu banua ginjang i. Saonari do halehetanna, 

Na jumpang ho hadenggananna, Sai jangkon Jesus, TUHAN mi

• Buku Ende 43 : PADIRI ROHA MUNA

1. Padiri roha muna hamu parroha i 

Naung ro do tua muna pasaehon dosa i 

Ro sian ginjang do maningkir sidangolon ni nasa hajolmaon naeng buatonNa do

2. Pauli di Ibana ma roha muna be, alai na so lomoNa 

Padao ma sasude dalanNa naeng ture 

Lao bongot tu rohanta, Ipe na tau sabatNa

Pabali ma sude

3. Parroha haserepon naeng topotonNa do

Parroha hajungkaton, sai aloonNa do. 

Parroha na ture, na unduk di hataNa, 

Na olo toguonNa, ditopot Jesus i 

4. Asi rohaM TUHAN ku parade ma au on, 

Manjangkon tu rohaku Ho, hatuaonkon 

Bongoti rohakon, disi ma Ho maringan, 

Sai Ho ma, ale TUHAN nampuna au tongtong.

• Buku Ende 44 : HAMUNA NA PORSEA I SAI TOMU TUHAN JESUS I

1. Hamuna na porsea i sai tomu TUHAN Jesus i pahehe roha muna

Jonokbdo ari pesta ni saluhut huriaNa i, ima hari hatutubuNa

Ipe hehema hamuna baen pantunna lao manjangkon na manopot hajolmaon 

2. Marlas ni roha situtu saluhut halak na burju 

Lao mangihuthon Jesus. Ipe pataridahon ma, 

Las ni roham di Debata, sangkapNa ma patulus. 

Puji, puji, Jesus Kristus na manobus tondi muna 

Sian hamagoan muna. 

3. Sigati roha muna be, sai tanda dosamu sude, 

paringkot roha muna. Manjangkon Sipalua i 

Na tuat sian surgo i manggarar utang muna

Tanda, hata, hangoluan na binoan ni TUHAN ta, 

Na pasae sude dosanta. 

4. Ai molo so diboan ho dosam tu Jesus i na ro, 

Ndang saut be ho malua. Tongtong ma songgop rimas ni Jahowa Debatanta i tu ho na hum manjua. 

I pe sude, angka dosa hinaroa ni rohamu, 

Pasesahon tu TUHAN mu. 

5. O Debata, asi rohaM tumatap hami, huriaM 

Sai taiti roha nami. Tu Jesus Kristus, AnakMi, 

Naung ro tu hajolmaon i baen hatuaon nami

Tomos, gomos, baen ma hami mardalani tu na sonang, 

Sahat tu banua ginjang. 

Buku Ende 45 : HOSIANNA ANAK NI RAJA DAVID

1. Hosianna Anak ni Raja David  ro tu hita

Baen ture dalanna i asa bongot tu rohanta

Baenma gaba gaba i di TUHAN ta na ro i 

2. Hosianna! Ro ma Ho tu bagasan roha nami, 

Na manomu nomu Ho, ale Jesus, TUHAN nami 

Las do roha nami i molo bongot Ho tusi. 

3. Hosianna...Raja ni Hadameon Ulu balang

Nasa na binoanMi, dame dohot hasonangan, 

Hami na hinophopMi do nampuna i sude. 

4. Hosianna! Tatap ma hami na nirajaanMu, 

Togu ma tu Debata, Hami, angka siseanMu

Sai sungguli hami on, Mangoloi hataM tongtong

5. Hosianna! Saut ma baen baga baga ni Jahowa. 

Nang buni dope nuaeng, hasangaponMi di jolma, 

Angka na porsea i do mananda gogoMi. 

6. Hosianna! Pargogoi, hami sasude, o TUHAN, 

Asa gabe pangoloi hami na di pardangolan 

Di hataM na denggan i asa pinatulus i

7. Hosianna! Anak ni Debata na gabe jolma, 

Topot ma huriaMi asa sai tongtong martua, 

Sangap ma di goarMi, saleleng lelengna i

ENDE DI HATUTUBU NI TUHAN JESUS 

• Buku Ende 46 : NA SIAN GINJANG DO AU RO

1. Na sian ginjang do au ro barita na imbaru do

Huhut na uli situtu Hu boan tu sude hamu

2. Naung tubu do saborngin on, anak ni na marbaju on 

Anak na uli situtu na gabe las ni rohamu. 

3. Ima TUHAN mu, Kristus i na ro mangontok jea i, 

Silehon tua di hamu huhut sisesa dosamu. 

4. Diboan hangoluan i situa ni Amana i

Ai naeng tu harajaon ni pasuangonNa jolma i. 

5. On ma partinandaan ni di bara dapotonmu i, 

Peak di parggagatan do huhut na binahutan do. 

6. Boti didok barita i tinongos tu parmahan i

Tu nasa hajolmaon pe ditongos Debata dope. 

7. On pe rohaku tanda ma, luhutma i patangkas ma, 

Ai ise Poso poso i Jesus, ale alem do i. 

8. Tuani ma Ho, Jesus ro, dangolhu dieahi Ho, 

dang marsineang rohaMi di au parhamagoan i. 

9. Longang tutu do rohaki marnida pangalahoMi

Nang gok di Ho portibi on, martohap Ho di dangolhon

10. O Jesus, haholonganki bongoti dohot rohaki

Pabali sian i sude na tau mangago au muse. 

11. Haleluya, Haleluya! Na ro tu hita Debata 

Martua hita baenon ni saleleng ni lelengna i

• Buku Ende 47 : DINA SABORNGIN I

1. Di na saborngin i do binsar panondang di tondi ta i

Padaohon saluhut na simpar lao patiurhon sasude 

Sondangon ni panondang on muse sandok portibi on

2. Ianggo ho, ale tondingku, sai jangkon ma Panondang i

Sai unang ma lea rohamu dibaen hametmetonna i

Pabalionna do sude, sibolis dohot dosa pe. 

3. Panondang on do papatarhon na so hea niidami. 

Dibahen i sai hangoluhon, sondangNa i tu tondimi

Ai i do hasonanganmi di na lao sego sasude. 

4. Dibahen i sai marsinondang ma baen haporseaonmi, 

Padenggan jala sai patorang roham ro di parangemi, 

Paboa na marguna do Panondang na ro i di ho. 

5. Jesus Panondang na umuli na pasonangkon rohaki,

Togihon ma tondingku muli tu surgo tu ingananMi

Sai pujionku Ho disi saleleng ni lelengna i

• Buku Ende 48 : RIA MA HITA SASUDE MAMUJI DEBATA 

1. Ria ma hita sasude mamuji Debata 

Girgir ma parendenta be ai i do na tama ai i do na tama

2. Diungkap Debata ta i banua ginjang i 

Disuru do AnakNa i hangoluan ta i...hangoluan ta i 

3. Ampuan ni AmaNa do, tinadingkonNa i,
Tu hasiangan on do ro,
tu pardangolan i...tu pardangolan i

4. Sitompa nasa na adong, sigomgom sasude
Ro songon i tu tano on
Manaon na porsuk i...manaon na porsuk i...

5. Dibahen i las situtu do rohakon nuaeng.
Hujangkon Jesus i tutu,
Ai sonang au dibaen...Ai sonang au dibaen

6. Antong hamuna sasude pardosa na tungki
Sai ungkap roha muna be
manjangkon Jesus i...manjangkon Jesus i

7. Ringgas ma hita sasude mamuji Debata
Gogo ma taendehon be Amen Haleluya...Amen Haleluya 

• Buku Ende 49 : SAI ROMA TU BARA DI BETLEHEM ON

1. Sai roma tu bara di Betlehem on

Hamu na porsea hatop ma tuson

Marnida halaman ni rohanta i 

Tinongos ni AmaNa di surgo i 

2. O, ida hamu ma di bara inon, Dakdanak na tubu disi borngin on. 

Uli do rupaNa, mataNa tiur. O bereng Ibana, ho gabe tiur! 

3. Las roha maria, nang Josep disi, Marnida na metmet, na sorang tusi. 

Marsomba tu patNa do parmahan i, Di ginjang marende pardisurgo i. 

4. Pasinggang ma totmu, hamuna sude, Maniru parmahan, marsomba muse. 

Marende hamu, na marlas roha i, Maniru suruan na di ginjang i 

• Buku Ende 50 : MARENDE MA HAMU
• 
  

1. Marendema hamu on ma dohononmu

Holong ni rohanta do posos poso on namareakhon hita tu atas tano on

TUHAN ki do Ho...TUHAN ki do Ho 

2. Malungun au di Ho o Jesus naung ro

Apulma rohaku saleleng au dison

Asi roham di au marnida dangolhon 

Taiti au tu Ho

Asi roham di au marnida dangolhon 

Taiti au tu Ho

3. Basa do Ama i disuru Anak i

Asa gararonNa sude utangta i | Huhut padirionNa, hasonanganta i, Aut na sahat au

Huhut padirionNa, hasonanganta i, Aut na sahat au

4. Tongtong di surgo i hasonanganta

Sai mariaria disi suruan i nang angka na badia, 

Naung tolhas ro disi na masihol au

Naeng tusi ma au

Naung tolhas ro disi na masihol au

Naeng tusi ma au

• Buku Ende 51 : TOLE PUJIMA TUHANTA

1. Tole pujima TUHAN ta, Tu Ibana ma rohanta asa girgir parendenta

Ale dongan Kristen i 

2. Dosa dohot hamatean, bolis dahot 

Talu ala naung diboan Jesus hangoluan i 

3. Sai tandai ma denggan basa ni Jahowa Debatanta 

Dibasahon do AnakNa baen hangoluanta i

4. I ma ro holong rohaNa, jolma do dibaen donganNa

Ddohot tu harajaonNa hita diarahon do

5. Nunga binsar panondangi haholomon disondangi

Na masihol i didaoni dipangolu do sude. 

6. Ale Jesus haholongan, boan ma tu hasonangan 

Hami na di parjalangan na mangkalungunhon Ho. 

7. Asa di joloM ma hami mangendehon ende nami 

Raphon angka dongan nami angka pardisurgo i.

• Buku Ende 52 : HATUAON DO LAS NI ROHA DO

1. Hatuaon do las ni roha do hatutubu ni Jesus i 

Mago do jolma roma TUHAN ta 

Lasbe...Lasbe ma rohanta i...

2. Hatuaon do las ni roha do hatutubu ni Jesus i 

Domu do hita tu Debatanta lasbe...lasbe ma rohanta i 

3. Hatuaon do las ni roha do hatutubu ni Jesus i 

Lasma rohanta mida TUHAN ta...Las be lasbema rohanta i

• Buku Ende 53 : DI BETLEHEM DO TUBU

1. Di Betlehem do tubu Di hita Anak i 

I do sian na burju hupillit rajangki

Idooo..ido...hupillit Rajaki 

2. Tu holong ni rohaNa hubonom rohakon

Hulehon di Ibana sude na di au on. Olo, olo, sude na di au on. 

3. Sai naeng haholonganku Ho, ale TUHAN ki

Nang marsak, las rohaku, ingkon lam ganda i. 

Olo, olo, ingkon lam ganda i. 

4. Burju naeng lehononku di Ho rohakinon. 

Asi rohaM, TUHAN ku, urupi au tongtong

Olo, olo, urupi au tongtong. 

5. Partohap di dagingku Ho, Debata hian

Tu Ho naeng au mardomu, Ho artangki hian. 

Olo, olo, Ho artangki hian. 

6. Sai unang sirang hita momosi ihot i 

Di holong ni rohanta, O Jesus TUHAN ki. 

Sai tong, sai tong di Ho ma rohaki

• Buku Ende 54 : SONANG NI BORNGIN NAI

1.Sonang ni borngin nai uju ro Jesus i 

Sonang modom do halak sude

Holan dua na dungo dope

Mangingani AnakNa Jesus TUHAN ta i 

2. Denggan ni bornginna i, uju ro Jesus i! 

Tu parmahan di Betlehem i, dipaboa na di surgo i 

Nunga ro Sipangolu, Jesus, TUHAN ta i. 

3. Godang ni tua disi di na ro Jesus i! 

Tung malua pardosa muse, sian hamagoanna sude, 

Ala ro Sipangolu, Jesus TUHAN ta i. 

• Buku Ende 55 : BORNGIN NA BADIA I

1. Borngin na badia itu do binoanMi ai ditongos Debata ta do 

Anak na gabe jolma alani pinujima naro sian Debata 

2. Na mardosa sasude, ndada pola mago be

Dipalua Jesus hita sian saluhut dosanta. 

Nang na holom sasude dipatiur Jesus pe.

3. Sangap ma di TUHAN i na mamboan dame i, 

Na mambahen manisia lomo ni TUHAN Jahowa. 

Borngin na badia i, i do na binoanmi

• Buku Ende 56 : SAI RO MA HAMUNA ANGKA NA PORSEA

1. Sai roma hamuna angka na porsea

Sai roma hamuna tu Betlehem 

Ida dakdanak Sipalua hita 

Ta sombama Ibana ta sombama Ibana

Ta sombama Ibana Rajanta i 

2. O Raja na sangap TUHAN ni saluhut 

Ditaon Ho na porsuk di tano on

Ala ni jolma na di hamagoan

Ta sombama Ibana ta sombama Ibana

Ta sombama Ibana Rajanta i 

3. Hamuna suruan pujima Jahowa 

Rap dohot sudena martua i 

Sangap di TUHAN Debata di surgo 

Ta sombama Ibana ta sombama Ibana

Ta sombama Ibana Rajanta i 

4. O Jesus TUHAN ku sai naeng pujionku 

PambaenanMu di au pardosa on 

Ai gabe jolma Ho humophop au

Ta sombama Ibana ta sombama Ibana

Ta sombama Ibana Rajanta i 

• Buku Ende 57 : NUNGA JUMPANG MUSE ARI PESTA I

1. Nunga jumpang muse ari pesta

Hatutubu ni TUHAN ta Jesus i 

Tuat do Ibana sian surgo i mebat tu hita on

Refrein  :

Hasangapon di Debata dame damema di jolma 

Las niroha ni Debata hajolmaon muse

2. Beta ale dongan tu Betlehem i 

Hita sombama Dakdanak na disi

Na tinongos ni Parasi roha i Debata Ama i 

Refrein  :

Hasangapon di Debata dame damema di jolma 

Las niroha ni Debata hajolmaon muse

3. Somba nami ma Ho na tubu on

Ho siboan dame tu portibi on

Sai pasaorhon ma tu roha nami on DameMi o Jesus 

Refrein  :

Hasangapon di Debata dame damema di jolma 

Las niroha ni Debata hajolmaon muse

- buku ende nunga jumpang muse ari pesta i

• Buku Ende 58 : MARTUMBUR TUNGKO TUNGKO NA DI SI JESE I

1. Martumbur tungko tungko na di si Jese i 

Na tubu Posoposo na pinarbaga i Ima TUHAN ta i sinuru ni AmaNa

Na di hita jolma i 

2. Parobur Sinurirangkon ni si Jesayas i, 

Ido na tinubuhon ni si Maria i 

Na saut ma jumpa i na pinarbagabaga ni Debatanta i. 

3. Mansai denggan rupaNa na marsinondang i, 

Nang pe pogos Ibana na gabe jolma i.

Tiur ma baenon ni roha ni hita jolma, na di na holom i. 

4. Pinuji ma Jahowa na asi roha i Dilehon do AnakNa, hangoluanta i. Girgir ma hita on mamuji Debatanta, ala basaninon. 

• Buku Ende 59 : O JESUSKI HUPUJI HO

1. O Jesus ki hupuji Ho dibaen naung gabe jolma Ho

Ditopot Ho do hami on na dangol di portibi on

2. Peak di panggagatan i do Anak ni Jahowa i 

Partohap di sibuk ta on do na pangolu hita on. 

3. Sigomgom parluhutan i, do na peak di bara i

Porsuk parniahapan ni na marmuduhon sasude. 

4. Ibana na tiur hian na sangap sian nahinan 

Do patiurhon tano on lao manondangi hita on. 

5. DiriNa dirumari do sangapNa ditinggalhon do, 

Manogu hajolmaon i tu Debata, AmaNa i. 

6. Na pogos ma TUHAN ta i manaon sude na porsuk i

Mamora hita baenon ni saleleng ni lelengna i. 

7. Ima binaen ni Jesus i pataridahon holong ni 

RohaNa na tongtong basa. Ipe tapuji Debata. 

• Buku Ende 60 : MAROLOP OLOP HAMU ALE SURU SURUAN

1. Marolop-olop hamu ale surusuruan pujima Jesus

Na ro paturehon dalanan tu surgo i di manisia sude

Songon na dapot ida on

2. Marolopolop hamu angka ujung ni tano

Puji ma Jesus TUHAN ta, Na ro suan surgo 

Domu muse, jolma pardosa sude tu Debata na di surgo

3. Tandama holong ni roha ni TUHAN Jahowa 

Ai dipatupa na tau halongangan ni roha

AnakNa i tubu di Betlehem i lao paluahon pardosa. 

4. Anak ni Tuhan Jahowa manjalo sibukta, 

Ise na tuk mangantusi pambaenNa di hita 

 Mungkap nuaeng dalan tu surgo dibaen asa girgir bongo bongotanta 

5. Dohot do au, ale TUHAN ditatap rohaMu

Dohot tu ahu dilehon Ho hatuaonMu. 

Las rohakon, naeng pujionku tongtong Ho, Sipangolu tondiku. 

6. Raja na sangap, na bolon, huhut marmulia, 

Na gabe jolma humophop sude manisia, 

Ho do tongtong, ihuthononku dison, Sai hutundalhon na roa. 

7. Ale Immanuel, tubu ma Ho di rohaku, 

Jalo ma i, ale Jesus, tongtong ingananMu. 

Topot au on baen ma au sonang tongtong jala sai gohi rohaku

8. Huhaholongi o Jesus, Ho alealengku, 

Jala goarMu na bolon tongtong pujionku. 

Jalo au on, jala urupi tongtong mangaradoti hataMu

• Buku Ende 61 : NA TAU LAS NIROHA 

1. Na tau las ni roha hatutubu ni Jesus Sipalua
Haholonganki...

Jesus Sipalua haholonganki...

2. Tung godang do dosa, pangunjunan pe,
Mangarsahi hita, paima mate be.

Maangarsahi hita paima mate be

3. Na so tarhatahon hamagoan i, 

Aut so tubu Jesus, Sipalua i.

Aut so tubu Jesus

Sipalua i

4. Tuhan Debata ku, Jesus, Ho doi

Nda tung be mandele na porsea i.

Nda tung be mandele na porsea i

5. Sai tarapul ahu Tuhan dibaen Ho 

 Tua na tumimbul, dame jumpang do.

Tua na tumimbul

Dame jumpang do

6. Sai mardongan Jesus, hinadenggan ni i

Nang tu au patulus halolomoMi.

Nang tu au patulus halolomoMi

7. Aut diboto dongan na sai burju Ho, 

Ra na marrongoman ro manopot Ho.

Ra na marrongoman ro manopot Ho

8. Halalas ni roha, nang na bernit pe,

 Sai tong tu na denggan panumpakna be.

9. Sai ditatap Jesus sian surgoi 

Jolma manisia, tinobusNa i.

Jolma manisia tinobusNa i 

10. Holsomi-holsoNa, dihilala i,

Sai pasonangonNa na ni ainNa i

Sai pasonangonNa na ni ainNa i

11. Tangan tanganonNa na porseai, 

Laos pasahatonNa tu na sonang i

Laos pasahatonNa tu na sonang i

12. Na mariaia do disi sude, 

Amen Haleluya, pamujina be

Amen Haleluya pamujina be

• Buku Ende 62 : HALALAS NI ROHA GODANG

1. Halalas ni roha godang na hubaritahon on

Nunga tubu Sipalua di hita jolma on

Refrein :

Hasangapon di Debata

Laos dame dame damema di jolma

Lomo niroha ni Debata di hita jolma on.

2. Ai saborngin on do binsar bintang di na holom i

Sumondangi hagolapon na di rohanta i

Refrein :

Hasangapon di Debata

Laos dame dame damema di jolma

Lomo niroha ni Debata di hita jolma on.

3. TUHAN Jesus hadomuan na disuru Debata, 

Na pasaehon sude dosa, di dolok Golgata.

Refrein :

Hasangapon di Debata

Laos dame dame damema di jolma

Lomo niroha ni Debata di hita jolma on.

4. Sai soodangi ma rohaku, ale TUHAN Jesus i, 

Asa dohot au maruli di harutubuMi.

Refrein :

Hasangapon di Debata

Laos dame dame damema di jolma

Lomo niroha ni Debata di hita jolma on.

5. Halalas niroha godang sai songgopi rohaki 

Asa dohot au ummalo mamuji goarMi

Refrein :

Hasangapon di Debata

Laos dame dame damema di jolma

Lomo niroha ni Debata di hita jolma on.

- halalas ni roha godang buku ende

ENDE DI TAON NA IMBARU

Buku Ende 63 : JESUS HO DO SAI TONGTONG 

1.Jesus Ho do sai tongtong dihaposi roha nami 

Nang di taon naimbaru on ingkon Ho do dongan nami

Tanda hot do padan i di bagasan mudarMi

2. Nang goarMu, nang hataM, ingkon dapot do begeon 

Di bagasan huriaM, na girgir lao paradehon 

Roha ni ruasNa i bahen bagas joroMi. 

3. Na binaenMu sasude, pangoluhon tondi nami, 

Nasa hatuaon pe naeng gomos tiopon nami, 

Nang di taon naimbaru on, hot di Ho ma hami on. 

4. Holan mardonganhon Ho, Jesus, naeng mardalan hami 

Bintang sipartogi do, Ho tongtong di dalan nami, 

Ai binaen ni sondangMi, tiur situtu ma i. 

5. Jesus, sahat ma tu Ho, nasa parsorion nami, 

Nang behape dibaen Ho, sai marguna do di hami. 

Raphon Ho tarapul be, roha nami sasude. 

• Buku Ende 64 : NAUNG MORU DO MUSE SATAON 

1. Naung moru do muse sataon huhut lam suda bohalhi

Beha do au na sai laon ture do pangalahoki

Lam ganda haporseaonku nang holong ni rohakupe di Jesus dohot

Debata ku nang di donganku sasude.

2. Aut alusanku Debataku, ra tung maila au disi, 

Marningot salpu ni rohaku ro di sude ulaonki. 

Ai dosa do binaen ni tangan, gok dosa nang rohaku pe

Nang pat, nang mata, nang pamangan luhut marsala do hape 

3. Aut nunga mate au nuaning, di dia tondingki tahe

Di hasonangan do ulaning rap dohot na badia i

Mamuji Debata do ahu dibaen asi rohaNa i, 

Manang na hona uhum ahu, di api na so mintop i

4. Dang dapot bilanganku dosa naung huulahon nasailaon, 

Huhut dang harajuman basa ni TUHAN Jesus nasailaon. 

Ndang dibaloshon Ho, TUHAN ku, tu au hombar tu dosaku

Sai dipalambas Ho rohamu marnida pangalahongki. 

5. Dibahen i antong hupuji denggan basaM sadari on

Ai pineakkon ruji ruji, i do na dapot sai tongtong. 

O Jesus, na marholong roha ingkon hupuji goarMi, 

Dibaen saluhut denggan basa tu ahu pinasahatMi. 

6. Antong, asi rohaM, dongani ma au tongtong tu jolo on, 

Pasahat ma au musengani tu surgo, dung tos hosangkon. 

Na olo do au mangihuthon, HataM, asal mangolu au, 

Naeng las rohaku pararathon baritaMi lam tu na dao.

• Buku Ende 65 : MAJUMPANG TAON NA IMBARU ON DI AU

1. Majumpang taon na imbaru on di au di baen Jesus 

Diaen rohaNa di au on basaNa dipatulus

Ibana do manogu au, saluhut jea dipadao

Mambaen las nirohaku

2. Dibahen i hupuji Ho, o Jesus Debata ku

Ai dang hea mangulon Ho mambaen partuaonku. 

Rohaku panuratan ni godang ni denggan basaMi, 

Ai Ho do pangurupi. 

3. Ipe dohot tu jolo on, Ho pangasahononhon, 

Marjea pe portibi on, martua au dohonon. 

Ai las rohaku, marsak pe, mangolu au, lao mate pe, 

Ho do hatuaonku. 

4. Di Ama, di AnakNa pe, di Tondi Parbadia 

Ma hasangapon sasude Ho jolma manisia, 

Tolopi ma pamujingkon, haposi ma haposankon, 

Ai sai tongtong rohaNa

• Buku Ende 66 : DEBATA BAEN DONGANMI

1. Debata baen donganmi lao mangula ulaonmu

Baen Ibana haposanmu sai paserep rohami 

Debata baen donganmi Debata baen donganmi

2. Debata baen donganmi molo Debata donganmu

Ndang dtarbaen Ho be lilu Sai ture do langkami

Debata baen donganmi Debata baen donganmi

3. Debata baen donganmi sai na saut do ulaonmu

Sai na tulus do sangkapmu jala sonang rohami

Debata baen donganmi Debata baen donganmi

- Buku Ende Debata baen donganmi

• Buku Ende 67 : HAMU ALE DONGANKU

1. Hamu ale donganku sai tiruma hataku

Mamuji Debata ta na pangoluhon hita

2. Sai songon na mardalan, tabolus angka taon

Disi dope hosanta, diudut Debata ta. 

3. Ai songon ina ina, manjaga anakkonna, 

Laos songon i TUHAN ta, dijaga do hosanta. 

4. Tutu do TUHAN nami, ndang haramotan hami 

Satongkin tondi nami, nang pe pamatang nami. 

5. Pinuji ma goarMu dibaen sude basaMu

Manatap na hasea, di hami na marjea. 

6. Asi rohaM, o TUHAN, tangihon pangidoan, 

Na hupasahat hami tu Ho, o TUHAN nami. 

7. Ramoti hosa nami ro di pamatang nami, 

Padao ma parsahiton, nang jea pe, o TUHAN 

8. Tumpahi na niula, di hauma nang di huta, 

Pasingkop bohal nami, mangudut ngolu nami. 

9. Sai dohot na umarga sian saluhut arta 

Tu hami ma tumpakkon, i ma TondiM, o TUHAN. 

10. Togihon hami sahat tu hangoluan sogot, 

Tumean hasonangan na di banua ginjang. 

• Buku Ende 68 : MASILELEAN ANGKA TAON RO DI UJUNGNA SOGOT

1. Masilelean angka taon ro di ujungna sogot

O Jesus lehon parohaon na naeng tongtong marningot

Di halalao ni aringki huhut manimbang ujungni

2. Diudut Ho do hosangki paida ida ahu

Manang adong parbue ni na niulaM di ahu

Hape jotjot tarhirim Ho Parbue i ndang olo ro. 

3. Ra naung tarrimas Debata marnida pambaenanku, 

Ra naung didok Tinaba ma, hau on na so dihangku, 

Ndang olo marparbue i tu aha be hasea i. 

4. Alai na niondihonMi, do au, umbaen mangolu. 

Ho do mandok tu Ama i Sai loas ma mangolu , 

Hau on, asi ma rohaMi, taon i pe lalu uhumMi. 

5. O Jesus, sai urupi au di taon na ro, mamboan 

Parbue angka na sai tau padaohon hamagoan. 

Sai pargogoi ma au tongtong pasangap Ho di ngolungkon. 

• Buku Ende 69 : UNGKAP BAHAL NA UMMULI

1. Ukkap bahal na ummuli, bagas ni Debata ki

Ai tu si do au naeng mulia, ganup juppang minggu i 

Hulului do di si, Bohi ni Debata ki

2. Nunga ro au oh TUHAN ku, Roma Ho tu au muse

Ai di bagas ingananMu, las ni roha do sude

Sai bongoti rohakon, baenma joroMi di son

3. Sai pattun pangalahoku maradophon BohiMi

Sai suruhon tu rohaku Tondi Porbadia i 

Asa sai tongtong ture tangiangku ende pe

4. Doshon hauma na dengganma rohaku di joloM

Sai lopokkonma na denggan tu bagasan rohakon

Sai tuppahi hataMiasa marparbue i 

5. Baen togu haporseaon di bagasan rohaki

Asa unang be rappason ni sibolis artaki

Sai ditogu hataMi ma au on tu surgo i 

6. Pakkulingi au TUHAN ku Asa hutangihon Ho

Patandahon tu rohaku na tau pasangaphon Ho

Sai pabosur tondiki dohot asi asiMi

• Buku Ende 70 : NAUNG SALPU TAON NA BURUK I

1. Naung salpu taon na buruk I

Ho ma hupuji TUHAN ki

Ai diramoti Ho tongtong 

Tondingku dohot daging on

Ai diramoti Ho tongtong 

Tondingku dohot daging on

2. O Jesus, sai asi rohaM, paian denggan ni basaM 

Muse di taon naimbaru on di nasa huriaM tongtong

Muse di taon naimbaru on di nasa huriaM tongtong

3. Sai tong paian hataMi na mangapuli roha i, 

Alai pangago sasude, padao ma sian hami be.

Alai pangago sasude, padao ma sian hami be.

4. Sai unang jujur dosa i binaen di taon na salpu i 

Urasi hami sasude asi rohaM di hami be.

Urasi hami sasude asi rohaM di hami be.

 5. Urupi hami mangoloi patikMu jala pargogoi

Lao manundalhon dosa i, nang nasa jat ni rohaki.

Lao manundalhon dosa i, nang nasa jat ni rohaki.

6. Lam Jonok taiti hami on tu hangoluan na tongtong 

Pahot ma di huriaMi jambarna na sumurung i

Pahot ma di huriaMi jambarna na sumurung i

- buku ende naung salpu taon na buruk i lirik

ENDE DI EPIPHANIAS

• Buku Ende 71 : O RAJA NA SUMURUNG 

1. O Raja na sumurung o Jesus TUHAN ki

Na so hea marujung do harajaonMi

Pasangap goarMu di hasiangan on paro harajaonMu di atas tano on

2. Parroha sian purba na ro sumomba Ho

Diboan silang lao pasangaphon Ho

Diula do bintangMu na marsinondang i 

Paboa nunga tubu Ho Sipalua i

3. Ho do marhasangapon hian, o TUHAN ki, 

Alai di hamoraon ndang ringkot rohaMi, 

Ndang ro Ho manjalahi. Ugasan tano on, 

Na porsuk do ditaoni Ho di portibi on. 

3. Laos tong do Ho marsangap huhut na songkal pe, 

BasaM do na gumortap, nang hatigoranMi, 

Sude na burju roha do diramoti Ho

Alai na jungkat roha sai aloonMu do. 

5. Asi rohaM di ahu, pamasuk ma au on

Tu na nirajaanMu, pasonang au tongtong. 

Sude na tau pangago, pabali sian au, 

Ai naeng tigor tu surgo, tongtong mardalan au. 

6. Lopokkon tu rohaku HataM na sintong i, 

Patiur ma rohaku marhite bintangMi. 

Ho ingkon oloanku rap dohot dongan i, 

Tongtong do Ho Rajangku nuaeng nang sogot pe. 

• Buku Ende 72 : HEHE MA HAMU PARBEGU

1. Hehema hamu parbegu asa tung tiur hamu

Ai naung binsar di ginjangmu do panondang di hamu

Haholomon muna i  disondangi Jesus i 

2.Na buni do nasailaon sangkap ni TUHAN ta i 

Ndang diboto hajolmaon dalan hangoluan i 

Tung na lilu do muse di pardalananna be

3. Salpu do nuaeng bornginna, binsar do panondang i

Nunga ro hatoranganna tu saluhut jolma i. 

Sai malua ma hamu sian haholomonMu.

4. Jesus, sondang ni tondiku na patiur sasude, 

Sai palua ma rohaku sian dosa sasude

Taiti dohot rohakon tu na tiur i tongtong. 

5. HapapatarMi, TUHAN ku ingkon manondangi au, 

Asa tong sonang rohaku, nang pe di na mate au. 

Manang aha pe na ro, hasonanganki do Ho

6. Togu au, ale TUHAN ku, sahat tu ingananMi, 

Asa sogot idaonku Ho di hasangaponMi, 

Pujionku Ho disi salelenglelengna i. 

Buku Ende 73 : BINTANG NI SI JAKOB I

1.Bintang ni si Jakob i pinarbaga baga ni Jahowa 

Na ringkot do rohaki pasangaphon Ho paboa

Na huhaholongi Ho na dung sian surgo ro

2. Sere naeng hulehon do, i ma haporseaonku

Ai naung dilopokkon Ho i tu au baen ugasanku

Sai polin ma sereki nang di haporsuhon i 

3. Timus ni haminjon ina manaek tu habangsaMu

Tangiangku nama i na huboan tu JoloMu, 

Sai pasiat hataki na mamuji goarMi.

4. Dohot mir huboan do ima arsak ni rohaku

Ala huarsahi Ho dohot godang ni dosaku

Sesa nasa dosaki jala jalo sombaki

• Buku Ende 74 : SAI MARLAS NIROHA HITA

1. Sai marlas niroha hita ale dongan Kristen i 

Sai tapujima TUHAN ta na pasaehon dosa i 

Ditogihon Jesus i hita tu huria i 

Naung dijangkon Debata ta hita on baen AnakkonNa 

2. TUHAN Jesus do Rajanta na manggomgom sasude, 

Niramotan ni tanganNa do luhut parhosa pe

Molo lao hataNa i ndang tarbaen so saut be i

Sai na tulus do nidokNa di saluhut manisia. 

3. O hamu, ale pardosa, molo naeng sonang hamu, 

Sai tangihon ma soara ni TUHAN ta i burju. 

Sai pauba rohaMu jangkon Jesus i tutu, 

Asa saut paluaonNa, tondi muna sian dosa. 

4. Nunga ro na mangapuli roha ni parbegu i

Sahat do nuaeng na uli tu na olo unduk di TUHAN Jesus, 

Raja i naung ro sian surgo i. 

Sai tapuji ma Ibana jala ta olo i hataNa.

Buku Ende 75 : NAUNG BINSAR DO PANONDANG I

1. Naeng binsar do Panondang i na mangatasi sasude

Na olo marsinondang sondangan ni

Ido sasude na di na holom i dope

Malungun di na torang

2. Ho do mangapul rohakon, o Raja ni portibi on 

Saleleng au mangolu sai Ho ma parjambaranki, 

dang olo au lohotan ni sude na olo salpu. 

Tu Ho ro do au na lea, na porsea di hataMu, 

Mangidohon panumpakMu.

3. Tung ise pasonangkon au Manang tu dia pe au lao, 

Sasada Ho huboto pangkilalahon holong ni 

RohaM di au na bojok i, na pogos jala oto. 

Unang loas au be Iilu, hinophopMu do tondingku. 

Ingkon Ho do tioponku. 

4. Las do rohaku mida Ho, o Jesus Kristus na dung ro, Mamboan hangoluan

Naeng pujionku Ho tongtong Saleleng au di tano on, nang di banua ginjang. 

Sangap, sangap digoarMu Ho Rajangku, huendehon hamuliaanMu TUHAN.

• Buku Ende 76 : SADA NAMA SANGKAP NIROHAKU

1. Sada nama sangkap ni rohaku di sandok portibi on 

Ndang tagamon na so las rohaku molo jumpang au inon

Naeng ma Sai ingoton ni rohaku na binaen ni Jesus tu tondiku 

Uju pinorsanNai saluhut na dosaki 

2. Ingkon Sai Ibana ingotonku, uju na tarpajal i.

Tu hau pinarsilang ginantungkon, sai mabaor mudarNa i 

Ai humophop au ditaon uasNa asa dohot au muse upaNa 

Ai ditatap do au on di pandokNa nunga sun

3. O Jesusku, sai paingot ahu di dosaku, di basaM

Ai andorang di na holom ahu dipalambas Ho rohaM. 

Nunga leleng dilului Ho do au na lilu, asa unang mago

Ditaon Ho na bernit i lao manobus tondingki. 

4. Gok di Ho ma au, ale TUHAN ku, jala Ho ma jambarhi

Dok ma amen, rongkom ma goarMu tu bagasan rohaki 

Lomo ni rohaM ma sungkunonku di sude na naeng ulahononku 

Olo, i ma padanki tu Ho, Jesus TUHAN ki

ENDE DI HAMAMATE NI TUHAN JESUS 

Buku Ende 77 : HAMU SALUHUT HALAK ROMA HAMU

1. Hamu saluhut halak roma hamu manatap hangoluanmu on 

Na gantung di parsilang tumahan hamatean

Naeng ingotonmu i tongtong 

2. Patangkas ma luhutna Sap mudar do dagingNa, 

Sai hir hodokNa i, Buas huhut hosaNa 

Hinorhon ni bernitNa, mudar sude dagingNa i

3. Aha do manginona tu Ho silehon tua di hajolmaon i

So dung hea mardosa Ho doshon hami jolma. 

Ndang dung dibaen Ho dosa i. 

4. Au on ro di dosaku na so tardok rohaku 

Dibaen godangna i, i do na pinorsanMu 

Disi, ale TUHAN ku marsipal Ho binaen ni i

5. Sandok mauliate, do au di Ho, naung mate 

Lao pangoluhon au. Sai tong parrohaonku, 

Na busuk bunuonku, tu Ho sambing marguru au. 

6. Ilu iluM, o Jesus, mudarMu pe na durus, 

Nang angguh anggukMi i ma parhiteanku, 

Di na lao tos hosangku manopot hasonangan i

Buku Ende 78 : O ULU NA SAP MUDAP

1. O Ulu na sap mudar binaen ni bugangMi

Na sian jangan jangan si sungsang duri i

O Ulu hatongamon hian do tumpalMi

Di taon Ho haleaon Ho naeng sombaonki

2. O bohi parsinondang, na sangap situtu,

Boasa tung marlangan sap ijur hurumMu 

Tung aha ma alana, umbaen homur mataM

Na mintop do sondangna di na lao tos hosaM. 

3. Au on tama, o TUHAN, manaon na tinaonMi, 

Dosaku do diporsan Ho na tarsilang i

Sai tatap ale TUHAN, au na di joloM on, 

Huhut sai patuduhon basaM tu rohakon

4. Ai Ho do Siparmahan au pinarmahanMi, 

Sai Ho do haroroan ni hatuaonki. 

Sai Ho do haolhaolonku marningot bugangMi, 

Sai Ho do tioponku marningot mudarMi. 

5. Las situtu rohaku huhut mansai sonang, 

Marningot pangkophopMu di ahu nahinan. 

Ndang be huhabiari nuaning dosaki

Tung mate au saonari, martua au disi. 

6. Mandok mauliate do rohakon nuaeng Di Ho naung olo mate, ai sonang au dibaen 

MudarMu i na durus, nang angguhanggukMi. 

Sai jalo au o Jesus, di hamamateki

7. Di na tadingkononku sude di tano on. 

Disi, ale TUHAN ku, dapothon ma au on

Di na ponjot rohaku manostos hosangki, 

Sai jangkon ma tondingku marhite mudarMi! 

8. Ho ma pangondinganku, siapul rohaki. 

Di na lao tos hosaku, di hamamatengki. 

Disi ma ingotonku sude na tinaonMi. 

Na timbul do tuangku lao mate songon i. 

• Buku Ende 79 : DI NA PONJOT ROHAKU

1. Di na ponjot rohaku binaen ni dosaki

Paingot au TUHAN ku di hamamateMi

Di hau pinarsilang I digarar Ho utangku marhite mudarMi

2. Tama longan rohaku mamingkir hata on

PangkophopMi, TUHAN ku di au pardosa on

Ai hosa ni AnakNa i dilehon Debatangku, tumobus tondiki. 

3. Tung aha panginona ni dosaki di au

Ai asi ni rohaNa do paluahon au

Dibaen naung mate Jesuski, dang be habiaranku banua toru i

4. Antong, sai pujionku do Ho, o Jesuski. 

Marningot na tinaonMu di hamamateMi, 

Marningot angguhanggukMi, ro di sude na bernit na tinaonMi disi, 

5. Laos i ma pajujuhon, rohaku sai tongtong, 

Manggotap hajahaton sian rohakinon, 

Unang huhalupahon be halojaonMu TUHAN nang tung satongkin pe. 

6. Urupi au, o TUHAN, tumaon di tano on 

Saluhut parsorion na songgop tu au on. 

Ho ma hutiru sai tongtong manaoni na so uhum na di portibi on.

7. Sai naeng ma tiruonku pambaenanMi di au 

Tu sasude donganku, Jesus, urupi au 

Mangkaholongi donganki, unang tung marpambuat nang marpangansi pe. 

8. Sai sonang ma rohaku binaen ni bugangMi, 

Di na lao tos hosangku marningot mudarMi

Pos ma rohaku baenon ni pamasuhonMu ahu, marnida bohiMi. 

• Buku Ende 80 : MAUAS JESUS

1. Mauas Jesus atikpe Ibana mual hangoluan i hian

Ingkon tahanonNa do uasNa di hau pinarsilang nahinan

2. Holong ni rohaM, o TUHAN Jesus , Ise ma na tuk mandodo i

ParungkilonMi do na manobus au na mago ala dosa i. 

3. Aha, Jesus hinauashonMu, uju songon i marsipal Ho

O, huboto, na hinophopanMu, au ro di saluhut jolma do. 

4. Tung tarbaen au jogjong di lambungMu, maol jala mingguk rohaki  

Dao ma i, sai naeng parsintaonku. Ho, o Jesus, hatuaonki

5. Dohot do au mauas tung leleng do hulului hasonangan i 

Loja au andorang so huboto, Ho sambing o Jesus mual ni

6. Sai asi rohaM di au TUHAN ku sai sombu ma baen uashi

Buri au ale dohot mudarMu  asa tong mangolu tondiku 

Buku Ende 81 : JESUS MUAL NI NGOLUNGKU

1. Jesus mual ni ngolungku sipangolu tondiki

Ai dibunu Ho musuku ima hamatean i

Ho manaoni hamagoan patupahon hangoluan

Alani hupuji Ho tung marribu hali do

2. Haleaon insak insak rehe rehe tijur pe

Tali dohot pastap pastap tung ditaonhon Ho sude 

Paluahon au na pogos sian tangan ni sibolis 

Ala ni hupuji Ho tung marribu bali do.

3. Bugang sada tanggurungMu di na hona linsing i

Hamamalum ni bugangku na di rohaki do i

Ho do gabe binuraan, au dapotan hangoluan. 

Ala ai hupuji Ho tung marribu hali do. 

4. Sungsang duri ditumpalhon, panginsahi i tu Ho, 

Jala tolong dilibashon tu uluM, pasiak Ho. 

I ditaonhon Ho, TUHAN ku ala ni hajungkatonku. 

Ala ni hupuji Ho tung marribu hali do

5. Tung tanganMu dohot patMu ditorusi labang i

Jadi tiris ma mudarMu sian hau parsilang i. 

I do mual paridian di au, jolma na hansitan. 

Ala ni hupuji Ho tung marribu hali do. 

6. Sai pinuji ma GoarMu ala ni na bernit i 

Dohot ala ni mudarMu Jesus na nilehonMi 

Lao pasaehon dosa nami asa unang mago hami. 

Ho hupuji ala mi saleleng lelengna i. 

• Buku Ende 82 : O JESUSKU TU BUGANGMU RO MARSOMBA

1. O Jesus ku tu bugangMu ro marsomba rohakon

Sai tarpuji sai tarpuji pamalum tondikon 

2. Tung di PatMu o Jesus solsolanku rohaki 

Tangisanku na tinaonMu ala jat ni rohaki

3. Tu TanganMu ma tondiku jumpa hamamateki

Tu lambungMu o TUHAN ku ala na tinobusMi

• Buku Ende 83 : NA LAO DO BIRU BIRU I

1. Na lao do birubiru i mamorsan angka dosa

Ni nasa hajolmaon i di benget nirohaNa

Diporsan do sahit ta i  dilehon do diriNa i tu tangan ni Pasuruan

Ditaoni do na bernit i ro di na tos hosaNa i  didok naeng porsanonku

2. Ianggo birubiru i, i ma alealengku na paluahon tondiki 

Disuru Debataku. Didok mandok AnakNa i

Sai topot ma pardosa i naung sun tinoruanku. 

Balga tutu do rimashi, alai tarbaen do mombun i 

Horhonon ni mudarMu.

3. Na olo au ale Amang, sian sandok rohaku 

Pasauthon lomo ni rohaM, roham sambing do guru.

O holong ni rohana i tung aha do tudosanMi, 

Na songon Ho margogo Dilehon Debata hape Anakna, 

lao manaon sude sitaonon ni na mago. 

4. Saleleng na mangolu au naeng ingotonku Jesus, 

Sude na binaenMi di au hataM naeng hupatulus. 

Ho naeng haholonganku do huhut ihuthononku Ho 

Di dalan hangoluan tung ingkon Ho nampuna au, 

Mangolu manang mate au sai Ho do tioponku, 

5. O TUHAN, hinauliMi sai naeng endehononku, 

Diringku ma peleanMi na naeng seahononku O Jesus,

 jalo ma au on pasiat ma pamujingkon, 

Baen sangap di goarMu Pasahat au tu surgo i 

Marhite hite mudarMi baen intan di tumpalMu.

• Buku Ende 84 : AUT NA GINORGA TU ROHAKU

1. Aut na ginorga tu rohaku BohiM dina lao mate Ho 

Aut na huingot o TUHAN ku tongtong pangkophopMi di au

Ai Ho do paluahon au dosaku do pinorsanMi 

Didaoni Ho parsahitonku martua au binaen ni i. 

2. Sai jalo ma au ale TUHAN ku, baen upa ni na tinaonMi,

Sai naeng ingoton ni orangtua tung sasude na binaenMi

Humophophop au pardosa godang dibahen holong ni rohaM, 

Hinorhon ni tarbaen au sonang lao mandapothon banuaM. 

3. Mauliatema rohaku di Ho o Jesus TUHAN ki

Ho naeng tongtong haholonganku marningot denggan basaMi 

Antong, sai tiop ma tanganku manogu au tu lambungMi

Dijalo Ho do tangiangku Sai pos do rohaki disi.

• Buku Ende 85 : SAI INGOTON NI ROHAKU

1. Sai ingoton ni rohaku hansit naung ditaon TUHAN ku

Uju i di Golgata

1. Na so dung adong sarana gabe ampe tu Ibana 

Dosa ni portibi on 

2. Tung so dapot huhatahon haporsuhon na ditaonhon

Holan ala dosaki

3. Ingkon Ho sai oloanku sipangolu au TUHAN ku

Sian nasa rohakon

• Buku Ende 86 : SILANG NA BADIA I

1. Silang na badia i Ho do lombu lombuki

Maralohon dosa idoohot pandelean i

Di sude sitaonon i Ho ma lombu lombuki

2. Nasa na hu ula i, dang tau hasonanganki 

Nang ringkot pe rohaki, pola ro nang ilungki 

Holan asi ni rohaM, pangurupi, o TUHAN. 

3. Ro do au nuaeng tu Ho, sai palambas ma rohaM

Nunga pola mate Ho, ala asi ri rohaM 

Jangkon au na dangol on, sai ulosi tondikon. 

4. Dosa patundukkon au, Ho ma mangondihon au. 

Ramun situtu do au, mudarMi mamuri au

Na pogos, dangol au on, Ho ma artanki tongtong. 

5. Silang na badia i, Ho do lombulombungki

Molo puas hodokki di na suda bohalhi, 

Di sude sitaonon i, Ho ma lombu lombuki. 

 

• Buku Ende 87 : HO TINOBUS NI TUHANMU

1. Ho tinobus ni TUHAN mu tung jonok do Debatam

Sai pasada pingkiranmu asa tong tutu sabam

Sai pabulus Sai patulus tu TUHAN mu ma roham

2. Sai timbangi di rohamu pangkophopNa i sude

Ai tung ala ni dosamu do tarsilang TUHAN mi. 

Baen malua, baen martua, hita na tarjea i. 

3. Haberengan ho TUHAN mu di hau pinarsilang i

So uhir tu pingkiranmu hansit na tinaonNa i 

Sai tohoi, sai oloi, holong ni rohaNa i.

4. Naeng bagas arsakkononmu, sasudena dosami, 

Asa hangoluhononmu na tinaon m TUHAN mi. 

Sai ringkoti manopoti nasa hadosaonmi. 

5. Mangasahon na tinaonmu, tundalanku dosaki.

Sai pasonggop pangkophopMu tu sude pingkiranki. 

Naeng tondingku, nang dagingku, upa ni na tinaonMi. 

6. Na so tupa datdatanku mangulahon dosa i. 

Na so jadi arsahanku, Ho Parngolu, TUHAN ki. 

Sai tarhilas ma rohaMu mida au hinophopMi

7. Nang dokdok pe siporsanon mian au di lambungMi 

Habengeton, hatomanon, disahaphon silangMi. 

Ho Rajangku, Ho TUHAN ku, ro di hamamatengki. 

8. Pangkophopon ni TUHAN ku na tongtong hutiop i

Holan i pasaut langkaku masuk hasangapon i,

Lao martomu, lao mardomu tu TUHAN ku Jesus i. 

• Buku Ende 88 : JESUSKU NAUNG MANOBUS AHU

1. Jesusku naung manobus au sai naeng haholonganku Ho

Tu Dolok Golgata Ho laho ni onjar ni holongMu do

Hupuji nasa asiMi alai gumodang holongMi

2. Tarsolsolbagi do rohaku paida ida dangolMi

Marningot sasude dosaku, ai i do na tinaonMi. 

Hupuji nasa asiMi alai gumodang holongMi. 

3. Jotjotna i husoadahon Ho, Sipangolu tondikon. 

Mabiar lao mangkatindangkon Ho na mangkophop au tongon.

Hupuji nasa asiMi alai gumodang holongMi. 

4. Bagas uhirhon tu rohaku, pangkophopMi humophop au 

Tusi ma togu pingkiranku, guru di Ho sambing ma ahu

Hupuji nasa asiMi alai gumodang holongMi. 

ENDE DI HAHEHEON NI TUHAN JESUS 

• Buku Ende 89 : ALE DIDIA SOROPMI NUAENG

1. Ale didia soropmu nuaeng o hamatean

Didia haminanganmi nuaeng banua toru

Na talu do hamu sude na talu do sibolis pe ai ditaluhon Jesus 

2. Nang pe manggogo ulok i mangalo ulubalang 

Laos talu do tongamna i dibaen na somal monang 

Tambihul ni diturbing pe laos so tarbaensa monang be 

Tarlisat do uluna. 

3. Mangolu do naung mate i, hurungan dilohahon

Dirante do musuna i tabanna diarahon. 

Tung ise na mangate be mangalo ulubalang i, 

Na so tarbaen so monang

 

4. Mangolu do TUHAN ta i na hehe do Ibana

Ditaiti do ruasna i mangihut tu Ibana. 

Ndang tinggal di tanoman i saluhut na porsea i 

Di hata ni TUHAN ta. 

5. Ai manang ise na burju paubahon rohana, 

Na mangalehon situtu, di Jesus i rohana, 

I do dongan ni Jesus i tumean hangoluan i 

Saleleng ni lelengna 

6. Marlas ni roha hita on di ari haheheon 

Ai tua nang di tano on di surgo pe dilehon. 

Dison tahirim i dope disi pe idaonta be, 

Suman tu Jesus hita 

7. O hamatean, talu ma! Sai talu ho sibolis 

Banua toru talu ma ai i do naung tartulis. 

Tapuji Debata ta i, dibaen hamonangan ta 

Marhite TUHAN Jesus. 

- Buku Ende marlas ni roha hita on

• Buku Ende 90 : SAI TAPUJI DEBATANTA

1. Sai tapuji Debata ta ale hajolmaon i 

Ai naung hehe do TUHAN ta sian hamatean i 

Dipasidung Jesus i ulaon na sasude 

Patupahon haluaon di saluhut hajolmaon 

2. Anggo utang ni dosaku digaran Jesus i

I do haporseaonku di na tinaonNa i. 

Nunga tulus patik i, nunga mintop rimas i,

Di na hehe i Ibana, ro di au hangoluanna. 

3. Ia ho banua toru, nunga harhar talimi

Ai dung hehe na gumogo, loha do hurunganmi. 

Surgo i tarungkap do, dung ditaban Jesus ho, 

Gabe tu hangoluanna, diarahon do donganna. 

4. Dohot ho, o hamatean, nunga mago soropmi, 

Suruhonku pe udean, ndang na tinggal au disi, 

Anggo au mangolu do sai mangolu dohot ho

Ninna Jesus tu rohaku molo ro hamateanku. 

5. On tongtong do huhalashon Nunga hehe Jesuski. 

Dohot ma hamu donganku angka na tinobus i, 

Sai tapuji Debata, sai tadok Haleluya 

Na mangolu do TUHAN ta alani sai las roha ta 

• Buku Ende 91 : HATUAON DO LAS NIROHA DO HANGONGOT NI TUHANTA I

1. Hatuaon do las ni roha do  hangongot ni TUHAN ta i 

Mago do hita ngot ma TUHAN ta

Las be... las be roha ta i 

2. Hatuaon do las ni roha do hangongot ni TUHAN ta i

Monang do Jesus talu sibolis 

Las be las be ma roha ta i 

 

3. Hatuaon do las ni roha do hangongot ni TUHAN ta i. 

Mungkap do dalan tu hangoluan. 

las be, las be ma roha ta i

4. Hatuaon do las ni roha do harbongot ni TUHAN ta i 

I ma gogonta dompak dosanta. Las be, las be ma rohanta i 

5. Hatuaon do las ni roha do hangongot ni TUHAN ta i 

Monang ma hita jumpa ajal ta. 

Las be, las be ma roha ta i

 

• Buku Ende 92 : PUJIMA NA MANALUHON DOSA HAMATEAN I

1. Pujima na manaluhon dosa hamatean i

Pujima na pangoluhon saluhut pardosa i

Jesus na dung mate i las roham o HuriaNa 

Ala na mamillit Ho Jesus i mangolu do

2. Tole hita mangendehon halalas ni roha i

Dohot marolop olop sangap ni na monang i

Na tongtong mangolu i tole hita mangendehon 

Halalas ni roha i di parngolu Jesus i

2. I do Ias ni roha nami lao mamuji muji Ho, 

Ndang be sitoruan hami ala na dung mate Ho. 

Dungkon ni mangolu Ho nunga ringan tondi nami 

Sian hangoluanMi ala hamonanganMi. 

4. Uju i, di na manogot di na buha siang i, 

Mijur do surusuruan laho tu tanomanMi. 

Dung diungkap batu i. 

Dipahundul ma Ibana, Paboahon di na ro ndang be di bagasan Ho. 

5. Tu tanoman si Maria paturehon bangkeMi, 

Tung beha ma di rohana dung dibege hataMi

Dohot mangalusi i Au pe, idaonku sogot, 

Ho dihasangaponMi. Ho, o Jesus, TUHAN ki

6. Molo hehe pamatangku, molo pinasangap au, 

Idaonku Debata ku, Jesus Sipangolu au, 

Suman tu Ibana au molo hehe pamatangku, 

Jadi ngolungoluMi gabe hangoluanki. 

7.  Ala ni sai las rohaku nang pardagang au dope, 

Ho tinatap ni mataku, atik pe na dao dope. 

Mian do TondiM di au asa tong togu rohaku, 

Mangeahi surgoMi paima sahat au tusi.

• Buku Ende 93 : PESTA PASKA HATUAON 

1.Pesta Paskah hatuaon, pesta Paskah haluaon sian hamatean i

Sian hamatean i 

TUHAN Jesus do pasuang hangoluan

Hasonangan tu saluhut jolma i 

2. Talu ho banua toru ndang tarbaen tioponmu

Raja Siparngolu Raja Siparngolu i

Hamatean hamagoan na so pola habiaran nunga talu i sude

3. TUHAN Jesus do na monang 

TUHAN Jesus do pasuang 

Las ni roha dame pe las niroha dame pe

Dongan golom ma hataNa na porsea di Ibana

Ndang tarbaen mago be

4. Sai tapuji ma TUHAN ta na pabongot tu roha ta

Roha pangkirimon i roha pangkirimon i

Ia mate pe donganta sogot ingkon idaonta

Saluhut di surgo i

Buku Ende 94 : ALE TONDINGKU NAUNG HEHE TUHANMU

1. Ale tondingku naung hehe TUHAN mu
Nunga ditaban do banua toru
Las ma roham ai martua ma ho
Rap dohot Jesus mangolu ma ho
Rap dohot Jesus mangolu ma ho

2. Talu sibolis dibahen TUHAN ta
Nang hamatean nang dosa sudena
Sai dihalashon roha ta ma i
PangoluonNa do hita sude
PangoluonNa do hita sude

3. Ta haburjuhon mangalo dosanta
Jala tabaen TUHAN Jesus donganta
Pos ma rohanta di TUHAN ta i
PamonangonNa do hita sude
PamonangonNa do hita sude

• Buku Ende 95 : HALELUYA TA ENDEHON NUAENG DI ARI HAHEHEON

1. Haleluya taendehon
nuaeng di ari haheheon
TUHAN ta Siparmonang i
ai malua do Ibana
Haruar sian tanomanNa
Na talu hamatean i
Sun ulaonNa i
dibaen TUHAN ta i Haleluya
Naung sahat di TUHAN ta i
UpaNa na sumurung i

2. Tongam di parungkilonNa dipangke Jesus i gogoNa
Mangalo sipangago i hita naung pinarhatoban
Ni setan dapot haluaan dibaen hamonanganNa i
Naung sae utangta i digarar Jesus i Haleluya
Di TUHAN i rohanta i saleleng ni lelengna i

3. Na so pola habiaran ni hita on be hamatean
Ai hita pe sai hehe do molo burju taihuthon
TUHAN ta i di parungkilon sai ingkon tu lambungNa ro
Diboan Jesus i do hita on muse tu lambungNa
Parmonang i sai saut ma i binaen ni hagogoonMi

4. Ale ari haheheon
Beha ulaning hilalaon
Ni rohakon di tikkimi dang hapalang las ni roha
Di hasosohot ni na roa rodi sude na hansit i
O Jesus togu ma bangsoM tu Debata tu na sonang
O Rajangki naung hehe i pasahat au tu lambungMi

• Buku Ende 96 : NUNGA TALU HAMATEAN

1. Nunga talu hamatean dibaen TUHAN Jesus i
Ai na hehe do Ibana songon na nidokNa i...

Haleluya, Haleluya... nunga hehe Jesus i

Haleluya, Haleluya... nunga hehe Jesus i

2. Ia angka boru boru lao do tu tanoman i
Dang disi be TUHAN Jesus nunga hehe sian i

Haleluya, Haleluya... nunga hehe Jesus i

Haleluya, Haleluya... nunga hehe Jesus i

3. Marlas roha be ma hita ala hehe Jesus i
Ai malua sude hita sian hamagoan i

Haleluya, Haleluya... nunga hehe Jesus i

Haleluya, Haleluya... nunga hehe Jesus i

4. Sai tapuji ma TUHAN ta na marholong roha i
Tapasangap ma Ibana na marasi roha i

Haleluya, Haleluya... nunga hehe Jesus i

Haleluya, Haleluya... nunga hehe Jesus i

ENDE DI HANANAEK NI TUHAN JESUS 

• Buku Ende 97 : INGOTONMA SADARI ON PARNAEK NI TUHAN JESUS 

1. Ingotonma sadarion parnaek ni TUHAN Jesus

Tu habangsaNa na tongtong na so tarbaen be meret

Ta sombama TUHAN ta i naung mulak tu AmaNa i

Tapujima Ibana

2. Ai nunga mungkap dalan i di angka na porsea

Lao mamongoti Surgo i malua sian jea, 

Naung mangonai tu sasude na mangulahon dosa i. 

Pinuji ma TUHAN ta

3. Ianggo las roham tutu di Jesus i, Tuhanta, 

Pauba ma roham burju ihuthon ma Ibana 

Oloi hataNa sasude, sai tiru pambaenanNa pe, 

Saleleng ho mangolu.

4. Ai mulak do TUHAN ta i di ari paruhuman

sai dabuonNa do disi sude parhajahaton 

tu api na so mintop i  alai haholonganNa i

tu surgo bahenonNa

5. O Jesus TUHAN nami on asi rohaM di hami 

sai tatap hami na dison di paraloan nami

patogu hami sasude tumpahi hami monang be

Ro di ujungna sogot

• Buku Ende 98 : NAUNG MANAEK DO HO

1. Naung manaek do ho lao tu surgo do ale Jesus Raja  nami

Ho do ihuthonon nami Ho partogi i lao tu surgo i

2. Maol do dalan on, togu hami on, Asa tung malua hami sian angka musu nami, 

Na di tano on. Togu hami on

3. Suri ma tondiM singkat ni bohiM, 

Tu bagasan roha nami manogihon tondi nami, 

Lao tu surgo i, tu adopanMi. 

• Buku Ende 99 : O ULU BALANG NA GOGO

1. O Ulu Balang na gogo songon sadari on do Ho manaek tu hasangapon

Naung sidung do ulaonMi na ringkot patupaonMi humophop hajolmaon 

Sabam tongam do Ho muli tu nauli 

Marhabangsa di siamun ni Jahowa

2. Marloksa loksa Serapim, marribu ribu Kerubim 

Mamuji Ho na monang dibaen naung pinadomuMi 

Saluhut manisia i tu Debata di ginjang. 

Puji, Puji, Jesus Kristus naung patulus saluhutna 

Tinonahon ni AmaNa. 

3. O Jesus, Ho do ulu ni luhutna na porseai, 

Ruasmu anggo hami, Ho hangoluan nami on

Ho hasonangan nami on, Ho hagogoan nami 

Suru, togu, roha nami asa hami mangalehon 

Tu Ho nasa hasangapon 

4. Sai taiti roha nami on, urupi hami on tongtong 

Mangalo dosa nami, paias roha nami be, 

Parange nami baen ture, nang pangkataion nami. 

Tompa roha, na imbaru, asa haru monang hami, Maralohon dosa nami i. 

5. Pabulus langka nami be, patigor dalan nami pe 

Lao tu banua ginjang. O Jesus, tatap hami on, 

Na so tarbaen di tano on, Mardeme manang sonang 

Sonang, monang, di lambungMu bahenonMu hami sogot 

Dung tu surgo hami bongot 

• Buku Ende 100 : MARDONGAN OLOP OLOP MA NAEK TUHANTA I

1. Mardongan olop olop ma naek TUHAN ta i 

Jinangkon ni na torop suru suruanNa i 

Antong nang hita pe ta pujima TUHAN ta 

Marende ende hita marolop olop be

2 Na mulak do TUHAN ta tu habangsaNa i 

Tu lambung ni AmaNa di siamunNa i 

Disomba sasude na di banua ginjang 

TUHAN ta i na monang, ro sian tano i

3. Tatimbang ma lapangna umbaen na songon i, 

Ai naeng ma dohot hita tumopot surgo i. 

Antong, taingot ma ianggo TUHAN Jesus, 

Ibana do patulus, nidok ni Debata. 

4. Ditaon do hamatean, humophop hita on, 

Pature pardalanan na sian tano on, Manogu huta be tu lambung ni AmaNa 

Disi, di adopanNa naeng sahat sasude. 

5. I pe ringgas ma hita mangalo dosa i, 

Manggotap roha daging, nang hajahaton pe. 

Tahalungunhon be TUHAN ta na di ginjang 

Ibana do na monang, i ma ta tiru be. 

6. O Jesus TUHAN nami asi ma rohaMi 

sai sesa dosa nami palua hami be

pamasuk hami on tu hangoluan sogot

sai loas hami dohot mamuji Ho tongtong.

• Buku Ende 101 : TAITI GOGO IHUT TU HO

1. Taiti gogo ihut tu Ho palingan roha nami
Tu surgo i IngananMi o Jesus TUHAN nami

2. Togu tongtong ma hami on di dalanMi tu surgo i
Anggo so i oloanMi sai saut do hami mago.

3. Alai tahe, suraon be, so oloanMu hami ! PinorsanMi do dosa i lao paluahon hami.

4. Dibahen i, o Jesus ki sai naeng ihuthononku do hataMi, nang langkaMi, saleleng au mangolu

5. Taiti gogo ihut tu Ho, au tu banua ginjang. Asa disi pujionki, denggan basaM, oh TUHAN

ENDE DI HASASAOR NI TONDI PARBADIA

• Buku Ende 102 : O TONDI PARBADIA I BONGOTI ROHA NAMI BE

1. O Tondi Parbadia i bongoti roha nami be ro Sipatiur roha
O sondang sian surgo i sondangi roha nami be tu halalas ni roha
Asa masa patupahon pinodahon ni HataMi
Sai tu hami ma rohaMu

2. Ho do silehon roha i di nasa na porsea i,
Tumpahi roha nami! Patogu roha nami be,
Pasaor hataM tu sasude sai tong dongani hami,
On pe sude, parrohaon, hatuaon lehononMu.
Sipujion do GoarMu

3. Sai pargogoi ma hami on mangihut ihut hataMon
Di pardalanan nami, haporseaon nami pe
Tambai tung masa aha pe na bernit taonon nami.
Tatap, tatap sude hami, roha nami pasonangkon,
Hajolmaon hamonangkon

4. Sungguli hami on sude huhut paburju hami be
Mangalo dosa nami, papir ma tondi nami on,
Paposma roha nami on di paraloan nami.
Gohi, gohi roha nami asa hami mambolongkon
losok dohot halembaon.

5. Ho batu mamak na togu, na tau ojahan situtu,
Paojak roha nami tu hata hasintongan i.
Tung unang olo lilu be nang sada sian hami,
Lehon roha na tumogu, na umburju, manggoari
Jesus Kristus TUHAN nami.

6. Pangapul sian surgo i, songgopi roha nami be,
Pasaor dameM tu hami, pamalo hami on tongtong
Mamboan roha na holong di angka dongan nami.
Dao ma bada, dohot hosom, ingkon tongtong sonang hami
Mandalani dalan nami.

7. Parbadiaima hami on huhut patogu ma tongtong
Torusi roha nami tanggal sian hami be
Huhut pabali sasude na tau mangago hami
Taiti hami tu na sonang na di ginjang sumangkaphon
Hangoluan hasangapon.

• Buku Ende 103 : O PANGAPUL NA LUMOBI

1. O pangapul na lumobi Tondi ni TUHAN i rohakon bongoti
Diparbaga TUHAN nami ingkon Ho do na ro mangajari hami.

2. Dang adong huboto hami na denggan, na torang
Sian diri nami, ingkon Ho do manondangi
Roha ni jolma i jala manorangi.

3. Ho disomba roha nami, Sai asi rohaMi,
Paimbaru hami Lam tangkas ma patandahon
jorbut ni dosa i situndalhonon on.

4. Sai patorang ma tu hami porsuk ni Jesus i,
Haluaon nami: Naung pintor do rohanami
Binaen ni mudar ni Jesus, TUHAN nami.

5. Sai paburju roha nami, roha ni sibuk i
Talu baenon nami asa unang sirang hami
Ala ni dosa i sian TUHAN nami.

6. Molo ajal nami jumpang togu be sasude
Tu banua ginjang Sai tumpahi hami monang,
Sahat di surgo i saluhutna sonang.

• Buku Ende 104 : BONGOTIMA ROHAKU

1. Bongotima rohaku inganima au on
O Tondi Debata ku pasonang rohakon
Na marhabangsa Ho raphon Debata Ama
Nang Jesus pe AnakNa naeng pujionku Ho

2. Antong pangkilalahon tu au gogoMi,
GogoM na paluahon au sian dosaki.
Urasi rohakon, paiasma tondiku,
Ai naeng do oloanku, na nidokMi tongtong

3. Dang dung marhatigoran, pardosa au hian,
Ndang dung marhasonangan na mate au hian,
Di pandidion i dibonom Ho dosaku
Tu mudar ni TUHAN ku, ias au ala ni.

4. O Tondi Sipodahon, tangiang na sintong,
Ho do na tinangihon ni Ama i tongtong.
Ajari ma au on, mandok pangidoanku
Sian sandok rohaku, Tangihon hatakon

5. Silehon las ni roha, palasma rohaki,
Pahehe au, paboa au jotjot ditopot Ho angka na marsitaonon,
Silehon hasonangan tu na tungki do Ho.

6. Usehon tu rohaku holong ni rohaMi,
Padenggan ma hataku tu dongan sasude,
Asi rohaM padao ma bada, halatean,
Patimbul hadamean, na roa i palao

7. Baen gok haporseaonma roha nami be
PanumpakMi gandahon tu arta nami pe
Pabali tondi i na olo manundati, Na olo mangarsahi rohaM na denggan i

8. Pagirgir roha nami mangalo dosa i:
Tambai ma gogo nami di pangunjunan i.
Dongani hami on mangalo musu nami
Sai unang olo hami saor tu portibi on.

9. Baen pangalaho nami hombar tu rohaMi,
Dung i, diajal nami di hamatean i, Padao jorbutna i, palasma roha nami,
Tumopot jambar nami di harajaonMi.

• Buku Ende 105 : ROMA TONDI PARBADIA

1. Roma Tondi Parbadia Debata ku situtu
Roha namima paria mangoloi hataM burju
Sai sondangima tongtong roha nami na holom

2. Lehonma di roha nami hapistaran na sintong
Asa tung huboto hami marparange di joloM
Sian haliluan pe sai palua hami be

3. Patuduhonma di hami dalan hangoluan i
Paimbaru roha nami sai padaoma dosa i
Pargogoima hami be tu na denggan sasude

4. Pabotobon ma tu hami, na hinatindangkonMi.
Anak ni Debata hami, na marhaojahan di Mudar niusehon ni, Anak ni Debata i

5. Molo marsitaonon hami jala marniae disi,
Unang ale TUHAN nami padaoonMu BohiMi
Lehon apul apulMi tu bagasan rohaki

6. Di na jumpang ajal nami, pabotohon ma torang
Denggan ni basaM tu hami asa hami saut monang,
Lao manjalo tumpal i, na so olo malos be.

• Buku Ende 106 : ALE TUHAN AMA NAMI

1. Ale TUHAN Ama nami na marholong roha i
Suru TondiMi tu hami angka na tinoguMi
Paimbaru Tondingki gabe joroMima i
Sai oloi pangidoanku sian asi ni rohaMu

3. Tung beha ma tandaonku, Ho, o Jesus TUHAN ki
Tung behama tolopanku Ho do hangoluanki,
Molo so ro TondiMi manondang rohaki
Ipe suruma Ibana asa saor tu au hataNa.

4. Arta na tongtong manahan saleleng lelengna i,
Ingkon Ho do marbasahon jala mangalehon i
Tondi sian Debata, ala ni tangihonma
Hata ni pangidoanku Sai bongoti ma rohaku.

5. Patandahonma tu ahu, dosa na buni dope,
Angka na paholang ahu sian Debata tahe,
Asa topotanku i tu TUHAN ku Jesus i,
Jala au paluaonNa sian dosa saluhutna.

6. Tondi, sai ajari ahu, jala togu toguma,
Asa au marpangalaho na badia, na tama.
Sai paburju rohakon mangoloi hataM tongtong,
Asa molo ro ajalhu, sahat au tu ingananMu.

• Buku Ende 107 : O TONDI PARBADIA I SAI MASUK HO TU ROHAKI

1. O Tondi Parbadia i sai masuk Ho tu rohaki
Pasaorhon asi nirohaM ro di sude denggan basaM tu au marhite sondangMi
Nang pe tu jolma sasude ai nang papunguonmu pe tu TUHAN Jesus jolma sude Haleluya Haleluya

2. O sondang na badia i, pasaor hataM tu rohaki
Tiurma baen rohakinon mananda Debata tongtong.
Padao ma haliluon i, sinabur ni sibolis i
Hubaen ma TUHAN Jesus i sambing guruku, ihutanki, Haleluya, Haleluya!

3. Pangapul na sumurung i Tarapul bahen rohaki,
Manaon na porsuk sai tongtong saleleng au di tano on,
Humophop goarMi tahe. Sai pargogoi ma au muse
Mangalo angka musuki, Ai naeng au bongot tu surgo i. Haleluya, Haleluya.

• Buku Ende 108 : BAENMA GABA GABA

1. Baenma gaba gaba dohot bunga bunga nang pelean i
Ai nuaengma jumpang ari parningotan Pentakosta i
Haroro ni Tondi do ima Tondi Parbadia masuk tu huria

2. Jangkon ma Ibana, ai asi rohaNa ro tu hita on,
Asa sondangonNa, tiur bahenonNa, parrohaon tongtong
Jangkon ma Ibana da asa lao sude arsakmu,
Nang pardangolanmu.

3. Tondi pangapuli, sahap na umuli di sisean i
TUHAN Jesus Kristus ro ma Ho, pabulus tongtong langkangki di na lao tu surgo au.
Pargogoima au, pamonang, sahat tu na sonang.

• Buku Ende 109 : SAI SONGGOPI HAMI ON

1. Sai songgopi hami on ale Tondi Parbadia
Sai ajarima tongtong hami on huhut paria
Martangiang tu TUHAN ta asa tongtong oloanNa

2. Tondi hasangapon i sai ingani roha nami,
Pargogoima hami be maralohon dosa nami,
Asa tung malua hami sian hadosaon nami.

3. Jolma manisia pe sai sondangi ma luhutna.
Asa olo sasude ro tu Jesus, Sipalua.
Rarat baen harajaonNa tu saluhut manisia.

• Buku Ende 110 : HALELUYA PINUJIMA NA SASADA DEBATA

1. Haleluya pinujima na sasada Debata Sitompa Saluhutna
Ai asi ni rohaNa i gogoNape tongamNa i ingkon endehonon ta

2. Haleluya, pinuji ma na tuat sian Debata.
AnakNa sasadasa na mate ala dosa i
Patupa hangoluan i ingkon endehononta.

3. Haleluya, pinujima panondang sian Debata
Sinuru tu rohanta, pangapul na sumurung i
Partogi, pangajari, ingkon endehononta.

4. Haleluya! Di Ama i, di Anak dohot Tondi i
Puji pujian nami.
Di Ho ma hasangapon
Rodi hamuliaon i, dilehon roha nami.

• Buku Ende 111 : PATIMBUL BE MA SANGAP NI JAHOWA

1. Patimbul be ma sangap ni Jahowa Debata ta
Dokma mauliate i tu Debata Ama ta
Ai pardangolan i sude nang saluhut na jorbut pe dialo Debata ta.

2. Tongtong sombaon nami Ho mamuji salelengna,
Dibaen na digomgomi Ho, HuriaMu sudena.
Na so tardodo gogoMi, sai ingkon saut do rohaMi,
On pe martua hami.

3. O Jesus, na sasada Ho do anak ni Debata,
Naung mago dipangolu Ho, diontok Ho do bada.
O Jesus, TUHAN nami on tangihon somba nami on
Asi rohaM di hami

4. O Tondi Parbadia i, ramoti ma sudena.
Naung dipalua Kristus i, marhite na tinaonna.
Ambati ma sibolis i, padao nang nasa jeai,
Papos ma roha nami.

• Buku Ende 112 : HALELUYA TAPUJIMA AMA TA TUHAN DEBATA

1. Haleluya tapujima Ama ta TUHAN Debata dibaen denggan basaNa
Sai tong girgirma hita be pasangap Debata ta i dibaen asi rohaNa
Sangap sangap hagogoon hatoguon hapistaran di Ama ta na di ginjang

2. Haleluya Di Jesus i, talehon hasangapon i
Nang pe puji pujian, dilehon do mudarNa i
Mamuri hita sasude, parade hatigoran.
Denggan, denggan, parsaoranta tu TUHAN ta,
badiaNa songgop do tu huriaNa.

3. Haleluya Di Tondi i, na sangap, na badia i ,
Tadok mauliate, aut unang saor Ibana tu
rohanta na so dung togu, luhutna do mandate
Tua, tua, ma jambarta bahenonNa salelengna
Di adopan ni Debata.

4. Haleluya Lam ganda ma biarta mida Debata,
Nang holong ni rohanta, i ma mandasdas hita on
Pasangap Debata tongtong marhite parangenta
Puji, puji! Tolu hali taulahi manggandahon
Tu Ibana hasangapon.

• Buku Ende 113 : DEBATA SITOLU SADA

1. Debata Sitolu Sada Ama Anak Tondi i
Nunga montok nasa bada na paholang tondiki
Sian hangoluan i na rade di surgo i
Ai naung sesa do dosaku sian asi ni rohaMu

2. Sai ingani ma rohaku, sai parbadiai ma au
Asa tong tutu hataku, unang be margabus au
Sasude na roa pe, tanggal sian au muse .
Ho dipuji, o TUHAN ku, hata dohot pambaenanku.

3. Tatap ma sude donganku, nasa bangso Batak i.
Saluhutna sisolhothu nang na so tinanda i
Taiti ma sudena i tu hataM na denggan i
Asa dohot i malua sian begu dohot dosa.

4. Rarat baen harajaonMu tu sandok portibi on
Sai pabinsar ma sondangMu tu sude di tano on
Nasa na ni linggom ni hamatean i dope
Toguma tu hatorangan asa dapot hasonangan.

• Buku Ende 114 : ALE JAHOWA DEBATA SAI TATAP HAMI ON

1. Ale Debata Jahowa sai tatap hami on
Ai masiboan dosa na be do hami tu joloM
Asi rohaM di hami be sai sesa dosa i sude
Marhite Jesus AnakMi na mate di hau silang i
Di Golgata di Dolok Golgata...

2. O Jesus, haholongan i sai tatap hami on
Ho pangondingan nami i, ondingi hami on.
Sai unang mago hami be, ai na tinobusMi sude.
Taluhon ma sibolis i, ai na jorbut parulan ni,
Pangolu be ma hami on sude.

3. Ho, Tondi Parbadia i Sai tatap hami on.
Lopokkon haholongonMi tu roha nami on
Pasada roha nami be, patiur tondinami pe
Lao mangihuthon dasdasMi, mangkasiholi sondang ni
Parholong i, pardenggan basa i.

• Buku Ende 115 : TUHAN DEBATA SAI RAMOTIMA DAGING DOHOT TONDI NAMI

1. TUHAN Debata sai ramotima daging dohot tondi nami
Ido pangidoan nami sai pahipas be hami on sude.

2. Jesus Ho tutu Raja na burju sai palua tondi nami
Sian pardosaon nami pasu pasu be hami on sude

3. Sai parbadia i sai tongtong rajai ale Tondi Parbadia
Roha nami asa ria manoloi hataM hombar tu rohaM.

Buku Ende 116 : DITOMPA HO DO AU

1. Ditompa Ho do au sondangi rohakon
Tung basa basaMi sude na di au on
Gomgomi pamatangku naeng Ho do oloanku
Sai lehonma gogongku lomoM naeng ulaonku
Urupi tatap au tutu, Panompa na burju

2. TUHAN, Sihophop au, sai buri tondingkon.
Marhite mudarMi torusi ngolungkon.
Pinuji ma goarMu, arga ma pangkophopMu,
Dibaen pangalahongku, nang nasa ulaonku,
O Jesus, Sipalua au tu Ho ma au patau.

3. Tu TondiMi, TUHAN, hulehon diringkon.
Sai tong ma dirajai sandok pamatangkon.
Ibana hutangihon, sai saut au ditogihon
Tu ngolu partondion, manahan di ujian.
O Tondi Parbadia i, sai Ho ma rajangki.

4. Ale Debataki, Sitolusadai
Bongoti rohaki, parbadiai ma i. Sai Ho ma lam hutanda, gogongku lam paganda
Manangkup haluaon, maniop hatuaon Ni Ama, Anak, Tondi i, na tong pujion i.

 

ENDE TARINGOT TU HARAJAON NI DEBATA

A. HURIA

• Buku Ende 117 : JAHOWA DEBATA TA DO PARTANO BATOANKU

1. Jahowa Debatanta do partanobatoanta
Musunta ingkon talu do dibaen pangondinganta
Ianggo musu i ima si bolis i jorbut do tahi ni
I mangago jolma i ndang dapot na mangatup

2. Gogonta ndang haposan i, tibu do mago hita,
Pinillit ni Jahowa i, na tuk pamonang hita.
Ai ise goar ni, i ma AnakNa i, TUHAN ta Jesus i,
Sigomgom sasude na so tarbahen so monang.

3. Gok begu pe portibi on na naeng mamolgak hita,
Nda tung mabiar hita on ai ingkon 'monang hita.
Ai nang tarrimas pe sibolis i tahe ndang habiaran be
Ai nang sahata pe, tuk do manaluhonsa.

4. Ai hata ni Jahowa i, ndang dapot ungkitonna, TUHAN ta manjagahon i ditungkol naposoNa,
Hosa ta, arta pe, ugasan sasude dirampas musu i
Antong, mahua i hot do harajaonNa.

• Buku Ende 118 : PAIANMA DI HAMI

1. Paianma di hami o Jesus asiMi
Asa tung unang hami diansi musu i

2. Paian, TUHAN nami, HataM di hami be,
Asa martua hami, nuaeng nang sogot pe.

3. Paian sinondangMu, ale Panondang i,
Ambati ma na lilu, di parjalangan i.

4. Paian ma di hami, tongtong panumpakMi,
Gandahonma di hami, asi ni rohaMi

5. Paian panjagaMu, di hami naposoM,
Sai unang hami talu, bahenon ni aloM.

6. Paian, ale TUHAN, di hami burjuMi
Sai lehon hatongtongon, padaoma jea i.

• Buku Ende 119 : MARTUADO DOHONON NA MARSAAMA I

1. Martua do dohonon na marsaama i
Na tong marparrohaon maniop dame i
Na tong marparrohaon maniop dame i

2. Sumorop anggo ombun pabornok ladang i
Laos songgop hatuaon tu angka dongan i
Laos songgop hatuaon tu angka dongan i

3. Dung i sumuang sogotma hasonangan i
Malua naung tarihot ias pardosa i
Malua naung tarihot ias pardosa i

4. Sudena na porsea na masuk do tusi
Na gabe sahuria na marsaraja i
Na gabe sahuria na marsaraja i.

• Buku Ende 120 : ALE IMMANUEL TATAPMA HAMI

1. Ale Immanuel tatapma hami na tinobusMu na pinaluaM
Na sinosahan ni musu do hami ala tongtong ni oloan hataM
Gasa di suan mangalo AnakMu
Jala na jahat do ninna na burju

2. Nunga nania na burju najolo na marnaloja modom nuaeng
Ai diparbaga rohaNa ndang olo talu nasida  hape sai dibaen
Musu bisukna manjail nang nasida jadi burjuna ndang be na tarida.

3. Lam tu ngalina do holong ni roha, lam tu hijangna do naposo i Mansai torop do na lao tu na roa na lilianan dibaen setan i,
Marsak do roha ni nasa na burju mida na lusam na di huriaMu.

4. Ipe, o Jesus sai tatap ma hami jala sungguli ma dongan sude. Unang ma modom di dosa be hami, burju marroha baen hami muse.
Asa tarsunggul sude huriaMu jala rap hehe pasauthon hataMu.

5. Tatap o Jesus, sude di balian angka parbegu, na lilu dope, Angka na hundul di na nilinggoman ni hamatean, sai jou ma sude,
Asa malua nang i musengani, dalan tu surgo muse didalani.

6. Sai hamonangkon sude hajolmaon, taiti sandok manisia tu Ho
Asa diboan sude hasangapon dohot pelean na hushus di Ho, Jala dipuji sude manisia, Ho, ale TUHAN, na tong marmulia.

• Buku Ende 121 : JESUS RAJA NI HURIA

1. Jesus Raja ni huria na porsea Na badia pasupasuma au on

Sai sunggulima rohaku mangihuthon Ho Rajangku

Pargogoima au tongtong pargogoima au tongtong

2. Lehon Tondi Parbadia saor tu roha ni huria, di sandok portibi on,
Asa tong sada rohana, nang marserak pe ruasNa,
Pasangaphon Ho tongtong pasangaphon Ho tongtong

3. Sai palua ma ruasMu sian nasa haholomon,
Sian roha daging pe, Ho sambing ma ale TUHAN. Las ni roha ni punguan,
Na jumujung goarMi, na jumujung goarMi

4. Angka na di pangunjunan, na manaoni parsahitan,
Tatap ma sudena i, sai patogu ma rohana, Mangundukkon sitaononna,
Asa marparbue i asa marparbue i

5. Sai pauli huriaMu asa lomo ni rohaMu
Jumpang Ho di ruasMi angka na serep marroha,
Na magigi mida dosa
Ho ditiru sasude, Ho ditiru sasude

6. Tung arga do tinobusMu, hami angka siseanMu
Ingot hami ala ni togu hami, ale TUHAN, Sian rura hasusaan
Tu banua ginjang i tu banua ginjang i.

• Buku Ende 122 : IDA HINADENGGAN NI ANGKA NA SAROHA I

1. Ida hinadenggan ni angka na saroha i
ParpambaenanNa burju nang hataNa pe tutu

2. Sai hushus uapna i songon bunga bunga i
Angka na tinompa i pajengkarhon tano on

3. Doshon nambur do tahe na sumorop sasude
Denggan ni parsaoran ni dongan na saroha i

4. Diparbaga Debata tu na marsaroha, da,
Pasupasu na godang, i ma roha na sonang.

5. Ai di dia jumpang be haholongan i tahe
Ndang tarida i dison nang di liat tano on.

6. Holan di dirina be do mansari jolma i
Dongan ndang ditatap be songon i do sasude.

7. Ale Jesus, Anak ni Debata Jahowa i
Tatap hajolmaon on di sandok portibi on.

8. Sai usehon ma tusi holong na di rohaMi
Sai ajari jolma i masihaholongan

9. Sai padomu ma muse na so olo saor dop
Nang pe roha nami on sai pasada ma tongtong.

10. Ale TUHAN, togu ma hami on tu Debata,
Na marholong roha i salelenglelengna i.

- buku ende ida hinadenggan ni

- 122 buku ende

• Buku Ende 123 : ALE DONGAN NA SAROHA

1. Ale dongan na saroha manjalahi dame i
Dompak Jesus ta pasada holong ni rohanta i
Ai Ibana do Ulunta hita do ruasNa i
TUHAN Jesus do Guru ta hita siseanNa i

2. Tanda asi ni rohaNa, na bagas, na tirnbo i, 

Tanda holong ni rohaNa, na so hadodoan i Didongani Debatanta, Ama na sumurung i,
Dohot Jesus pe, TUHAN ta, hita na porsea i.

3. Sai pasada, ale TUHAN angka na porsea i, Asa masihaholongan songon na pinatikMi.
Dibagasan hasintongan, i do pinangidoMi,
Sai padomu angka dongan na tutu sinondangMi

4. Sai pasada roha nami, doshon Ho tu Ama i
Asa unang sian hami nanggo sada lilu be.
Ho tongtong hutiru hami, di ulaon i sude
Ima patandahon hami, gabe siseanMu be.

• Buku Ende 124 : DI BORNGIN NA PARPUDI I

1. Di borngin na parpudi i tagan so mate Ho
Na masihaholongan i dijamitahon Ho

2. Antong paingot huriaM na mura marbadai
Tongtong di holong ni rohaM huhut sai parrohai

3. Gok dame baen huriaM hhut patogu i
Maniru holong ni rohaM pinatuduhonMi.

• Buku Ende 125 : MARLAS NIROHA HITA

1. Marlasniroha hita on mamuji Debata
Ai asi ni rohaNa i do bongot tu roha ta i 
Umbaen nuaeng mardomu i di son sadarion, di son sadarion

2. Diaen i margogo be ma hita on sude
Mamuji TUHAN Jesus i parasi roha godang i 
Sibaen lasniroha ta i 
Nuaeng nang sogot pe, nuaeng nang sogot pe

3.Alai taingotma huhut mambaen sangap tongtong 
Barita ni TUHAN ta i marhite parange ta i 
Di jolo ni dongan ta i 
Di atas tano on, di atas tano on

4. Oh Jesus tatap hami on sai pargogoi sude

Marhite hite TondiMi pasauthon akka patikMi 

Mambaen rarat baritaMi di nasa jolma pe di nasa jolma pe.

- 125 buku ende

• Buku Ende 126 : NA MARGURU DO LUHUTNA

1. O hamuna ale dongan ringgas be masijalangan lao marningot TUHAN i

2. Tole ma hita tadingkon roha na masihosoman
Na manirang dongan i, Kristus i do pardomuan,
Na patongtong pardonganon, salelenglelengna i

3. Hasangapon, pamujian di TUHAN ta pardomuan ni huria sude di utara, di dangsina, Hasundutan ro di purba, dipadomu Tondi i.

4. Ala ni sai taradoti, roha na manghaholongi Debata nang dongan i,
hatigoran, hasintongan, Hatiuron, hadameon. Ima tong padan ta.

• Buku Ende 127 : LAM GOGO

1. Lam gogo lam gogo mardalan Ho
Sion tu banua ginjang nang satongkin unang so palitom baen marsinondang
Di na tiur i mardalan ho lam gogo lam gogo

2. Taon nama, taon nama, Sion taon na hansit i

Hinsak hinsak, pangunjunan, unang habiari i.
Tatap tumpal hangoluan Pangarsahi ni sibolis i taon ma i, taon ma i!

3. Tundal ma, tundal ma, tundal ma portibi on,
Hasangapon diparbaga, unang tatap tano on
Unang somba naganaga, halilian na binaenna i, tundal i, tundal i

4. Uji ma, uji ma Sion uji tondi i, angka na pajujujuju,
Ho mambahen dosa i sai ihuthon ma TUHAN mu.
Nang na tigor, nang na geduk i, uji i, uji i.

5. Torus baen, torus baen, Sion, torus baen rohaM,
Mamingkiri hasonangan na binaen ni Debatam.
Unang tondong hamagoan, Sion manimbangi dalanmi, torus baea rohami

6. Pangkema, pangkema, pangkema gogom sude, 

Patandahon haholongon ni roham di Jesus i,
Na mangoloi ho, o Sion mangoloi sude patikNa i, pangke ma gogomi

7. Tiopma, tiopma, Sion tiop burjumi
Sai tongtongma ho manggogo, mandopangi musumi
Ndang be dao ho sian surgo, sai paujung paraloanmi, burjumi tiop i.

• Buku Ende 128 : DI TANDA DEBATANTA DI IBANA I

1. Di tanda Debatanta na di Ibana i
Na metmet nang na balga di nasa bangsa i.
Dang mago loasonNa nang sada sian i
Dipatogu sudena tu hasonangan i
Ditogu do sudena tu hasonangan i

2. Ditanda do nasida dibaen porsea do Nasida di hataNa, 

naung tu nasida ro. I do hangoluanna, i do Guruna

Laos i do sinjatana, mangalo dosa i.
Laos i do sinjatana, mangalo dosa i.

3. Ditanda do nasida, dibaen mangkirim di na pinarbagahonNa, 

Tongtong rohaNa sai saut do bahenonNa, sude hataNa i

I do sitiopanna, ro di ajalna i.
I do sitioponna ro di ajalna i

4.Ditanda do nasida dibaen holong sude
Rohana di Ibana nang di donganna pe.
Ai i do na mandasdas nasida sai tongtong,
Asa tung dipatolhas, PatikNa i sintong

5. Sai songon i ditanda TUHAN ta jolma i,
Na mangotoi hataNa di nasa bangso i.
Haporseaon i do partinandaan i,
Padohot pangkirimon nang haholongon i.

• Buku Ende 129 : HUHALASHON HURINGKOTI HAROROM TU TANO ON

1. Huhalashon huringkoti haroroM tu tano on
Jesus Sipalua hami jolma na mardangol on
Ai marhite MudarMi dihophopi Ho do i huriaM
Asa badia jala dohot marmulia

2. Sai na di joloM do jongjong, huriaM na lea i,
Ai ringkot dihalungunhon naeng tu Ho, Rajana i.
Dipaimaima Ho jala tung marhobas da,
Mangihuthon Ho, Parmonang, toguonMu tu na sonang.

3, Ro, sai ro Ho, o TUHAN ku Jesus ro ma Ho tibu
I panjou ni oroanMu, na malungun situtu. Ro ma Ho, o Jesus ki, tatap haporsuhonki
Sai tu hasampuran rea, alaponMu na porsea.

 

B. ZENDING

• Buku Ende 130 : PAROHON HARAJAONMI

1. Parohon harajaonMi sahalaMi do i
Sibahen i o Jesus ki dang jadi sundat i
Alai ianggo eme i dang olo marparbue i
Ianggo so na mate i dinabuni di tano i
Denggan do i dibaen na mate i

2. O Jesus, ndada sahat Ho tu hasangaponMi,
Tung sura na manjua Ho, manaon na porsuk i.
Sai jalo hami on sude, tu harajaonMi muse
Ndang na manjua hami on, maniru Ho di tano on.
Pabongot pe tu surgo hami be

3. Naung mate Ho di tano on, sobokkon eme i,
Sondangi ma portibi on na sahat di Ho i.
Sai suru angka naposoM, mangaliati tano on,
Mamaritahon hataMi Sai naeng tumpahannami i
Manumpak be do hami on sude.

• Buku Ende 131 : BATANG AEK USEHONONKU

1. Batang aek usehononku nina Debata ta i
Ingkon bornok bahenonku tano na mahiang i
Parhorsihan na sasude ingkon gabe porlak be

2. Sai lambas dope na hasang ala hona toru i,
Israel dope na jalang sian MesiasNa i,
Nang sipelebegu pe na mansai torop dope.

3. Ingkon jumpang do hataNa, ai burju do TUHAN i,
Ingkon saut pinarbagaNa naeng sangap goarNa i.
Ingkon do tandaon ni, nasa bangso TUHAN i

4. Ala ni ringgas ma hita mangarahon dongan i,
Tapaborhat ma Pandita tu sude na lilu i.
Asa bongotanna be, hasonangan i muse.

5. Nang leleng so marparbue, na tahalojahon i,
Unang olo be mandele hita na porsea i
Na marhabengeton i do dapotan tumpal i

6. Sai tangihon, ale Jesus, pangidoan nami on,
Sangkap nami ma patalus Gokma baen portibi on
Dohot hasangaponMi Sai pararat hataMi.

• Buku Ende 132 : ANGGIAT APIMIMA GALAK

1. Anggiat apiMima galak Parholong roha situtu
Huhut tibu diboto halak Ho Jesus Raja na tutu
Ai atikpe mamungka torang di purba di pastimape
Laos tong godang dope na hurang ai naeng tiur do sasude.

2. Dibahen i palas, pangolu, patiur liat tano on.
Papatar ma diriM, parngolu, pardame tu portibi on.
Disi ma halak sasudena, mamuji asi ni rohaM
Huhut marsinggang ma sudena, sumomba Ho di habangsaM.

3. Sungguli, baen ias, pasada, luhutna halak Kristen i
Unang adong be nanggo sada, na so tumanda asiMi.
Dibahen i padomu hami, marhitehite TondiMi.
Sondangi dohot dongan nami na so tumanda goarMi.

• Buku Ende 133 : O TONDI NA MANGGOHI ROHA

1. O Tondi na manggohi roha ni panindangi na parjolo i
Na so dung olo marnaloja mangalo musu ni TUHAN na i
Sungguli dohot roha nami on mamaritahon Jesus i tongtong

2. Anggiat apiMi ma galak, marlojong tu saluhut bangso i Jahowa, sai paborhat halak, na burju mangkatahon hataMi.
Sai tatap lambas ni gotilon i, ianggo naposoM otik do i.

3. AnakMu do na mangajarhon, tu hami hata pangidoan i.
Torop do na mangkaringgashon, mangaradoti na nidokNa i.
Dibahen i tangihon nama i, sai dok ma Amen, saut ma hata i

4. Antong torop ma baen Pandita, na sai tongtong digohi TondiMi, Huhut na ringgas marjamita, Manogu halak tu gomgomanMi. Taluhon ma si bolis i tongtong, pararat ma hataM di tano on. .

5. Urupi hami sian Sion, sai suru Tondi Parbadia i,
Lao paluahon hajolmaon, hombar tu na pinarbagahonMi.
Sondangi ma sandok portibi on, pasiat ma hataM di tano on.

6. Sai loas ma hatop mardalan, HataM, manggohi liat tano on. Naeng songon na marhaban haban, parbegu masuk tu huriaMon.
Sungguli dohot Israel sude ro mandapothon huriaM muse

7. Pauli Sion na marumpak, padao na tau mangambat hataMi,
O Tondi, ro ma Ho manumpak, ulaon ni sude naposoMi.
Tongtong paias porlak anggurMi, ai naeng ramos do parbuena i.

8. Sai tatap nasa parguruan, inganan ni TondiM ma baen sude Lopokkon hata hangoluan tu roha ni parguru i sude
Sai lehon guru angka na burju, parroha pangondian situtu.

• Buku Ende 134 : SAI TOROP DOPE PÀRBEGU NA DI HAHOLOMON I

1. Sai torop dope parbegu na di haholomon i
Jesus roma Ho patibu mandasdasi angka i
Ro tu harajaonMi asa sonang dohot i
Togu nasa manisia tu padanMu na badia.

2. Lam patorop partonaan angka guru na burju
Na mamboan haluaan sian dosa i tutu
Sai pasonggop TondiMi tu sude naposoMi
Asa lam torop parbegu tu na tiur i ditogu

3. Hami na pinarmahanMu, ale TUHAN, tatapma
Sai paringgasma manogu jolma itu Debata.
Sai paganda holong ni roha nami sasude,
Manogihon angka dongan tu lambungMu, ale TUHAN.

• Buku Ende 135 : MARPUNGU DO DI JOLOMON MARSADA ROHA

1. Marpungu do di joloMon marsada roha hami on o Jesus TUHAN nami
Ho Raja na tarsilang i na pinatimbo i muse sai roma Ho tu hami
Olo, jaloma tangiang pamujian di goarMu ala holong ni rohaMu

2. Na metmet di mulana i, sai dipararat Ho do i,
I ma harajaonMu, lam ganda do bilangan ni
Na paboahon hataMi baen sangap di goarMu.
Jesus, tulus baen sangkapMu sosoanMu hajolmaon, asa olo paluaon.

3. Ho do nampuna hami on rodi sandok portibi on,
Ho ingkon sombaonna. Nang lan dope na modom i
Hinorhon ni jeana i, Ho do tangihononna. Ingkon monang
Ho, o TUHAN, maralohon haholomon. Ho do Raja sioloan.

• Buku Ende 136 : BIDANG DOPE NA HOLOM I

1. Bidang dope na holom i di bangso na di hasiangan i
Na ni rajaan ni sibolis i disomba halak angka begu i

2. Sai tatap bangso i sude Ai nunga loja do nasida be
Dangolna do manjou tu surgo i mangido tolong Jahowa i
Dangolna do manjou tu surgo i mangido tolong Jahowa i

3. Torang do baga baga ni Amanta di banua ginjang i
ArahononNa jolma sasude tu hasonangan ni rohana be
ArahononNa jolma sasude tu hasonangan ni rohana be

4. Ta gogoma pasauthon i mamboan hata hangoluan i
Tu nasa bangso na di tanobon ringkot tabaen ulaon i tongtong
Tu nasa bangso na di tanobon ringkot tabaen ulaon i tongtong

5. O Raja na di surgo ina dung manobus nasa jolma i
Tibu sondangima na holom i tu Ho ma taiti hajolmaon
Tibu sondangima na holom i tu Ho ma taiti hajolmaon.

• Buku Ende 137 : NUNGA RO TU HITA ON HATA HANGOLUAN

1. Nunga ro tu hita on hata hangoluan
Na pasonang sai tongtong roha na jeaan
Molo jinalojaan i gabe na porsea di TUHAN ta Jesus i Sipabali jea

2. Ala ni i tapuji ma, goar ni TUHAN ta Tapasangap Debata,
Na palas rohanta. Mamestahon ari on, ani parningotan
Di basaNa na tongtong, so marpansohotan.

3. Ale TUHAN Debata Ho hupuji hami.
Ipe halomohonma, ende ende nami, sangap ma di goarMi
Dohot di AnakMu, Jesus Sipartogi i tu harajaonMu.

4. TUHAN, nang tu jolo on tatap hajolmaon.
Sai pararatma tongtong hata haluaon
Tu na so tumanda Ho dohot TUHAN Jesus,
Asa sasudena ro mandapothon Kristus.

• Buku Ende 138 : SADA PARSIGANTUNGANTA

1. Sada parsigantungan ta na mate i humophop hita
Tobus ta do mudarNa i
Jesus Ho TUHAN nami Ho ma tongtong nampuna hami
Pinarhamaol ni rohaMi
Pature hami on baen sangapMi tongtong
Sai sondangkonma BohiMi na basar i tu hami angka donganMi

2. Raja na marhasangapon mansai bidang do sisabion
Hape otik do naposoM, surga torop Pandita
Angka na ringgas marjamita tu bangso na di tano on
Togihon i sude tu surgo i muse, ai martua
do halak i, pinillitMu, tu hasampuran rea i.

• Buku Ende 139 : SADA SIPARMAHAN I

1. Sada Siparmahan i sapunguan dorbiaNa
Di na jumpang hata i longang situtu roha ta
Sai haposi Jesus i ingkon saut hataNa i.

2. Dao dope arina i, tatapma ai nunga mullop
Sangap ni TUHAN ta i na tu bangso i naeng songgop.
Loja do na lilu i mangoloi di begu i.

3. Jesus, ro ma Ho tibu manaluhon haholomon
Sai marlojong situtu baen hataM tu hajolmaon,
Asa haru jumpang i na nidok ni hataMi.

• Buku Ende 140 : GIRGIRMA HAMU MANOGU SUDE

1.Girgirma hamu manogu sude na hum na tu begu,
Manjua dope di hata ni Jesus na sangap tongtong
SangkapNa patulus di portibi on.

2. Ndang jadi hamu, mabiar, ale, sai pangke burju, 

gogom sasude Nang hehe sibolis Mamolgak hamu, sai tatap ma Jesus pargogo tutu.

3. Radoti burju hataNa sude, sai monang hamu baenonNa muse. 

Ibana do raja na tong monang i, torop pe alona sumurut do i.

4. Asi ma rohaM, ale Debata Pasaut ma hataM, tumpahi nama sude na niula ni naposoMi
Sai baenma martua sude jolma pe.

• Buku Ende 141 : SAI TIURMA LANGKA MUNA

1. Sai tiurma langka muna  sai Debata ma dongan muna
Nang suru suruanNa pe
Molo diramoti Jesus hamuna dang tarbaen so bulus do langka muna sasude.
Antong TUHAN ta i ma dongan muna i ganup ari
hamu sude sai ingot be tumangiangkon hami pe.

• Buku Ende 142 : PARARATMA BARITAMI

1. Pararatma baritaMi o Jesus asa sahat i tu nasa hajolmaon
Tutuma dung dipungka i manogu jolma sasude tu dalan hangoluan
Ipe sude hajolmaon sai tangihon soaraNa
Sai bongoti huriaNa.

• Buku Ende 143 : JERUSALEM JERUSALEM NA TIMBUL NA HINAN

1. Jerusalem Jerusalem na timbul na hinan
Na dipatimbo Debata ho ro di langit an
Nuaeng marserak pangisim huhut magargar ho
Jerusalem Jerusalem huta tangisi ho

2. Girgir najolo parendem mamuji TUHAN i.
Alai nuaeng sai marsak do sude anakkonmi.
Na hundul ho di orbuk i sai mangandungi do.
Jerusalem, Jerusalem, hutatangisi ho.

3. Jerusalem, Jerusalem! Rodi na mulak ho,
Pasangap birubiru i naung dibolongkon ho,
Rodi pananda ni roham, di na tinullangMi,
Jerusalem, Jerusalem, ho tatangisanki.

4. O Jesus, tatap ma bangsoM na tong marserak i,
Rohana na tongtong holom, sondangi ma muse,
Sungguli Israel sude na manundalhon Ho
Jerusalem, Jerusalem, hutangiangkon Ho

C. PANDIDION

• Buku Ende 144 : NA HOT PADANKU TU JAHOWA 

1. Na hot padanku tu Jahowa binaen ni Jesus TUHAN ki

Ai hutadingkon do na roa, hujalo pandidion i

Sai las rohaku alani saleleng lelengna i

2. Diparulosi Debataku, tondingku na marjea i, 

Paboa sae sude dosaku, au hinaholonganNa i. 

Sai las rohaku alani saleleng ni lelengna i

3. Ianggo ulos ni tondingku tung mudar ni Jesusku do 

I do nilehon ni TUHAN ku, mamuri ahu dohot ho. 

Sai las rohaku alani saleleng ni lelengna i

4. Disuru Debata Jahowa, tondiNa, mangajari au, 

Mangalo sasude na roa huhut pabadiahon au. 

Sai las rohaku alani saleleng ni lelengna i

5. Nunga disurat Debata ku, goarhu di bukuNa i, 

Paboa nunga hot jambarhu, na di banuaginjang i. 

Sai las rohaku alani saleleng ni lelengna i

• Buku Ende 145 : DANG HAPALANG LASNIROHA

1. Dang hapalang las niroha alana tardidi au

Ai disi bolong na roa dohot dosa sian au

Ise na tumanda arta na ummuli na umarga sian hatuaonki saleleng lelengna i

2. Nunga sae sude utangku ala na tardidi au

Uhum ndang habiaranku, diondihon Jesus au

Ai mudarNa huparidi di na masuk au tardidi, 

Ala ni i las rohaki, saleleng lelengna i. 

3. Bolis, begema hataku, Nunga na tardidi au

Ingkon ho taluhononku molo unjunanmu au. 

dang adong diham di au, Jesus do nampuna au. 

Ala nii las rohaki, saleleng lelengna i. 

4. Di na mate au, hudok ma Nunga na tardidi au

I do gabe pos ni roha, ai tu surgo ma au lao. 

Topotonku ma Amangku dohot Jesus i, TUHAN ku. 

Ala nii las rohaki, saleleng lelengna i. 

5. Naung tarapul do rohaku nang manangkar nangkar au. 

Tu tanoman pe dagingku, tondingki tu surgo lao. 

Di na homur i mataku sai dohonon mi rohaku

Halak na tardidi au, sonang au tu surgo lao. 

• Buku Ende 146 : O JESUS NAENG TARDIDI DO POSO POSO ON

1. O Jesus naeng tardidi do poso poso on

Sai roma mangaligi huhut manjalo on.

2. Di boan natorasna nasida be tuson

Ai naeng pasahotonna tu Ho dakdanak on

3. Ai di bagasan dosa do tubu on sude

Isara ni ompuna nang natorasna pe.

4. Alai o TUHAN Jesus silehon tua i

MudarMu do naung durus manesa dosa i

5. Asi rohaM o TUHAN di angka on sude 

Tu buku hangoluan surathonma sude.

• Buku Ende 147 : JESUS HAMI RO DISON

1. Jesus hamibro dison mangihuthon na nidokMu

Ro do poso poso on alana pinatikkonMu

Ingkon do tu Ho boanon lao manjalo parpadanan.

2. Marsaringar hata on dibagasan roha nami

Manang ise na dison, so hian manduahali 

Sian ginjang tinubuhon, dang tarbaen tu hangoluan. 

3. Ala ni hapogan do hami ro tu Ho, o TUHAN, 

Asa sahat ma tu Ho, poso poso on. Sai suan hangoluan tu rohana asa tong di Ho ibana.

4. Burima tondina i dohot mudarMi, o Jesus

Baen ias rohana i, sangkapMi di on patulus, 

Lehonma hatigoranMu, Ain ibana, anakkonMu. 

5. Parmahani on tongtong, Ho parmahan di huria. 

On pe, jalo ruasMon, baen pintor huhut badia. 

Dame lehon tu rohana, dohot haporseaonna. 

6. Sahatma tu rohaMi Jesus pangidoan nami

Togu i tu surgo i sai oloima sangkap nami 

Nang goarna i o TUHAN baen tu buku hangoluan.

- Buku Ende Jesus hami ro dison

D. MANOPOTI HAPORSEAON

• Buku Ende 148 : SIAN SURGO I SURU TONDIMI 

1. Sian surgo i suru TondiMivale Jesus TUHAN nami 

Ai naeng pasahoton nami tu Ho hami on na di joloMon.

2. Nasailaonna i, hinangkungan ni, natorasna be do hami, 

Olat na tardidi hami, di huriaMi na badia i. 

3. Na malua be hami on sude sian na mangkangkung hami, 

Jadi sarihonon nami, langka nami on na tu jolo on.

4. Na poso dope hami on sude, ala ni urupi hami, 

Ale Jesus, TUHAN nami, asa sai tongtong burju hami on. 

5. Sai asi rohaM, suan ma hataM tu bagasan rohanami. 

Ima pangguruan nami, sai hombar tusi pambaen nami be. 

6. Togu hami on di na rodop on, Ho ma huihuthon hami, 

Sahat ro di ajal nami asa masuk be tu na sonang pe.

• Buku Ende 149 : HO TONGTONG IHUTHONONKU 

1. Ho tongtong ihuthononku Jesus Sipangolu au

Tung na so tadingkononku Ho na paluahon au.

Sian sasude dosaku dohot sian uhum i

Na tongtong habiaranku ala pardosaonki.

2. Tung di dia jumpang ahu TUHAN sada songon Ho, 

Na manogunogu ahu tu na sonang songon Ho 

Naung ditaon Ho hamatean lao humophop tondingki, 

Asa masuk au manean, tohap na sumurung i. 

3. Manang aha pe na masa, las ni roha, arsak pe, 

Tioponku Ho na basa na marholong roha pe. 

Tung saleleng au mangolu, nang dung suda bohalhon, 

Ingkon Ho, o Sipangolu, pujionku sai tongtong. 

4. Sai ingani ma rohaku, Jesus dohot tondiMi, 

Ro di ujung ni langkangku, togu au, o TUHAN ki

Di na tos muse hosangku, di na homur mataki. 

Sai tiopi ma tanganku, togu au tu lambungMi. 

- buku ende Ho tongtong ihuthononku

• Buku Ende 150 : DANG AU NAMPUNA AU

1. Dang au nampuna au hulehon diringkon

Tu TUHAN i Rajaku sigomgom tano on

Ai di bagasan Jesus au diida Debata ku na pasonangkon au

2.Dang au nampuna ahu, dung mate Jesus i 

Dihophop do tondingku, disesa dosaki. 

Tongtongma hupasahat au, mangunduk tu TUHAN ku, 

Na lambok roha i. 

3. Dang au nampuna ahu, dung na tardidi au 

Di goar ni TUHAN ku na mangulosi au, 

Naung domu au tu Jesus i 

Rap dohot huriaNa, ginomgomanNa i

4. Dang au nampuna ahu, dang tarhasiphon au

Sai Jesus do artaku, dang be maila au. Torop pe manginsahi au, direhe pe TUHAN ku, 

Sai Jesus do di au. 

5. Sai i do dohononku dang au nampuna au." Sai Jesus tioponku, paima sahat au, 

Dang lupa au di Jesus i, 

Paima tos hosaku, ai sonang au disi. 

• Buku Ende 151 : ASI ROHAM O JESUS TUHANKI

1. Asi rohaM o Jesus TUHAN ki sai jangkonma au on

Sai roma ho laos i do HataMi tu au pardosa on 

Dison huboan peleanMu ima tondingku pamatang ku asi rohaM sai jalo ma

2 Asi rohaM Sai jangkon ma au On, gok dosa rohaki 

Asi rohaM Urasi rohakon na tuk do gogoMi. 

Sai Ho tongtong ihuthononku, NN PatikMu sai ulahononku Asi rohaM, urupi au. 

3. Masihol au di Ho o Jesuski

pasolhot au tu Ho

Ai dang na tuk pqtupa lomoMi so dongan nami Ho

Ai Ho do parhitean nami

Ho Jesus  Sipangolu hami

Oh tua ni na solhotMi

E. ULAON NA BADIA

Buku Ende 152 : JESUS NA MAMORSAN DOSA NI PORTIBI ON

1. Jesus na mamorsan dosa ni portibi on pangolu hami 

Jesus na mamorsan dosa ni portibi on sai pasonang hami 

Amen Amen Amen. 

• Buku Ende 153 : O JESUS NAUNG SINEAT DI HAU NA PINARSILANG

1. O Jesus naung sineat di hau na pinarsilang 

RohaM tongtong daulat nang uju Ho tarsilang

Marutang hosa hami ditaon Ho dosa nami asi rohaM o Jesus 

2. Pelean na badia, na masuk tu Jahowa, 

Singkat ni manisia, na o daulat roha.

Ditaon Ho dosa nami, so i, lao mago hami. 

Asi rohaM, o Jesus

3. Pelean na badia, jinalo ni Debata, 

Panaon ni manisia, na pasohothon bada. 

Sai sesa dosa nami, Ho hatigoran nami, Asi rohaM, o Jesus

4. Pelean na badia, dagingMu sipanganon, 

Di angka na porsea, mudarna siinumon. 

Sai ro ma maringanan marhite parpadanan 

Di hami on, o Jesus.

• Buku Ende 154 : SAI PALINGGAS HO TONDIKU 

1. Sai palinggas ho tondiku sai tadingkonma arsakmu

Romaa ho tu hatorangan asa dapot hasonangan 

Ai tarontang ho saunari tu haroan na badia. 

Na manggomgom parluhutan naeng tu ho do maringanan 

2. Sai ringkoti ma manomu na pangolu Ho, tondiku. 

Na manuktuk do Ibana, di roham dibaen hataNa. 

Ungkap pintu ni rohamu, asa bongot ma Rajamu. 

Dok inganima rohaku, unang be tadingkononMu. 

3. Sai malungun do rohaku, ale Jesus, dibasaMu. 

Tung na tangis do rohaku, na malungun di mannaMu.

Na mauas do tondiku, ale Jesus, di mudarMu, 

Pinangido ni rohaku, hasasaor tu Debataku. 

4. Las huhut do angka hitir, rohakon, di na hupingkir 

Simosimo ni panganon, di bagasan parpadanan 

Ai na so tardodo roha, pinatupa ni Jahowa. 

Ingkon Tondi Parbadia, pabotohon i tu iba. 

5. Jesus, holong ni rohaku, dipadoras Ho langkaMu 

Manadingkon hasangapon, mandapothon hajolmaon. 

Ai dilehon Ho dagingMu, hangoluan ni tondiku

Diusehon Ho mudarMu, baen hasaean ni dosaku. 

6. Jesus, Ho hangoluanku, unang so adong labaku 

Lao manganhon parpadanan, unang tung au hajeaan. 

Unang so lam huantusi godang ni pangkaholongi 

Ni rohaM di huriaMu na tinobus ni mudarMu. 

• Buku Ende 155 : TUSONMA HO ALE TONDINGKU 

1. Tusonma ho ale tondiku di na mauas male Ho

Manjalo basa ni TUHAN mu pinaradeNa i di ho 

Dilehon Jesus do dagingNa marhite hite roti on

Dilehon dohot do MudarNa marhite hite anggur on

2. Ai nang tongtong pe ganup ari, mudarNa mangurasi au, 

Huhut Ibana so mansadi, manogu tu lambungNa au, 

Sai naeng au mangan parpadanan ni Jesus Kristus, TUHAN ki, 

Na padamehon parbadaan, na pasonangkon rohaki. 

3. Asi rohaM di au, o Jesus, tumpahi au sadari on, 

Ai hataMi do hupatulus, manganhon parpadanan on. 

Antong patiur ma rohaku, marningot denggan ni basaM, 

Ima na tinaonMi dosaku binaen ni holong ni rohaM 

4. Patogu haporseaonku di hasasae ni dosaki, 

Marsitiopan baen rohaku di mudarMi na durus i. 

Sai roma Ho, ale TUHAN ku marhite parpadanan on, 

JoroMma baen nuaeng rohaku, 

Ho ma nampuna au tongtong. 

F. PASAHATHON TOHONAN PANDITA 

Buku Ende 156 : JESUS PARMAHAN SINURU NI DEBATA

1. Jesus Parmahan i sinuru Debata 

Manogu jolma i marhite sian hata

Na sintong na ture tu hangoluan i

Dipuji sasude huria goarMi

2. Naung dipatolhas Ho, hataM tu siseanMu. 

Antong, nasida do muse parhiteanMu, 

Lao pararathon i tu liat tano on, ai harajaonMi 

Naeng lam bidang tongtong. 

3. Manang di dia pe, ojak harajaonMu, 

Sai naeng tongtong ture, sude nirajaanMu. 

Naung dipabangkit Ho, Pandita, Guru pe

Parmahananna do huriaMi sude. 

4. Sai tatap ma dison, o Jesus, siseanMu, 

Na jongjong di joloM, mangido lehononMu 

Tu ganup TondiMi, nang huasona pe, 

Manogu bangsoMi, nang mangajari pe. 

5. Antong asi rohaM, sai pargogoi nasida, 

Huhut pasaut hataM, dongani ma nasida 

Mangaradoti be, hapanditaon i

Tu hami on sude, pasonggop dameMi. 

• Buku Ende 157 : O JESUS NA MARSANGAP I

1. O Jesus na marsangap i Ho Raja ni huriaMi Parmahan di bansoMu

Tongtong ditatap MataMi sudena pinaluaMi sude ni rajaanMu

Tatap tatap na marpungu di bagasMu di adopan ni habangsaMi o TUHAN. 

2. Martua do huriaMi: Ai na holong do rohaMi 

Mambaen hangoluan na dilehon Ho partogi i

Na mangajari sasude, pature parrohaonna. 

Unang hurang, di huria na badia panditana,

Angka na burju rohana. 

3. Sai tatap dohot angka on, na jongjong di joloM dison, 

Manjalo tohonanna, na mangampehon tangan i ParhiteanMu nama i mambaen hatuaonna. 

Suru Tondi Parbadia tu nasida margogoihon

Asa marhapanditaon. 

G. LAHO MARBAGAS

Buku Ende 158 : JESUS DEBATA SAI ULUHONMA HAMI ANGKA SISEANMU 

1. Jesus Debata sai uluhonma hami angka siseanMu 

Na tinobus ni MudarMu, tiopma tongtong tangan nami on

2. Ia masa pe, na bernit muse, 

Sai patogu roha nami asa unang ganggu hami, 

Haporsuhon do, lapang lao tu Ho. 

3. Songgop na hansit, sian na bernit, 

Nang di dongan, nang di hami, sai pabenget roha nami

Tu ujungna i, taiti roha i. 

4. Pambaen nami pe, baen tongtong ture 

Di na masa haporsuhon, Ho ma Jesus palambokkon. 

Sonang baen muse tondi nami be.

• Buku Ende 159 : MARTUA DONGAN ANGKA NA SABAGAS

1. Martua dongan angka na sabagas na mardonganhon TUHAN Jesus i

Na mangoloi Ibana mansai ringgas na so marholang tangiangna i

Tongtong holong rohaNa di ibana manungkun lomo ni rohaNa i

Huhut tongtong marguru tu hataNa dibaen sandok pangalahona i.

2. Martua baoa dohot inaina, sisadaroha mida Jesus i. 

Na rap marholong roha di TUHAN na, marsaulihon hatuaon i Na sahat sian asi ni rohaNa tu halak na porsea sasude

I do dibaen nasida haposanna, manang beha parsorionna pe. 

3. Martua na saripe, pangajari, di anakkonna, asa tong burju. 

Na so marpansohotan ganup ari, tumangiangkon angka i tutu 

Tu TUHAN Jesus, asa sai Ibana, mamasu masu sasudena i, 

Huhut dilehon asi ni rohaNa, manogihonsa tu lambungNa i

4. Martua dongan angka na sajabu, parlas ni roha di bagasan Ho. 

O Jesus na ringkot mamasu masu  angka na holong roha i di Ho

Martua ma tutu sude nasida. Nang di na songgop hasusaan pe

Ai sai diapul Ho roha nasida, paima ditogu Ho tu jabuMi. 

Buku Ende 160 : AU DOHOT NA SARIPEKON

1. Au dohot na saripekon o Jesus na di joloMon

Ho naeng oloan nami

Ho ma nampuna hami on saleleng hosa nami on

Sai pasu pasu hami

Ho ma Raja sioloan pausoan sisungkunon di patikMu ale TUHAN. 

2. Sai pasu pasu hami be, pasingkop bohal nami pe,

Padao ma hapogoson, horasi dohot daging i, 

Sai tukma baen gogona i, manahan di ulaon. 

Tolong, tolong, ganup hami, asa hami mangkaposi, 

RohaMi, na sai marasi. 

3. Rajaima hami sai tongtong, pasaor tu roha nami on

DameM, o TUHAN nami Marhitehite tondiMi, 

Ingani roha nami be huhut patogu hami. 

Daoma bada sian hami, jabu nami baen inganan pardamean hasonangan.

ENDE TARINGOT TU HASESAAN NI DOSA

• Buku Ende 161 : TANGIHON ANGGUK ANGGUKKU

1.Tangihon angguk anggukku asi rohaM Jahowa 

Mansai tarponjot rohaku dibaen godang ni dosa.

Tung sura dibaloshon Ho luhut na sala dompak Ho 

Tung ise tartahansa 

2. Ai holan asiasiMi, patupa paruntungan

Indada pambaen nami i, tung pe marhasurungan. 

Sipuji diri talu do, Ingkon mabiar mida Ho 

Sude, Marhuhuasi. 

3. Debata do haposanki, indada , pambaenanku. 

Na burju do basaNa i haposan ni rohaku. 

Sai tongtong do hataNa i na mangapuli rohaki. 

I do hupangasahon. 

4. Nang salpu ari, borngin pe, so ro dope basaNa, 

Dang olo ganggu rohaki, taringot tu gogoNa. 

Sai songon i ma roha ni, naung tubu sian ginjang i 

Debata dihaposi. 

5. Nang pe nania dosaki, godang pe hajahaton, 

Gumodang asiasiMi, na gogo paluahon. 

Jahowa sai asi rohaM, palua nasa huriaM 

Sian sude dosana

• Buku Ende 162 : O DEBATA MANSAI BALGA HUHUT DOKDOK DOSAKU

1. O Debata mansai balga huhut dokdok dosaku

Na so adong di tano on na tau haporusanku

2. Tung sura lao au tu na dao mangalap hatuaon 

Dang dapot i di tano i di nasa hajolmaon 

3. Ipe tu Ho nama au ro sai unang tulak au

Paombunma o Debata rimasMu mida 

4. Ai mudar ni anakMu i do gabe pardenggana, 

Sae utangki binaenNa i di hau na pinarsilang.

5. Molo patut, sai ro ihut uhumMu tu dosaku. 

Jorai au on di ngolukon tu surgo tait rohaku. 

6. Ajari au, na jat padao, paias ma rohaku. 

Naeng unduk do au on di Ho, HataM naeng oloanku. 

7. Tu asiMi ma rohaki, sai sesa ma dosaku. 

Tu lambungMi ma tondiki, dung tos muse hosaku. 

• Buku Ende 163 : LAOS DIJALO JESUS I DO PARDOSA NA TARILU

1. Laos di jalo Jesus i do pardosa na tarida

Sai paboa hata i tu saluhut i na lilu

Asa sasudena ro dipangolu Jesus do

2. Asi ni rohaNa i pinarbaga ni hataNa 

Dohot hangoluan i salelengna di lambungNa. 

Saluhut na i na ro, dipangolu Jesus do. 

3. Dilului parmahan i, dorbiana, molo lilu

Burjuan do Jesus i manjalahi na tarilu, 

Asa unang mago i dipangolu Jesus i. 

4. Ro ma sasude hamu, ro hamu na marsak roha, 

Jesus do manjou hamu asa mulak tu Jahowa. 

Unang so porsea ho dipangolu Jesus do. 

5. Au, na marsak roha i ro tu Ho, haporusanku, 

Manopoti dosaki, sesa ma sude utangku. 

Hata on mangapul au dipangolu Jesus au. 

6. Nang jorbut pe dosaki, laos gumogo do mudarMu, 

Tau manesa utangki, mangurasi pe rohaku. 

Ai hudok marningot Ho, dipangolu Jesus do. 

• Buku Ende 164 : O TUHAN JESUS HO RAJAKU

1. O TUHAN Jesus Ho Rajaku tangihon au naposoMon

Naeng topotanku do dosaku tu Ho.

Sigomgom tano on Ai naeng mangolu tondiki marhite hite mudarMi 

2. Godang do dosa ni tanganku, rohakupe gok dosa do, 

Nang mata pe, nang pamatangku, luhutna i gok dosa do. 

Sai sesa nasa dosaki marhite hite mudarMi. 

3. O Jesus na marasiroha di saluhut pardosa i

Ondihon hami ai naeng jora, do hami mangulahon i, 

Sai sesa dosa nami i marhite hite mudarMi.

4. Sai lehon ma tu tondi nami, tondiM, na sun badia i 

Ibana mangajari hami, mangaradoti patikMi. 

Parbadiaima hami be marhite hite mudarMi. 

5. Pasaor ma hami tu punguan ni angka na badia i, 

Na sonang di banuaginjang, mamuji muji goarMi. 

Pamasuk hami be tusi marhite-hite mudarMi.

• Buku Ende 165 : NA BASA DO ROHAM DI AU

1. Na basa do rohaM di au o Jesus TUHAN ki

Diihuthon Ho au tu na dao mambuat rohaki.

2. Pardosa na godang do au, badia anggo Ho,

Sai tu na roa do au lao, sai tu na jahat do. 

3. O TUHAN, hutopotima luhutna dosaki. 

Asi rohaM sai sesa ma, di Ho ma tondiki. 

4. O Jesus, sai tangihon on, sude na jat padao, 

Lam ias bahen rohakon asa sai sonang au. 

5. Ai nunga pola mate Ho, humophop tondingki

Malungun au nuaeng di Ho, naeng au tu lambungMi.

• Buku Ende 166 : AI BEASA DI BALIAN HO

1. Ai beasa di balian Ho pangoluhon au

Unang Ho marpansadian roma Ho tumopot au

Jesus hangoluan ki hupangido tolongMi

Sai pamalumma rohaku sian hansit ni bugangku.

2. Anggo bugang, i ma dosa, i do mangarsahi au

I do na paponjot hosa, dohot dame dipadao,

Ditorui patik i au binaen ni dosaki, dang huboto haluaon, Anggo so Ho patupahon. 

3. Ai hutopot angka dongan, mamuati arsakki. 

Jadi tamba halonongan, jotjotan binahen ni. 

Ho do pandapotan ni nasa hasonangan i. 

Ipe roma Ho, o Jesus, asi ni rohaM patulus

4. Pos rohaku, ditangihon, Jesus i tangiangki 

Rohakon do didapothon, bahen ingananna i.

Hasonangan timbul ne, dohot hatuaon pe. 

Hehe ho, ale rohaku, halupahon ma arsakmu. 

5. Aha do sihabiaran, molo haholonganMi 

Au, o Jesus, dang jujuran ni Debata dosaki. 

Gabe pintor au dibaen, tung anakNa au diain, 

Na martohap di Ibana, martinean di artaNa. 

• Buku Ende 167 : DIJANGKON JESUS DO PARDOSA

1. Dijangkon Jesus do pardosa na mangarsakhon dosa i
Na mangundukkon hinaroa ni pambaenna sasude
Alai ditangkup hata on, dijangkon Jesus nang au on.

2. Pardosa na tarsolsol bagi, na ponjot roha situtu,
Huhut na olo manopoti, dosana i mansai burju,
Ido dijangkon Jesus i asa paluaonNa i.

3. Banua ginjang ditadingkon, humophop hajolmaon i.
GoarNa i do sipujion ni nasa na malua i
Ai nunga sae utangna i binaen ni Tuhan Jesus i.

4. Ditaoni Jesus hamatean di hau na pinarsilang i,
Mambaen di hita pardamean tu Debata, AmaNa i.
Nuaeng dang pola marsak be na ro tu Jesus i sude.

5. Antong hamu na marsak roha, tangihon ma hataNa i,
Hatopma ro hamu paboa, ditangkup roha muna i
Barita ni TUHAN ta i naung ro pasaehon dosa i

6. Dison do hami ale TUHAN asi rohaM paiasma,
Togihon hami on tu ginjang tu surgo i tu Debata,
Pujion namima disi Ho Sipalua jolma i

• Buku Ende 168 : DISESA JESUS DOSA NI SUDE

1. Disesa Jesus dosa ni sude na olo mangarsakkon
Na so umboto dalan be asa dapotan haluaon
Ponjot rohana situtu dirina di torui burju, naung binuaan ni si Musa
Nasida be do dihilala di angka i  do hata i
disesa Jesus dosa i, disesa Jesus dosa i

2. RohaNa na tongtong asi do na mangonjar sian surgo
Ibana lao tu tano i, tumopot jolma i naung mago
Hinorhon ni dosana i Ibana do mamorsan i,
DiriNa i do dipasahat, manaoni uhum ni parjahat
Di baen naung ginararNa i
Disesa Jesus dosa i, disesa Jesus dosa i

3. Nuaeng tarbaen maporus be tu Jesus i sude pardosa,
disalesehon do sude utangna, na so tartahansa,
didabu do dosana i tu laut na so tardodo i,
Ima mudarNa i naung durus baen haluaon na umbulus di nasa hajolmaon i
Disesa Jesus dosa i, disesa Jesus dosa i

4. Binorhos tu mudarNa i, ditogu Jesus siseanNa
Tu jolo ni AmaNa i, i do dibaen hapintoranNa.
Dung i asi ma roha ni AmaNa di nasida i.
Dijangkon do tu ingananNa, dilehon do hasonanganNa,
Dibaen naung hot hataNa i 
Disesa Jesus dosa i, disesa Jesus dosa i

5. Antong, hamuna sasude na mangarsakkon dosa muna,
Sai boan tihasmuna be tu Jesus, pangondian muna.
Beasa di na dao hamu, so pola mago be hamu?
Tongtong naeng dosa baenonmuna, nang pe tarbaen hamu malua?
Palias i , Sai ro ma ne
Disesa Jesus dosa i, disesa Jesus dosa i

6. O Jesus, taiti hami on, tu ho na tong marasiroha,
Ajari hami sai tongtong mangkagigihon nasa dosa. Pangkilalahon jea ni na mangulahon dosa i
Tu hami, asa jora hami huhut papos ma rohanami, Mandok mamuji asiMi
Disesa Jesus dosa i, disesa Jesus dosa i

• Buku Ende 169 : HO SIPANGOLU AU

1. Ho Sipangolu au sai topotma au on
Sai ung mandao dao Ho sian rohakon
Ro Sipangolu ro tibu baenma au AnakMu tutu
Dodot MudarMi buri au, ias songon hapasma au
Refrein  :
Ias tutu ias tutu...dohot mudarMi buri au
Ias songon hapasma au
Ias tutu ias tutu...dohot mudarMi buri au
Ias songon hapasma au

2. Gogo ni MudarMi papatarma di au
Tondi Parngolu i tongtong manogu au
Ro Sipangolu ro tibu mbaenma au AnakMu tutu
Dohot mudarMi buri au, ias songon hapasma au.
Refrein  :
Ias tutu ias tutu...dohot mudarMi buri au
Ias songon hapasma au
Ias tutu ias tutu...dohot mudarMi buri au
Ias songon hapasma au

3. Toguma rohakon sai taiti au tu Ho
Ai langkaMi tongtong naeng tiruon do
Ro Sipangolu ro tibu, baenma au AnakMu tutu
Dohot mudarMi buri au ias songon hapasma au.
Refrein  :
Ias tutu ias tutu...dohot mudarMi buri au
Ias songon hapasma au
Ias tutu ias tutu...dohot mudarMi buri au
Ias songon hapasma au

- 169 buku ende

- ho sipangolu au buku ende nomor

• Buku Ende 170 : IA AEK SANTETEK

1. Ia aek santetek na otik do i
Molo sai manetek mangalantap i

2. Tano, laut nang hosa, na godang do i
Molo pungu dosa, na jorbut do i.

3. Ise do mamorsan dosami, ale? Ise haluaan ni tondim muse ?

4. Ima TUHAN Jesus, siparasi i Nunga ho ditobus,sian dosami

5. Sombama Ibana, sipangolu i Asa tung disesa dosami sude

6. Haholongi Jesus, aloma dosam Asa dipabulus sasude langkam.

7. Asa dipabongot ho tu surgoi, Sonang ma ho sogot, salelengna i.

• Buku Ende 171 : TANDAIMA AU

1. Tandaima au, sangkapima dohot rohaku
Ujima au pamanat huhutma dalanku
Olo ditanda Ho au Debata

2. Asima rohaM taringot tu pangalahoku
Olo tutu  jotjot do na lilu dalanku
Sesa dosaku sude Debata

3. Sai tatapma au, tambaima haporseaonku
Toguma au tu surgo papintor langkaku
Ala AnakMu ma i Debata

• Buku Ende 172 : O JESUS PANONDANG

1. O Jesus Panondang di portibi on
Sai asi rohamu di pardosa on
Ho mangapuli au na marsak on

2. Sesama dosaku ale TUHAN ku
Ala ni mudarMu na nilehonMi
Asalma rohaku salelengna i
Ingot di hansitMu dohot mudarMi

• Buku Ende 173 : SAI MULAK

1. Sai mulak sai mulak, ho naung lao jalang i
Ai na dao ho nuaeng holang sian tuam...
O parjalang ho, mulak..mulakma ho
mulak... mulakma ho...

2. Sai mulak, sai mulak, na sininta leleng!
Sai magopu roham, ai godang do dosam.
O parjalang ho. Mulak, mulak ma ho,
mulak, mulakma ho

3. Sai mulak, sai mulak, sian tano na dao
Sidangolon sambing do turpukmu disi.
O parjalang ho, Mulak, mulakma ho, mulak...mulakma ho...

4. Sai mulak, sai mulak, ai na sonangma ho
Molo sesa dosam jala sabam roham.
O parjalang ho. Mulak, mulakma ho,
mulak...mulakma ho.

• Buku Ende 174 : TOROP DOPE NA SIAT I

1. Torop dope na siat i di hasampuran rea
Ipe hamu pardosa i sai oloma porsea...
Ai Debata manjou hamu tu hasonangan situtu
Hamu hamu...dijou Debata mu...

2. Tama longang roham, ale, umbege pangontangNa.
Antong, sai unang jua be, tangihon pamioNa.
Ai Debata mamio ho dibahen i sai ro ma ho
Sai ro, sai ro, tu surgo ma ho ro.

3. Pardosa ho, didok roham, na so tama be dohot?
Dang pola ala ni dosam umbaen na sundat bongot
Ai nunga sae do dosami digarar TUHAN Jesus i
Naung sae, naung sae, naung sae do dosami.

4. Haporseaima hata i, ai i do haluaon,
Haposi TUHAN Jesus i, mudarNa i ma golom.
Ai nang gok dosa rohami, malua ho bahenon ni
Tutu, tutu, malua baenon ni.

5. Antong, beha roham disi. Sai rap ma hita bongot
Tu hasampuran rea i, tu hasonangan sogot
Tapujima TUHAN ta i dibaen asi rohaNa i
Tongtong tongtong, asi rohaNa i.

- 174 buku ende

• Buku Ende 175 : TUDIA HO NA LOJA I

1. Tudia ho na loja i  binaen ni dosami
Dang jumpang ho na sonang i
di parjalanganmi di baen i sai mulak ho.

2. Pasahat arsak ni roham tu TUHAN Jesus i
Sai boanma sude dosam tu Sipangolu i
Olo tutu sai roma ho

3. Ibana padamehon ho na loja na sailaon
Ai molo so tusi ho ro tongtong ma ho manaon
Dibaen i sai roma ho

• Buku Ende 176 : NA MUNGKAP DO SURGO

1. Na mungkap do surgo dibaen aha do
Dibaen naung ro Jesus mangungkap di ho

2. Dosam tinaonNa di Golgata
Disi dipasae do sude utangmi, disi dipasae do sude utangmi

3. Antong o tondiku tu Jesus ma ro
Ai las do rohaNa manjangkon nang ho, ai las do rohaNa manjangkon nang ho

4. Tarsongon hasumba rar dosami
Sesaon ni mudar ni Jesus do i, sesaon ni mudar ni Jesus do i

5. Roham mangkolsohon parsorionmi
Tu Jesus pasahat sude arsakmi, tu Jesus pasahat sude arsakmi

6. Naeng bahenonNa na hansit sude
Basar do ditogu tu surgo muse, basar do ditogu tu surgo muse

7. O Jesus sai Ho do parjambaranki
Pasonang rohaku pasabamma i, pasonang rohaku pasabamma i.

• Buku Ende 177 : DADA TARHATAHON

1. Dada tarhatahon haholong ni roha ni TUHAN ta di pardosa i
Marsak do rohaNa mida jolma i
na so olo unduk di hataNa i

2. Naeng pangoluonna jolma sasude,
Naeng pasonangonNa nang parjahat pe
Asal ditangihon saluhutna i, hata hangoluan binoanNa i

3. Jesus do manaoni dosa ni sude, Nunga digarari do utangta be Nunga pola mate TUHAN Jesus i, paluahon hita sian dosa i

4. O hamu pardosa sai tandaima i
Lehon di Ibana roha muna be
Ido pangidoan ni TUHAN ta i, asa sai tong sonang bahenonNa i

• Buku Ende 178 : ROMA TU JESUS

1. Roma tu Jesus roma tibu, bege hataNa jangkon burju
Na ro do Jesus pangolu ho asa porsea ho.
Refrein  :
Mansai las roha ta i muse, molo ias sian dosa be.
Sai roma hita tu surgo i laos sonangma disi

2. Roma tu Jesus undukkonma pambahenanmu na so tama, Naeng sesaonNa do dosami dibaen mudarNa i.
Refrein  :
Mansai las roha ta i muse, molo ias sian dosa be.
Sai roma hita tu surgo i laos sonangma disi

3. Roma tu Jesus, hatop ho ro, ai so ditulak Jesus be ho.
Na asi roha do Jesus i sai posma rohami.
Refrein  :
Mansai las roha ta i muse, molo ias sian dosa be.
Sai roma hita tu surgo i laos sonangma disi

4. Roma tu Jesus na holong do, rohaNa i dihalak na ro.
Ai dipalua tondi ta i unang be mago i
Refrein  :
Mansai las roha ta i muse, molo ias sian dosa be.
Sai roma hita tu surgo i laos sonangma disi.

- 178 buku ende

• Buku Ende 179 : ADONG DO SADA MUAL

1. Adong do sada mual i di na mardosa i
mansai denggan do mual i pasonang rohaki.

2. Aek mual na badia i, ima di Jesus i,
Disesa do tihasta i, dibuat arsak i.

3. Ai mudar ni TUHAN ta i do mual i sintong,
Durus di Golgata do i mangkophop hita on

4. Ima tutu, ai dohot au ias dibahen Ho,
Asi do rohaMi di au nang di luhut na ro.

5. Parjahat di siamunMi di dolok Golgata, Digolom i do hataMi dibaen porsea do.

6. Dung i jalo malua i sian pangago i,
Dibaen porsea roha ni i, di Ho, Raja na i.

7. Sai dohot au paluama, padao ma jea i,
Di hami sai patongtongma haporseaon i

8. Ai na margogo do tongtong mudarMu na use
Ias dibahen rohakon, bontor huhut ture.

9. Dibahen i pujionku tongtongma goarMi
Saima sogot endeki dung au di lambungMi

• Buku Ende 180 : RO TU JESUS HO NA LOJA

1. Ro tu Jesus ho na loja na maheu i
lam lumbang do di lambungNa ro hami

2. Bereng di hau pinarsilang  daon ni sahitmi
TUHAN mi na hona uhum singkatmi

3. Timbang holong ni rohaNa  na sai godang i
Ai dilehon do hosaNa tobusmi

4. Apul apul sae ni dosa hangoluanmi
Saluhut dilehon Jesus tuami

5. Diantusi do siholmu habebernitmi
Gogo tahanmi diantan, TUHAN mi.

• Buku Ende 181 : DANG NA TARPABOA

1. Dang na tarpaboa asi roha ni Debata Jahowa mida jolma i
So tartimbang iba dosa i sude, na binahen niba ganup ari pe.

2. Sai dongani hami na mardagang i
Roha nang pamatang sai ramoti i
Ho do Ama nami na sumurung i
pangalualuan salelengna i.

- buku ende hkbp no 181

• Buku Ende 182 : TU JOLOM O DEBATAKU

1. Tu joloM o Debata ku sai use do rohakon
Sai pasiat tangiangku sohot ilu ilukon.

2. Husolsoli do rohaku na gok dosa i tongtong
Ai godang ari ariku na hubahen ambolong.

3. Sai jotjot do hutadingkon dalanMi na tigor i,
Kristen au, hape hutondong, dalan hamagoan i.

4. Ala ni i tungki rohaku, jongjong di adopanMi,
Sai asi rohaM TUHAN ku, sesa nasa dosaki

5. Haburjuon dimangmangkon, rohakon nuaeng di Ho
Naeng tu surgo hutujuhon, Jesus, taiti au gogo.

6. Mangihuthon Ho, TUHAN ku, i ma las ni rohaki
Ima naeng padanhononku dokma amenmi disi.

ENDE TARINGOT TU HAPORSEAON

• Buku Ende 183 : NA JUMPANG AU NA ASI ROHA

1. Na jumpang au na asi roha si au naung mago i hian
TUHAN Jesus Parasi roha di au na lilu na hinan
Nuaeng hutanda TUHAN ki, parasi roha bolon i
parasi roha bolon i

2. Dibahen godang ni dosaku, tung hona uhum au tama
Hape ro Jesus dipadomu au muse dohot Debata.
MudarNa na badia i Pajongjong pardomuan i, pajongjong pardomuan i

3. On pe holan asi ni roha, sipangasahononhon i.
Sipujionku do Jahowa, dung ro na pamanathon
Unduk huhut las rohaki,
Mamuji asi roha i, mamuji asi roha i

4. Ianggo i dang taragohon baenon ni manang aha pe.
Sai asiMi hupangasahon di tangiangku sasude.
Mate pe au, pos rohaki. Marningot asiasiMi, marningot asiasiMi

5. Ipe, ale TUHAN Jahowa unang unsati asiMi.
Boan ma au ale Debata, dung mate au tu lambungMi.
Tongtong las rohaki disi
Mamuji asiasiMi, mamuji asiasiMi

- 183 buku ende

• Buku Ende 184 : NUNGA TUNG JUMPANG AU

1. Nunga tung jumpang au ojahan ni tondiki na mago i
Mudar ni Jesus do manahan saleleng ni lelengna i
Nang magope portibi on tongtong dohot ojahan on.

2. Ai dipaherbang do tanganNa, mangkaoli hajolmaon on
Dibahen asi ni rohaNa, di isi ni portibi on
Naung ro, nang na so ro dope, naeng toguonNa do sude.

3. Unangma mago hajolmaon di roha ni Jahowa i
Disuru do tu hajolmaon anakNa, Sipangolu i.
Sai dituktuhi hata ni, do pintu ni roha ta i

4. Naung lonong do sude dosa ta, tu mudar ni TUHAN ta i
Ai molo na porsea hita, dang jadi hona uhum be,
Dibaen panjou ni mudar i na mangondihon jolma i

5. Dibahen i sai bonomonku do au tu paridian i
Hupasesahon do dosaku tu Jesus, Sipangolu i.
Di na tarsolsol bagi au, tu Jesus ki tongtong au lao.

6. Ojahan on do ingananku, saleleng au di tano on
Sai i ma hangoluhononku, saleleng so tos hosangkon. Tongtong do sipujionki TUHAN ku, Sipangolu i.

Buku Ende 185 : HOLAN SADA DEBATA TA

1. Holan sada Debata ta na tumompa sasude
Na tarida di mata ta nang na so taridape
Tandama ruhutNa i unang lilu rohami

2. Dang marmula Debata ta, nang ujungna pe,
dang tarida di mata ta, ai rupaNa tondi do.
Holan mata ni rohaM, tau mananda Debata m.

3. Diingani Debata ta, parluhutan i sude,
Diingani nang roha ta, digomgomi sasude
Nang hagogoonNa i, dang marhatudosan i

4. Na bonar do Debata ta, jala na badia pe
Na sun pistar Debata ta, pangoluhon sasude.
Pos ni roha situtu, Debata ta na burju.

5. Sai na sintong do hataNa, na tinonahonNa i,
Atikpe asi rohaNa, dang paubaonNa i.
Sai oloima i sude asa sonang ho muse.

Buku Ende 186 : JAHOWA DO HAPOSANKI

1. Jahowa do haposanki na mangapoi rohaku
Na patiurhon dalanki bulus dibaen langkaku
Sonang tongtong rohakinon binaen ni Debata ku
PatikNa do lomoku

2 Na tau haposan situtu do Ho, o Debataku.
Ai Ho do na tongtong burju mambaen hangoluanku
Na gogo Ho, Sai tulus do sinangkap ni rohaMu,
Pasaut na pinungkaMu.

3. Dang dung dihalupahon Ho sude na holong
Di Ho, ai sai dapotsa do na tau apulapulna .
Tung sonang do dibahen Ho na sai tongtong porsea,
Malua sian jea.

4. Sai tatap sitiruonMi binaen ni TUHAN Jesus,
Andorang na di Golgata, mudarNa i lao durus
Sai pos disi rohaNa i, ditiop do AmaNa,
Sai tiru ma Ibana.

5. Antong, sai sahat ma tu Ho, au on, o Debata ku
Asi rohaM. sai tait gogo tu Ho sandok rohaku
Sai togu i tu surgoMi, Ai di na tos hosaku,
Ho do dapothononku.

- 186 buku ende

Buku Ende 187 : DENGGAN DO PANOGUM

1. Denggan do panoguM ale Jahowa di angka na pinarmahanMi
Tagamon bahenonMu ma na roa, so tarbunihon Ho do burjuMi
Jotjot suhar do pambahenanMi di roha ni na so tumanda Ho
alai marhite sian i do ro tu hatiuron na tinoguMi.

2. Tung patik angka na binaen ni jolma, Ma ihuthonon ni tondim disi?
Ho na tongtong sumurung i martoha,
Sai ingkon pasautonMu tahiMi. Sai talu do na hum mangalo Ho, dipangke pe sude gogonai,
Ai Ho do na so halompoan i, na tinahiM sai ingkon jumpang do

3. Dialo Ho sude na jungkat roha, Na timbo i dipatutoru Ho,
Alai sude na serep i marroha,
I do na sai diasiasi Ho.
Parhata na gogo di tano on dihagigihon rohaMi sude,
Na dangol i ditatap Ho hape naeng urupanMu angka i tongtong.

4. O TUHAN, sai pinujima goarMu,
Ai dipangolu Ho do hami on
Tandaon namima pambahenanMu,
Dung dipatiur Ho do mata on.
O Debata, lomo do rohaMi manogu hami di na rodop on,
Holong do rohaMi di hami on, naeng sahat tu lambungMu baenonMi

5. Jahowa, sai pasabamma rohaku,
Mangkadengganhon nasa pambaenMi
Ajari au, patiurma langkaku,
Lao mandapothon Ho di surgo i. Sai unang loas ahu lilu be, pasaorma TondiMi tu rohakon, Mangiringiring au di tano on, anggiat sahat au tu Ho muse.

- buku ende batak 187

Buku Ende 188 : JAHOWA SIPARMAHAN AU

1. Jahowa Siparmahan au dang hurangan manang aha
Ai nasa jea dipadao do sian dorbiaNa
Tongon dibaen na lomak i lao pangoluhon tondiki dibaen asi rohaNa

2. Ditogu au tu na tio, aek mata hangoluan
Dibaen do tondiki sio, di dalan hasonangan
Sabam rohaku do tongtong, saleleng au di tano on, baen sangap di goarNa

3. Di rura hamatean pe dang pola au tahutan,
Ai disondangi do sude, sonang do au mardalan.
Batahi dohot tungkotMi do. mangapuli rohaki.
Ho do sitiopanku.

4. Rade dibaen Ho meja i di jolo ni mataku.
Paadop adop musuki na so habiaranku.
Ulungku dimiahi Ho, panginumanku suksuk do,
Binaen ni panumpakMu.

5. Tongtong do denggan ni basaM, jambarhu di ngoluku
Tongon do asi ni rohaM, mangihut di langkaku.
Dung i, dung suda bohalhi sai ingananku jabuMi
Saleleng ni lelengna.

Buku Ende 189 : O JESUS NA PANGOLU AU

1. O Jesus na pangolu au Anak ni Debata
asi rohaM sai togu au sahat tu Debata.

2. Tutu rohaku sonang do marningot basaMi
Ai hangoluanki do Ho, di hamamateMi.

3. Ia tarsolsol bagi au dibahen dosaki,
Diapul mudarMi do au di na huingot i

4. Dibuat Ho do arsakki, pahehe rohakon
Na sonang au binahen ni, di hapogosonkon.

5. On pe hubonom rohaki tongtong tu rohaMi,
Sabam ma au bahenon ni, mangolu tondingki.

6. Sai huhaposi hataMi, ai na sintong do i
Huingot bagabagaMi na so ubaon i

7. O Jesus, ale aleki, rohaM nama di au
Ai Ho do hangoluanki, nang di na mate au.

8. Dihalungunhon rohaki, naeng ingananMu au.
Antong, urasi tondiki, parbadiaima au.

Buku Ende 190 : LAS ROHAKU SITUTU

1. Las rohaku situtu mida Jesus na lulu
Manjalahi hajolmaon, ai Ibana paluahon
jolma manisia i sian hamagoan

2. Las rohaku situtu mida Jesus na burju
Patupahon hangoluan di au na di hamagoan
Tung saluhut dosaki do disesa Jesus i

3. Las rohaku situtu ai parjambar au tutu
Di na denggan sasudena pinarbaga ni Debata
Di sude na burju i mangihuthon Jesus i

- 190 buku ende

 

Buku Ende 191 : HOSANA DO NILEHON NI TUHAN TA JESUS

1. HosaNa do nilehon ni TUHAN Jesus i manobus hita sasude
dibaen basaNa i na durus do mudarNa i di dolok Golgata
Digarar do utang ta i tu TUHAN Debata, tu TUHAN Debata

2. Sai timbang ma holongNa i di ho pardosa i
Patangkas pangkophopNa i na patandahon i.
Antong pauba ma roham, oloi ma Jesus i,
Sai hagigihon ma dosam,
Nang nasa jeami, nang nasa jeami

3. Sai dasingma na bernit i, tinaon ni Jesus i.
Huhut parsaulihon i baen hangoluanMi.
Pasahat dosami sude tu Jesus, TUHAN mi
Sai sonang tondimi muse,
Lao tu lambungNa i, lao tu lambungNa i

4. Antong ihuthonma tongtong siporsan dosami,
Saleleng ho di tano on, paburju rohami.
Pasangapma TUHAN ta
Papuji pujima MudarNa na badia i Tobusmu na arga, tobusmu na arga.

Buku Ende 192 :  O TUHAN JESUS RAJA NI SUDENA

1. O TUHAN Jesus Raja ni sudena tubu sian Ama i
Haholonganku sisombaonku sasada Ho do TUHAN ki

2. Tombak denggan do, hauma pe denggan do na rumatarata i
Jesus dumenggan Jesus gumodang sibaen las ni roha ta i.

3. Bulan tiur do, bintang pe torang do, nang mataniaripe.
Jesus tumiur, Jesus tumorang, sumurung sian i sude.

4. Doshon halinu, do sude na uli, martimbangkon Jesus i
dang haholongan nasa na denggan sobokkon TUHAN Jesus i.

5. Jesus TUHAN ku, Ho ma dirohaku, hasudunganku tongtong Nang au mangolu, Ho pe lao mate sai Ho nampuna dirikon.

Buku Ende 193 : MARIBAK LANGIT

1. Maribak langit langitan dibahen holong ni rohaM
Di hami angka na hansitan papatar denggan ni basaM
Diida nasa manisia pangisi ni portibi on
Ro Ho o Jesus na badia humophop hajolmaon on.

2. Diporsan Ho do nasa dosa ni manisia sasude.
Ima umbaen marutang hosa Ho, manggarar i sude.
Ditaoni Ho do hamatean di hau pinarsilang i,
Pamasuk hami on, manean na uli na di surgo i

3. Mauliatema rohaku di Ho, Jesus TUHAN ki
Naung sae do saluhut dosaku binaen ni hamamateMi.
Malua sian hamagoan do au binaen ni asiMi,
hupuji goarMi, o TUHAN, saleleng ni lelengna i

4. Antong, Ho ma nampuna au saleleng au di tano on,
Dengganma au marpangalaho, pasangap goarMi tongtong
Sai tiruonkuma pambaenMu mangkaholongi dongan i 

Seahononkuma diriku maniru Ho, o TUHAN ki.

Buku Ende 194 : AUT SO ASI ROHAM

1. Aut so asi rohaM aut so godang basaM tudia au
Alai dibaen basaM dohot asi rohaM tu surgo au.

2. Mauliatema di Ho, o Debata ala basaM
Sibahen dalan i marhite AnakMi, tu banuaM.

3. Anggiatma holong, rohaku, sai tongtong burju tu Ho.
Sai dongananMu au manang tu dia lao, sonang tutu.

4. Disuru AnakMi tu au TondiNa i na sian Ho,
Manogu tondiki tu hasonangan i. Pinuji Ho.

- 194 buku ende

Buku Ende 195 : HOLONG DO ROHA

1. Holong do roha ni Debata ku holong roha na tongtong di au
Ai di patupa do haluahonku marhite Jesus AnakNa i

2. Tarihot ahu ditahen dosa na so tarbahen, malua au
Dibahen i hudok, Holong do roha ni Debata ku, tongtong di au

3. Peak do au, di hamatean, dibaen sibolis, pangago i
Dibahen i hudok, Holong do roha ni Debata ku, tongtong di au

4. Na ro do Jesus pardameanku, Parmahan bolon na burju i,
Dibahen i hudok, Holong do roha ni Debata ku, tongtong di au

5. Ditaoni Jesus do hamatean manggarar utang ni dosaki,
Dibahen i hudok, Holong do roha ni Debata ku, tongtong di au

6. Mangolu au binaen ni hata ni Tuhan Jesus tu tondingki,
Dibahen i hudok, Holong do roha ni Debata ku, tongtong di au

7. Hangoluanku, tongtong hataNa sombu uashu, binahen ni,
Dibahen i hudok, Holong do roha ni Debata ku, tongtong di au

8. Tonggi do holong ni Debataku, na tau mangapul rohakinon
Dibahen i hudok, Holong do roha ni Debata ku, tongtong di au

9. Na dipamalum haholongonNa sude na bernit, ni rohaki.
Dibahen i hudok, Holong do roha ni Debata ku, tongtong di au.

10. Marlas niroha huhut mardame do au dibahen, holongNa i
Dibahen i hudok, Holong do roha ni Debata ku, tongtong di au

11. Sai teanonku, do hasonangan rodi saleleng lelengna i,
Dibahen i hudok, Holong do roha ni Debata ku, tongtong di au

12. Sai pujionku do roha holong pinatuduhon Debata.
Dibahen i hudok, Holong do roha ni Debata ku, tongtong di au

Buku Ende 196 : SAI HUJAHA DI PUSTAHA

1. Sai hujaha di pustaha padan na imbaru i
na tongtong lambok rohana na so marpangansi i

2. PanjangkonNa di dakdanak na pinarhamaolNa
PanjamaNa di nasida, angka na hinaolNa i

3. Dohot asi ni rohaNa di na marsitaonon i
Parmulia ni tanganNa, pabalihon begu i

4. PanjangkonNa di pardosa na magopu roha i,
PangapoiNa di nasida, paubahon roha i

5. Tung lambok do ditogihon angka dorbiaNa i
Asa sahat boanonNa tu banua ginjang

6. Ingkon tongtong jahaonku padan na imbaru i
Naeng tangkasma botoonku holong ni rohaNa i

Buku Ende 197 : NA MARMAHANI HITA

1. Na marmahani hita Parholong roha i

ima TUHAN ta Jesus silehon tua i silehon tua i

2. Ditatap pardangolan ni manisia Soada hasonangan Na lilu do sude, Na lilu do sude

3. Alai ro ma Ibana tu hasiangan on, 

Manobus huriaNa, Humophop hita on, humophop hita on

4. DiriNa dipasahat tu hamatean i 

Ibana gabe singkat Ni manisia i, ni manisia .

5. Dibahen i, o jolma, naung sae do. dosami 

Ai molo ho porsea, Taruli ho disi, ta

6. Antong, hamu na loja binaen ni dosa i

Sai ro hamu sudena tu TUHAN Jesus i. 

7. Sai naeng pasonangonNa hamuna sasude 

Sai naeng togihononNa. Hamu tu surgo i

Buku Ende 198 : AUT UNANG HO JAMBARHU 

1. Aut unang Ho jambarhu ale Jesus

Aut so mudarMu mangondihon au 

tung na tudia nama au pardosa marhaporusan.

 2. Ai dang adong be songon Ho TUHAN ku 

na mamuati arsak ni rohaku

Sasada Ho do sipasonang au,hangoluanku.

3. Dibahen i hupuji ma GoarMu

Ai dohot au ditaiti Ho TUHAN ku

Tu parpunguan ni nahi nophopMu dohot mudarMu.

Buku Ende 199 : SAI INGOT JESUS TUHAN MI

1. Sai ingot Jesus TUHAN mi naung ro tu hita jolma 

Na tumadingkon surgo i na gabe dongan jolma

Sai unang halupahon i, ai i do hangoluanmi sai pujima Ibana

2. Sai ingot Jesus, TUHAN mi sitaon godang na bernit 

Di hau na pinarsilang i, humophop ho, parsahit. 

Ai ho tama manaon sude na mangonai tu Jesus i

Sai puji ma Ibana. 

3. Sai ingot Jesus, TUHAN mi na hehe do Ibana 

Di ari patoluhon i, rumar do tanomanNa. 

Ai alani tarbahen do mangolu sogot dohot ho.

Pasangapma Ibana. 

4. Sai ingot Jesus, TUHAN mi na a sangap do Ibana. 

Manaek muse tu surgo i tu lambung ni AmaNa. 

Inganan hasonangan i, rade di ho dibaen disi.

Tangihon ma hataNa.

5. Sai ingot Jesus, TUHAN mi ai mulak do Ibana 

Muse, manguhum jolma i, tangkas didok hataNa. 

Pature ma roham tongtong, saleleng ho di tano on. 

Pasangap ma TUHAN mu. 

6. O Jesus, tatap ma au on, sondangi ma rohaku

Urupi au di tano on, maniru ho, Rajangku. 

Uhirhon ma tu rohaki, goarMu na badia i

Pamasuk au tu surgo..

Buku Ende 200 : DI SURGO DO ALE ALE TA

1. Di surgo ale ale ta na burju roha situtu

Dang piga di banua tonga dongan ta na tongtong burju.

Refrein  :

Antong, ta baenma Jesus i tongtong ale ale ta i 

2. Na meoleol songon arung do dongan na di tano on

Na hot do Jesus na sumurung, donganNa pe hot do tongtong,

Refrein  :

Antong, ta baenma Jesus i tongtong ale ale ta i 

3. Sai marpambuat akka dongan di holong ni rohaNa i

Hape ianggo so dapotan, bolong do parsaoranna i 

Refrein  :

Antong, ta baenma Jesus i tongtong ale ale ta i 

4. Humophop hita do tinaonNa, na bernit i di Golgata, Sude dosanta pinorsanNa, pasaehon i tu Debata.

Refrein  :

Antong, ta baenma Jesus i tongtong ale ale ta i 

5 Sai dingkan hita do rohaNa, sintong do parsaoranNa i Manongtong holong ni rohaNa di nasa na nianna i

Refrein  :

Antong, ta baenma Jesus i tongtong ale ale ta i 

6. O Jesus, ale ale nami. sai tiop tangan nami be, 

Tongtong rajai ma roha nami tu surgo togu ham be. 

Disi ma hot parsaoran i saleleng ni lelengna i.

Refrein  :

Antong, ta baenma Jesus i tongtong ale ale ta i 

Buku Ende 201 : NA MARTUNGKOT SERE AU DI DALANKU TU NA DAO

1. Na martungkot sere au di dalanku tu na dao

Sian surgo i do ro surgo i ditudu do

Ima haporseaonku na pahothon pardalananku 

na patogu langkaki sahat ro di surgo i 

2. Sada par di surga i, do disuru TUHAN ki, 

Manginganhon rohakon, mangajari au tongtong

Ima holong ni rohaNa, sian denggan ni basaNa 

Do dilehon i tu au asa unang mago au.

3. Marsinondang do tongtong di bagasan rohakon 

Sada bintang na torang, na mambahen au sonang

Pangkirimon ni rohaku, i ma sian Debata ku, 

Patiurhon dalanki tu banua ginjang i.

Buku Ende 202 : HUHAHOLONGI HO GOGOKU

1. Huhaholongi Ho gogoku, huhaholongi Ho tongtong 

Marhitehite pambaenanku nang sian nasa rohakon

Ai Ho do sumondangi au ro di na mate au.

2. Huhaholongi Ho, ngoluku, ai Ho do ale aleki

Sai naeng tongtong Ho pujionku saleleng au sinondangMi. 

Holong mamolin rohaki di Ho, o Jesuski

3. Tung so jumolo Ho hutanda, ro di na hina uliMi, 

Tung so jumolo Hu huida, Ho arta na sumurung i

Na marsak au huhut tungki dibahen otongki. 

4. Na lilu au huhut mapitung umbaen na so hutanda Ho, 

Na sorat au dibaen huusung, sude pardosaonku do. 

Alai nuaeng mananda do rohakinon di Ho. 

5. Mauliate ma rohaku di Ho na manondangi au

Hupuji Ho, ale TUHAN ku dibaen natingkupMu au. 

Hisar do tondiki dibaen hutanda Ho nuaeng. 

6. Tongtong ramoti ma langkaku di dalan hatigoran i 

Huhut sai pargogoi rohaku mangarodoti hataMi. 

O sondang sian surgo i, sondangi rohaki

7. Huhaholongi Ho, tumpalhu, Ho, Debata ku na tutu

Manang beha parsorionku, ihuthononku Ho burju Haholonganku Ho tongtong, nang tos pe hosakon.

Buku Ende 203 : HOLONG DO ROHAKON DI HO

1. Holong do rohakon di Ho, sai unang mandao dao be Ho 

O TUHAN sian au

Dang dihalashon rohakon nang ahape di tano on, 

naeng Ho sambing di au

Ai manang tospe hosaki sasada Ho haposanki 

na mangapuli rohaki

Naung dipaias mudarMi o Jesus ki Debata ki, Debata ki parbadiaima tondiki. 

2. Ai holan denggan basaMi do daging dohot tondiki. 

Rodi sude artaku. Antong, asima rohaMi, 

Ajari au mamangke i, baen sangap-di goarMu. 

Tongtong padao ma sian au sude na tau mangago au, 

Huhut pabenget rohaki, manaon sude na porsuk i

O Jesus ki. Manaon sude na porsuk i. O Jesus ki Debataki, Debataki, palambok hamamateki

3. Sai dokkonma suruanMi, mangusung au tu lambungMi, Ianggo ro ajalhu, disi papodom dagingkon 

Sinok di dalom tano on, paima ro ariMu. 

Dung i sungguli au muse, marnida BohiMi, tahe, 

Palasma rohaki tongtong, parasiroha di au on. 

O Jesus ki tangihon on, tangihon on asa hupuji Ho tongtong.

Buku Ende 204 : DANG TADINGKONONKU HO ALE JESUS SIPANGOLU

1. Dang tadingkononku Ho ale Jesus Sipangolu 

Naeng ihuthononku do Ho saleleng au mangolu.

2. Nasa na nilehonMi, tondi rodi pamatangku, 

Hosa dohot gogoki, rodi saluhut artangku, 

Hupasahat i tu Ho, na so unsatonku do. 

3. Nang lam buruk dagingki, nengel pinggol, rambon mata, Majal pangkilalanki, dila so malo marhata, Tanda ajalhi naeng ro, Jesus tioponku do. 

4. Laos hutiop Jesuski molo sahat au tu surgo, 

Molo idaonku i, naung huhirim i di tano. 

Las ma rohaki disi mida Jesus, TUHAN ki, 

5. Dang be mangapian au di na masa di na rodop. 

Sai tu ginjang nama lao, tondiki marolopolop. 

Jesus Ho do jambarhi, saleleng lelengna i.

Buku Ende 205 : ALE JESUS TUHAN NAMI

1. Ale Jesus TUHAN nami brlereng hami na dison

PinarmahanMido hami saluhutna na dison.

Sai asi rohaM di hami sai pangolu hami on.

2. Ale Jesus, togu hami asa unang mago be 

Manang ise sian hami, sai porsea ma sude. 

Sai na hot di Ho ma hami, dao ma jea sasude 

3. Disangkapi roha nami, naeng malua situtu 

Sian pardosaon nami. Asa Sai tongtong burju. 

Sai urupi roha nami asa ias situtu.

Buku Ende 206 : NA DISON DO AU TUHANKU 

1. Na dison do au TUHAN ku, na marsomba au tu Ho 

Iluilu ni mataku,  do tu Ho

RohaMi ma tu rohaku na masihol au di Ho

2. Sai matahon au TUHAN ku, sai rajai ma diringkon. Ho hinirim ni rohaku, sipangolu tondikon

RohaMi ma tu rohaku, Ho di au di Ho au on

3. Dang adong pangidoanku dungkon asi ni rohaM

Na dilehon Ho, TUHAN ku tu na unduk di hataM. 

RohaMi ma tu rohaku sai pasauthon ma hataM. 

4. Ho do mata ni ariku, halalas ni rohaki.

Na masihol do tondingku di Ho, Jesus TUHAN ki. 

RohaMima tu rohaku asa sabam rohaki. 

5. Sai tangihon ditangishon rohaki dangolna i

Sai tangihon ditangishon tondiki siholNa i 

RohaMi ma tu rohaku sai di Ho ma tondingki. 

6. Hamoraon, halilian, roha ni portibi on 

I do tongtong parsahitan situtu di tondingkon 

Holan Ho huhalungunhon, hutundalhon tano on. 

Buku Ende 207 : SAI TIOPMA TANGANKU Sai TOGU AU

1. Sai tiopma tanganku sai togu sai togu au

Paima tos hosaku ramoti au

Dang olo au mardalan sasada au

Sai Ho ma ale TUHAN manogu au

2. Baluti ma rohaku, na marsak i tu asi ni rohaMu, na godangi,

Sai sesama dosaku, asa tongtong Guru di Ho rohaku, tu jolo on. 

3. Ianggo hasusaan, godang do i, alai pangkilalaan sonang do i 

Na tiur do rohaku, nang pe holom Niida ni mataku di tano on. 

4. Di lambung patMu, TUHAN, di joloMon 

Sai loas maradian siseanMon, pitpit hubaen mataku maniop Ho, Ai sonang do rohaku mardongan Ho 

5. Sai tiopma tanganku, sai togu au 

Paima tos hosaku dongani au. Pabulus ma langkaku, tu surgo i 

Ho ma pasangaponku tongtong disi.

Buku Ende 208 : ALE DONGAN NA TARHURUNG DI BAGASAN DOSA I

1. Ale dongan na tarhurung di bagasan dosa i 

Hangoluan na so murung sibaritahononki

Dipapatar Debata ta asi ni rohaNa i

Ai disuru do AnakNa baen hangoluanta i. 

2. Pangondian do AnakNa, naung ro tu portibi on, 

Paluahon sian dosa, hita na marjea on. 

Jesus Kristus i do goar ni pangondinganta i, 

Ai Ibana do manggarar utang ni pardosa i 

3. Jesus Kristus do manogu au tu hasonangan i, 

Diarahon do tondiku tu hasangaponNa i, 

Asa unang be marlea au, na bojok roha on, 

Jala dao sudena jea, na mangago rohakon. 

4. Ia ro pe hamatean, Jesus mangapuli au

Di na songgop paruhuman, Jesus mangondihon au

Aha be habiaranku? Jesus do haposanki, 

Ala ni sai pujionku holong ni rohaNa i 

Buku Ende 209 : NA SONANG AU DUNG NA MARTUHAN TU TUHAN JESUS HAHOLONGAN

1. Na sonang au dung na mar TUHAN tu TUHAN Jesus haholongan

Siholsohonon siarsakonon sude do i ambolong dung naposoNa au

Ibana do ihuthonononku portibi on tundalhononku

Dung Jesus i hubaen TUHAN ku

nuaeng nang sogot sonang au

2. Na sonang au, bolong do sasude na mangarsahi au 

Las rohaki, nuaeng nang sogot pe, diapul Jesus au. 

Dang huholsohon be ngoluku, 

Sude do guru di Amangku.

Nuaeng nang sogot sonang au

3. Na sonang au burju do Amangki na manarihon au

huhut basa sude na rikkot i dilehon do tu au

Parbegu do na humolsolsohon, 

NgoluNa dohot sipanganon

Nuaeng nang sogot sonang au

4. Na sonang au harajaonNa do rodi ruhutNa i 

Ima antong na hujalahi do sude dapot disi

Sai on ma sangkap ni rohaku

pasauthon roha ni Amangku

nuaeng nang sogot sonang au

5. Na sonang au na maradian au di amouanNa i 

Na bernit i maporus sian au hudai holongNa i 

nuaeng sinolom ni rohaku

nuaeng surgo i ma bongotanku

Nuaeng nang sogot sonang au.

Buku Ende 210 :  O TUHAN NA MARASI ROHA

1. O TUHAN na marasi roha, na so tardodo jolma i 

Torop do halak sipardosa na rap mamuji goarMi

Dibaen basaM na godang i marhite hite Jesus i. 

2. Dibahen Ho do pardengganan, pasaehon dosa i sude

Ido mangkorhon haluaon di hami na tarjea i 

I pe mauliate ma au on di Ho, o Debata.

3. Naung ro do Tondi Parbadia tu huriaM sinuruMi, 

Manunggul roha na porsea di nasa na pinilitMi. 

Mamuji Ho do ala ni rohaku na imbaru i. 

4. Mauliate ma rohaku dibaen na pinarbagaMi

Dang olo asi ni rohaMu mansohot salelengna i. 

Sai hot do padan binaenMi, nang pe na sego sasude. 

5. Nang hangoluan, hamatean na hansit nang na porsuk i, 

Na so tarbaen do manirang au sian hahoholongMi, 

Na di bagasan Jesus i ai na burju do rohaMi

Buku Ende 211 : TUHAN JESUS SIPARMAHAN

1. TUHAN JESUS Siparmahan, au biru - biruNa do

Jesus gok di Ho rohaku, sai ihuthononku Ho

Sai ihuthononku, sai ihuthononku 

Jesus gok di Ho rohaku sai ihuthononku Ho.

2. Jumpang masa sorimago tung pangapul Ho gogo

Ia bogasMi huida, sai ihuthononku 

Sai ihuthononku, sai ihuthononku...

Ia bogasMi huida sai ihuthononku 

3. Dokkon au suruanMu ai hataM so magopo

Dungi Ho huhut manogu donganki manopot Ho

Taitima sude tu Ho, taitima sude

Sai asi rohaM sai togu, sahatma sude tu Ho...  

- buku ende hkbp no 211

Buku Ende 212 : HAHOLONGON NA BADIA

1. Haholongan na badia sian TUHAN Jesus i 

Sai songgopi sai bongoti roha dohot tondiki

2. Las ni roha ni na sonang di banua ginjang 

Sai pasonang, sai pasabam, sihol na di rohaki

3. Hasonangan, hadameon na ro sian Jesus i, Sai pahosa au na loja, asa bulus rohaki. 

4. Sai palambas ma rohaku dompak angka dongan i 

Asa tung ringgas rohaku lao manesa dosa ni i

5. Habasaron, hadameon na ro sian TUHAN ki, 

Gohi roha dohot tondi, unang munsat sian i

6. Haholongon sian Jesus, sai paias rohakon, 

Sai pabali nasa tihas asa ias tondikon. 

7. Antong, ale Debataku sai pagomos rohaki, 

Asa tolhas au tu lambung ni sude na monang i

Buku Ende 213 : DUNG SONANG ROHAKU DI BAHEN JESUS I

1. Dung sonang rohaku dibahen Jesus i, porsukpe hutaon dison

Na pos do rohaku di TUHAN ta I dipasonang tongtong rohakon.

Refrein : 

Sonang do, sonang do dipasonang tongtong rohakon

Sonang do, sonang do dipasonang tongtong rohakon

2. Nang dihaliangi sibolis pe au, naeng agohononna muse. 

Naung mate TUHAN ku mangolu ma au, 

Utangki nunga sae sasude.

Refrein : 

Sonang do, sonang do dipasonang tongtong rohakon

Sonang do, sonang do dipasonang tongtong rohakon

3. Diporsan TUHAN ku sandok dosaki, 

Bolong tu na dao do dibaen, nang sada na so jujuronNa be i

Na martua tondiku nuaeng.

Refrein : 

Sonang do, sonang do dipasonang tongtong rohakon

Sonang do, sonang do dipasonang tongtong rohakon

4. Mangolu nang mate di Jesus do au, 

Ibana haporusanki hataNa sambing do partogi di au

Ai na tau haposanku do I

Refrein : 

Sonang do, sonang do dipasonang tongtong rohakon

Sonang do, sonang do dipasonang tongtong rohakon.

- Dung sonang rohangku buku ende

- 213 buku ende

Buku Ende 214 : SONANG DI LAMBUNG JESUS 

1.Sonang di lambung Jesus sonang na ro tu si

Unang be ho mabiar lao mandapothon I

Tongtong dijouhon Jesus sai roma ho tu Au

Tadingkon haholomon jala haposi Au

2. Sonang di tambang Jesus, rap hita lao tu si 

Inganan na umuli do di lambungNa i. 

Ai nunga diparade hasonanganta i, Asa marhasonangan na ro tu Jesus i. 

3. Jesus haholonganku, Jesus haposanki, 

Saleleng au mangolu dohot di tikkiki

Dang be hu habiari akka pangago i, 

Ai diramoti Jesus, au hinophopNa i 

- 214 buku ende

Buku Ende 215 : NA MARTUA NINNA JESUS 

1. Na martua ninna Jesus na pogos tondina I 

Ai lakkana do na tulus tu banua ginjang i 

Sai sonang roha ni na manggolom hata I.

2. Nang na marsak pe tarbahen sonang do rohana i

Ai arsakna i mambahen ro na mangapuli i 

Sai na sonang roha ni akka naung tarapul i. 

3. Na martua do dohonon na lambok marroha i

Ai nasida do manean nasa na di tano i

Sai na sonang roha ni na mangalo rimas i. 

4. Molo mauas tondi muna mida hatigoran i

Na martua do hamuna, ai tutu ma jumpang i. 

Sai na sonang roha ni na marhatigoran i. 

5. Akka na marasi roha, ninna Jesus, TUHAN i

Angka i do siasian, balos ni asina i. 

Sai na sonang roha ni siasii dongan i. 

6. Akka na lidang marroha na so saor tu dosa i

I do na tarbaen marnida Ama na badia i. 

Sai na sonang roha ni na pasiding dosa i. 

7. Angka na manuan dame, i dietong Debata 

Songon anak, ai nasida sada dohot Debata 

Sai na sonang roha ni na mambahen dame i

8. Dohot akka na binuru, ala hatigoran i. 

Sipujion, ai marguru, tu porsukna upa ni i.

Sogot di na sonang i, mullop ma tuana i  

Buku Ende 216 : GARGAR DOLOK TAPOR BATU

1. Gargar dolok Tapor Batu dang na gargar asini

Ro hasian Debataku sai na hot padanNa i 

Refrein  :

Asi ni rohaku do dang na munsat sian ho

2. Na nidok di Debataku patut huundukkon i, 

Sai mangolu do tondiku molo huihuthon i, 

Refrein  :

Asi ni rohaku do dang na munsat sian ho

3. Saluhutna na dung loja mangulahi do gogo, 

Sonang jala las rohana, ia diasangkon do, 

Refrein  :

Asi ni rohaku do dang na munsat sian ho

4. Marsak ala ni dosamu, bobos mida uhum ho. 

Sai haposi ma TUHAN mu na tongtong mandok tu Ho, 

Refrein  :

Asi ni rohaku do dang na munsat sian ho

5. Sai patogu ma rohaku, o TUHAN, di hataMi

Unang pola au be ganggu, paima bagabagaMi

Refrein  :

Asi ni rohaku do dang na munsat sian ho

6. Ia ro pe hamatean di na suda bohalhi, 

Hangoluan ma hutean sian na mandokkon i

Refrein  :

Asi ni rohaku do dang na munsat sian ho

Buku Ende 217 : JAHOWA DO DONGANKU 

1. Jahowa do donganku tung ise aloki

Hasian ni Debata au Kristus Ulungki

Tung aha hata hata ni panginsahi i 

2. Ai damang do Jahowa, hupuji i tongtong. 

Sai i digolom roha, marningot na holong 

Do roha ni natimbo tuk do gogoNa i 

Mambuat nasa holso, pasonang rohaki. 

3. Mudar ni TUHAN Jesus panalom rohaki 

Ai i do na pubulus dalan tu Ama i. Artana do na maol na nilehonna i, Unang pinarhamaol ngolu ni daging i

4. Jesus hasangaponku, sondang ni tondiki, 

Aut unang i huboto, da mago au boti

Dibaen habadiaon ni natumimbul i 

Rimasna dang tartaon, na songon api i. 

5. Dang be marhinamago, Au, dung ro Jesus ki. 

Soada na mangago, hinaholonganki. 

Tongtong sonang rohaku, di na lao mate pe

Tu surgo do langkaku, uhum dang jorbut be. 

6. TondiNa do disuru manggohi rohakon, 

Ibana huparguru, palambok dangolhon. 

Dibaen pasupasuNa umbaen mananda au 

Di Ama i, tung sura na hurang boto au. 

7. Ibana mangajarhon luhut tangiang i

Ibana patolhashon na pinangidomi Tu Debata, Ama ta, hurang pe rohami

Ibana padas hata, sandok na malo i 

8. Ibana Pangapuli di na marilu i

Sambulo pe na uli, na pinarade ni, 

Ama ta na di ginjang, dipatuduhon do 

Molo dung so marlindang jala dang ganggu ho 

9. Ingkon marlasniroha tongtong au ala ni i

Ai nunga dao na roa di Ho au, Jesus ki

Ho mata ni ariku, Ho las ni rohaki

I pe di Ho dagingku, di Ho nang tondiki. 

Buku Ende 218 : TONG DO TAU HAPOSAN TUHAN JESUS I

1. Tong do tau haposan ala naung di porsan do dosa ta i 

Hata, nang dameNa hangoluan ni akka na porsea  di hataNa i 

2. Sai tong didongani na porsea i, 

Jala ganup ari ro basaNa i

Refrein  :

Tu na so marganggu, digogoNa i Na mandok TUHAN ku, na sun denggan i 

Tu na so marganggu, digogoNa i Na mandok TUHAN ku, na sun denggan i 

3. Guru di Ibana, sude tano on. Sintong do hataNa, na tu huta on

Refrein  :

Asi ni rohaNa na sumurung i

dipatongontongon tu lomoNa i

Asi ni rohaNa na sumurung i

dipatongontongon tu lomoNa i

4. Ale TUHAN nami sai sondangi ma, 

Sude dongan nami na di Sumatra

Refrein  :

Dohot halak Nias, halak Borneo, Asa tung lam ias lao managam Ho. 

Dohot halak Nias, halak Borneo, Asa tung lam ias lao managam Ho. 

5. Nang pe akka jolma na di Afrika 

Ro di halak Sina,dohot Asia

Refrein  :

O Jesus Panondang sai sondangima

Asa ro marsomba tu Ho Debata 

O Jesus Panondang sai sondangima

Asa ro marsomba tu Ho Debata 

Buku Ende 219 : ISE DO ALE ALE TA

1. Ise do ale ale ta na so olo muba I

Ale ale na so murung ima TUHAN Jesus i 

Ai torop pe ale ale na di hasiangan on 

Saluhutna i mansadi molo mate daging on

2. Haha anggi dohot tondong na marholong roha i

Ale ale dohot dongan, tading do sudeni i, 

Nang pe dipataru hita sahat tu udean i, 

Laho do muse nasida, ditadingkon bangke i 

3. Anggo Jesus, sai diingot, do ale aleNa i

Nang tondita pe diingot sahat tu ajal ta i. 

Ta tadingkon pe luhutna, na di hasiangan on 

Dapoton ta di lambungNa, hasonangan na tongtong. 

- buku ende ise do ale ale ta

Buku Ende 220 : DANG JUMPANG HIAN HATORANGAN NI I

1. Dang jumpang hian hatorangan ni i pardagang di dalanna tu surgo i

Marhite sakkapna pikkiranna I

Aut unang TUHAN ta haposan ta i.

2. Dung loja roham dibaen dosami, Hurangan di dame do nan rohami, Tu Golgata boan, mangelek ma ho, Porsea di Jesus TUHAN ta ma ho. 

3. Masihol do ho di na tiur i Dihoihon roham na so tau ho tusi Na ro do parasi na sumurung i Mandok Ho na dangol sai pos rohami. 

4. Sude rohami ditanda hian 

Na masa di ho sai didasing hian. 

Luhut tu na denggan di ujungna i, Ditumpak TUHAN ta sasudena i

5. Sai tong do bulus di hita sude, Ai Jesus natuk patundukkon sude

Biar pe roha ta, nang golap pe i, 

Haposi TUHAN ta, partogi do i. 

6. Antong unang be mandele roham, 

Adong na ringgas sumarihon langkam

Ai Tondi ni Jesus patiur roham, 

Mangkirim ujungna na tongtong sonang. 

7. Ai molo dung ro marujung lakkam

Sai monangma ho, sai ditiop roham

Porsea di Jesus partogi di ho

tu ginjang tu surgo diboan do ho

Buku Ende 221 : SALELENG JESUSKI

1. Saleleng Jesuski na mandongani au,
maporus holso holsoki sai di Ibana au

2. Parmahan Jesuski, birubiruNa au,
Ditogu togu tondiki, dang be marmara au.

3. Sai dipatongon au tu hasonangan
Diiring iring Jesus au mardalan lao tu si.

4. Torop di tano on mangkaliangi au,
Sai TUHAN Jesus do tongtong maniop niop au.

5. Naeng tarsulandit au di maol ni dalan i.
Hatop ma lao tu Jesus au, pamalum rohaki

6. Hubereng ma tongtong Jesus ku, tumpalhi,
Ibana tua na tongtong, na so mansohot i.

- 221 buku ende  

Buku Ende 222 : TU JOLO NI TUHAN KU

1. Tu jolo ni TUHAN ku huboan diriku
Ibana do Rajaku sigomgom rohakon
Sai guru di Ibana sudena lakkaki
Sai asi ni rohaNa na pature bogashi.

2. Ai nang peau targogot, hutatap Rajangki,
Sai ro do ganup sogot, pangurupiNa i
Na so pasombuonNa di pangunjunan i,
Sai saut paluaonNa, na hinophopNai.

3. Tutu, dang sai mansohot, tompu na mohop i,
Sipata leleng lohot tu au na dokdok i.
Alai gogoku ganda mamorsan silang i .
TUHAN ku do hutanda, jonok di lambungki.

4. Ditiop do tanganku, sai dihehei do au,
Sai tong jonok TUHAN ku, dang dung Ibana dao.
TondiNa patorangkon tu au holongNa i
Sai lam huhadengganhon hansit ni silang i.

5. Di holong ni rohaNa, dibuhul tikkiki.
Di si do alaponNa au tu lambungNa i.
HolongNa pujionku, tung selelengna i,
siala sitaonon, niampehonNa i

Buku Ende 223 : HUSOMBA HO TUHAN

1. Hu somba Ho TUHAN, tangihon au
SakkapMu ma tongtong pasaut tu au
Lam ganda baenonMi holong ni rohaki
Sai lam ganda holong tu Ho.

2. Ujuna lilu au, dao sian Ho, sai dilului Ho au, laos jumpang do
Ala ni holong do rohakinon di Ho, Sai lam gandai holong tu Ho

3. Di na targogot au hansit huae, Ho na mangapul au tu Ho au lao Haposanki do Ho, Ho Sipangolu do,
Sai lam tambai holong tu Ho

4. Ia tung jumpang ma, ro ajalhi, asi rohaM nama di tondiki
Na las do rohaki marnida bohiMi
Di lambungMi di surgo i.

- 223 buku ende

- hu somba ho Tuhan buku ende

Buku Ende 224 : JALO TANGANKU

1. Jalo tanganku, tiop au o TUHAN
Ai na gale au so mardongan Ho
Rap dohot Ho hipas do au mardalan
Mamolus parmaraan sonang do

2. Sai togu au, sihol di Ho rohaku Naeng lam sumolhot au tu lambungMi.
Ai unang i, mura dope au lilu, Manimbil sian hasintonganMi

3. Ajari au, urmun dope huida, Maol huantusi pambaenMi sude. Dung pe ro songgop Tondi Parbadia,
Tangkas huida, sasude ture.

4. Urupi au di ujung ni langkaku, Mamolus rura hamatean i,
Sai bohiMi panondang di atashu Laos boan au tu undung undungMi.

Buku Ende 225 : HO O TUHAN HAHOLONGAN NI ROHAKU

1. Ho o TUHAN haholongan ni rohaku sai tongtong
Sai tangihon pangidoan sai urupima au on

2. Pasu pasu ulaonku tumpakma sudena i
Sai padengganma rohaku maradophon donganki

3. Sai patiurma rohaku mamingkiri basaMi
Sesama sude dosaku paimbaru tondiki

4. Iring iring au TUHAN ku sai tiopi tanganki
Molo tos muse hosaku, abing au tu lambungMi.

Buku Ende 226 : ADONG DO HASONANGAN DI HO PARJALANG I

1. Adong do hasonangan di ho parjalang i
Hatopma ho maporus tu TUHAN Jesus i
O jakkonma Ibana asa dapotan ho
Adong do hasonangan, antong sai roma ho.

2. Adong paradianan di ho.na loja i
Di TUHAN Jesus Kristus, pardenggan basa i.
Pareak ma Ibana, ai di paima ho. Adong paradianan, antong, sai.ro ma ho.

3. Sai parhaseang tikki, halehetanna i.
So tung ho maon mago binaen ni dosami
Unang sai marhusari, unang tarlalap ho.
Adong do hasonangan, antong sai ro ma ho.

Buku Ende 227 : JESUS NGOLU NI TONDIKU

1. Jesus ngolu ni tondiku, Ho do haporusanki
Gok di Ho nama diriku ro di nasa lakkaki

2. Lam tangkas ma patuduhon, tu au on pangkophopMi
Asa i hu halungunhon, hotma au di lambangMi.

3. Jangkon au baen siseanMu, na girgir tu podaMi.
Sai surdukkon ma TanganMu asa tong hutiop i.

4. Tangkup au Jesus TUHAN ku, tiop au mansai gomos,
Asa unang runsur pathu sian dalan na tingkos.

5. Raphon Ho do au mangalo dosa dohot hisaphi,
Ai sumurut do pangago, anggo Ho di lambungki.

6. TondiMi sai tong paian di au on tinobusMi
Tung patau ma au manean pinarbaga bagaMi

- Buku Ende Jesus ngolu ni tondiku

- Jesus ngolu ni tondiku buku ende

- 227 buku ende

Buku Ende 228 : JESUS HAPOSANKU

1. Jesus haposanku unangma pasombu au di hapunjungan
di na so mardongan,
Ho tongtong donganku di pardalananku
Jesus haposanku unang au pasombu.

2. Ho sambing Rajaku, Ho do oloanku
NaposoM do au di harajaonMu
Sonang ma rohaku, dung tangkas di au,
Ho sambing Rajaku jala oloanku.

3. Di harajaonMu tigor do uhumMu.
Ho ma huihuthon lao tu hangoluan,
Naung torang tarida, sonang do nasida
Di harajaonMu, ala ni uhumMu.

4. Masa asi roha mida dlsi pardosa
Jesus do manesa dosa sasudena
Na gogo mudarNa mamintori hita
Akka asi roha masa di pardosa

5. Jesus do TUHAN ku parsigantunganku
Jesus do ojahan ni haporseaon
Dada au tahutan nang di parmaraan
Jesus do TUHAN ku parsigantunganku

- buku ende Jesus haposanku

Buku Ende 229 : SAI MARTUA DO SUDENA

1. Na martua do sudena na so uduran i
Dohot halak na sumurut sian na porsea i
Na so olo mangihuthon tahi ni na jahat i
Na so olo sahundulan dohot panginsahi i

2. Sai tongtong lomo rohana mida pangajaran i
Na nilehon ni Jahowa gabe sioloan i
Ido songon hau na denggan na di lambung Ibana na so olo malos be

3. Sai na talu di uhumanhalak sipargeduk i
Jongjongma di hasangapon  na tigor marroha i
Sipargeduk dang na tolhas ro tu hangoluan i
Hamagoan di nasida sonang do partigor i

Buku Ende 230 : NA MALUNGUN DO ROHAKU

1. Na malungun do rohaku, mida Jesus TUHAN ki
Ai di sesa do dosaku diurasi rohaki
Di bagasan parsahitan marsigantung au tu Ho
Olo do au mangihuthon panoguonMi tu Ho.

3. Sangkap nang pangidoanta dohot na tahirim pe,
Rodi angka pingkiranta di TUHAN ta ma sude.
Tapararat ma hataNa tu na so porsea i,
Atik saut dope mardame akka na manjua i.

4. Molo pos roham di Jesus, tinggal di tanganNa i,
Sonang ma roham, sai tulus do huhut sinangkapmi
Jadi sai togihononNa ho muse tu surgo i,
Gabe nasa ugasanNa dohot ho manean i.

Buku Ende 231 : ONMA NA DI ROHAKI

1. Onma na di rohaki, Jesus ima TUHAN ki
Magope portibi on tu Ibana rohakon.

2. Jesus do ummaol di au, ai arga ditobus au,
Nang musuna au nian, mago sian nahinan.

3. Holan Ho, TUHAN tongon, na tau pos ni rohakon
dang na mago ambolong, na marningot Ho tongtong

4. Tung behape au tahe, asal au tu Ho muse
Buat sian rohaki, na hinasogohonMi.

5. Amen, on ma na sintong, dihalashon rohakon, Jesus pangondianki, Jesus hangoluanki.

Buku Ende 232 : SIAN SUDE PARULIAN NA ARGA

1. Sian sude parulian na arga sada huboto, hutiop tongtong
Jesus TUHAN ku, Ho arta na arga na mangatasi sudena antong
Refrein  :
Tangkup TUHAN mu tung tiop hataNa
Sai pangasahonma baga bagaNa

2. Naeng ho pistar, Sai dapothon TUHAN mu,
Nasa na hurang sai boan tu si.
Tu pamodaiNa paunduk rohamu, Asa tiur sasude bogasmi.
Refrein  :
Tangkup TUHAN mu tung tiop hataNa
Sai pangasahonma baga bagaNa

3. Naeng ho tigor, pangasahonTUHAN mu,
Na tuminggalhon sangapNa sude. Na gabe jolma pasaehon dosamu, -: Golom ma, aithon panghophopNai
Refrein  :
Tangkup TUHAN mu tung tiop hataNa
Sai pangasahonma baga bagaNa

4. Naeng ho mangolu saleleng lelengna, Di TUHAN Jesus do jumpang ho i.
Nunga torang ditaluhon sibolis,
Nang hamatean sigomgom sude.
Refrein  :
Tangkup TUHAN mu tung tiop hataNa
Sai pangasahonma baga bagaNa

5. Jesus TUHAN ku sai Ho huhaposi pataridahon tu au holongMi
Pangidoanku tu Ho sai tangihon basa basahon tu au ngoluMi
Asa di Ho au di harajaonMu
Lao patulushon pasauthon hataMu.

Buku Ende 233 : TURE NAI MANODO TUHAN JESUS

1. Ture nai manodo TUHAN Jesus martua na pinarmahanNa i
Uli nai sakkapNa dipatulus di ganup hita hinophopNa i
Sandok patulus rohami, pasahatma dirim tu TUHAN Jesus i

2. Sumurung do panogu noguonNa, umarga sian rumang tano on. '
Halaean nasa pangajarionNa, dijujur siseanNa i tongon.
Lam las, lam sabam rohaki,
Lam hupasolhot au tu Ho, o TUHAN ki.

3. Ramoti au TUHAN ku, sai longkangi, ma sian au tung hatangkangon i.
Asi rohaM, datdati, sai torangi rohaku, lao mananda dalanMi.
Pangkilalahon ma tu au 
GogoM, dameM, ngoluM, tu dia pe au lao.

4. Ulina i, sai mian di tanganMu, au nang nadokdok niampehonMi. Ai marsihohot ahu di dalanMu, sai tua i di au tumpahonMi
Margogo do panatapMi, 
Mambuat biar mida hamatean i.

5. Tahoppe dosa ro nang halumlamon manogu au tu haholomon i
Hutangkup TUHAN ki ai dang tagamon
Saut lonong au pasombuanna i jonok Ibana do tongtong
Asal di au diida roha na sintong

6. Sai tongma au ojak di gomgomanMu ale Parmahan na sun denggan i
Anggiat tau au tu hasonanganMu
Pinaimbaru ni pangkophopMi marlas ni roha situtu
Au mangihuthon Siparmahan na burju.

Buku Ende 234 : DI RUMANG NI PORTIBI ON

1. Di rumang ni portibi on, sai tong do lilu rohakon
Hujujur hatigoranki hupangasahon burjuki

2. Dung na hutatap TUHAN ki, hutanda hahuranganki.
Lam tu balgana i antong, ai lam huboto dangolhon.

3. Hurangan au di sasude, sipangasahononhon i
Na so barani rohakon manaringoti dirikon

4. Marhahurangan saluhut, sap dosa do sude huhut,
dang na manahan rohaki, di jolo ni Debata ki.

5. Na gabe tunduk nama au tu TUHAN Jesus do au
Naung mate Ho di Golgata, padomu au tu Debata.

6. Di tikki ni TUHAN ta i do songgop hatiuron i
Mulai mauas rohakon tarsunggul do hot rohakon.

7. Huhalungunhon hata ni TUHAN ku, Sipangolu i.
Na ĥubege, sai hutohoi mardongan TUHAN huoloi.

8. Haimbaruon do soluk tu halumlamon na sotuk.
Mardame do buhilala dibaen Jesus ku, Debata.

9. Jesus ku, hatigoranki, sasada Ho paheanki,
Saleleng au di tano on nang dung marujung ngolukon.

10. Dang na tarhirim au disi saleleng ni lelengna i
Asal ngoluku situtu, tung Ho, TUHAN ku na burju

Buku Ende 235 : TUMPALHU NA UMULI HO

1. Tumpalhu na umuli Ho o Jesus ki di rohakon
Sai Ho do tioponku saleleng au di tano on inganima rohaku

2. Sumurung Ho, o TUHAN ki, GoarMu hangoluanki
Sai i do haposanku nang masa pe bernit muse,
Sai Ho haporusanku.

3. Haposan do nang hataMi, ai saut pinarbagana i ,
Nang mate, nang mangolu, sai sonang au, nang di na dao
Ai Ho do Sipangolu.,

4. O Jesuski, dongani au manang tu dia pe au lao,
Sondangi ma rohaku, Ho donganki tu surgo i
Di ujung ni lakkaku

ENDE TARINGOT TU PARUNGKILON

Buku Ende 236 : JOTJOT DO MARSAK IBA BINAEN NI JOLMA I

1. Jotjot do marsak iba binaen ni jolma I na himaliang iba
parroha daging

2. Sai naeng tu hamagoan, sude nasida lao,
Ai sian hangoluan tongtong nasida dao
Ai sian hangoluan tongtong nasida dao

3. Dijaga Debata ta ma hita on disi,
Aik naeng ihuthononta, parroha mago i
Aik naeng ihuthononta, parroha mago i

4. Sipillit hangoluan, tatiru ma tongtong,
Huhut tu hasonangan, udur ma hita on.
Huhut tu hasonangan, udur ma hita on.

5. Ai sada do Ama ta, TUHAN Jahowa i,
Maria ma roha ta lao mangihuthon i
Maria ma roha ta lao mangihuthon i

6. Dijaga Debata ta, ma hita on sude,
Ditogu ma rohata, tongtong tu na ture
Ditogu ma rohata, tongtong tu na ture

Buku Ende 237 : JESUS KRISTUS I DO MANOBUS

1. Jesus Kristus i do manobus hajolmaon sasude
na niago ni sibolis di mulana i dope
Jesus Kristus do Raja ta Sipangolu sasude

2. Sipujion do Ibana, ai asi rohaNa i
Sioloan do hataNa, ai holong rohaNai
Di pardosa, na tumanda, jea ni rohana be.

3. Sahat ma tu Ho tondiku, sai ramoti nama au
Ai na susa do diriku molo au guru di au.
Sai tiopima tanganku asa unang mago au.

4. Sai landit, rahis dalanku, musu pe tongtong godang,
Sundatanna naeng lakkaku asa unang au sonang
Sai patulus ma sakkaphu, dalananku baen torang.

5. Unang loas au be mago, ai tinobusMi do au
Sai taluhon sipangago asa.tu lambungMu au.
Ro di ujung au pamonang sahat baen tu surgo au.

Buku Ende 238 : IHUTHON AU SUDE HAMU

1. Ihuthon Au sude hamu di dok TUHAN ta Jesus
Sai soadahon dirimu, HataKu ma patulus
Alai bolongkonma sude parulanmu na so ture

2. Sai Au panondang di hamu 'di dalan hangoluan.
Naeng unang lilu be hamu, dao dohot hamagoan.
Au parhitean di hamu tu hasonangan situtu.

3. Hupatuduhon di hamu, sipasidingon muna
Sude geduk ni rohamu, sipaubaon muna,
Ai naeng ias ma tondimu di na lao suda bohalmu.

4. Na serep roha do Au on huhut holong rohaku,
Lambok rohaku ai tongtong na lambok do hataKu
Tongtong Hutatap Debata, i pe Au on ihuthon ma

5. Dang tarpatupa Hami i dipingkir roha muna.
Unang mabiar ala ni, ai Au do dongan muna.
Taluhononku musu i, sai pos ma rohamu disi.

6. Siparhamaol hosana i, i ma agoan hosa,
Alai na sumeahon i, i do pangoluhonsa,
Na so mamorsan silang i na so tama di Au ma i.

7. Antong girgirma hita be lao mangihuthon Jesus,
Dagingta, nang tondi ta pe talehon ma tu Jesus
Ai na manjua TUHAN i dang dapot hasonangan i

- 238 buku ende

Buku Ende 239 : BINSAN RO ASI NI ROHA NI TUHAN TA I

1. Binsan ro asi ni roha ni TUHAN ta i di ho
Aloma dirim paboa jora situtu do ho

2. Sai tundali nasa jea sai tahopi Debata,
Tanda na tutu porsea ho di TUHAN Debata.

3. Ia dalan hangoluan na gogot tutu do i
Unang ho marhamaluan, tagam nasa musumi.

4. Anggo dalan hamagoan na lambas tutu do i
Tung tu api do diboan na disi dirina i

5. Sai papos roham mangalo alo dosami gogo,
Asa unang ho na talu, unang na sumurut ho.

6. Angkup ni sai martangiang asa ganda gogomi,
Jala sai tongtong ho sirang sian akka musumi.

7. Unang sai mata matahon arta na di tano on,
Jaga ma roham salahon roha ni portibi on.

8. Hisapmi tongtong pompomi, sai patunduk dagingmi
Asa unang diintopi dosa i palitomi.

9. Sai momosi ma luhutna naung hinamonangkonmi,
Unang loas be malua, ai mansai jorbut do i.

10. Ia dung dapotan uli ho, sai unang tois roham,
Ai dang sahat dope muli tondimi tu banuam.

11. Sasude na burju roha mangihuthon Jesus i,
Sai dialo do musuna, paima tos hosana

12. Dirimu do musu muna dohot sipangago i,
ia hangoluan muna, i ma TUHAN Jesus i

Buku Ende 240 : O HAMUNA NA PORSEA

1. O hamuna na porsea
Sai tongtong hamu mangalo jea
utian ni pangago i
Hata ni Debata muna ma baen hamu sinjata muna
Dang talu be hamu disi
Bisuk pe musu I ditanda rohami
Jouma Jesus sai monang do baenonNa ho
Alai musu ta talu do

2. Sai paias roha muna huhut sai alo hisap muna,
Ai halak Kristen do hamu, sai papos ma roha muna
Di TUHAN Jesus Raja muna, ai urupanNa do hamu,
Naeng suda pe gogom sai tatap sambulom, na di ginjang
Sonang disi tondi ta i, dung sahat hita ro disi.

3. Ale Jesus, pargogoi ma nasa jolma, sioloi
HataM di hasiangan on, paimbaru roha nami,
Huhut papirma tondi nami, ai na gale do hami on.
Tu roha nami be, pasaor ma TondiMi na badia.
Sai burju be di Ho sude, mangolu manang mate pe 

Buku Ende 241 : ASALMA IBANA SAI TONGTONG DI AU

1. Asalma Ibana sai tongtong di au

Jala denggan ni basaNa unang lupa sian au 

Dang be anggo sala holan lasniroha huhilala

2. Asal ma Ibana, sai tong artaki, 

Tano on ro di artana, dang be maol di rohaki, 

Burju do rohaku, mangihuthon Jesus TUHAN ku. 

3. Asal ma Ibana hangoluanki, gabe sude siluana 

Songon na hutean i, ro pe sorimago, 

Sai hutatap Jesus na di surgo 

Buku Ende 242 : RAIS JALA MAOL TUTU DALAN TU BANUA GINJANG

1. Rahis jala maol tutu dalan tu banua ginjang 

Na martua situtu akka na disi mardalan 

Mangihuthon Jesus i sahat tu ujungna i

2. Upa na samurung i, dapot na burju marroha, 

Maralohon dosa i dohot hisap ni dagingna, 

Na tongtong makkirim di sanggul hamonangan i

3. Na sap mudar nahinan, gantung di hau pinarsilang.

Diomohon do hian, upa na marhasurungan. 

Ai didok do ujui, "Nunga sun ulaonki" 

4. Ale Jesus, toguma hami akka paranganMu 

Asa tarpareak ma hatiuron di lambungMu. 

Dung pe tanggal daging i, dapot hasonangan i

5. Dongan pirma tondimu, maralohon hisap muna

Tatap Jesus, naung tutu manggarar ni dosa muna. 

Ai marhite Jesus i, sahat hamonangan i. 

Buku Ende 243 :  SAI BERENGI PARTONGGOLAN NA DI GINJANG I

1. Sai berengi partonggolan na di ginjang i

Idaonmu hamonangan ni TUHAN ta i

Refrein  : 

Debata do dongan nami ima ta jou be

tumpal hangoluan i do jaloon ta be

2. Ida, akka ulubalang ni sibolis ro Naung torop tinaluhonNa i pe dungo ho, 

Refrein  : 

Debata do dongan nami ima ta jou be

tumpal hangoluan i do jaloon ta be

3. Tatap ma hau pinarsilang ni TUHAN ta i 

dang tarben hamu so monang, mangasahon i 

Refrein  : 

Debata do dongan nami ima ta jou be

tumpal hangoluan i do jaloon ta be

4.. “Burju tole," ninna Jesus, "Ai tibu au ro."

Ale TUHAN roha nami sai hibul di Ho

Refrein  : 

Debata do dongan nami ima ta jou be

tumpal hangoluan i do jaloon ta be

Buku Ende 244 : HABURJUHONMA MANGALO

1. Haburjuhonma mangalo hajahatonmi sude

Tagan songgop asi roha ni TUHAN ta i dope

2. Alo, ai gogot do dalan na hopit bahalna i 

Tinggal do di hamagoan na so lao tu surgo i 

3. Alo, asa lam ro ringgas pasadahon rohami

Tu TUHAN ta Jesus Kristus sai tundalhon dosa i 

4. Sai gogoima ma martangiang tu TUHAN ta Jesus i

Unang ho marpansadian borngin nang arian i 

5. Ai monang ho sahali manaluhon dosa i

Unang olo ho mansadi tagamma donganna i

6. Ai saleleng tainganhon hasiangan on dope

Na so holang do jagaon dosa roha daging pe.

Buku Ende 245 : ANGGO DIDONGANI TUHAN JESUS 

1. Anggo didongani TUHAN Jesus au

saleleng na mangingani rura hasusaan au

sonang do rohaku ai huboto Jesus do donganku

2. Molo TUHAN Jesus donganki tongtong 

Bahenonku do maporus na mangarop tondikon

Sai martua iba molo TUHAN Jesus dongan niba

3. Sonang do rohaku raphon Jesus ki

Ai disesa do dosaku dipabulus lakkaki

Asa unang mago tondikon bahenon ni pangago

Buku Ende 246 : JESUS URUPI

1.Jesus urupi pamonangma hami 

Tatapma gogo ni na holom i 

Na so mansadi mangonggop di hami

Naeng polgahanNa do hami sude

Sai dipikkiri sibolis dalanna

manang beha au tongtong arsahanna

2. Jesus pamonang au, Ho do manobus jala nampuna au on do tongtong 

Holan tu Ho nama au maporus mida pangela ni portibi on. 

Molo sai masirapusan rohaku, unang tadingkon au, ale TUHAN ku

3. Jesus pamonang au sai huhilala, 

Dokdok ni dosa sude na hubaen, Sai dipaingot rohaku do sala, Angka na sian posoku hubaen

Loasma i paserephon rohaku, jala paingotma au di mudarMu. 

4. Jesus, pamonang au jala intopi api ni hisap ni daging di au 

Togang ma au molo naeng manolopi tahi ni roha na jahat i au Ho ma, o Jesus manggohi rohaku asa malua an sian musuku. 

5. Jesus, pamonang au molo marujung ariariku di na rodop on Dada patauhon an asa diusung surusuruan au on tu joloM, 

Jesus, urupi au jala pamonang asa tongtong di lambungMu au sonang. 

Buku Ende 247 : SAI HEHEMA HAMUNA

1. Sai hehema hamuna hamu parangan ni TUHAN ta Jesus Kristus tu paraloan i 

Ai dang tarbaen ho monang, da na mangalo ho

Ai musu ni TUHAN ta tung ingkon talu do

2. Tangihon panjouonNa tu hamusuon i, 

Ihuthonma hataNa, mangalo dosa i 

Ibana do donganmu mandopang musu i. 

I pe tongtong haposi TUHAN ta Jesus i. 

3. Dang jadi haposanmu gogom sandiri, da

Ai tung na so hasea do i di Debata 

Sai naeng basahononNa di ho sinjatami

Ai dang tarbaen so talu musuna baenon ni

4. Manaonma ho satokkin di paraloan i 

Tibu do marujung dibaen TUHAN ta i 

Dung i partumpalanNa ma ho di surgo i 

DonganNa ho manggomgom harajaonNa i 

Buku Ende 248 : SALELENG HO DI TANO ON

1. Saleleng ho di tano on patigorma roham 

Paingot ingotma tongtong ni dok ni Debatam

2. Sai songon hau na denggan ho ramos parbue ni

Bulungna pe na uli do, antong sai tiru i 

3. Godang do hinauli ni aek mata i tongtong

Pasumanma dirim tusi, sai baen roham sintong. 

4. Bolongkon sian rohami luhut na so ture

Alai na sian TUHAN i ramoti ma sude. 

5. Sai tiru TUHAN Jesus i naung ro humophop ho, 

PambaenNa nang hataNa i hangoluanmu do. 

6. Ibana do padomu ho tu TUHAN Debata, MudarNa diusehon do di dolok Golgata. 

7. Arga do hita sasude ditobus Jesus i, 

Ai naeng mangolu hita be di adopanNa i 

8. Antong ringgasma hita be mangalo dosa i

Ta hangoluhonma sude na sian TUHAN i 

- 248 buku ende

Buku Ende 249 : NGOTMA HO HO O TONDIKI

1. Ngotma ho o tondiki, dungo, martangiang

Asa unang musu I tole so tinagam

Bisuk ni setan i do manait tu dosa lan na bonar roha.

2. Ngot ma ho, na modom i di bagasan dosa, 

Asa unang ala ni Ho marutang hosa. 

Ai hatop. Nang tahop, roma pangunjunan tu na so managam. 

3. Dungo, ai na so tarbaen tondi ni Jahowa 

Manorangi ho, mambaen sirang sian dosa. 

Ingkon do dungo ho asa lehononNa denggan ni basaNa. 

4. Dungo, jaga rohami unang dililuhon 

Hisap ni dagingmu i jala ditaluhon

Ginjang ni roha i do jumotjot ala pangalapan sala. 

5. Martangiang ho huhut asa saut malua

Sian jea saluhut gabe ho martua,

Jesus do na gogo jala tau mangalo saluhut pangago. 

6. Ala ni sai jouhon ma goar ni TUHAN ta, 

Na binaen ni Debata parsigantungan ta,

Meleng do dompak ho pinggol ni Jesus mu mangoloi sakkapmu.

7. Ala ni manontongma hita martangiang

Tu Amanta Debata di banua ginjang

Lam tibu ro tutu tikki binuhulNa manguhumi jolma

Buku Ende 250 : SAI TOSTOSI NA SAI HOT

1. Sai tostosi na sai hot na binaen ni dosa I

Sai asi roham sai topot hami na tinobusMi

Sai paias roha nami sian dosa sasude

paima bali sian hami na saroha daging pe 

2. I do Jesus, ulaonMu, diturpukkon Ama i,

Na tongtong naeng radotanMu paima sun marujung i 

Ai dang jadi mago sada nilehonNa i di Ho

Ingkon sahat do sudena. tu banuaginjang ro. 

3. Ala ni togihon hami sahat tu na sun denggan, 

Sai oloi tangiang nami, lomo ni rohaM hian. 

Tatap hami na marlea ala pinarsilangMi,

Akka na tongtong porsea di hataM na sintong i. 

4. Raja, sai rajai ma hami Siparmonang, monang ma

Sai taluhon musu nami, toguma tu Debata 

Hami, akka na marpadan di bagasan mudarMi 

Jala na burju mardalan tu banua ginjang i. 

5. Raphon Ho naeng mate hami jala na marlea pe

Bunuma hian di hami roha jea i sude.

Sai tumpahi hami monang rodi ajal nami be. 

Baen mardame jala sonang tondi nami sasude. 

Buku Ende 251 : NA MONANG I

1. Na monang i do na muse manganhon parbue ni hau hangoluan I

Dang jadi i da on na hamagoan nang hamatean paduahon i 

Ai Debata na pa pos rohana mambaen lakkana tongtong tiur

2. Na monang i dang tupa hahuaon 

Ni hamatean paduahon i

Sai jongjong do Ibana maradophon 

Bohiku di banua ginjang i, sai idaonna disi TUHAN na

Ro di donganna na monang i

Ro di donganna na monang i 

3. Na monang i do lehononku mangan

Di surgo manna na buni dope Pangalahona do tongtong ingoton 

Margoar na imbaru do muse. na sinurathon tu batu intan

Tongtong martua panjalo i

Tongtong martua panjalo i 

4. Na monang i marnida pambaenKu

I do na marmahani bangso i PasahatonKu deba sahalaKu

Tu tangan ni sude na monang i, sai rosahanna muse alona

Patunduhonna do musuki

Patunduhonna so musuki

5. Na monang i do na manjalo ulos 

Na saksak di banua ginjang i

Goarna i do na so jadi mosos | Sian pustaha hangoluan i, taringotanku di Debataku 

Sude donganku na monang i. 

Sude donganku na monang i.

6. Na monang i do ingkon gabe tiang 

Di bagasjoro ni Debataki, 

Di bagas i tongtong ibana mian,

Jumujung goar ni Jahowa i, uhirhononku tusi goarhu, 

Sijujungonku di surgo i

Sijujungonku di surgo i 

7. Na monang i do hundul raphon Ahu, 

Di habangsangKu na di surgo i, 

Tudoshon Au di lambung ni Amangku, 

Partohap do di hasonangan i na maradian di hasonangan,

Sude na monang, na burju i. 

Sude na monang, na burju i 

8. Urupi au, o Jesus, asa monang Au maralohon akka musuki, Portibi on, sibolis, nang pamatang Do na manaiti au tu dosa i, pasangaphonku tongtong goarMu

Di ingananku di surgo i 

Di ingananku di surgo i 

Buku Ende 252 : PAIAN MA DI HAMI

1. O Jesus sai donganima hami sasude

Pasada roha nami asa bulus sude

2. Dang hadalanan hami salangka na ture, 

Dung Ho pe dongan nami tiur ma sasude. 

3. Sai Ho ma dongan nami dung i maporus do 

Sudena musu nami, tunduk dibahen Ho. 

4. Laos songon dongan nami, dongani hami on, 

Di na tarsosak hami di hasiangan on. 

5. Sai tong dongani hami naung gabe naposoM. 

Dongani dongan nami na di portibi on.

6. Dung suda bohal nami, asi ma rohaMi, 

Pamasuk tondi nami tu hasonangan i. 

7. Sai pos do roha nami, marningot hataMi

O pangondian nami, di paruhuman i 

Buku Ende 253 : ALE DEBATAKI

1. Ale Debata ki lam jonok rohaki jonok tu Ho

Ima na sai tongtong sangkap ni rohakon jonok tu Ho

Nang behape panoguM di au on naposoM

asa lam jonok do jonok tu Ho Ho

2. Ale Debataki, lam jonok rohaki, taiti tu Ho! 

Bangkol pe dagingkon, losok pe rohakon, manopot Ho. 

Tong do malungun au tu Ho, tangihon au

Lam jonok rohaki 

Taiti tu Ho, taiti tu Ho

3. Ale Debataki, lam jonok rohaki, taiti gogo! 

Asa tung sonang au, ala basaM tu au, taiti gogo! 

Ai songon pulut i, dosa di rohaki, Asa tung lam gogo 

Taiti tu Ho, taiti tu Ho

4. Ale Debataki, jaga ma tondiki tangihon au! 

Molo diloas Ho, Sipata jea ro, manahop au, 

Naeng ma nang jea i, manogu rohaki . Tu hasonangan i 

Tangihon au, tangihon au

5. Ale Debataki, lam jonok rohaki, jonok tu Ho

I do na sai tongtong, disangkap rohakon, jonok tu Ho! 

Asa di tikki ni, lomo ni rohaMi 

Au ro tu lambungMi,

Jonok tu Ho, jonok tu Ho

Buku Ende 254 : O JESUS SIPANGOLU

1. Ale Jesus Sipangolu, Parasi roha i

Sai loas au mangolu pa lasma rohaki

Pasiharma bohiku pangolu tondiku, tangihon hataki

2. Sai sesama dosaku huhut padao mai, 

Paombun ma rimasMu di au, parahati. 

Gok dame baen rohaku o TUHAN, Debataku, 

Tangihon hataki

3. Pabali sian auu sude na roa i, 

Na mangingani aau, mangago tondiki. 

Ho naeng ihuthononhu Ho naeng pasangaponku, 

O Jesus, TUHAN ki

4. Patiurma rohaku marhite tondi Mi. 

Ai naeng do antusanku hataM na denggan i 

Naeng haporseaonku tongtong hasintonganMu, 

Padaohon jea i 

5. Pagorgor di rohaku ma holong ni di rohaM, 

Ai naeng haholonganku do Ho ro di hataM. 

Sai naeng pasauthononku do lomo ni rohaMu, 

Dibaen denggan basaM. 

6. Antong, sai pargogoi ma au on na bojok i

Ai ingkon dipatupa tondiM do i sude. 

Tung ahama gogo ku lao mangoloi patikMu 

Di au soada be. 

7. Dibahen i TUHAN ku, asima rohaMi, 

Paubama rohaku sai pargogoi mai. 

Tongtong ingni au huhut sa togu au, 

Tu dalan nature.

Buku Ende 255 : HOLAN SADA DO NA RINGKOT

1. Holan sada do no rikkot Jesus lehon i di au.

Manang aha pe na dapot dang tuk pasonangkon au

Nang arta nang sangap sude hamoraon

dang tau mangalehon di au hasonangan

Alai molo dapot na sasada i, tongtong las rohaku hinorhon ni i 

2. Molo naeng di Ho tondiku, arta na sasada i, 

Dang tarbahen luluanMu, anggo so di ginjang i. 

Disi, di siamun ni TUHAN Jahowa do hundul AnakNa na dung gabe jolma. 

Ibana do jambar na sun denggan i. 

Antong, o tondiku jalahi ma i. 

3. Suang songon si Maria tumangihon hataMi,

Naeng, o Jesus na badia hundul au di lambungMi. 

Antong, ale TUHAN pasada rohaku, 

Palua ma au sian nasa dosaku.

Sai Ho ma, o Jesus nampuna au on

Sai Ho ma manggohi rohaku tongtong.

Buku Ende 256 : JESUS KRISTUS I DO RAJA

1. Jesus Kristus do Raja pinabangkit ni AmaNa

Manggomgomi sasude, manggomgomi sasude

Jala nasa hajolmaon tu Ibana do mar TUHAN 

Parhatoponna be, parhatoponna be.

2. Angka surusuruanNa humaliang habangsaNa 

Pasangaphon Raja i 

Pasangaphon Raja i na di ginjang marhuaso, Harajaon na di tano.

Mangoloi patikNa i, mangoloi patikNa i 

3. Debata do sasadasa, holan Jesus do tudosNa, 

Anak tu AmaNa i 

Anak tu AmaNa i na so meret habangsaNa, So marujung do ngoluNa.

Tongtong gomgomanNa i, tongtong gomgomanNa i

4. Holan Jesus patupahon na malua hajolmaon 

Ala ni mudarNa i

Ala ni mudarNa i nunga sahat hangoluan, 

Sai tongtong do partuaon

Dibagasan Jesus i, di bagasan Jesus i 

5. Hamu, angka na mardosa, nang hamu na ponjot hosa

Ala ni na porsuk i,

Ala ni na porsuk i, sai pasahat rohamuna, Nang na hinolsohon muna

Tu TUHAN ta Jesus i, tu TUHAN ta Jesus i 

6. O hamuna na badia, nang na tigor i, na ria,

Nang sude naung monang i,

Nang sude naung monang i, tole ma hamu, natorop,

Tole ma marolopolop, 

Puji ma TUHAN ta i, pujima TUHAN ta i 

7. Dohot au pe di na rodop, naeng porsea, naeng marolop, 

Naeng mamuji TUHAN ki, Naeng mamuji TUHAN ki, Jesus Kristus i do Raja, 

Ingkon tunduk saluhutna 

Mangoloi Raja ta i, mangoloi Raja ta i 

- 256 buku ende

Buku Ende 257 : JONOK DEBATA TA

1. Jonok Debata ta, unduk be ma hita

Lao marsomba tu TUHAN ta 

Mijur Debata ta tu tonga tonga ta

ta pahohomma roha ta

Sombama Debata di banua ginjang na so halompoan

2. Jonok Debata ta, surusuruanNa Do manungkap di joloNa, habadiaonNa 

Dipapujipuji, dohot ende na umuli. Hita pe sasude, sai girgir rohata mangoloi TUHAN ta. 

3. O, ale Jahowa! Hutundalhon hami, dosa dohot jea nami. 

Tondi dohot daging, hupasahat hami ! 

Tu tanganMu, TUHAN nami, 

Sada do, i ma Ho sioloan nami, pasangapon nami. 

4. Debata na songkal jala marmulia, Baen ma dohot au badia, lehon ma gogongku, 

Asa oloanku, Ho sobokkon suruanMu. 

Lomo ni, rohaMi naeng patupaonku, Ho haholonganku. 

5. Baen tobok rohaku, sian dosa sirang, 

Sai mardame jala sonang, sai pabontor ahu, 

Asa idaonku, bohiMi muse, TUHAN ku Debata, 

Taiti ma, tu hataM rohaku Ho naeng oloanku. 

6. Sai ingani ahu, joro baen tondingku, 

Bagas habadiaonMu, sai bongoti ahu, 

Baen holong rohaku di Ho, TUHAN Debataku

So pe au, manang lao, Ho ma sai hutatap jala hupasangap.

Buku Ende 258 : SAI HUJUTU HANGONGOLU NA PASABAM AU

1. Sai hutuju hangongolu na pasabam au

Sai hugogo lao tu surgo paima sahat au.

Sabat hupasiding do hata on huingot do

sai datdati manjalaji hasonangan i 

2. Naung pinio do tu surgo au binahenMi. 

Molo togang au mardalan, na jorbut ma i. 

Anggo na tarsabat i, mago do tumpalna i. 

Hutadingkon, hutundalhon na di pudiki. 

3. Ale Jesus, sai pabulus, langkangki tu Ho! 

Pargogoi ma au na loja, na maheu do. 

Sai apoi ma rohakon manundalhon tano on. 

Baen malua, baen martua au pardagang on. 

4. Dang margogo au mangalo angka dosaki. 

Taiti au tu lambungMu, tu na sonang i 

Pasingothon hataMi, sai tongtong tu rohaki. 

Pujionku ma goarMu, saleleng na i. 

Buku Ende 259 : SAI BETAMA TONDIKU

1. Sai betama tondiku tumopot surgo i 

Saleleng ho di toru, dang sonang rohami

Di sipartuaonmu disi do ingananmu

Disima sonang ho, ipe tu surgo do

2. Na mangaliliani, tostosi ma sude

Ai nunga dihophopi TUHAN ta hita be

Ai nunga ditaluhon do dosa hamatean,

Lao paluahon ho, ipe tu surgo do

3. Di ginjang do Ama ta, parhuasian i. 

Ditatap do tondi ta, sai naeng ma sonang i. 

Dilehon do ulosNa, tinonun ni AnakNa

HatigoranNa i, sai topot surgoi

4. Malungun do rohaku, Jesuski di Ho! 

Marhabonghabong au nian tumopot Ho, 

Mardomu dohot dongan, tampak marhasonangan, 

Mamuji goarMi tongtong. di surgo i 

5. Tu Ho do huparguru na hupangido i. 

Ho ma haholonganku, hataM oloanki. 

Sai Ho ma tataponku, paimahon pandokkonMu, 

Bongoti surgo i tu hasonanganMi.

Buku Ende 260 : HOLAN JESUS DO HUBAEN DONGANKU

1. Holan Jesus do hubaen donganku, Ai Ibana pasonangkon au 

Ingkon sai tongtong tiur lakkaku

, molo raphon Jesus i au lao

2. Tano dohot laut sonang hubolus, 

Molo sai diiring Jesus au

Tu banua ginjang pe sal 

Do boanon ni TUHAN ku au. 

Do boanon ni TUHAN ku au.

3. Di na modom manang di na hehe, Jesus do donganku sai tongtong, 

SoaraNa do tongtong hubege, 

Mangapuli au na dangol on. 

Mangapuli au na dangol on.

4. Jesus do tongtong haporusanku, 

Arta dohot hangoluanki, 

Nang tondiku, nang pe pamatangku

Hupasahat tu TanganNa i, hupasahat tu TanganNa i

5. Di na ro panjouNa di tondingku, Las rohaku mangihuthon i

dang tagamon susa be rohaku 

Raphon TUHAN ki di surgo i, raphon TUHAN ki di surgo i 

Buku Ende 261 : BINTANG SIPARTOGI

1. Bintang Sipartogi Batu Mamak i 

Tongkot sitiopan di na landit i 

Roti hangoluan mual na uli 

pandang situjuon, ima Jesus i 

2. Ho tutu gogoku hatiuron i 

Dame ni rohaku, hasonanganki

Ngolu ni tondiku sihaposanku

Ima ale TUHAN, Ho sambing do i, ima ale TUHAN Ho sambing do i.

3. So marhitehite Ho o Jesuski

Ba tung sian ise gogo lao tu si

Ho tarbaen paneang siporsanonki

Holong na tarhirim, Ho do Jesuski.

Buku Ende 262 : JAHOWA TUHANKI

1. Jahowa TUHAN ki Ho mual ni na denggan 

Si tompa sasude silehon hangoluan

Sai lehonma di au pamatang na hipas 

Maringanma di au baen roha na ias.

2. Urupi au mandok na patut dohononku, 

Asa ture hudok na roa oromonku. Tung baen ma au gomos mandok na patut i 

Margogo ma antong, baen dohot hataki

3. Di na tarsosak au, padaoma pandelean

Sitaonon na di au, urupi au mamorsan

Pamonang au tongtong palambok rohaki

Parroha na holong, baen angka donganki. 

4. Padame au TUHAN, pasaor tu akka dongan

Ai i do na hombar tu hataMi, o TUHAN. 

Molo mararta au binaen ni asiMi, Sai unang be di au na geduk saor tusi. 

5. Ramoti au tongtong saleleng au mangolu, 

Matua pe au on, pabenget ma rohaku, 

So tung marlindang maon Tongtong parangengki, ubanon pe au on 

Naeng hot do sangaphi. 

6. Di hasusuda ni bohalhu, o TUHAN ku, 

Paingot au disi, di nasa na tinaonMu! 

Tu hasonangan i pasahat tondiki, Nang di tanomanki, ramoti orbukki

7. Di hamumulakMi di ari haheheon, 

Sungguli au disi, baen au marhasangapon 

Padomu au disi tu dongan sasude, 

Naung pinaluaMi sian dosana be. 

8. Antong, pinuji Ho, o Debata, Amangku, 

Pinuji dohot Ho, o Jesuski, TUHAN ku

O Tondi, nang di Ho ma hasangapon i, 

Sitolusada i sai jalo endeki

Buku Ende 263 : TUDOS TU GALUMBANG I

1. Tudos tu galumbang i tagan haba haba

Tahi ni parjahat i mangulahon dosa

Haporusan sada do, pangondian sada do

Kristus TUHAN... na paluahon au

Sego sogot sasude bintang dohot bulan 

Sego tano on muse, ise haporusan 

Nang adong tinanda be dungkon TUHAN Jesus i 

Kristus TUHAN na paluahon au

3. Di na laho mate au, sai asi rohaMu 

Unang loas lonong au tu banua toru

Sai surdukhon tanganMi dompak au tinobusMi. 

Kristus TUHAN na paluahon au. Salpu hamamateki ro ma hangoluan. 

Pujionku ma disi burjuMi, o TUHAN,

Saleleng-lelengna i Ho nama pujionki

Kristus TUHAN, Ho sipalua au.

Buku Ende 264 : SAI TOGU AU TU HASONANGAN 

1. Sai togu au tu hasonangan o Jesus hangoluanki 

Sian sude na dung rarangan paholangma pikkiranki

Aha laba na hangoluan na so dilehon Ho o TUHAN 

Marhitehite MudarMi

Sai tong paundukma rohaku unang adong be hagiothu

na so hombar tu rohaMi 

2. Ale Rajaku, unang loas lam ganggang sian Ho be au. 

Patogu ma, sai tong pahoras di pardonganonMi ma au. 

Na so adong be hatuaon di balik ni na jinalahan 

Ni holong ni rohaM di au. Huboto ala ni hataMu,

Lam hot ditiop i rohaku, sai hasonanganki do Ho. 

3. Ingkon tongtong burju rohaku saleleng na mangolu au.

Ai Ho sambing haholonganku, tu Ho ma marhaposan au. 

Sai tong jagahon ma rohaku, pingkiranki, pambahenanku, Ai tutu anakMu do au. 

Pasobok ma rohaku dohot rohaMu Asa sanga sogot sobokkon Ho tarida au. 

4. Ai nuga tung barani ahu manaon parsahitan i. 

Na olo ahu ganup ari mangihut Jesus, TUHAN ki. 

Hosom ni jolma pe hutahan, hohom do au, tung nileaan, 

Hutiru TUHAN Jesus i, ai dung di ujung ni lakkaku, 

Disi tongtong halashononku sudena na di TUHAN ki. 

Buku Ende 265 : MAULIATE ALE TUHAN 

1. Mauliate ale TUHAN alani haholongMi

Ro Ho sian banua ginjang pangolu au na mago i

Hudok di Ho mauliate naung sikkop hangoluanki 

Ala holong huhut marasi rohaM di au pardosa i 

2. Tu Ho hulehonma tondiku, sai baen ma i ingananMi. 

Sai suru ma tondiM tu au, manogu nogu rohaki. 

Najolo holong ni rohaM do manaiti Ho tu tano on

Laos i mandasdas Ho nuaning, pangolu au na dangol on. 

3. Uratima, huhut tutungi sude na jat di rohaki, 

Marhite rante manang tali tarihot au di dosai, 

Dang dia imbar ni i, o TUHAN, boi do malua au disi. 

Hasian ni rohaM ma au, pardosa na malua i. 

Buku Ende 266 : TU BANUA GINJANG DO

1. Tu banua ginjang do pardalanan ta i 

Na di halungunhon ho tulusma disi

Anggo dison muba uba do sude

So sadia na ture di tano on

2. Tu banua ginjang i sai tabereng be, 

Molo ngot manogot i, nang bodari pe. 

Olo, tongtong martangiang ho gogo, 

Ia naeng maruli ho di Jesus i. 

3. Tu banua ginjang i berengma tongtong, 

Molo na hurangan ho di portibi on. Dang jadi be ganggu rohaMi disi Debata patupa i, singkop sude. 

4. Tu banua ginjang i lao do sasude, 

Dongan na porsea i di TUHAN ta i. Dohot ma ho, alo sipangago i: Taon nama hansitna i, satongkin i. 

5. Tu banua ginjang i lao TUHAN ta i, 

Sian haleaon i, na tinaonna i, Ihuthonma 

Sian hatoruon i dalan na tu surgo i, tu Debata. 

6. Tu banua ginjang i lao ma ho muse

Gari hamatean i parhiteanMi diida Ho 

Ujungni dalan ta i, bagas ni Ama ta i di surgo do. 

Buku Ende 267 : O TUHAN SULINGKITMA AU

1. O TUHAN sulingkitma au, sondangima rohaku tangkas

Gogoku soada di au, tu Ho au paringgas 

tu Ho au padonok, Ho nama au

2. Tu aha marguna be i nang godang sinamot di au

Di ginjang, di sambuloki 

Ho Jesus artaku, Tusi do siholhu, sonang rohaki. 

Ho Jesus artaku, Tusi do siholhu, sonang rohaki. 

3. Sude hupasahat tu Ho, ai Ho nampunasa hian

Tongtong au marguru tu Ho

Ai Ho, ale Jesus. Sihophop sudena, nampuna au on. 

Ai Ho, ale Jesus. Sihophop sudena, nampuna au on. 

4. Hutiop tanganMu tongtong, dalanku tiur nang sonang. 

Sabamma tongtong rohakon, 

Ai Ho Sipargogo, Ai Ho Siparngolu, pangoluma au

Ai Ho Sipargogo, Ai Ho Siparngolu, pangoluma au... 

5. Dipuji rohaku do Ho, o Jesus, donganku tutu

Gogongku sambing nama Ho. 

Pinuji goarMu, pinuji goarMu, hupuji burju. 

Pinuji goarMu, pinuji goarMu, hupuji burju. 

6. Tu Ho, o TUHAN ku au lao, dung suda bohalhu dison. Pargogo, parbasa do Ho. 

Ramoti, dongani, 

Urupi ma hami, sai togu au on.

Ramoti, dongani, 

Urupi ma hami, sai togu au on.

Buku Ende 268 : DEBATAKU DO DONGANKU

1. Debata ku do donganku ganup ari ganup taon

TumpahanNa do lakkaku, urupanNa au manaon 

Pos do rohaki di si, Debata do donganki saleleng ni lelengna i 

2. Debataku do donganku, nang pe marsitaonon au,

Ai Ibana do Amangku, anak haholongan au. 

Pos do rohaki disi, Debata do donganki saleleng lelengna i

3. Debataku do donganku tung na ganggu ma au disi

Da tongtong hangoluanku asi ni rohaNa i 

Pos do rohaki disi, Debata do donganki saleleng lelengna i 

4. Debataku do donganku, na manogu au tongtong. 

TioponNa do tanganku, nang lao suda bohalhon. 

Pos do rohaki disi, Debata do donganki saleleng lelengna i.

- 268 buku ende

Buku Ende 269 : MARDALAN AU SAONARI

1. Mardalan au saonari tu hasonangan i

Jumonok ganup ari lam jumpang tikki i 

Sian na dao huida hatiuronNa i 

Sai sonang do nasida naung tolhas ro disi

2. Godang do halilian di tongan dalan i,

Hatop do au mardalan tu hasonangan i 

Godang do hasusaan, nahumaliang au, 

Hubolus parmaraan, marningot Jesus au. 

3. Didadang las ni ari, ditinggang udan au, 

Jotjot huhabiari na manggopgopi au. 

Mataku sai manatap tu sitioponki, Adian do husangkap, rade di surgo i. 

4. Las situtu rohaku, nang lantap alongki, 

Sai Jesus do donganku, ai i haposanki. 

Ibana na manogu arian, borngin pe.

Pos situtu rohaku, sai sahat au muse. 

5. Hugolom di rohaku, hau pinarsilang i

Laos i do haposanku, parsigantunganki. 

Ai nunga saut ditobus TUHAN ku tondiki, 

Ibana do patulus, pasahat langkaki. 

6. Pos situtu rohaku manulus dalan i 

Tung suda pe bohalhu, sai sahat au tusi, 

Tung loja ganup ari di pardagangan on. 

Alai satongkin nari sai sonang au tongtong. 

Buku Ende 270 : NGOT AI TORANG DO ARI

1. Ngot, ai torang do ari salpu do borngin i 

Lam salpu ganup ari pardalananmi

Rikkoti sumarihon na pangoluhon ho

Ai di na ro na holom maradian ho.

2. Ngot, ai torang do ari longkang baen dosa i 

Haporseaima hata sian TUHAN i 

Sesa dosam sudena dibaen Jesus i 

Sahat ho bahenonNa tu na sonang i 

3. Tole, sai sautma hehe nang hita on sude 

Ta taonma rehe rehe, nang na porsuk pe 

Tung sasude gogo ta, ta pangke ma, ale.

Pareak sambulo ta, na di surgo i 

Buku Ende 271 : BETA HITA LAO TU SURGO I

1. Beta, beta hita lao tu surgo i, Ai disi Ama ta Sipasonang i 

Dang be na di tano sihirimon i nasa na lao sego dang haposan i 

Ala ni i sai tole unang ganggu be

Tatapma jambarmu naung leleng rade.

2. Betama, ihuthon TUHAN Jesus i na tau pangoluhon hita jolma i. Holong do rohaNa di pardosai ai disesa sala ni na unduk i, 

Ala nu sai tole, unang tading be, naeng ma sahat hita 

Saluhut muse. 

3. Beta, beta hita, lam jumonok ma, ujung ni langkanta, ipe beta ma

Dang be masa sogot dosa, jea pe holan las ni roha, sonang sasude, Ala ni i sai tole, ringkot ma robam! Ingot ma jambarmu 

Na di ginjang an.

Buku Ende 272 : SAI TOLE RO SUDE

1. Sai tole tole ro sude ihuthon Jesus i 

Marhohos hasintongan be di paraloan i 

Mandera silang i Partogi TUHAN i 

Sarune pe mangkuling do sai tole tole ro

2. Pangansi do musunta i, sai songon na burju. 

Hape gok sipaoto i, sitolon na tutu. Diela hita be mambaen na so ture, Mangago daging, tondi pe, dungo, tajaga be. 

3. Solukkon hatigoranmi baen partahananmi. 

Nang pe haporseaon i baen lombulombu i. 

Nang pat ta sai ringgas, roha ta pe hiras, 

Mamaritahon dame i, baen halolomo i.

4. Antong sai paralohon ma haporseaonmi. 

Dipargogoi Debata ma sipartangiang i. 

Tajom podangta i, ima hataNa i. Maruli tumpal do sude na so sumurut be.

Buku Ende 273 : JESUS TUHAN KU, RAJAI MA AU

1. Jesus TUHAN ku, rajai ma au on

Asa mangihut tu Ho au tongtong 

Topot rohaku inganima i unang be masuk na asing tu si

Jesus, pasonang rohaku tongtong asa marguru tu Ho au tongtong. 

2. Tung na godang do pardangolanki, 

Tagan so Jesus dope tohaphi. 

Lan hasusaan tongtong ro tu au, 

Tong do sai asi rohaNa di au. 

Sai tong disesa dosaku sude hangolianku Ibana muse. 

3. Nang pe mangonggop sibolis di au, 

Jala magigi musuku di au,

dada mabiar au, pos rohaki,

Pangondinganku, sai Jesus do i Asal diida Immanuel i ingkon sumurut sude musu i 

4. Na marhaposan tu Jesus tahe, Sai na martua Ibana muse. 

Na marsigantung tu Jesus tutu Jala marroha na bonar, burju, Sonang Ibana di portibi on, sonang nang sogot di surgo tongon.

Buku Ende 274 : DANG JADI HO MARDALAN SASADA HO ANTONG

1. Dang jadi ho mardalan sasada ho antong

TUHAN ta Sipangolu baen donganmi tongtong 

Tartondong ho ma surgo di hadosaon mi

Sai sangkap TUHAN Jesus Siporsan dosami.

2. Dang jadi ho holsoan dibaen na porsuk i, 

Tu TUHAN i aluhon na niarsakkonmi, 

Ibana sipartogi sitiop tanganmi, 

Ture panogihonNa di na porsea i. 

3. Dang jadi ho mamereng tu pudimi ale. 

Mardame ma rohamu marhite Jesusmi. 

Laos Jesus sipatupa paradianan i, Di lambung ni AmaNa dibaen holongNa i 

4. Dang jadi ho gangguan di hamamatemi, 

dang laos pasombuonNa na hinophopNa i. 

Asal hian donganmu TUHAN ta Jesus i, 

Sai saut pamonangonNa ho di ujungna i. 

Buku Ende 275 : O JESUS TUHAN KI

1. O Jesus TUHAN ki Ho Siparmonang i Raja tongtong 

Dang na margogo au molo so Ho di au.

Ipe dongani ai di tano on.

2. Sai ro do setan i manaiti rohaki, dao sian Ho

Ipe ingani au, ai molo Ho di au, Ingkon manigor lao musu naung ro. 

3. Molo burju au on maniop Ho tongtong sitobus au

Talu do musu i dang be agoon ni i Au na tinobusMi, monang ma au.

4. Dang hahuaon ni dosa be tondiki, malua au.

Ho huihuthon do, Surgo hutuju do Tongtong jambarhu Ho, sonang ma au. 

Buku Ende 276 : O JESUS SIPARMONANG I

1. O Jesus Siparmonang i na manaluhon sasude

na tau mangago hami

Nang Ho tongtong di tano on 

parsigantungan nami

2. Dongani hami sasude asa tung monang hami be 

Di paraloan nami, ai na gale do sasude

Sai pargogoi mahami. 

3. Pamonang hami on sude, nang angka dongannami pe

Tambai ma na porsea, asi rohaM di huriaM, 

Padao ma nasa jea. 

4. Antong, sai tatap ma bangsoM saleleng di portibi on, 

Sai lehon hatongtongan, taruli be ma sasude 

Di tumpal hangoluan.

Buku Ende 277 : MARSADA ROHA HITA

1. Marsada roha hita sitanda Jesus i 

Ta tiop tong jamita pasonang roha i 

Sai pir tondi ta be sada tongtong roha ta mangihut tu TUHAN ta

Sihophop sasude.

2. Dongani hami sasude asa tung monang hami be 

Di paraloan nami, ai na gale do sasude

Sai pargogoi mahami. 

3. Pamonang hami on sude, nang angka dongannami pe

Tambai ma na porsea, asi rohaM di huriaM, 

Padao ma nasa jea. 

4. Antong, sai tatap ma bangsoM saleleng di portibi on, 

Sai lehon hatongtongan, taruli be ma sasude 

Di tumpal hangoluan.

Buku Ende 278 : BANGSO NA SUMURUNG

1. Bangso na sumurung I na hinophop ni TUHAN ta Debata ta

naung pardame na sintong na tongtong 

holan akka i huria ni TUHAN ta na badia

na manghophop hita on

2. Dang sae, naung tardidi ho Naeng marunduk tu TUHAN mu pingkiranmu

Ai paroha na baru , so haru, dang goaron be huni ni TUHAN ta na badia 

Sioloan situtu 

3. Nunga masuk ho tusi mangihuthon TUHAN Jesus Nunga tulus dipasahat ho burju, situtu, 

Rohami tu hasintongan, gabe dohot ho golongan Ni bangsoNa na burju

4. Parsidohot ho tutu, lao mangalo isaramu, nang dosamu

Naung rapet tu TUHAN mi rohami I do tanda ni bangsoNa, dipasiding do sogoNa,

Diihuthon TUHAN i. 

5. Bangso ni TUHAN ta i, marsihohot do i jonjong,

dang malonglong, sai marhamonangan i di sude, 

Gari ro pe hamatean, holan dalan i manean. 

Ipe, masuk ho tusi. 

ENDE PANGAPULON

Buku Ende 279 : PASAHATMA SUDENA

1. Pasahatma sudena na hinolsohonmi

tu Debata Jahowa pardenggan basa i

Ai guru di Ibana do tano dohot laut 

Lan pe ditahi jolma rohana do na saut.

2. Tung ingkon haposanmu Jahowa, Debatam

Disi ma dapotonmu Sinangkap ni roham. 

Ai dang adong gunana, nang pe holsoan ho

Tangiang do dalanna asa taruli ho. 

3. Diboto Debata ta parasiroha i Na denggan nang na roa di hita sasude. 

Na denggan di patongon tu hita sai tongtong, 

Na roa dipadaohon manjaga hita on. 

4. Ipe sai tong haposi ma Debata ta i

Sian roham tostosi ma pandelean i. 

Ai dung dihabengethon Ho na hinolsomi, 

Tibu ma ro langkaNa mambuat arsakmi.

2. Pasombu ma Ibana pature langkami, 

Na pistar do rohaNa patupa sasude 

Tung sungkot pingkiranNa lao paluahon ho 

Sai naeng patarhononNa gogoNa i tu ho. 

6. Antong, O TUHAN nami, paujung ma sude 

Na mangarsahi hami, saluhut jea pe. 

Sai sahat tu tanganMu ma hami on sude, 

Tu surgo toguonMu ma tondi nami be.

- 279 buku ende

Buku Ende 280 : TONGTONG TUTU NA DENGGAN DO

1. Tongtong tutu na denggan do pambaen ni Debata ta

Matua so solsolan do sude do i marhata

Posma roham di Debata m, 

Ihuthonma Ibana na bonar do rohana

2. Dang dung mangansi hata mangaliluhon iba

Dang dung geduk pambaenNa i, lao maminsangi iba 

Sai na ture doi sude, sude do i marala, 

Dang dung Ibana sala. 

3. Diboto Debata ta i na denggan i di hita

Na so tagamon baenon ni na so ture di hita, 

Dibahen i di rohaki, denggan do unduk hita Di hata ni TUHAN ta. 

4. Denggan pambaen ni TUHAN ki, tiur dibaen langkaku

Tongon do hangoluanki ditongos Debataku. 

Patarma i di tikikki  ni hapapatarna sogot, 

Dung au tu surgo bongot. 

5. O Jesus tatap hami on, rohaM  nama di hami

Di Ho ma tondi nami on, dihophop Ho do hami

Tongtong burju huhut tutu

Ho hangoluan nami, sai Ho do Raja nami.

Buku Ende 281 : MARTUA DO NA MARHAPOSAN TU DEBATA AMANTA I

1. Martua do na marhaposan tu Debata Ama ta i
Ai ido dapot pangapulan di nasa parsorion i
Dang rihit haojahan ni na mangkaposi TUHAN i

2. Ianggo sai holsoan hita, tu ahama marguna i
Nang pe tongtong dokdok roha ta pasarisari jea i,
Tung i ma paoruhon i, baliksa ganda do disi

3. Dibahen i paso ma jolo huhut pasabam rohami,
Paidaida, manang olo ho unduk di Debatami
Ibana, na mamillit ho, na ringkot i diboto do.

4. Diboto do halehetanna, mambaen las ni rohanta i
Asal diida, haposanna do hita, ndang mangansi be,
Ditongos do na denggan i, andorang so tinagam i.

5. Sai unang do di haporsuhon, Ho ditadingkon Debata.
Alai na so manaon sitaonon, i do diabing Debata
Manang sintong pingkiranmi, ujungna patandahon i.

6. Mura do anggo di TUHAN ta, sobok do digogoNa i.
Na mora i papogosonNa, mambaen sangap na pogos i. Longang ma sogot rohami mananda pambaenanNa i.

7. Ipe haporsea i Ibana burjuma ula tohapmi
Ihuthonma tongtong hataNa haposi panumpakNa I
Na mangkaposi TUHAN i na so hea tartading i

Buku Ende 282 : TUNG BEASA AU HOLSOAN

1. Tung beasa au holsoan? Kristus i turpukki
Na so harampasan, ise do na tuk mangkinsu surgo i di au Tung tusi di togu.

2. Marsaemara do au tubu, so  adong di au on, otik ugasanku, Songon i tadingkononku ngolungkon,
Tano on, di na tos hosaku.

3. Tondi dohot pamatangku, Debata do mala, nang sude artaku
Naeng muse i buatonNa,
Huoloi, hutohoi nasa pambaenanNa.

4. Molo tung dipaporsanhon, na hansit, na bernit, dang huhadelehon.
Ai Ibana mangkusorhon
Soro ni ariki, dung na tuk dihorhon.

5. Lan do ari las ni roha binaen ni TUHAN ki, di au naposoNa
Ipe dang upirhononku silang i, Molo i ingkon porsanonku.

6. Setan manang musu jolma, dihangki ma disi nang au insahanna.
Di nasida ma rohana,
TUHAN ki jambarhi do paurakkonsa

7. Na so tupa do tahutan roha ni Kristen i nang marhabiaran
Nang marmudu tos hosaNa
Baenon ni musu i, ingkon pir tondina.

8. Dang tarbunu hamatean hita on a tongtong marhaporseaon,
I do ujung ni na bernit, na tataon, nasailon, Lapang lao tu langit.

9. Sahat ma disi jambarhu, na denggan, na torang do hasonanganku.
Dang adong di tano arta, na tongtong olo gong
Mago do luhutna.

10. Doshon na sanggolom rihit arta di tano i, sipatubu sahut. Holan di banua ginjang do ture Sasude arta na dumenggan.

11. Jesus, mual hangoluan, di au Ho, au di Ho, dang tarbaen be sirang.
Au di Ho, ai tinobusMu do au on, Asa tong Ho pasangaponku.

12. Ho di au, ai sai digolom rohakon Ho tongtong di haporseaon.
Sai pamasuk au tu ginjang
Ingkon ro au tu Ho, masipaidaan

Buku Ende 283 : NANG SIPATA PE IDAON

1. Nang sipata pe idaon, Debata ta manadingkon Anak haholongan i
Tung na so tutu do i

2. Nang sipata dipabenda Debata pangurupiNa,
Anggo jumpang tikki ni, Pintor tongosonNa i

3. Songon ama di anakna pangalehon ni TUHAN
Holan na hasea i, i do lehononNa i.

4. Pos rohaku di Amangku, nang beha hagogotanku,
Sai holong rohaNa i di au on, anakNa i

5. Setan manang musu jolma, nang beha pangarsahina
Mengkel do au muda i, ai mangolu Amangki

6. Manang ro pe hamatean, dada olo au tahutan
Hutiopi Jesus i, i do ale aleki.

7. Asalma tongtong jambarhu, asi ni rohaM TUHAN ku
Nang pe tu udean au, sae do molo Ho di au.

Buku Ende 284 : SONANG DO ROHAKU MIDA DEBATAKU

1. Sonang do rohaku mida Debataku Sipangolu i
Sai huhadengganhon nasa na nilehon ni Debata ki
Asal lao tu surgo au jala Jesus di lambungku, sabamma rohaku.

2. Lohot do tondiku di Ho Debata ku
Naeng tongtong di Ho sai huhagigihon
Na tau manirangkon au sian Ho
Arta ni portibi i, lan do halak dilohoti, i dang huringkoti.

3. Sada, holan sada do hasudunganna, ninna tondiki.
I ma Jesus, TUHAN, na tongtong haposan, i ma jambarhi.
Holan i do sangkaphi, di Ibana ma rohaku.
Nang sude artaku.

4. Timbang ma basaNa, asi ni rohaNa, hangoluanmi.
I ma haposanmu asa tandaonmu hasonangan ni
Tondi ni na hohom' i maradophon Debatana
Na nioloanna.

5. Sahat tu TUHAN ku, hansit ni rohaku
Sai tongtong hubaen, ai pangkirimanku do hagogoonku,
Uju au mangae, benget ni rohana i Do niingot ni rohaku asa lao arsakku.

6. Nasa na maporus tu TUHAN ta Jesus do marnida on
Moru sitaononna do dibaen TUHAN ta.
Lam manaek tongtong denggan ni turpukna
Asal ma benget rohaNa, paima ro tingkina.

Buku Ende 285 : SAI DITONGOS DEBATA

1. Sai ditongos Debata mu na hasea i di ho
Nang beha parsorionmu, asal di Jesus mu ho.

2. Na holsoan ala modom Jesus di rohana
Magopo tongtong ama Debata ta i ale
Sai tongtong do dihilala arsak ni roham sude

4. Sai porsea, na dumenggan dipatongon Debatam,
Dang tongtong ho marsitaonon, asal ma hohom roham

5. Ia naeng diadiaon, rohami, pabenget ma,
Ai sude do sinarihon mi TUHAN ta Debata.

6. Hagogoon ni TUHAN ta ndang marparbolatan i
Dada pola jut rohaNa, sungkot pingkiranNa i

7. Di na jumpang i arina, ro pangurupiNa i
Ai tompu do haroroNa, pailahon holsomi.

8. Sai martua do sudena, na marhabengeton i
Asal ma burju roha ta, dang maol patupahon i

9. Marhaposan tu goarMu Jesus, olo au hohom
Sai patulusma sangkapMu manang dia pe lomoM.

Buku Ende 286 : UNANGMA TANGISHON HOLSO NI ROHAM

1. Unangma tangishon holso ni roham
Tu Jesus aluhon arsak ni roham
Molo humaliang gaor pe sasude
Sai porsea sonang do luhut muse.

2. Jesus do umboto holso ni roham
Tatap ma Ibana, bulus ma langkam.
Nang pe di na rodop, nang tu surgo i,
Sai marolopolop Ho na sonang i.

3. Sai adong do deba marsak songon ho,
Ho ma paboahon na mangapul ho. Rap ho martangiang dohot akka i Paima dipasonang Jesus sasude.

Buku Ende 287 : GAOR PE SUDE HUMALIANG

1. Gaor pe sude humaliang
Sai na demak do muse
Molo didok Jesus sonang aha na humotok be

2. Ilu ilum do dibilang molo na marsak roham
dang loasonNa tarhilang ho, sai paposma roham

3. Sai ditangihon Ibana na martangiang sude
Jala ditatap mataNa na tinobusNa sude

4. Ipe haposi Ibana na paturehon langkam
Sai haholongi Ibana na pasonangkon roham

Buku Ende 288 : NA MARGURU DO LUHUTNA

1. Na marguru do luhutna di Jahowa Debata ta
dohot panumpakNa i
Nasa na marpos niroha na mangkirim di Jahowa
ido na martua i

2. Na marmudu nasailaon au, umbaen marhatuaon,
Debataku i tongtong.
Na ture manogu ahu,
Mian do tongtong di au, dohot tu joloan on.

3. Lan do dipasari jolma na so tau hasonanganna,
Jala na so hot muse anggo sangkap ni rohaku
Debata naeng haposanku, na manompa sasude.

4. Pangkirimon do pasonang roha ni na marhaposan
Tu Jahowa Debata, ai tu asi ni rohaNa
Hupasahat do sudena, sai dibaen do na tama.

5. Debata do na umboto na ture. di au na oto,
Na martingki do sude, tung Ibana ajaranku
Tagonan undukkononku nasa sibaenonNa pe.

6. Tingki ni ariaringku guru do di Debataku
Sai rohaNa mana saut asal sahat au tu surgo,
Lao tusi do au manggogo songon batang aek tu laut.

Buku Ende 289 : POSMA HO ROHAKU

1. Posma ho rohaku di Debata
Bonomma arsakmu tu rohaNa, da.
Unang lomos tiopma gomos haporseaon mu
Unang ho bobos
PaluaonNa ho ma antong  sian nasa jea di tano on.

2. Posma ho rohaku di Debata
bonomma arsakmu
Tu rohaNa da, lao mago pe na dison sude
Sonang bahenonNa sogot ho muse
Ale Jahowa haposanki, sai togihon au tu surgo i

Buku Ende 290 : AI BEASA TUNG HUMOLSO

1. Ai beasa tung humolso jala sai tahuton ho
Hasabamhon parsorion pinarona i tu ho

2. Sai pangido angka arta na so olo buruk be
Sai tundalhon ma na roa tu na sonang ho muse.

3. Haringkothon manggotaphon harohaon tano on.
Sambulom ma halungunhon, tagan ho di ngolumon.

4. Marisuang ho, pasuang rohami tu Debata
Sai gogoi ma mangkaposi Jesus Kristus, TUHAN ta.

5. Guru roha ni Debata ma baen langka langkami.
Amen, amen, sai pasangapma tongtong goarNa i

Buku Ende 291 : BINSARMA BINSARMA

1. Binsarma binsarma marsinondang hatiuron sian ginjang
Pangoluhon humaliang hami sasude hami sasude

2. Ngalut ni ngoluki, sitaononki parsahitan, halojaon
Jambarmi o hajolmaon di portibi on, di portibi on.

3. TUHAN ki, tua ni hajolmaon i, Ho partanobatoanku,
Ho tongtong pangkirimanku, Jesus, goarMi, pos ni rohaki.

4. Bereng i jambarmi, salelengna i unang lohot ho di toru,
Unang jambarmi lam moru tuju ngolumi na di ginjang i.

Buku Ende 292 : DUNG RO JESUS I PATARMA TU AU

1. Dung ro Jesus i patarma tu au
Gogona sude holong, holongna di au
Ibana haposan haporusan i
Tung mate pe iba sonang roha i

2. Dung ro Jesus i, martua sude
Na pos roha i sonang do sude.
So olo be lonong, na mian disi, Sude do mangolu, ditogu tusi.

3. Na bernit pe ro manosak tu au, Ilungku pe ro, tung marsak do au, dang ganggu rohaku, ai Jesus di au,
Ibana gogoku, malua do au.

4. Patar arsakki peak di joloM,
Tu ginjang ma au mangido gogoM
Dang tuk, dang tau jolma haporusan i
Sai holan arsakku dipajojor i.

5. O Jesus, tu Ho marsomba au on,
Sude ma di Ho hulehon au on.
So olo be sirang, naung domu tu Ho.
Martua nang sonang, na ro i tu Ho.

Buku Ende 293 : HABOT PE ROHAM

1.Habotpe roham porsuk jambarmi adong do pangapul TUHAN ta do i
Ibana donganmu mamorsan gogo, sai unang ho ganggu, sai monangma ho.

2. Saleleng dison dokdok do roham hansit pamatangmu
Marilu matam sai bereng tu ginjang ai Jesus naeng ro
Sai taonma satongkin mangoluma ho.

3. Dung sahat tondim tu TUHAN ta i tarapul rohamu
Di lambung Na i mansohot arsakmu
Sai sonangma ho sai unang ho ganggu martuama ho.

Buku Ende 294 : UNANG SAI HOLSOAN

1. Unang sai holsoan ho Debatam mangolu do
Dirajai do sasudena arsakmi naeng buatonNa
Asalma porsea ho, holsomi maporus do

2. Sai haposi Debatam, jala alo ma dosam
Unang habiari talu, hamonangan do tohapmu
Dipasaut Debatami, na pinarbagaNa i.

3. Molo ro arian i, sat maporus borngin i
Songon i do lao arsakmu mida sondang ni TUHAN mu
Asal sai mangkirim ho, dang tagamon marsak

4. Nang tung ganda dokdok ni sasude sitaonon i.
Unang olo ho gangguan, sai benget ma ho mamorsan
Tiop holong ni roham mangkaposi Debatam.

Buku Ende 295 : HOLAN DI SURGO I SONANG SUDE

1. Holan di surgo i sonang sude
Dang na hurangan be di manang ahape
Molo huingot i, naeng au tusi

2. Holan di surgo i sonang sude, holang di surgo i sonang sude
dang adong dosa be, uhum sude ture, sai na martua be disi sude

3. Anggo di tano on susa tongtong, anggo di tano on susa tongtong
Jahat ni jolma do sai na lam ganda do
dung i ujungna be, mate sude.

4. Anggo di tano on, hurang sude
Alai di ginjang sai sonang be
Haporseaon i dalan tu surgo i, holong ni rohape hot do muse

Buku Ende 296 : HOLSO ROHAKU DITATAP HO

1. Holso ni rohaku ditatap Ho, tahutan au, pangapul Ho
Naung tu TanganMu do sahat au, Jesus TUHAN ku ramoti au

2. Pos do rohaku di Ho antong, huhaholongi do Ho tongtong
Ho do hinirim ni rohakon, Ho do pangiring di lakkakon.

3. Dame ni roha nang tuaki, mangolu, mate, Ho jambarhi
Ho do gogoku di dalanki patongon au tu surgo i.

Buku Ende 297 : NA MARSAK ROHAM

1. Na marsak roham sai jou Debatam, na burju gogo mangarupi

2. Habot pe roham dibahen dosam,
Paboa ma i tu TUHAN mu.

3. Na sorat sude, neang do muse
Bahenon ni Jesus na basa.

4. Sorta TUHAN mi, lambok hata ni i,
Pasonggop tu ho hasonangan.

5. GogoNa do tuk pamalum luhut Sahitmu, dibahen holongNa.

6. Ibana labam, marujung langkam Tu paradianan di surgo.

7. Sai taon ma benget sude na hansit,
Ai sonang ma ho dibaen Jesus.

ENDE DI MANOGOT

Buku Ende 299 : DEBATA DO MANGGOMGOMI LANGIT DOHOT TANOON

1. Debata do manggomgomi langit dohot tano on
Haholomon di gompomi dohot hatiuron on
Dirajai TanganNa i nasa na tinompa i

2. Sai hupuji ma goarMu ala niramotanMi
Tondi dohot pamatangku, sonang au na borngin i
Dang na saut tinahi ni musuki, sibolisi.

3. Sai padao ma sian au saluhutna dosaki
Ai marhaporusan ahu tu bugangMu, Jesuski,
I do pangondinganki maradophon rimasMi.

4. Sai sungguli ma tondiku asa hehe dohot i
Jala haringkothononku hangoluan sogoti,
Asa unang ariMi manonggoti rohaki

5. Togu au, ale TUHAN ku mangihuthon hataMi.
Sai pature ma langkaku asa tung hasea i.
Sai ramoti ma au on asa sonang rohakon.

6. Tondi dohot pamatangku, roha dohot gogongki
Hupasahat tu TanganMu, Debata na sangap i
Jangkon au na posoMon, ai di Ho hian au on.

7. Dokkon suru suruanMu manundati tahi ni
Na mangago dompak au asa bulus langkaki,
Jala usungonna pe au tu  lambungMi muse.

Buku Ende 300 : SAI HEHEMA ROHAKU MAMUJI DEBATA MU

1. Sai hehema rohaku mamuji DebataMu. 

Na sai marasi roha di nasa manisia.

2. Ai di na modom au, sai dijagai do au, 

Aut unang i, naung mago do au dibaen pangago. 

3. Didok Ho, o TUHAN ku, posma roham anakKu 

Sai sonang ma ho modom, lao do muse na holom. 

4. Naung saut hataM, o TUHAN huida hatiuran

Dang na mahua au dijaga Ho do au. 

5. Tung aha ma pelean, las ni rohaM hulehon? 

Endeku, tangiangku, ima pelehononku. 

6. Dang i tulakkononmu, diida Ho rohaku, 

Diboto ho, o TUHAN soada na dumenggan 

7. Sai udut pinungkaMu, sai surusuruanMu, 

Manjaga au arian, asi rohaM, o TUHAN 

8. Urupi au mangula ulaon na marguna 

Bonana nang ujungna, Ho ma mambaen jadina. 

9. Patiurma langkaku, ingani ma rohaku, 

HataM hangoluanku di dalan tu lambungMu. 

Buku Ende 301 : LAS SITUTU ROHAKU

1. Las situtu rohaku ro au manogot on

Mamuji Debata ku Sijaga ngolukon

Ho di habangsaMi tongtong naeng pujionku

Huhut pasangaponku marhite AnakMi 

2. Ai nasa parmaraan, sude najorbuti, 

Dao sian au na borngin binaen ni basaMi. 

Nuaeng asi rohaM sai sesa ma dosaku, 

Sude pambahenanku na sogo ni rohaM. 

3. Ramoti au TUHAN ku, muse sadari on, 

Na tau hamagoanku padao ma i tongtong. 

Ingani rohakon, pature ma langkaku, 

Tamparhon ma marangku ramoti hosakon. 

4. Tondiku, pamatangku, rap dohot rohakon, 

Ro di sude donganku, na di portibi on, 

Sai sahat ma tu Ho, ramoti ma nasida

Ai na di au luhutna na nilehonMu do. 

5. Paian suruanMu tongtong di lambungkon, 

Ai ingkon ramotanMu do tondingki tongtong

Dibaen pangonggop ni sibolis di rohaku

Anggiat aloonku mambahen dosa i. 

6. Marguru tu TUHAN ku ma au di sasude, 

Ditogu Debataku ma au tu na ture, i ma ulaon ni tanganku, 

Sai pasupasu sude sibahenonku, o TUHAN Debata

7. Antong hudok ma amen, dang ganggu rohaki 

TUHAN ku mangalehon na hupangido i 

Na lao ma au nuaeng mangula ulaonku, 

Ibana do donganku na sonang au dibaen. 

Buku Ende 302 : BINSAR NA MANOGOT ON

1. Binsarma manogot on, o panondang ni Jahowa 

Sai sondangi hami on asa bali sian roha

Sasudena holom i baenonMi

2. Doshon nambur ma basaM manonggopi rohanami 

Asa asi ni rohaM, mamuati arsak nami

Sai apoi siseanMon, hami on. 

3. Dohot holong ni rohaM manungguli tondi nami Mangihuthon tu hataM lam holong ma rohannami 

Mida Ho dohot sude jolma pe.

4. Mudar parpadanan i, i ma hatigoran nami, 

Asa roha i pinabali sian hami. 

Jala dao na bernit pe sasude. 

5. Sondang sian surgo i binsar tu tanoman nami, 

Molo jumpang ariMi, asa hehe daging nami, 

Masuk tu halasan ni roha i. 

6. Jesus, Ho panondang i, sai patiur langka nami 

Sian partangisan i tu silas ni roha nami, 

Jambar na manongtong di surgo i

Buku Ende 303 : O JESUS SONDANG NI JAHOWA 

1. O Jesus sondang ni Jahowa Ama nami

Naung salpu borngin i tiur huida hami

Tarsunggul do nuaeng gogoku sasude

Dibaen i umbaen di Ho malungun i 

2. Tung aha di rohaM huboan peleanMu?

Tu asi ni rohaM hubonomma rohaku? 

Nang tondi, dagingpe manipat ari on 

I ma peleanMi, na asing dang adong. 

3. Ipe, o TUHAN ki, sai jalo ma tondiku

Ho ma nampuna i, padomu tu TondiMu

Di holong ni rohaM di Ho ma rohaki, 

Gomgoman ni hataM, baen hasangaponMi. 

4. Nang pe pamatangkon hulehon ingananMu, 

Tagan di tano on siparbadiaanMu. O Jesus, TUHAN ki, Raja i, Pangolu au, 

Ai molo songon i, mardomu Ho tu au. 

5. Uloshon, Jesus ki tu au ma hatigoran, 

Holong ni rohaMi dohot haporseaon. 

Benget ni roha i, nang haiason pe

Serep ni roha i na uli sasude. 

6. Sai pasu pasuma sude pambahenanku, 

O TUHAN Debata, nang nasa pingkiranku 

Sai naeng marsangap Ho dibaen hataku pe, 

Paboa na di Ho do gogoki sude. 

Buku Ende 304 : NAENGMA PUJIONKU DINA MANOGOT ON

1. Naengma pujionku di manogot on 

Ho ale TUHAN ku di na ngot on.

Di na nok mataku diramoti Ho au ro di donganku asa sonang do

2. Gogo ni dagingku Ho siulahononku

Ari on naung ro dohot do rohaku diramoti Ho

Tiur do mataku manatapi Ho

3. Jesus, Pargogoima au sadari on, sai padaoma dosa

Sian rohakon asa huihuthon hataMi tongtong 

Jala hupasangap Ho di tano on.

Buku Ende 305 : ALE TONDIKU HEHEMA

1. Ale tondiku hehema dung salpu haholomon 

Ai dipabinsar Debata muse panondang bolon

Pasohotma na modom i, ai ingkon pasangaphon mi

TUHAN ta na di surgo 

2. Di hatiuron lao sude tumopot ulaonna, 

Sogot do akka pidong pe pangial soarana. 

Tama do i tiruan ni saluhut manisia i, 

Mamuji Debata na.

3. Tatopot ulaonta be, baen sangap di TUHAN ta, 

Sai hehe hita sasude, paboa las rohata, 

Mamangke hagogoon i, nilehon ni TUHAN ta i 

Tu hita saluhutna. 

4. Marsorinsorin ari i sai tading do ulaon, 

Urupi, Jesus hami be, mangalo haotoon. 

Paringgas hami on sude mamangke gogo nami be, 

Dibaen naung sinondangMu. 

5. Torang baen roha nami be, togu haporseaon. 

Paserep roha nami pe, sai lehon roha holong 

Tu hami, asa tung tanda naung dipatiur Debata 

Huhut disunggul hami.

6. O Sondang selelengna i, sai mian di rohaku

Di dalan hatigoran i papintor ma langkaku. 

Pasahat au tu huta i, naung dipauli tanganMi 

Soada be na holom.

Buku Ende 306 : HUPUJI HO ALE TUHANKU

1. Hupuji Ho ale TUHAN ku, ai borngin i do dipasalpu Ho

Asa tung tiur muse portibi on

naung ni linggoman ni harajaon haholomon 

torang dibaen Ho sude

2. Sai hehe ho, ale tondiku, pelehon ma tu Debata mu

Mauliate ni roham, tandaima denggan ni basaNa, 

Na ganup sogot tinongosNa, girgirma puji Debata m. 

3. On do sinangkap ni rohaku, tiur dibahen Debataku 

Na di bagasan rohaki, suman tu langit ma rohaku, Jesusku, mata ni ariku baen sangap di Debata ki. 

4. Anggiat bali, ale TUHAN, sude pambaenan haholoman 

Sian rohaku dibaen Ho huhut imbaru pingki 

Dihorhon, Jesus, panondangmu, papintor langkaki tu Ho. 

5. Ima nuaeng pangidoanku, sai lehon i di au, 

Amang ku, 

Sai dok ma: Amen, saut mai, antong, dung gok ari ariku, 

Panondang, Ho ma topotonku, sonangma au dilambungMi

Buku Ende 307 : MATANIARI BINSAR SAONARI

1. Mataniari binsar saonari lao manondangi 

lao manorangi mangalaslasi sandok tano on.

Di podomanku na borngin badanku hehema au nuaeng

asa laho, asa huida tiur ari on

2. Nasa na uli, na pinauli ni Debataku, 

Duda mataku pa marmulia do Debataki. 

Laos na hutanda huhut na huida jambar na uli ni 

Angka na muli sogot tu lambung ni TUHAN ta i. 

3. Sai taendehonma hasangapon di Debata ta, 

Jala rohata sai tapelehon tu TUHAN ta i. 

I ma pelean na tongtong dumengggan, 

Ende ende ta do doshon daupa, lomo ni roha ni TUHAN ta i 

4. Borngin, arian do sinarihon ni Debata ta, 

Hasonangan ta pinatupaNa sambing do tongtong. 

Modom pe hita, disi do Ibana, hehe dagingta 

Sogot manogotna, sai disondangi muse hita on. 

5. Las ni rohata sian TUHAN ta, nang pe arsak ta 

Do tinongosNa, sai na hasea do i sasude. 

Hangoluanta dilehon TUHAN ta asal ditogu do hita tu surgo, Ingkon manumpak tusi sasude. 

6. Sai na marujung do haporsuhon dung salpu borngin, 

Dung pur pe angin, sai na sumisi ma ombun sude. 

Las ma roha ta dibahen TUHAN ta di hasonangan di 

Banua ginjang, ia dung sahat tusi hita be.

Buku Ende 308 : JUMOLOMA HUPUJI HO

1. Jumoloma hupuji Ho o TUHAN Debata ku

Di ari na imbaru ro paboa las rohaku

2. Mangaramoti hosakon, soada dong gogoku, 

Sonang do au saborngin on binaen ni panjagaMu. 

3. Ho do manongos jolma i, dilehon Ho ngoluku

Ho do mangudut hosaki na borngin i TUHAN ku. 

4. Hupuji hagogoonMi dohot haburjuonMu, 

Dibaen, dung sonang borngin i las ma nuaeng rohaku. 

5. Antong pasonggop ma tu au pasupasuM TUHAN ku, 

Sadari on urupi au mambaen na pinatikMu. 

6. Pangolu au sadari on, Ho do pangkirimanku

Padao ma jea i tongtong, sai sesa ma dosaku. 

7. Papos rohaku mida Ho, gok holong baen rohaku

Pistarma au huhut gogo mambaen sibahenonku. 

8. Sai luluanku na burju di au harajaonMu, 

Porman nang tigor situtu ma baen pangalahoku. 

9. Lao mangurupi dongan i, paringgas ma rohaku, 

Manaek pangabahanNa i, lasma disi rohaku. 

10. Marroha na bonar ma au tongtong di adopanMu

Marlas niroha ma au lao, dung ro panjouM, TUHAN ku.

Buku Ende 309 : RAPHON TUHAN JESUS I

1. Raphon TUHAN Jesus i pungka ulaonmu

Ingkon tu Ibana i parguruhononmu

Baen Ibana donganmi hehe dohot modom

Degema bogasna i, rohami pahohom

2. Ganup sogot ingkon do Jesus jouhononmu, 

Asa urupanNa ho di siulaonmu, ai arian, borngin pe, 

Naeng ho dongananNa, dosami pe sasude, 

Naeng taluhononNa. 

3. Molo Jesus do i, dang tarbaen ho mago

Nang bisuk sibolis i, Jesus do gumogo. 

Asal dihaposi ho Jesus i, TUHAN mu, ingkon sai maporus do 

4. Hupasahatma antong saluhut langkaku na tongtong mian di rohaku. 

Manang ahape hubaen, Ho hupangasahon. 

Ale TUHAN, tulus baen saluhutna, Amen. 

ENDE JUMPA LAHO MANGAN

Buku Ende 310 : TAPUJIMA TUHAN TA 

1. Ta pujima TUHAN ta dibaen denggan basaNa

Ima sipanganon ta naung sidung di jolo ta

2. Pamatang nang tondita dilehon do tu hita

Dang dung holit rohaNa, pahot na nilehonNa. 

3. Daging ta diparmudu, tondi ta pe mangolu, 

Ianggo di rohaNa nang pe godang marana. 

4. Ai sahit ni roha ta, i ma tutu dosa ta

Naung mate do tondi ta binahen ni sahit ta. 

5. Naung ro do Sipangubung, Parngolu na sumurung, 

TUHAN ta Jesus Kristus, tondi ta i ditobus. 

6. Naung sesa do dosa ta, rade hangoluanta

Gok ni parjambaran ta di surgo jaloon ta. 

7. O Jesus, TUHAN nami, tusi pasahat hami

Na metmet, na magodang togihon tu na sonang. 

Buku Ende 311 : SAI PARMUDU MUDU HAMI

1. Sai parmudu mudu hami, sai apuli roha nami 

Pasu pasu sipanganon asa gabe hatoguon

Jala gabe hangoluan di pamatang hagaleon

Paima sogot sahat hami tu lambungMu, Ama nami.

Buku Ende 312 : PUJI O JOLMA MA BONA NI HANGOLUANMU

1. Puji o jolma ma Bona Ni Hangoluanmu

Na marmuduhon tongtong nang tondim nang dagingmu

Puji tutu,sai haholongi burju na patupahon sonangmu.

2. Nunga dilehon Ho, TUHAN, sipanganon nami

Tau hasangapon di Ho ma nuaeng hubaen hami, 

Pamatang i ro di gogona sude, tanda na las roha nami 

3. O Sipangolu, sai tatap huhut tondi nami, 

Jala pabosurma i di pardalanan nami tu surgo i

Jesus, palungunma i tongtong di Ho, TUHAN nami. 

4. Sai parmahani ma hami na di halongonan, 

Jala patau tu haroan di banua ginjang

Togu tongtong hami na loja dison, sahat tu paradianan.

Buku Ende 312 : HUPUJI HO O TUHAN KI

1. Hupuji Ho o TUHAN ki dibaen denggan basaMi.

Ai di sarihon Ho tongtong bohalhu na di tano on. 

2. Paradema di au muse parguna tu tondiku pe

HataM na sun badia pasaorhonma tu rohaki

3. Pabosur dohot tondi nami, togihon au tu surgo i 

Disima Ho pujionki saleleng ni lelengna i 

ENDE DI BODARINA

Buku Ende 314 : NA SALPU DO ARIAN I

1. Na salpu do arian i, hupuji Ho Debata ki

Ai sahat di bodari on tongtong basaM di hami on.

2. O TUHAN sai asi rohaM,  tambaima denggan ni basaM 

Sai sesa nasa dosaki o Jesus dohot mudarMi 

3. Ramoti au saborngin on huhut pasonang rohakon 

Sai dokkonma suruanMi padaohon nasa mara i 

4. Dung na tarsunggul au muse manogot, sai paingot pe

Mamuji-muji goarMi nang pararathon sangapMi 

Buku Ende 315 : NA SALPU DO ARIAN I ( SAMA DENGAN BUKU ENDE 314 )

1. Na salpu do arian i solukma ro na holom i 

O Jesus, nang saborngin on sondangi hami on tongtong 

2. Na jorbut, mara, rugipe, diambat Ho do i sude

Ipe pinuji goarMi dibaen denggan basaMi 

3. Pambaenan nami sasude na maralohon Ho hape

Sai sesama luhutna i, ai marsak hami ala ni

4. Urasi, baen ias musema tondi dohot dagingpe

Ai naung sonang saborngin on do roha nami sai tongtong 

5. Sai dokkonma suruanMi mangambat jea sasude 

Nang saluhut di tano on, na tau mangago hami on.

Buku Ende 316 : NUNGA LAO MUSE SADARI

1. Nunga lao muse sadari Jesus sian bohalhon 

Sai paingot au saonari manang burju rohakon 

Jala tuduma sude nahubaen na so ture, asa sae annon dosaku

jala sonangma rohaku.

2. Lan do dapot pambaenanku, sogo ni rohaM, hape

Ai gok dosa do rohaku, sala do hataku pe. 

Ganup tongkinma tutu dang marningot au burju 

Di sude na pinatikMu, ala ni godang dosaku. 

3. Sai asi rohaM, TUHAN ku, sai palambas rohaMi, 

Ai dokdok tutu rohaku, sesa nasa dosaki

Patuduhon ma basaM dohot holong ni rohaM, 

Asa ganda ma ringgashu mangoloi sude patikMu. 

4. Na badia baen rohaku dohot di na modom au

BasaMi baen bulusanku, dokkon na manjaga au. 

Sai intopi api i, jala jaga bagas i, 

Asa unang tangis hami, dung muse tarsunggul hami. 

5. Sai togangi nasa jolma, na mambaen na jahat i, 

Unang ma laluhononna tahi ni rohaNa i 

Dompak hami, anakMi, angka haholonganMi

Sai tamparhon sian hami nasa na mangago hami. 

6. Dang na olo nok, o TUHAN, mataMi nang borngin on 

Jesus, Ho do Siparmahan na dumenggan roha i 

Borngin nang arian pe diramoti Ho sude, 

Ala ni ingani hami asa sonang modom hami. 

7. Sai hipas pahehe hami di tingkina na ture 

Asa hudapothon hami siulaon

nami be 

Manang naeng alaponMi borngin on au TUHAN ki

Sai na sahat tu TanganMu do pamatang nang tondiku

Buku Ende 317 : LAO MODOM DO LUHUTNA 

1 Lao modom do luhutna nuaeng sude na loja

Sandok portibi on ianggo ho tondiku pasangapma TUHAN mu

na sumarihon ho tongtong. 

2. Ale mata ni ari, tu dia ho saonnari, 

Dilele borngin ho, Holom pe saluhutna 

Nuaeng, diida mata, di Debataku tiur do

3. Nang so torang be ari, 'adong do sada nari, 

Na manondangi au, panondang i Jesusku, 

Na mian di rohaku, dang be tadingkononNa au. 

4. Naung salpu do arian, tiur do angka bintang 

Di hajangkajang i, suman tusi ma ahu , 

Di lambung ni TUHAN ku, dung hutadingkon tano i. 

5. Lao modom au saonari, abithu huosari

Huingot ma disi ngoluku na lao salpu, 

Nang ulos jaloonku naung diparade Jesuski. 

6. Paherbang ma tanganMu Jesus, las ni rohaku, 

Ondingi anakMon, ro begu naeng mamolgak, 

SuruanMi manonggak, dang jadi jamaonmu on. 

7. Dohot hamu donganku, sude haholonganku, 

Dao sian mara i, dipaderem Debata 

Hamu dohot sinjata, ditiop suruanNa i. 

Buku Ende 318 : NUNGA LOJA DAGINGKON

1. Nunga loja dagingkon

Naengma pipit matakon o TUHAN ku 

mataMi dungo di podomanki

2. Sesa jolo sasude na hubaen na so ture

Ai luhut na sala i dipature Jesus ki

3. Dohot akka donganki, sahatma tu TanganMi

Isi ni portibi on jagama saborngin on.

4. Angka na mardangol dohot na marsahit i 

Angkup ni na tangispe, sai apulima sude.

Buku Ende 319 : TUNG SONANG MODOM AU SABORNGIN ON

1. Tung sonang modom au saborngin on

So jolo Ho TUHAN ku ingotonkon

Na mampar do rohaku narian

tu Ho ma luluanku na sonang i 

2. Sai sesa nasa dosa ale Amang, Ho na marholong roha

Asi rohaM, paiasma rohaku na ramun i

pagirgir au mamuji Ho TUHAN ki

3. Urupi au maniru panesaMi, nang pe pangkaholongi ni rohaMi 

Na sonangma au modom saborngin on

Ai dame do maringan di rohakon.

Buku Ende 320 : MAPORUS DO ARIAN

1. Maporus do arian masalpu hatiuron 

Di soluk haholomon mambaen paradianan di nasa jolma i 

Holom do di mataku, tu Ho do lao rohaku

Si tompa parsorinan ni ari dohot borngin, mamuji goarMi

2. Girgir ma ho, tondiku, mamuji Debata mu, 

Ai na so habilangan do saluhut na denggan, binaenNa i tu ho. Satongkin pe dang salpu, so sahat tu tanganmu 

Godang denggan basaNa, nang asi ni rohaNa, na pangoluhon ho. 

3. Ai songon siparmahan manjaga di adaran 

Dorbia, asa dapot saluhut i na ringkot hangoluanna i, 

Laos songon i TUHAN ku, dilehon do bohalhu

Tongtong do jinagaNa au songon dorbiaNa, 

Dibaheni basaNa i. 

4. Nang au tinadingkonNa, hape pinatikkonNa 

Jotjot nilaosanku, sai lilu do rohaku mambaen dosa i 

Asi rohaM, Amangku, paombun marimasMu, 

Tama do au toruan, ala na huarsakkon 

Sude pambaenanki. 

5. Tangihon ma hataku sai sesa ma dosaku, 

Ai mudar mu AnakMu, i do paridianku, na paiashon au 

Sai dokkon suruanMu, marsaro di lambungku, 

Ho ma tongtong donganku di na lao nok mataku, 

Nang di na hehe au

6. Ima na hinaposan ni rohakon, o TUHAN, 

Umbaen sonang rohaku tumopot podomanku, 

So humasusa au. Ai dang habiaranku 

Pangago ni musuku, dibaen habongkabongMu Namangkuphupi au, mangaramoti au.

7. Na modom manang dungo na hundul manang laho

Di TanganMi do au, Ho hangoluanku, sintong do hata i

Ai Ho do, pangondingan arian dohot borngin 

Partanobatoanku na so tadingkononku

Ai sonang au disi

Buku Ende 321 : MARUJUNG DO SADARION

1. Marujung do sadarion dibaen panondang bolon

Na maradian tano on ipe sai ta endehonma

Debata ta i parasi roha i, ta sunggulma roha ta be, mamuji Jesus ma sude

2. Sai marsinondang bintang i, nang bulan na di ginjang, 

Na patiurhon langit i, alai andul tumorang 

Do marsinondang di bagasan rohaki 

Jesusku, hasangaponki, artaku, pangodinganki. 

3. Sai modom do bornginna i, nang jolma nang pinahan, 

Ala dungo di ginjang i na so marhalojaan. 

Dang olo nok tutu, o Jesus, mataMu, 

I pe sai ingkon dungo do rohaku mandongani Ho. 

4. Unang ma lea rohaMi di endekon, o TUHAN. 

Dang olo sonang rohaki so jolo i huboan. 

Ai i do na adong di au na pogos on. 

Ipe sai jalo nama i, o Jesus, alealengki! 

5. Sai Ho ma mandongani au, saleleng nok mataku, Pangondinganku, tatap au, ramoti ma tondiku. 

Dang na mabiar au, nang pola mate au, 

Ai na lao modom dohot Ho marlasniroha hehe do. 

6. Pasurutma sude hamu, pardibanuatoru,

Dang be au guru di hamu, ai Jesus do rajaku, 

Surusuruan i manjaga jabuki, tung hahuaon muna au, 

Nasida do manjaga au.

7. Antong, sai sonang modom au o Jesus, di TanganMu

Peak di asiMi do au, basaM haporusanku. 

Ho pangondinganki, huingot hataMi, dipasingothon tondiMi 

Ma i tongtong tu rohaki. 

8. Antong, ale pamataki, sai sonang ma ho modom, 

Pitpit hubahen mataki, i do hinalomohon ni TUHAN Debata. Antong huingot ma Ho, Jesus Siparmahan au, 

Saborngin on ramoti au.

Buku Ende 322 : O JESUS SIPANGOLU AU

1.O Jesus Sipangolu au tu podomanku naeng au lao

Naeng maradian dagingki, Ho ma mangkinsu  pintu i 

2. Na sesa dosaki sude pasonang au na modom pe

Saborngin on ramoti au, suruanMi manjaga au

Saborngin on ramoti au, suruanMi manjaga au

3. Sude na tau mangago au, aek manang apipe padao

Nang hamatean na tompu, pasonang au situtu 

Nang hamatean na tompu, pasonang au situtu 

4. Laos songonima donganki, ramotima luhutna i 

Pahehe au muse hipas asa hupuji Ho ringgas

Pahehe au muse hipas asa hupuji Ho ringgas

Buku Ende 323 : SIPARMAHAN BOLON

1. Siparmahan Bolon na so olo modom, tatapma au on

BasaMi o TUHAN do mangaramothon au sadari on

Bornginpe Ho ma muse, na manjaga humaliang au asa sonang.

2. Ho ma manamparhon nasa parmaraan dohot basaMi. 

Sesa ma dosaku, ias ni rohaku hasonanganki.

AnakMi naung mate i, ido na padao dosaku

Ipe las rohaku

3. Dohot ma donganku, hinaholonganku, sahat ma tu Ho Sai tong diranapi, mataMi ma hami, 

Asa sonang do Ho tongtong di lambungkon, 

Jala au di Ho o TUHAN, i do hasonangan. 

4. Nasa parmaraan dohot hasusaan sai padao sude. 

Ale Ama nami, sai ondingi hami, Asa sonang be, sai orai pangago i, Unang hami diarsahi jala disusai. 

5. Aik beha ajalhu, suda ni bohalhu, ro saborngin on

Molo i TUHAN ku, rohaMi di au, alap ma au on 

Asal lao tu surgo au pasahaton ni Jesusku, 

Sonang do rohaku. 

6. Pos nuaeng rohaku, pitpit ma mataku, mangasahon Ho. Sahat tu tanganMu daging nang tondiku, ramotanMu do, 

HataMi do mandok i, dung i, molo ngot manogot.

Buku Ende 324 : NA RO MUSE NA HOLOM

1. Na ro muse na holom, jumolo Asa modom hupuji goarMi o Jesus tatap au

Sai pasu pasu au, huhut patiur rohaki

2. Nuaeng pasahatonku tu asi ni rohaMu 

Dagingku, tondi pe, ulaon ni pamatang, 

Pambaenan haholoman, padaoma sian au sude

3. Ho do mangkaholongi, Ho do mangkaliangi, 

Huhut mamio au, Ho do palas rohaku, 

Balgama etongonku rohaM na denggan i di au

4. Sai masipaboaan arian dohot borngin, 

Mandok mardalan au tumopot hasonangan, 

Na di banua ginjang, tusi, o Jesus, taiti au. 

Buku Ende 325 : BODARI ON NA DUNGO DO AU ON

1. Bodari on na dungo do au on Sai naeng pujionki Ho 

Debata ku sai pargogoima au lao mangoloi Ho

sian nasa ringgas ni rohaku.

2. Sonangna i mamingkir basaMi Pahohom rohaki di adopanMu. Pabalima, o TUHAN Debata, sude na tau manggaori pingkiranku.

3. O Jesuski, hupuji goarMi dibaen tinoguMi au tu lambungMu. 

Aut na tongtong burjuma rohakon, Pasauthon hataMi, ale TUHAN ku. 

4. Parbasa i, lambas do rohaMi, Manesa dosaki tinopotanku

Sai diapoi huhut dipargogoi Ho rohakon muse di tangiangku. 

5. Ho ma tongtong nampuna rohakon, sai taiti ma au on, 

Pahot langkaku, andigan pe badia au muse. 

Nang sun denggan dope Ho pujionku

6. Alai basaM nang asi ni rohaM, dibaen na pinungkaM, 

Tangkas marujung. Pos rohaki, Sai patoguonMi do au, ai goarMi tongtong hujujung. 

7. Ho artaki, na pinarsinta ni rohaku na las i, Dibaen holongMu, pagalak ma di au, o Debata, Gurasa i, Ho naeng haholonganku. 

8. Ojahanki, di na humordit i sude di tano i, Ho, o TUHAN ku 

Nang songgop pe na hansit i muse, 

Ho ma halungunhonon ni rohaku. 

9. Lam ganda ma di Ho, o Debata, Hamuliaon dohot hasangapon, di orbuk on, 

Muse ma di joloM, dung binongotanku banua ginjang. 

Buku Ende 326 : IA LOJA AU DIBAEN ULAON

1.Ia loja au dibaen ulaon las rohaku bodarina i 

Ai disi tarbaen au maradian sonang huhilala rohaki

Lam behama hasonangan i molo bongot hita sogot lao tu surgo i.

2. Ai adong dope paradianan di naposo ni TUHAN ta i 

Dung malua sian parungkilon dompak dosa dohot setan i 

Pasonangon ni TUHAN ta i 

Ma naposo na manjalo upa burju i 

3. Surgo na tongtong marhasonangan, pansohotan ni sitaonon i 

Nuaeng di Ho au muse maringanan, asa au diapul TUHAN ki

Sai asi RohaM  o Jesus ki

Sai pabongot au sogot tu ingananMi

Buku Ende 327 : MARUJUNG DO NUAENG SAMINGGU

1. Marujung do nuaeng saminggu, alai basaM dang songon i 

Ai songon na ni usehonMu pasu pasuM tu rohaki

Laos songon i tu jolo on nuaeng tongosonMu i tongtong. 

2. Hupuji Ho, o Debataku, mauliate au di Ho, 

Dibaen sude na nilehonMu di au huhut huboto do,

Las do rohaM di endeki marhite hite Jesus i. 

3. Tutu, adong do na hutaon saminggu on ditongos Ho. Ditumpak Ho do au manaon, i pe godang na denggan do 

Dihorhon na hutaon i, Antong hupuji goarMi.

4. Nuaeng adong pangidoanku na ringkot situtu di au 

Sai unang ingot be dosaku, asi rohaM, urasi au 

Marhitehite mudar ni naung manggarari utangki. 

5. Dang ubaonMu na nidokMu, sai hot ma bagabagaMi

Pardosa do pangoluonMu, ianggo marsak roha ni, 

Huhut diboan dosa i tu Jesus Kristus, AnakMi. 

6. Ima tiniop ni rohaku di haporseaonna i, 

Umbaen na las nuaeng rohaku lao paujungkon minggu 

Ai nunga sonang rohaki, dibaen pangkirimomna i. 

7. Alai naung ganda do umurhu dibahen i jumonok do 

Hatiha ni panadingkonku di tano on, tumopot Ho. 

Hobas hian baen tondiki, tumopot hasonangan i. 

8. Ia tarsunggul au manogot di Minggu na imbaru i. 

Marlas nirohama hutopot bagasMu, parmingguan i, 

Ai jaloonku ma disi hataM na sun badia i. 

9. Antong nuaeng hian hupuji na naeng lehononMi dope, 

Tarida do pangkaholongi ni rohaMi di au muse,

Ditogu Ho tu banuaM au sian tahi ni rohaM.

Buku Ende 328 : NAENG SALPU ARI MINGGU 

1. Naeng salpu ari Minggu di dao ni Ho siholhu tu Ho o TUHAN ki

Au do ni ajaranMu huhut binutonganMu marhite hite HataMi 

2. Ho do na maringanan di rohakon, o TUHAN. 

Tung sonang au nuaeng tumopot podomanku 

Ai sesa do dosaku, basaM bulusanki hubaen. 

3. Ai sahit ni tondingku do malum, o TUHAN ku, 

Dibaen joroM do au, na tiur do rohaku, 

Ai nunga binuatMu sude na holom sian au. 

4. Sai ramotanMu au, sai sondanganMu au, 

Nang di na holom i, paima ro arian, Na so marpansohotan saleleng ni lelengna i. 

5. Na sonang do rohaku, ai surusuruanMu 

Do mangingani au, huida di rohaku HinauliM, TUHAN ku, aut sahat i tibu tu au.

ENDE TARINGOT TU AJAL NI JOLMA

Buku Ende 329 : JESUS HINAPOSAN NI

1. Jesus hinaposan ni rohakon do na mangolu

I huboto akani hupasabamma rohaku 

Nang targogot rohaki mamingkiri ajalhi

2. Jesus, Sipangolu au a do mangolu, O tondiku

Ho pe ingkon sogot lao tu inganan ni TUHAN mu. 

Tung tartading baenon ni ulu i ruasna i 

3. Domu au tu Jesus ki ala ni i pangkirimonku, 

Ai haporseaonki do marojak di TUHAN ku

Na so tupa sirang be sian Jesus au muse. 

4. Sibuk au, ala ni ingkon gabe orbuk au

Atik pe huboto i, dada olo ganggu ahu

Ingkon suang hosaki, dipasuang Jesus i. 

5. Na gale di tano on sai margogo do i sogot, 

Di na lea i dison hasangapon i do dapot

Partondion do muse daging niba on hape

6. Ipe haringkothonma tumundalhon hisap hisap, 

Sai hombari Debata, roha daging i ma gotap. 

Sai rapethon rohami tu na naeng topotonmi.

Buku Ende 330 : DI TANO NA MARDAGANG AU

1. Di tano na mardagang au, sambulo niba dina dao, 

Ima Jerusalem na uli Debata paojakhon i di mudar ni AnakNa i 

Tusima lao tondiku muli

Di tano on mardagang au, sambulo niba dina dao.

2. Pardalan niba doras do, laos songon i ajalhu ro,

Naung salpu i dang haulahan, silu do suda bohalhon, 

Urasi, Jesus rohakon huhut patonggor parnidaan, 

Manggotap roha tano i, mareak na di surgo i.

3. Matua maol do dalan i, atikpe lao tu surgo i 

Lan do jagaon ni rohaku, gogot do dalan, musu i 

Mangambat au, unang tusi, jotjot do na tartuktuk pathu, 

Huhut lungun do dalan i, jut situtu do rohaki.

4. Jotjot hurangan rohaki di sondang ni TUHAN ta i. 

Na sian asi ni rohaNa, disi marparmaraan au, 

Adian pe so dapot au, alai na lupa do susana, 

Di na marningot tondiki di surgo, sitopoton i 

5. O Jesus, Debata hian, na gabe jolma nahinan 

Pardagang situtu donganku, nuaeng ma sian hataMi 

Tu au tuduhon bogasMi, lam jonok baen tu Ho rohaku 

Tongtong do habang ngolukon, siluma topot anakMon 

6. Gomgomi daging, tondiki marhitehite tondiMi

Patongtong rohakon manahan. Jotjot do tarsulandit au, pahehe au, togihon au,

Ondingi au di parmaraan, sondangi dohot asiMi

Rohaku di na holom i. 

7  Tung naeng mandate tondiki dibahen siholna, Jesuski, 

Tu Ho, pasabam ma rohaku, disi mapitpit matakon,

Tu Ho ma alap anakMon tu pansohotan ni arsakku

Disi ma au di lambungMi

Pedanmu jala donganMi.

8. Pardagang au di tano on, na buro di portibi on, 

Di surgo do ale alengku, disima dohot donganki 

Naeng pujionku goarMi, paboa holong ni rohaku. 

O Jesus, Sipalua au, Tibuma ro, masihol au.

Buku Ende 331 : SAI KRISTUS DO NGOLUKU

1. Sai Kristus do ngoluku, lao, mate untung do

Tusi do lao rohaku,  tu si masihol do

2. Las situtu rohaku, manopot Jesuski

Di lambung ni TUHAN ku sai mian tondiki. 

3. Naung saut do ditaluhon sude na jorbut i  

MudarNa padomuhon au dohot Ama i 

4. Di na homur matangku, sai ponjot hosaki, dang puas be hataku, sai ro ma Ho disi. 

5. Dung mampar pingkiranku, sobokkon lampu i, 

Na sai humillohillo, na so marmiak be.

6. Disi, ale TUHAN ku, padomu anakMon, 

Huhut tu ingananMu togihon tondikon. 

7. Sai loasma au lohot di Ho o Jesus ki

Paianma au sogot tongtong di surgoMi 

8. Disima pujionku Ho dohot Ama i 

Nang Tondi Parbadia di hasonangan i 

Buku Ende 332 : BINITO JONOK NI  ADAMHU

1. Binoto jonok ni adamhu ariki lao bodari ro

Aik sura ro tompu ponjothu parpudi i binoto do

Refrein  :

Jesus Jesus  marhite mudarMi pasonang hamamateki

2. Jotjot asing di potang ari, asa di manogotnai, 

Ai tagan au dison mansari, tongtong tagamon ajalhi. 

Refrein  :

Jesus Jesus  marhite mudarMi pasonang hamamateki

3. Ajari au, ale TUHAN ku, mamingkir hamamatengki, 

Huhut paingotma rohaku tongtong di hamamateMi.

Refrein  :

Jesus Jesus  marhite mudarMi pasonang hamamateki

4. Urupi au, paturehon langkaku na di tano on, 

Paingot ma au, mangalehon tu Ho, TUHAN ku, rohakon. 

Refrein  :

Jesus Jesus  marhite mudarMi pasonang hamamateki

5. Baen lam tonggi di au surgo, lam paet huhut portibi on,

Sai naeng tu ginjang au manggogo, saleleng au di tano on 

Refrein  :

Jesus Jesus  marhite mudarMi pasonang hamamateki

6. Huphupi ma sude dosaku, o Jesus dohot mudarMi

I do hubaen parulosonku, manopot hasonangan i.

Refrein  :

Jesus Jesus  marhite mudarMi pasonang hamamateki

7. Tu ho, o Jesus, au palohot rohaku lonong di rohaM

Manang di dia Ho, au dohot, dison pe nang di banuaM.

Refrein  :

Jesus Jesus  marhite mudarMi pasonang hamamateki

8. Antong, nang ro pe hamatean marsogot, nang sadari on, 

dang habiaran be udean, ai Jesus do di au tongtong. 

Refrein  :

Jesus Jesus  marhite mudarMi pasonang hamamateki

9. Ipe na sonang au mangolu, dang marsak au mate pe 

Huboto do, Sai dipangolu Ho au di hamamateki. 

Refrein  :

Jesus Jesus  marhite mudarMi pasonang hamamateki

Buku Ende 333 : SAI BANUA GINJANG DO SITUJUON

1. Sai banua ginjang do situjuon ni roha ta

Holan paisolat do hita di banua tonga

Pardagangan tano i, surgo do sambulo i 

2. O tondiku, tujuma surgo i haroroanmu

Tano on tundalhonma, na so tau parmiananMu

Surgo do tinuju ni na torang marroha i 

3. Jesus do mandok tu au Sai tu ginjangma tujui

Asa unang ho mandao sian sambulom adui

Ia tong huingot i, sahat au muse tusi.

4. Sai tu ginjang au, manat do tinatap ni rohaku, 

Parjambaranki na hot, na di lambung mi Amangku, 

Nang tiur pe bintang i, marsinondangan do i 

5. Sai tu surgo ma au lao, hitekima hamatean

Jadi sai malua au sian nasa hasusaan. 

Jesus pajolohon au, ipe las rohaku

6. Holan surgo i nama siringkotan ni tondiku, Asa gotaponkuma roha roha ni dagingku. 

Surgo do tujuanki, paima sahat au tusi. 

Buku Ende 334 : NASA JOLMA INGKON MATE

1. Nasa jolma ingkon mate, ingkon mago sibuk i 

Na mangolu ingkon mate, asa tung denggan muse

Daging on do gabe bangke jala ingkon do malangke

Asa sogot bangkit i tu hasangaponNa i 

2. Ipe dang be juaonku, roha ni Debataki

Lehononku do hosaku, dang be marsak au disi

Ai di bugang ni Jesusku dapot au hangoluanku, 

Ala hamamate ni do tarapul rohaki. 

3. Jesus Kristus nunga mate, ala ni mangolu au, 

Singkop tua diparade, i pe las rohaku lao 

Manadingkon pardagangan, mandapothon hasonangan, Mandapothon Jesuski, ai malungun au tusi. 

4. Sonangma disi rohaku, molo jongjong au disi

Dohot sasude donganku, na marhasangapon i, 

Dohot Serapim silehon sangap nang hamuliaon 

Di niendehonna i sangap di TUHAN ta i.

5. Dohot do disi maringan na badia i sude

Ompu dohot panurirang, nang sude Apostel pe. 

Ai marriburibu taonna lao tumopot ingananNa 

Angka na badia i pasangaphon TUHAN i. 

6. O Jerusalem na uli, tiur ni panondangMi

Sonang dohot au maruli, tumangihon endeMi. 

On pe timbul las ni roha, on pe binsar nasa tua, 

On ma ari i tahe, na so olo salpu be. 

7. Ai idaon ni mataku hasangapon i sude. 

Hatigoran do uloshu, na pasangap au muse

Pinarsanggul hamonangan jongjong au di hasonang Maradophon Debata, sai tongtong, Haleluya. 

Buku Ende 335 : LOAS AU ASA LAO

1. Loas au asa lao tu Jesuskutu na dao

Ai malungun do rohaku mandapothon Debata ku

Asa di lambungNa au, asa di lambungNa au

2. Jesuski sondangi sitorusi onbun i  

o andigan ro tingkiku asa borhatma tondiku

Lao marnida BohiMi, lao marnida BohiMi 

3. Sungkot ni denggan ni ende ni suruan i 

Aut marhabonghabong au tongkin on dope au laho 

Tu banua ginjang i, tu banua ginjang i 

4. Sonangmi tondiki molo sahat ho tusi

O Jahowa Debata, dang dodoan ni rohaku 

Las ni roha i disi, las ni roha i  disi

Buku Ende 336 : SONANGMA MODOM

1. Sonangma modom ho na martua i 

Na maradian sian ulaon i 

na ni ulamu di hajolmaon jala mangihut ho tu surgo. 

2. Naung niapusan do ilu ilumi sian matamu dibaen TUHAN ta i  Tangis najolo mangusung boni, Las do rohamu nuaeng manggotil . 

3. Molo soara ni TUHAN Jesus i, na manorusi sude tanomin i, 

Ro manungguli angka naung mate.

Hehe nasida marhasangapon. 

4. Hamuliaon di Ho, o Debata, ala pambaenMu di hami on sude

Mate do hami ala ni dosa. 

Mangolu hami dibaen AnakMu.

Buku Ende 337 : MOLO GIOT HO TU GINJANG

1. Molo giot Ho tu ginjang, tu na sonang harupareakma i,

TUHAN Jesus do mangungkap, dipatalak bahal na di ginjang i 

2. Loasma au mandapothon hatiuron di banua ginjang i 

Angkupankuma suruan mangendehon sangap ni TUHAN ta i 

3. Jesus, na parjolo laho, auma togu

Tu paradianan ni biru biru tinobusMu,

BinoanMu sian pardangolan i

4. Dang be olo au lohotan ni ugasan, 

Angka na di tano i, mian au di halongonan lao ma au tu surgo i 

5. Lehonma haporseaon, hagogoon.

Na manorus sasude, ai malungun do rohaku 

Di TUHAN ku, nang di ingananNa pe.

6. Na tibu do tarpatupa Ho, Debata, 

Halalas ni rohakon sian bahal hamatean 

Tartogihon Ho tompu tondingkinon 

7. Jesus, Ho do na mamorsan paminsangon 

Na tama di dosaki., na so pola habiaran be tanoman hehe do au sian i. 

8. Nang di tano, nang di surgo Ho pargogo, 

Pujionku do tongtong Jesus, Ho hangoluanku, 

Tu lambungMu alapma naposoMon. 

Buku Ende 338 : HEHE DO MUSE 

1. Hehe do muse pamatangku sian tanoman on

Suang mangolu bahenon ni TUHAN ku, Haleluya, Haleluya. 

2. Na sinabur doshon eme i sude na mate i

Na roma muse pangubung di na mate.

TUHAN ta i, TUHAN ta i. 

3. Paninaran di mata ta i do haheheon i,

Dung singkop modom au dibagasan tano,

Tarsunggul au, tarsunggul au. 

4. Beha ia ari na denggan

Alai na sun denggan sijaloon ta 

Di lambung ni TUHAN ta.

Haleluya Haleluya

5. Na ditogu Jesus do au on tu joro na tongtong, 

Na sun badia, asa mariaia

Saleleng ni lelengna i,

Buku Ende 339 : DIINGOT HALAK DAGANG

1. Diingot halak dagang do sambulona i 

Ai hira marsinondang disi bintangna i

2. Malungun do ibana naeng tu donganna i,

Sai naeng ma di rohana lao mandapothon i. 

3. Hape ma sun duhuton sude tanoman ni, 

Umbahen sai ngalutan rohana mida i. 

4. Alai sai lao rohana tongtong tu langit i,

Mangihut tu bintangna, na marsinondang i. 

5. Dung i didok rohana, disan do donganki, 

Di lambung ni Amana di hasonangan i. 

6. Masiholma rohana tu na di ginjang i

Naeng dohot ma ibana tu hasonangan i. 

7. Ale amang pardagang, naeng tu na sonang ho

Sai unang di na alang tongtong tarlalap ho. 

8. Haporseaima Jesus, silehon tua i

Ibana do manobus Ho sian dosami.

9. Sai naeng togihononna tu hasonangan i 

Saluhut na porsea, naung tinobusNa i. 

ENDE LAHO MANANOM DAKDANAK

Buku Ende 340 : TIBUMA RO TINGKIKU

1.Tibuma ro tingkiku lao bongot tu bagashu di hasonangan i 

Hamuna natorashu, dang jadi andunganmu au na manopot surgo i

2. Jempek tutu ngoluku, dumenggan do jambarhu, 

Na sian Debata, dang songgop be sahithu, 

dang tubu be arsakku, las rohaki sambing nama. 

3. Dang leleng dipasombu TUHAN ta au mangolu 

Di partangisan on, ianggo mate iba di haposoon niba, 

Tau las ni roha i tongtong.

4. Dang au be hahuaon ni nasa hajahaton 

Na di portibi on, tung ise mangarsahi sude na sonang muli Tu hasonangan na tongtong

5. Las rohamu najolo, marnida pangalaho ni anak muna on. Nuaeng tutu ma marsak Hamu dibaen dakdanak, 

Na bongot tu tanoman on. 

6. Padirgak ulu muna, tumatap Ama muna, 

Sai unduk ma hamu di nasa pambaenanNa, 

Na sai tongtong marhata asa tarapul rohamu. 

7. Diboto Debata ta na tau hangoluan ta, sitongosonNa 

Dang dung adong na masa na so pinatupaNa, 

Tongtong denggan do i sude. 

8. Ai molo sogot jumpang Hamu au di na sonang, 

Marulos na bontar, marsanggul hangoluan, 

Marmare hamonangan, disima i muse patar. 

9. Disima pujionmu rap dohot au, anakMu, TUHAN ta Jesus i. 

Ipe sai hadengganhon nuaeng sude pambaenan 

Ni Debata, Ama ta i.

ENDE TARINGOT TU NA MASA SOGOT

Buku Ende 341 : TIBUMA JUMPANG TINGKI

1. Tibuma jumpang tingkini panopot ni TUHAN ta

Di hita manisia i mandabu paruhumNa

Tu nasa na mangolu i, nang tu sude naung matepe

Ima didok hataNa.

2. Tarbegema soara ni sarune ni suruan. 

Dung i na hehe ma sude, na modom di tanoman. 

Alai mamintor muba be saluhut na mangolu pe, 

Dibaen TUHAN ta, Jesus. 

3 Dung i jahaonma tibu pustaha panuratan 

Di nasa naung hea tutu binaen ni hajolmaon,

Disi dibege sasude torang na niulana be 

Saleleng di ngoluna. 

4. Marjeama disi sude panjua di TUHAN ta, 

I ma na nilohotan be ni arta na lao sega. 

Ihuthononnama disi sibolis, sipangago i, 

5. Urupi Jesus, au disi, hinorhon ni mudarMu, 

Asa tarsurat goarhi di sipangoluonmu. 

Na pos do rohaki disi ai nunga talu musu i, 

Margararpe utangku. 

6. Dibaheni ondihon au di ari paruhuman,

Sai Ho ma paluahon au rap dohot angka dongan

Ho ma pujion nami be, dung sahat hami sasude 

Di surgo niungkapMu. 

7. O Jesus leleng do hape ariM paimaon nami

Mabiar hami sasude dibaen sitaonon nami

Sai roma Ho roma tibu, palùa hami situtu

Sian sude pangago.

Buku Ende 342 : NGOTMA HO DIJOU DIJOU 

1. Ngotma ho di dijou soara ni angka sipaboa mara

Sai ngotma ho Jerusalem 

Tonga borngin do ombasna, hamu parbaju na marroha

Sai unangma hamu pedem

Naeng ro Pangoli i, pagalak lampu i, Haleluya 

Marhobas hamu sude tu hasampuran rea i 

2. Dung dibege Sion hata ni angka na marhal hutana 

Mamintor las rohana i, ai jonok alealena, 

Pargogo di hasintonganna, na binsar do bintangna i 

O Jesus na burju sai roma Ho tibu!Hosianna! 

Mangihut be do on sude tu halalas ni rohaMi. 

3. Sangap huendehon hami di Ho, o Jesus, TUHAN nami, 

Mardongan sipaluon i. Ai mutiha na ummuli 

Do bahal ni hutaM na uli, marende sasude disi. 

Dang dung binege ni na sian tano i Las ni roha sisongon i na masa i di surgo salelengna i 

Buku Ende 343 : JERUSALEM HO HUTA NA TIMBO

1. Jerusalem ho huta na timbo, anggiat au di ho

Masihol au huhut malungun do sai naeng manopot ho

Dao sian laut nang tano dao sian ombun i tu ginjang ni sudena do borhat rohaki

2. O ari na tumiur situtu, andigan tingkimi? 

Asa disi marlas ni roha au pasahat tondiki 

Tu tangan ni Debata, tu nampunasa i, 

Asa tongtong martua di sambulona i. 

3. Satongkin ma asa tondikinon mareak langit i

Molo manaek, tumading na dison, tiur langkana i. 

Ai suru suruanNa disuru Jesus

Mangabing di tanganNa na tinobusNa i 

4. Jerusalem, malungun au di ho, sai ungkap bahalmi. 

Mansai leleng masihol au di ho, tagan so borhat i 

Dope au sian ngolu na mansai dangol i, 

Tagan nasa hujalo dope tineanki 

5. Ai ise do sude, na ro disan, torop, marsangap be ?

Ima antong, na monang i hian, na sian tano i. 

Naung sonang do nasida, huhut marsanggul be, 

Andorang dao huida na naeng di au muse. 

6. Kristen torop, nang panurirang pe, nang angka ompu i, 

Na jolo i do pinorsanna be hau pinarsilang i. 

Nuaeng di haluaon marhasangapon be. 

Nuaeng di hatiuron huida sasude. 

7. Dung i muse, dung sahat au tutu, bongot tu huta i, 

Debataki ro di Jesus ku pe huida do disi. 

Disipe timbul tua, gok las ni rohaki, 

Marende Haleluya di na badia i 

8. Tole sude, na rap marende do, luhut di surgo i, 

Hasapi pe ro di sarune i dipalu do disi, 

Mamuji Debata ta, nang TUHAN Jesus i, 

Nang Tondi Parbadia, mambaen sangapNa i. 

9. Ho ma tutu dituju rohaki, o huta na timbo

Naung mahap do au on di tano i, naeng sahat au tu ho

Na naeng tadingkenonku na olo mago i, 

Asa i areahonku parsambuloanki. 

Buku Ende 344 : ISE DO ANGKA NASIDA 

1. Ise do angka nasida di lambung ni Debata 

Na martumpalbe huida jala marsinondang do

Na marende do sude girgir pamujinabe

2. I do angka na malua, angka na tutu burju, 

Angka dongan na martua, naung porsea situtu 

Di TUHAN ta Jesus i, na humophop sasude. 

3. Haporsuhon do ditaon uju na di tano on 

Na marlea nasailaon, gabe hasangapon on 

Do turpukna i nuaeng, las rohana i dibaen. 

4. Na marende do nasida, pasangaphon Jesus i 

Ala naung tangkas diida sintong ni hataNa i, 

Naung pinarbagaNa i, sahat do sudena i. 

5. Na so dais be tu nasida jea ni portibi on, 

Dang adong disi tarida na manusa hita on, 

Dohot dosa sasude, dang adong diingot be. 

6. Haraparon, hauason, ngali ni arina i, 

Porhas, ronggur, halojaon, udan, las ni ari i, 

Uhum ala dosa i, dang be dais tu na disi. 

7. Ai di Debata nasida, na pasabam roha i, 

Jesus do tongtong diida di banua ginjang i. 

Sai martua do sude, dang na mimbar i muse. 

8. Ale Jesus Raja nami, na marasi roha i

Sesa nasa dosa nami, tiop tangan namu be. 

Dohot hami on sude sai pabongotma muse. 

Buku Ende 345 : DIDIA ADIAN NA SUN DEMAK I

1. Didia adian na sun demak i 

sambulo ni tondi didia do i

Tung jumpang adian ni tondi dison di tano ni jolma na mardosa on

datung, datung di tano on di surgo do dapot sambuloinon, non

2. Tadingkonma ruhut ni portibi on

Naeng masuk ho sogot tu surgo inon

Ihuthonma Jesus partogi do i 

Ai nasa na olo ditogu tu si

Tongon, tongon ima tutu

ihuthonma Jesus partogi burju

Tongon, tongon ima tutu

ihuthonma Jesus partogi burju

3. Sude na porsea di Jesus hian

Dapotan inganan na denggan disan

Tongtong do marende na sahat tusi

Dibaen las ni roha na masa disi

Amen Amen Haleluya, sai pujima Jesus dohot Debata 

Buku Ende 346 : ADONG DOPE PARADIANAN

1. Adong dope paradianan rohaku golom hata i

Sai berengma partuaonmu

Ima Jesus hangoluanmu, hatop marlojong ho tusi

Beasa ho tongtong holsoan binaen ni halojaonmi

Tibu marujung paraloan, tibu do dapot hamonangan

pareakma tu surgo i 

3. Ipe hamu na marsak roha, manaoni halojaon i, 

Padirgakbema ulu muna, dang jadi be hamu tungki

Ditaon hamu do hasusaan, roma hamu tu hasonangan, 

Di dokkon TUHAN Jesus i hamu do bangso ni Debata

Sibolis i do hona hata, naung talu do musu ta i. 

4. Na maradian nama hita di lambung ni TUHAN ta  

Mardame jala sonang hita tongtong di ingananNa i. Hita padorasma langka ta, mareak bagas ni TUHAN ta 

dang jadi lilianan be. 

Sai beta hita, ale dongan 

Marlojong ma tu hamonangan. Jonok do hasonangan i.

Buku Ende 347 : SAI MASIPAIDAAN

1. Sai masipaidaan do na porsea i 

Dung sahatbe langkana tu hasonangan i 

Tu hasonangan i, tu hasonangan i

2. Antong, burjuma hita mangalo dosa i 

Sai unang tading hita 

Di tongan dalan i, di tongan dalan i 

3. Sai masipaidaanma hita on muse

Di lambung ni TUHAN ta

Dung monang hita be, dung monang hita be

Buku Ende 348 : LOBI TIMBONA DOPE

1. Lobi timbona dope sian bintang do manondangi panondang di ho

Sabam disima roham jala sonang

Arsak ni roha dang dais be tu ho

Arsak ni roha dang dais be tu ho.

2. Lobi timbona dope sian bintang Gabe torang ma sude na buni

Na hinirimmu nuaeng gabe jumpang,

Las ni roham dang mansohot disi 

Las ni roham dang mansohot disi

3. Lobi timbona dope sian bintang dang hahuaon ni musu be ho. 

Sahat tu ho ma disi hamonangan, " Marolopolop tongtong nama ho, marolop olop tongtong nama ho

4. Lobi timbona dope sian bintang. Surusuruan na manomu ho, Endehononna ma ho, ala monang 

Sian sitaonon na porsuk ho ro, sian sitaonon na porsuk ho ro.

Buku Ende 349 : HATIHA NA SALPU BE

1. Hatiha na so salpu be 

Sobokkon ronggur do tahe saringarMi di au

Sobokkon podang na tajom ditiham Ho do rohakon tudia nama au

Tong angka dotdot au on, di na hupingkir haroroM

2. Ai jea di portibi on sai na marujung do tongtong 

Di ujung ni luhutna, alai na masa sogot 

dang dung marujung anggo i saleleng ni lelengna 

Dang be malua sian i na lao tu hamagoan i 

3. Mabiar do au mida ho, hatiha na naeng sogot ro, 

Tung gaitma roha niba, mamingkir borngin na holom, ma roha niba

Nang pe na bernit na tongtong, da jutma roha niba

Ai na jumorbut sian i da tung adong di tano i. 

4. O Debata, pintor do Ho, parjahat i di dabu Ho 

Tu api na so mintop, hatiha pardosaon i 

Jempek do anggo uhum i dang olo be mansohot. 

O jolma, ingot i tongtong saleleng ho di ngolumon.

5. Sai ngot ma ho, na modom'i, di dosa hamagoanmi, 

Pauba ma rohamu, jonok do paruhuman i

Sai jaloonmu do disi hombar tu na binaenmu. 

Aik tung beha ajalmu ro andorang so ditagam ho. 

6. Hatiha na so salpu be, na doshon podang i hape 

Naeng manorusi au hatiha so martingki i, 

Mansai gondok do rohaki, tu dia nama au.

O Jesus, sai asi rohaM, pabongot au tu banuaM.

Buku Ende 350 : HATIHA NA SO SALPU BE

( Nada lagu sama dengan buku ende 349 )

1. Hatiha na so salpu be, na las do rohaki tahe, 

Diapul Ho rohaku, hatiha las ni roha i, 

Na so marlaok na hansit i dibuat ho arsakku, 

Na songgop tu rohakinon saleleng au di tano on

2. Ai hasangapon tano on sai na marujung do tongtong 

Di ujung ni luhutna alai na masa sogot i 

Dang dung marujung anggo i saleleng ni leleng 

Dang dung be mago jolma i na lao tu hasangapon i 

3. Hatiha na so salpu i, di na hutaon na porsuk i. 

Huboto do ujungna. Dibahen i tarapul do 

Rohaku mamingkiri ho, Ho do hasonanganna, 

Ai sasude na hansit i, satongkin nama soggop i. 

4. Mangolu do di surgo i saluhut halak Kristen i 

Saleleng ni lelengna marende ende do sude, 

Dipalu hasapina be, mamuji Debatana. 

Nang manna, na buni disi dilehon TUHAN Jesus 

5. Dihalungunhon rohakon, na loja di portibi on

Ho ngolu hasonangan, andigan sahat au tahe 

Tu hasangapon i muse, na di banua ginjang

Huhalupahon tano i, mangkasiholi surgo i. 

6. Hatiha na so salpu i, Ho halalas ni rohaki, 

Pangapul di rohaku! Hatiha hasonangan i, 

Dina hupingkir ariMi, maporus do arsakku. 

O Jesus, paima sahat au, paian siholhi di au.

Buku Ende 351 : BEHAMA HITA

1. Behama hita ia dung marujung paraloan ta di portibi on.
Dung na malua hita na mangusung na dokdok i di atas tano on
Lao muli hita tu banua ginjang,
dung pinaspashon orbuk tano i
Dina jonok tinatap hasonangan, na pinarsinta ni roha ta i.

2. Behama hita molo disondangi panondang na so olo sundut be
Dalan ta jala dosa dilongkangi TUHAN ta sian hita on sude
So dipabali tihas i be hita, so manolsoli be roha ta i
Dina ta topot saluhut dongan ta, naung sonang di banua ginjang i.

3. Bohama hita, molo taihuthon panogu nogu ni Tuhan ta i,
Soada be na tau mangambat huta sian jambar ta na di surgo i.
Di na tiur pamereng ni mata ta, marnida Jesus,
Sipangolu i Na sangap mangkunduli habangsaNa,
Manggorngom nasa parluhutan i.

4. Behama hita, molo begeon ta soara ni TUHAN ta Jesus i, Manjouhon hita na pinaluaNa tu haroanNa na rade disi
Di na taida bogas ni bugangNa, habaoran ni mudarNa uju i,
Na paluahon hita sian dosa,
Nang hamatean salelengna i

5. Behama hita, Na so dung diida, So dung dibege manang ise pe,
Ima turpukta, molo masuk hita tu hasonangan na di surgo i.
Antong, ale, manggogo be ma hita, nang loja nang bodohon situtu
Lao mareakkon bagas ni TUHAN ta, na uli jala sun denggan tutu.

Buku Ende 352 : SAI HEHEMA HAMUNA

1. Sai hehema hamuna, na burju roha i
Pagalak lampu muna naung songgop borngin i
Naung borhat sipangoli, ro tu oroan i
Na tong mangkasiholi parsomuanna i.

2. Pauli lampu muna, gok miak baen sude
Managam TUHAN muna, siboan tua i.
Parhal di huta Sion do na manjou hamu
Jonok do hatuaon, jonok do Rajamu

3. Hamuna na marroha, padirgak ulumu,
Endehon Haleluya, marsurakma hamu.
Talak do pintu rea, rade haroan i, Sai bongotma hamuna rap dohot raja i.

4. Tibuma ro Ibana, ipe sai dungo ma,
Naung ro lumba lumbaNa, ipe tangihonma.
Di buha siang ari lao ma na holom i,
Dung i satongkin nari tiurma sasude.

5. Hamu na holong roha di huta Sion i,
Sai tomu Raja muna, marlas niroha be,
Ai ari las ni rohama jumpang di hamu,
Hamu na nioroNa, parsanggulanna do.

6. Hamu naung benget roha, manaon na porsuk i,
'Hamu, situndal dosa nang hajahaton i,
Mangoluma hamuna huhut mangarajai
Rap dohot TUHAN muna di sangap muna be.

7. Dison do maremare hamonanganNa i,
Dison do sampe sampe hatigoranNa i.
Dison do hadameon di naung marungkil i,
Dison do hangoluan di naung binunu i.

8. Dison do huta Sion, inganan na denggan,
Na gok hamuliaon, na uli na torang.
Dison alaman sere, dison haroan i,
Dison do tumpal sere, na di oroan i.

9. O Jesus, las ni roha, sai roma Ho tibu,
Sigopma au palua, dang sonang au tutu
Di tano paraloan, di hasiangan on
Ho do dihalungunhon rohaku sai tongtong.

Buku Ende 353 : DI SURGO HASONANGAN I

1. Di surgo hasonangan i inganan dumenggan
Tu si naeng laho muli au asa rap dohot Jesus au.

2. Tutu godang dope adong marningot au di tano on,
Sai tostosanku nama i, lao mandapothon surgo i.

3. Na dao dope au sian i, aik tung disungkun rohaki
Tung ise be mandok tu au, na holang sian Jesus au.

4. Na porsuk nang na bernit pe, mansohot ma di surgo i.
Disi soada dosa be, mansohot nasa jea pe.

5. Dang parmianan tano on, sai surgo i do na tongtong.
Ai rura partangisan on, di ginjang sonang rohakon.

6. Dibahen i, o tondiki, jalahi na di surgo i.
Tibuma ro mangalap ho Jesusmu, Sipangolu ho.

7. Denggan do tohapmi disi, di lambung ni TUHAN ta i.
Padorasma tongtong langkam, naeng sonang ho di banuam.

- buku ende di surgo hasonangan i

Buku Ende 354 : SAI TONG MAIMA IMA DO

1. Sai tong maima ima do roha ta i di Jesus
Ro do muse TUHAN ta i
Ibana haluaon do di angka naung tinobus
Mardongan hasangapon i
Sai roma Ho o Jesus, sai roma Ho o Jesus.

2. Marlas nirohama disi sudena naung tinobus
Masihol situtu do i di Jesus i partobus
Ro do muse TUHAN ta i
Sai roma Ho o Jesus, sai roma Ho o Jesus

3. Satongkin nari nangkok be marhite hite ombun
Raphon dohot Jesus lao sude tu surgo i marujung
Sai longang be do sasude di hasangapon i muse
Di surgo di na sonang, di surgo di na sonang.

Buku Ende 355 : MALUNGUN DO ROHAKINON DI ARIMI

1. Malungun do rohakinon di ariMi o TUHAN
Andigan jumpang haroroM manopot hasudungan
NirohaMi ai ala ni i sonang do roha nami, HataM huingot hami.

2. Sai hupaima hami Ho, Ho do pangulu nami.
Ai nunga pola mate Ho pasaehon dosa nami,
Dibahen i pos rohaki, sai urupanMu hami Di pardalanan nami.

3. Sai huhaposi hami Ho di sitaonon nami
Naung saor tu tondi nami do tondiM, o TUHAN nami,
Asi rohaM, ale TUHAN, parade rohanami
Di haroroM tu hami.

4. Masihol roha nami be di hasonangan sogot.
Na so mansohot be tahe, tusima au pabongot!
NajinouMi tu lambungMi, sai tong do las rohana.
Tiur huhut langkana.

5. Sai roma Ho tu hami on, ungkap do roha nami.
Naeng ingananMu i tongtong, pasaut elek nami.
Di haroroM tu hami on, marolopolop hami

ENDE PSALM

PSALM 25

Buku Ende 356 : NA MALUNGON DO ROHAKU TU HO

1. Na malungun do rohaku tu Ho o Debata ki
Ho do na hinaposanku jala haporusanki
Sasudena ro tu Ho, dang tarurak bahenonMu,
nasa na manoisi Ho, ido na pailaonMu.

2. Pabotohonma dalanMu dohot bogasMi di au,
Asa ihuthononku, ale TUHAN, togu au
Sian dalan na ture dohot tu hasintonganMu
Ho do hatuaonki, tolongMi do paimaonku.

3. Ingotma, ale TUHAN ku, angka denggan ni basaM,
Naung di au pinasahatMu, dohot asi ni rohaM
Unang ingot dosaki na hubahen di posoku,
Sai asi ma rohaMi, ala lambas ni rohaMu.

4. Dang marolat denggan basa ni Jahowa na bonar,
Diajarhon tu pardosa dalan angka na tigor.
Na serep marroha i ditogihon tu na sonang,
Na lambok marroha ido diboan tu na torang.

5. Hasintongan, asi roha, do dalanna sasude
Di sude na burju roha mangoloi patikNa i.
TUHAN, ala goarMi, sesa ma sude dosaku,
Ai mansai godang do i, lobi asa bilanganku.

6. Ise do mangkabiari Debata Jahowa i.
Halak i do diajari, lao tu hangoluan i.
Sonang do tondiNa i di bagasan hasonangan,
Jala pinomparNa i do tumean hasiangan.

7. Hasudungan ni Jahowa do na bonar roha i,
Hahomion ni TUHAN na jadi do botoon ni.
Sai tongtong do mataki mangaranap tu TUHAN ku,
Dipalua do pathi sian jorgong ni musuku.

8. Au na punjung jala dangol, tatap ma, o TUHAN ki
Ai tu Ho do au masihol, sai palua tondiki.
Tu gandana do tongtong hagogotan ni rohaku,
Sai paluama au on, ale TUHAN Debataku.

9. Tatapma pandangolanku ma tondiki
Lam torop do musuki, lam jorbut do pamuraina
TUHAN, tatap au disi, asa unang saut tahina

10. Sai ramotima tondiku, TUHAN sai palua au
Ho, haposan ni rohaku, unang paurak au
Sai jamotma tondiki ala ni halidangonku
Bangso na pinillitMi naeng tangkas paluaonMu.

PSALM 42

Buku Ende 357 : SONGON URSA NA BINURU

1. Songon ursa na binuru mauas di aek tabar i
Songon i  do au mangido , naeng solhot tu TUHAN ki
Holan Ho Debata ki do huhauashon i
Ai andigan idaonku bohiMi ale TUHAN ku.

2. Iluilu ni mataku do hupangan sai tongtong,
Ala sai didok musuku, tung didia Debatam?
Jala maras rohaki mingot parmasuhonki,
Ro di girgir ni endeku, lao tu joro ni TUHAN ku.

3. TungkiMi, ale tondiku, Tung beasa rusak ho?
Sai haposi Debata mu, ai paluaonNa do ho,
Na marsak i nuaeng, las roham muse dibaen,
Asa tong pasangaponmu goar ni partuaonmu.

4. Sai manungkap do rohaku di na mangandungi au,
Jordan do habuanganku dohot Hermon na sai dao,
Songon aek sampuran i tinggang tu tondolan ni,
Songon i do martinggangan tu au angka pangunjunan.

5. Diparbaga Debata ku asi ni rohaNa i
Di au, jadi las rohaku, molo sai huingot i.
Borngin nang arian pe huendehon do sude
Denggan basa ni Jahowa, na manolong naposoNa.

6. O partanobatoanku, dang be ingotonmu au,
Ai lam ganda do arsakku, diinsahi musu au.
Ai holiholingku pe naung magopu do sude,
Ala sai didok musuku, tung di dia Debata mu.

7. Tungkimi, ale tondiku! Tung beasa rusak ho
Sai haposi ma TUHAN mu, dang tadingkononNa ho.
Pujionku do muse Tuhan Debata dope,
Hatuaon ni bohingku na tongtong naeng haposanku.

PSALM 66

Buku Ende 358 : HAMU SALUHUT HARAJAON

1. Hamu saluhut harajaon, marolop olopma hamu.
Emdehonma hamuliaon ni goar ni Debata mu.
Tu Debata ma dok hamuna na songkal do pambaenanMi
Ai musumipe saluhutna marsomba do di joloMi

2. Tu Ho, o TUHAN do marsomba muse sandok portibi on,
GoarMu do endehononna, pasangaponna Ho tongtong.
Roma hamu saluhut jolma, manuda pambahenanmu
Jahowa, na sai marmulia di nasa manusia i.

3. Endehonma Debata nami saluhut bangso, puji be
Na pangoluhon tondinaMi, huhut na pasonangkon pe.
O TUHAN, nunga dipapita Ho hami doshon perak i,
Lao pabalihon nasa tihas, patauhon tu na denggan i.

4. JoroM do na naeng masuhanku, mambaen di Ho pelean i,
Marlas niroha gararonku sude, naung huparbaga i.
Ai namarningot do rohaku di angka bagabagangki,
Na puas sian pamanganku, andorang na targogot i,

5. Hamuna, na mangkabiari Jahowa, ro ma sasude,
Roma hamu mananginangi binaenNa i di au sude
Joujou do au tu Debataku di na tarsosak au dope,
Lam tu tangkasna di rohaku na tau mambaen sangapNa pe.

6. Girgir hupuji Debata ku, na sai marasi roha i
Dang ditulakkon tangiangku, dibege do soaraki
Na dangol do au jala pogos, huhut tarhilang sai tongtong
Alai TUHAN ku do manobus, denggan basaNa di au on.

PSALM 68

Buku Ende 359 : SAI HEHEMA TUHAN TA I

1. Sai hehema TUHAN ta i mambaen hohom musuNa i, maporus di joloNa
Malala, songar, pantispe ni ombus ni hosaNa
Ai na mangalo TUHAN i, ima sude parjahat i
Lao mago do luhut na, pamereng ni Jahowa i
na manorusi sasude, ido paserakhonsa.

2. Alai marlasnirohama partigor i di Debata,
Huhut marhasonangan, marolopolop ma sude,
Girgir mamuji muji be, marroha hatorangan.
Endehon Debata ta i, sai puji ma goarNa i
Pasangapma Ibana, patigorma dalanNa i,
Na Sian halongonan i, TUHAN ta do Ibana.

3. Manungkapbema hita on mamuji Debata tongtong
Dibaen denggan basaNa, taporsan pe na dokdo
TUHAN ta, siampehon i do mangurupi hita,
Nda pujionta goarNi nampuna hatuaon i,
Jahowa Debatanta, Ai ro pe hagogotan i,
Nang songgop hamatean pe, sai dipalua hita.

4. O Israel, Debata mi do mangalehon gogomi,
Di baen asi rohaNa, o Debata, di bangsoMi
Pahot na pinatupaMi, tambai hagogoonNa,
Ai sian i tandaon ni na manggomgomi bangso i
O Debata, sangapMu, dung i sai ro ma sasude,
Mamboan tu joroM muse, Jahowa, peleanmu.

5. Songkal do Debata ta i, ro sian ingananNa i
Na marhabadiaon, Ibana do Debata ni
BangsoNa, hinophopNa i, silehon hagogoon.
Tutu, holong rohaNa i di nasa na porsea i,
Ditatap do bangsoNa, antong sai tapasangapma
Na sasadasa Debata, Tapuji ma goarNa.

PSALM 84

Buku Ende 191 : TONGTONG LONGANG DO

1. Tongtong longang do rohakon di hina denggan ni joroM
Jahowa Sebaot, TUHAN ku, mansai malungun rohaki naeng lao tu alamanNa i
Solhot tu habadiaonMu, Ho Sipangolu tondiki naeng pujionku do disi.

2. Amporik, leangleang i, marasar do di jabumi.
Marpangondian tu langgatan, au on pe, ale Raja ki.
PasabamonMu ma disi, ta Ho do au marhasahatan,
Martua halak sasude, na mangingani joroMi.

3, Tutu, martua halak i, na mangasahon gogoMi,
Huhut mardalan di dalanMu, nang pe mamolus jolmi
Di rura partangisan i, parmualanna do basaMu.
Mabaor do pasu pasuMi tongtong gogo tu jolma i.

4. Lam leleng pardalanan ni, lam ganda do gogoNa i,
Ai sahat do sude tu Sion, paeleng, TUHAN, pinggolMi,
Tangihonma tangiangki, sai tongos ma pangurupion,
Manogu au tu joloMi, mamuji muji goarMi.

5. Ho lombu lombu situtu di nasa jolma na burju,
Sai tatap na miniahanMu, sadari pe di jabuMi
Dumenggan sian ari i, saribu di parholanganMu
Leape au di tano on, asal maringan di joroM.

6. Panondang, lombu lombupe do Debata di hita be.
Na marhaposan tu Ibana, ai asi ni rohaNa i,
Nang pe hamuliaon i, dilehon tu hasudunganNa.
O TUHAN, sai martua do na marhaposan i tu Ho.

PSALM 92

Buku Ende 361 : NA DENGGAN SITUTU

1. Na denggan situtu do mamuji Debata
Jahowa na tumimbo na sai tongtong basa
Denggan do paboahon manogot asiMi
bodari mangendehon burjuM nang sintongMi

2. Mardongan sipiltihon na denggan situtu,
Naeng ma tongtong pujion ni nasa na burju
Ho, TUHAN Debata ku Ai las ni rohaki
Do na tongtong binaenMu di pambahenanMi.

3. Ai jadi jadianMu mansai balga do i.
Nang angka pingkiranMu mansai bagas do i.
Dang dapot i tandaon ni baoa na bodo,
Ai holan sibotoon ni na porsea do.

4. Martumbur pe parjahat di atas tano on.
Sobokkon duhut duhut, dang mian i tongtong.
Tompu do disiaphon Ho saluhutnai,
Alai Ho do manongtong, Ho na tumimbul i.

5. MusuM, o Debata ku, Sibaen na jahat i,
Ima siaphononMu, marserak ma sude.
Alai patimboonMu ma au naposoMon,
Huhut pargogoanMu mamuji Ho tongtong.

6, Pamereng ni mataku sombuma baenonMi,
Marnida hadadabu ni angka alongki.
Au naeng agohononna, hape na sundat do
Tinahi ni rohana, o TUHAN, dibaen Ho.

7. Martumbur do partigor tudoshon bagot i,
Martunas do nasida songon hau ares i.
Nasida, na sinuan di bagasjoro,i Do na marbungabunga dialamanna i.

8. Sai tubu pinomparna di na ubanon i
Margogo do nasida di na matua i
Girgir dibaritahon na tigor TUHAN i,
Na so marhageduhon pambaenNa

PSALM 98

Buku Ende 362 : ENDEHON ENDE NAIMBARU

1. Endehon ende na imbaru di Debata Jahowa i
Ai sasadasa dipatubu saluhut halonganan i
Sai ditaluhon siamunNa do sasude musuNa I
Patar dibaen hatigoranNa di jolo ni parbegu i

2. Diingot Debata Jahowa do asi ni rohaNa i,
Sa dipahot hasintorganNa di bangso napirillit i.
Ima diida hajolmaon, pangisi ni portibi on,
Huhut di tanda hatuaon ni Debata ta na tongtong.

3. Marsurak surakma hamuna na manginganhon tano on
Pangiarma soara muna mamuji Debata tongtong.
Marolop olopma luhutna mardongan arbap, ogung pe
Lao pasangaphon Debata ta na manggomgomi sasude

4. O laut, pagogo parhasakmu, nang tano pe marolopma Martopap topapma tanganmu, O batang aek di Debata
O dolok, pujima Jahowa, na ro manguhum tano i,
Taridama hatigoranna di nasa manisia i.

PSALM 118

Buku Ende 363 : ENDEHON ENDE NA IMBARU

NB : Nada lagu seperti Buku Ende 362

1. Mauliate dok hamuna di Debata na basar i
Sai pujima denggan basaNa, na so marpansohotan ,
O Israel, girgir endehon ma asi rohaNa i,
Na so hea marparujungan, saleleng ni lelengna i.

2. Hamu pinompar ni si Aron, gogo ma hatindangkon
Dok ma: Saleleng ni lelengna do asi mi rohaNa i
Hamupe, na mangkabiari Jahowa Debata ta i,
Sai dok: Imbaru ganup ari do asi ni rohaNa i.

3. Ai uju au di hagogotan, joujou do au tu Debata,
Tangiangki do ditangihon, di baen do hosaki arga.
Jahowa do tongtong donganku, beasa ma mabiar au?
Tung aha baenon ni aloku, nang manang ise dompak au?

4. TUHAN ku do na manguluhon sude na mangurupi au
Dibahen i ma hutaluhon luhut namangkosomi
Dumenggan do marhaporusan tu Debata na sintong i,
Asa tu jolma marhaposan, nangpe tu na rumaja i.

5. Parbegu do mangkaliangi au on, mambuat hosaki:
Hape sude do hutanggoi marhite hite TUHAN ki.
Ibana do hupangasahon, i do umbaen malua au,
Ibana do na niarahon, umbaen marantu monang au.

6. Sobokkon loba na marsorop dihaliangi musu au,
Hape laos songon api mintop di bulu duri do i lao,
Marhite goar ni TUHAN ku do hutaluhon sasude.
Au na tinggang naeng bahenonna, ditungkol Debata dope.

7. Jahowa do hagogoonku, endeku las ni rohaki
Ibana do hatuaonku, na margogoihon tondiki.
Marolopolop do luhutna partigor di jabuna be
SiamunMi do, o Jahowa, pamonang naposoM sude

8. Timbul do tangan mi Jahowa sibahen hamonangan i
Na tunduk do na jungkat roha. Hot jongjong do partigor i
Dang mate au, sai na mangolu do au marhite TUHAN ki: Pajojoronku, o pangoluma saluhut pambaenanMi.

9. Tutu, gogo do dipinsangi Jahowa au, alai laos tong
So mate au, ai disondangi denggan basaNa au tongtong.
Sai ungkap bahal hatigoran di au, ai naeng do au tusi
Lao mangalehon hasangapon di Sipalua tondiki.

10. Dison do bahal ni Jahowa, bongotan ni partigor i,
Lao pasangaphon Debata na di serep ni rohana i
Mauliatema rohaku di Ho na asi roha i.
Na mangalusi tangiangku, mambahen hatuaonki.

11. Ianggo batu binolongkon ni angka pande bagas i,
Jahowa do na pajongjongkon, baen batu na di suhi i,
Na pinatupa ni Jahowa do i na longang situtu
Do roha ni na mamidasa huhut marsomba be burju.

12. Nuaengma ari na dumenggan binaen ni Debata ta i
Dibahenima ta padenggan nuaeng parendeonta i
Tumpahi hami, ale TUHAN di ari las ni roha on,
Sai pasu pasuma pambaenan ni tangan nami be tongtong.

13. Pinasu pasu ma Raja ta, na ro marhite goar ni
Jahowa TUHAN Debata ta, tu hita huriaNa i.
Jahowa, sidongani hita do Debata na sintong i,
Antong, tambathon peleanna tu tanduk ni langgatan i.

14. Ho, Debata ku, pujionku. Patimbulonku sai tongtong, Mauliatema rohaku di Ho dibaen basaM inon.
Hamu sude pe, ale dongan dokma mauliate i,
Ai dang hea marpansohotan do denggan ni basaNa i.

PSALM 121

Buku Ende 364 : SAI HURANAPI DOLOK I

1. Sai huranapi dolok i, aik sura sian i ro haluaonki
Dang i ai sian TUHAN i, Sitompa parluhutan do ro pangurupi on.

2. Ndang tarsulandit patmu, da diloas TUHAN mi,
Na so,dung modom i, tongtong haposi Debata, Dang olo nok mataNa, sai ho do jinagaNa.

3. Ibana parlinggomanmi do mangondingi ho,
Dang loasonNa ro na mangarsahi rohami,
Las nang ngalipee ari tongtong i ditampari.

4. Sai diramoti Debata tondim nang dagingmu,
Di na marmara i, lao ruar manang masuk da,
Saleleng ni lelengna tongtong ho jagaonNa.

PSALM 150

Buku Ende 365 : HALELUYA PUJIMA

1. Haleluya Pujima di joroNa Debata 
Pujima goarNa i ro di hajang hajang ni hagogoon ni TUHAN ta
Sai pasangapma tongtong Debata di tano on Ala ni hatimbulonNa.

2. Paluma sarune i lao mamuji TUHAN i
Sordam nang tulila pe, i ma pangke sasude
Pasangaphon Debata ta, tali sayak, ogung i
Arbap nang hasapipe palu, baen hasangaponNa

3. Gok parhinaloan i baen mamuji TUHAN i
Nasa gogoMu tahe holan i do na ture,
Na tama di Debata ta, nasa na marhosa i
Naeng mamuji TUHAN i, mangendehon Haleluya

ENDE DI DAKDANAK

Buku Ende 366: O ALE JESUS TUHAN KI

1. O ale Jesus TUHAN ki, Ho TUHAN ni dakdanak i
Ro paluahon sasude naeng Ho nampuna hami be.

2. Ho sondang sian surgo i, di topot Ho na holom i,
Sai tatap hami on sude, patiur roha nami be.

3. O ale Jesus TUHAN ki, di ari hatutubuMi,
Na las tongtong do roha ni dakdanak na di tano i.

4. O pasu pasuma au on, na metmet na di joloMon,
Iasma didi tondiki naeng sahat au tu surgoMi.

5. Suman tu pardisurgo i, burju, serepma rohaki,
Jonok ma au di lambungMi, o Jesus, ale-alengki.

Buku Ende 367 : DI BANUA GINJANG DI NA TIUR I

1. Di banua ginjang di na tiur I
mian Debata ta na sun sangap i

2. Atikpe sai sangap Debata ta i
holong do rohaNa di na metmet i

3. Sai ditatap tatap anakkonNa i
manjaga di dasdas suruanNa i

4. Tung sai diramothon do na metmet i
unang dililuhon sipangago i

5. Bohal nang ulosta disarihon do
Arsak ni roha ta dipalambok  do

6. Dokma tu dakdanak adong Debata
Ama haholongan, tau haposan da

Buku Ende 368 : TUHAN JESUS TUHAN JESUS

1. TUHAN Jesus TUHAN Jesus ro mulak hape
TinobusNa TinobusNa di togu muse
Sai marhillong nasida songon bintang sude
Sai marlinang saksak do ulos n tahe.

2. Dipapungu, dipapungu tinobusNa i,
Angka jolma pinaias ni mudarNa i,
Refrein  :
Sai marhillong nasida songon bintang sude
Sai marlinang saksak do ulos n tahe.

3. Na magodang, nang na metmet, tu Jesus ma ro,
Tu lambungNa na di surgo di togu hamu.
Refrein :
Sai marhillong nasida songon bintang sude
Sai marlinang saksak do ulos n tahe.

4. Nang dakdanak, nang dakdanak, haolonNa disi.
Ai naung sahat, ai naung sahat rohaNa tusi.
Refrein  :
Sai marhillong nasida songon bintang sude
Sai marlinang saksak do ulos n tahe.

Buku Ende 369 : O JESUS PANINDANG

1. Na marhaha anggihita sasude
Dang mardia imbar manang isepe
asing be hata tanang luat tape
sasada Ama ta i ta ingotbe.

2. Sada do Ama ta Sipangolu i sumarihon hita
Salelengna i sasude ngolu ta nang bohal ta i
Sada do Ama ta di lambung ta be.

3. Sai diranap ranap hita on sude jumpa marsikola
Nang marmeam pe, dang tarula hita sasude tahe
Molo so Ama ta di lambung ta be.

Buku Ende 370 : NAENG HAHOLONGANKU TUHAN JESUS I

1. Naeng haholonganku TUHAN Jesus i, dang tadingkononku ale aleki

2. Ai holong rohaNa di dakdanak Mansai las rohaku, dung huboto i

3. Uju maradian TUHAN Jesus i,
Ro do na mamboan poso poso i.

4. Dung i disonggahi siseanNa i
Angka na mamboan poso poso i

5. Unang sai ambati posopo poso i
Loas ma nasida ro tu lambungKi

6. Ninna Tuhan Jesus, ale alengki,
Ai holong rohaNa di dakdanak i.

7. Dung i diampehotima TanganNa i
Lao mamasu masu poso poso i

8. Angkup ni i diumma TUHAN Jesus i
Jala sai dihaolma poso poso i

9. Tangi, ale TUHAN, ma tangiangkon
Sai tutuma jangkon daging. rohakon

10. Holong ni rohaMu naeng luluanki,
Ai hinorhon ni i do, sonang rohaki.

11. Ingkon mian au tong di lambungMi,
Ai disi au sonang salelengna i.

Buku Ende 371 : BURJUMA HITA MARDALANI

1. Burjuma hita mardalani di dalan tu surgo i
Sai Jesusma ta baen dongan ta di lasniroha arsakpe.

2. Sai tiopma tongtong tanganNa, tangihon soaraNa i
Ihuthonma tongtong langkaNa, na denggan pambaenanNa i

3. Lam antusan ta ma pambaenNa, lam tiurma bogas ta i
Ta haholongima Ibana, parasi roha bolon i

4. Urupi au, ale TUHAN ku, saleleng au di tano on.
Ro di na tos muse hosaku, sai pargogoima au tongtong.

ENDE PARUJUNGAN

Buku Ende 372 : ROHAKU SAI HALASHONMA

1. Rohaku sai halashonma sudena sian Debata 

luhut denggan basaNa 

Sai tatap hauma i sude nang porlak dohot tombakpe

nauli do rupana, nauli do rupana

2. Sude na di balian i do pasangaphon goar ni TUHAN ta Debatanta. 

Nang eme na di haum nang hau sude na rata i,

Dipuji do TUHAN ta,dipuji do TUHAN ta

3. Nang angka bunga bunga pe, na'ndul umuli sasude 

Sian na hinadenggan ni si Salomo, raja i,

I do paganda sangap ni  

TUHAN ta na di ginjang, TUHAN ta na di ginjang 

4. Ia mangkuling pidong i, na denggan marsoara i, 

TUHAN ta diendehon, 

Sibigo, ambaroba pe, ro di donganna sasude, 

Na denggan i begeon, na denggan i begeon.

5. Antong, behama au disi tung sipma au umbege palias i rohaku. Dibahen i sai dohot au tumiru sasudena, lao 

Mamuji Debata ku, mamuji Debata ku

6. Ia na denggan songon i di tano on sudena i, 

Beha tagamon sogot, na uli na di surgo i

Ima pingkiri, rohaki, 

Tusima ho palohot, tusima ho palohot.

7. Ima tutu, sai naeng tusi palungunonku tondiki, 

Tu jolo ni TUHAN ku. 

Disi marende ende au, Disi marhasangapon au,

Mamuji Debata ku, mamuji Debata ku.

Buku Ende 373 : MANGULA HITA JOLMA 

1. Mangula hita jolma manabur boni i alai anggo jadina di Debata do i 

dilehon las ni ari, nang nambur, udanpe tongtong di panumpak na marguru sasude

Refrein  : 

Nasa uli basa ro sian Debata

Ipe Ibana pujima huhut haposi da.

2. Sai sian Debata ta do nasa na adong, 

Nang rihit sangkamata, nang laut, nang tano on. 

Tinompa ni hataNa do hau nang bulung i, 

Nang nasa parbuena, nang bungabunga i 

Refrein  : 

Nasa uli basa ro sian Debata

Ipe Ibana pujima huhut haposi da.

3. Ibana jumadihon panondang sasude

Ibana do manjouhon alogo ombun pe. 

Na tau palas rohanta. Hipas daging ta i, 

Tongtong rade bohal ta dibaen TUHAN ta i. 

Refrein  : 

Nasa uli basa ro sian Debata

Ipe Ibana pujima huhut haposi da.

DIJOU TUHAN I DO HO

• Buku Ende 374 : JESUS MANJOU HO

1. Jesus manjou ho, pardosa sai ro tu Jesus mi na basa i 

Bege panjouNa sotung togang ho tomu Sipalua i 

Refrein  : 

Begema i begema i Jesus manobus ho, sae do sasude dosami.

2. Jesus manjou ho, sai posma roham, 

Begema on sadari on Angka na loja, na sorat sai ro 

Ai dipasonang nang ho. 

Refrein  : 

Begema i begema i Jesus manobus ho, sae do sasude dosami.

3. Jesus manjou ho, dijou dohot au, 

Las rohaki ala ni i. Leleng di tano so sonang au on 

Nuaeng gok dame au on.

Refrein  : 

Begema i begema i Jesus manobus ho, sae do sasude dosami.

4. Jesus manjou ho parjalang na dao 

Sai mulak ho hatop ho ro dihaholongi rohaNa nang ho

Talak pintuNa di ho

Refrein  : 

Begema i begema i Jesus manobus ho, sae do sasude dosami.

• Buku Ende 375 : ADONG DO HASONANGAN DI HO PARJALANG I

1. Adong do hasonangan di ho parjalang i 

hatopma ho maporus tu TUHAN Jesus i 

O, jangkonma Ibana asa dapotan ho

Adong do hasonangan hatop ho ro. Sai roma ho, sai roma ho, sai roma ho, adong do hasonangan, sai roma ho

2. Adong paradianan di ho, na loja i,

Di TUHAN Jesus Kristus, pardenggan basa i,

Pareakma Ibana, ai dipaima ho Adong paradianan, sai ro ma ho. 

3. Sai parhaseang tingki halehetanna i, 

So tung ho maon mago binaen ni dosami. 

Unang sai marhusari, unang tarlalap ho,

Adong do hasonangan, sai roma ho. 

• Buku Ende 376 : ISE NA DI PINTU I

1. Ise na di pintu i..ungkapma.. na jotjot manuktuk i 

Ungkapma ai di pintu ni rohaM jongjong do nuaeng Raja m

Jesus Kristus TUHAN mi, ungkapma.

2. Bege soaraNa i, ungkapma jala loas masuk i 

Loasma asa bongot Jesus i mambaen las ni rohami saleleng lelengna i, loasma.

3. Unang toishon Jesus i, ungkapma, jangkon ale alemi.

Ungkapma, na manesa dosami, na mamboan dame i 

Na manogu tondimi tu surgo i 

• Buku Ende 377 : ROMA HAMU SUDENA

1. Roma hamu sudena di jaou TUHAN ta i 

Hamu sude na loja huhut na sorat i,

tingganghonma sudena na pasorat ho

tu Jesus na manjouhon hataNa on tu ho

Ro hamu sude, sai ro hamu sude na loja jala sorat, sai ro hamu sude, ro hamu sude.

Sai ro hamu sude ai sonang be hubaen hamu na ro sude.

2. Lam ringkot do panjouMu dia au pardosa on

Antong, lam las rohaku manggolom hataMon

Na mangihuthon Jesus parroha na burju

Dapotan parjambaran na denggan situtu

Roma dohot au na loja jala sorat

Na roma dohot au roma dohot au na roma dohot au

Naeng sonang dohot au naeng sonang dohot au.

• Buku Ende : SAI DIJANGKON JESUS I

1. Sai dijangkon Jesus i angka na mardosa i nang na dao

na lilupe asal ro tu Jesus i 

Refrein :

Sai paboa hata i tu sude pardosa i. 

Ai di jangkon Jesus do angka na mauas ro

2. Sonang do angka na ro unangma tartogang ho

Dohot ho dijangkon do, boi hape na sonang ho.

Refrein :

Sai paboa hata i tu sude pardosa i. 

Ai di jangkon Jesus do angka na mauas ro

3. Dohot au dijangkon do, tondiki diuras do

Tung na las do rohaki mida Jesus TUHAN ki.

Refrein :

Sai paboa hata i tu sude pardosa i. 

Ai di jangkon Jesus do angka na mauas ro

Buku Ende 379 : DANG SADIHARI I DIDOK HO

1. Dang sadihari i didok ho horas parjolo parpudi ro

Bilangma arimi tibu do salpu i  atik so sanga be hansit na i.

2. Dang sadihari, alang dope, sai ro do ahu muse muse. 

Sai pinaingot ho, sai tong ditoishon ho. 

Tu dia nama ho, lao mago do.

3. Manjou do Jesus sadari on, 

Ho naeng ditopot nuaeng tor . 

Sai jangkon Jesus i, silehon tua i, Holong rohaNa i, sai golom i.

4. Roham pauba, lam, lam bot ne. Lam toras daging, ajal talpe. 

Tupa so sahat ho, sai naeng tu surgo ho. 

Elehelekku i, oloi ma i.

• Buku Ende 380 : SO MAJOLO ISE I NA MANUKTUK

1. So majolo ise i na manuktuk pintu i 

Ale ale na sumurung na marholong roha i. 

Ta ungkapima roha ta pamasukhon TUHAN i 

2. Ise na maniktik i, na malungun songon i

Ima TUHAN na sumurung, na marasi roha i. 

Taungkapima roha ta pamasukkon TUHAN i 

3. Ise na maniktik i, na manunggul rohaki ? 

Ima sidingini hita, datu na sumurung i.

Ai na naeng pamalumonNa jolma parbagasan i. 

4. Ale Jesus, pargogoi hami angka na marhoi

Sai jagaima siseanMu asa unang mago i 

Sai patongon anakkonMu tu haroan bolon i. 

• Buku Ende 381 : DIDIA JESUS DIDIA DAME

1. Didia Jesus didia dame, diboto ho do didia do?

Di lambung ni TUHAN ta i, disi do hasonangan.

Marlasnirohana disi, marlasnirohana disi

2. Naeng ho dapotan di do Ibana 

ingkon luluan na jumpangma

Sai tong lului sai tong tuktuhi

TangihonNa soaram 

PasonangonNa ma roham, pasonangonNa ma roham

3. Ai manang ise na ringgas roha mangalului dapotanma

Asi rohaM, dosaku sesa tu surgo au togihonma

Tu lambungMi, o Debata, tu lambungMi o Debata. 

• Buku Ende 382 : SANGGA RO DI HARORONA

1. Sangga ro di haroroNa, tangi aha do sai tongtong do manuktuhi

Dang dibege ho, unang dok i taroktokmu manang pusumi.

2. Tung godang dipasingothon do tu rohami

Dohot do naung leleng salpu angka dosami

Tole angka hahurangan halembaonpe

Ro di nasa pardosa on digoari be.

3. Jotjot so tinagam tagam hamatean ro, 

Ai so pola ro manungkun, pintor masuk do. 

Jesus sai maima ima mangapoi ho. 

So tung salpu jo langkaNa, gabe mago ho. 

4. So tung salpu jolo tingki parasian i, 

Jongjong ho di lambung pintu manuktuk i. 

dang tarungkap pintu i be, naung disordak do. 

DohononNa mangalusi: "Dang hutanda ho". 

• Buku Ende 383 : ADONG DO AMA NA DI SURGO I

1. Adong do Ama na di surgo i TUHAN Jahowa Debata ta i 

Dijou do au na laoma au tu Ama na surgo  i.

Refrein  :

Laoma au laoma au tu na di surgo i

Laoma au laoma au tu na di surgo i 

Dijou do au na laoma au tu Ama na di surgo i. 

2. Di surgo do TUHAN ta Jesus i, na paluahon manisia i. 

Dijou do au, na lao ma au tu Jesus na di surgo i. 

Refrein  :

Laoma au laoma au tu na di surgo i

Laoma au laoma au tu na di surgo i 

Dijou do au na laoma au tu Ama na di surgo i. 

3. Di surgo do dipeop tumpalhi, na hiniraphon ni TUHAN ta i 

Dijou do au, na lao ma au manean na di surgo i. 

Refrein  :

Laoma au laoma au tu na di surgo i

Laoma au laoma au tu na di surgo i 

Dijou do au na laoma au tu Ama na di surgo i. 

4, Molo masihol ho muse di Au, ingotma, na di surgo i do Au

Dapothon Au tu surgo i, ai ho pe sonang do disi.

Refrein  :

Laoma au laoma au tu na di surgo i

Laoma au laoma au tu na di surgo i 

Dijou do au na laoma au tu Ama na di surgo i. 

- buku ende adong do ama

• Buku Ende 384 : ROMA HAMU RADE DO SASUDE

1. Roma hamu rade do sasude, dijouhon TUHAN i tu hita be

Ro ho ro ho, ruma ingananmi

2. Rade sude tu pardengganan i 

Sai roma ho di ho basaNa i 

Ro ho ro ho, ruma ingananmi

3. Saksak do ulos sijaloonmi

roma topoti sude dosami

Ro ho ro ho, ruma ingananmi

4. Torop naung ro sai unang togang ho

so tung tarlat unang tartading ho

Ro ho ro ho, ruma ingananmi

• Buku Ende 385 : DIJOUHON JESUS RO SUDE

1. Dijouhon Jesus ro sude hamu na loja i 

Hutogu togu do hamu tu hasonangan i 

Hamu sude pamanat i, hamu niarahonna i 

Tadingkon ni arsakkonmi dompakkon TUHAN i sonang ni roha i sonang ni roha i 

sonang ni roha i dilehon Jesus i 

2. Sai bege olop olop ni naung ro tu Jesus i 

Malua sian dosa do naung saut tu Jesus ro. 

Antong so tung tarambat ho marlojongma tu Jesus ro

Sai golom pangkophopna, malua ho disi. Sonang ni roha I dilehon Jesus i 

3. Tibu na salpu tingkimi, tudia nama ho ? 

Ai tingki parasian i, so diargahon ho. 

Sotung ditoishon rohami, jou jou ni Jesus TUHAN mi. 

Masuhima adian na sian TUHAN i. Sonang ni roha i dilehon Jesus i. 

• Buku Ende 386 : O DANGOL NI NI HAPARIRON

1. O dangon ni hapariron i na so bolas hasuhatan i 

doshon dolok Simanabun i suman tu tao Silumanlan i. 

2. Ima dangol ni na parir mongkihongkik ala dosana i 

Na mabakbak do iluna i langan bohi ala dosa i 

3. O dangol ni hapariron i  so adong na boi pamalum i 

Dang tuk daonan ni manang ise i nang mate, dang olo sohot i 

4. Dibahen parir ni sisongon i, dilehon Jesus mudarNa i 

Marhite mudar ni Kristus i na malum luhut na ngotngot i.

• Buku Ende 387 : HATOPMA HO RO

1. Hatopma ho ro tu parsilang di jou TUHAN Jesus do ho

Mabaor do disi hasesaan tu angka pardosa na ro.

Refrein  :

Hatopma ho ro tu parsilang tu Jesus marlojongma ho. 

Dilehon TUHAN mu basaNa tu angka pardosana

2. Lului hasesaan ni dosa di silang di Golgata i. 

Tung muba do hadirionmu, na malum sude sahitmi

Refrein  :

Hatopma ho ro tu parsilang tu Jesus marlojongma ho. 

Dilehon TUHAN mu basaNa tu angka pardosana

3. Lului haluaon di silang, margogo tutu mudar i . 

Partohapma ho di pangkopkop niula TUHAN ta i.

Refrein  :

Hatopma ho ro tu parsilang tu Jesus marlojongma ho. 

Dilehon TUHAN mu basaNa tu angka pardosana

4. Martua sude, na porsea di sintong ni HataNa i, 

Dang dung manang ise tarhirim na olo porsea disi.

Refrein  :

Hatopma ho ro tu parsilang tu Jesus marlojongma ho. 

Dilehon TUHAN mu basaNa tu angka pardosana

• Buku Ende 388 : SO MAJOLO JALA PIKIR

1. So majolo jala pikkir lao tudia langkami

Otik nai ma ho tarlombang dibaen hatangkangonmi

Refrein  :

Mulakma tu TUHAN Jesus Sipalua tondimi

Dang ditulak ho na dangol nasa dosami

2. Nunga tung leleng ho so sonang guga nasa rohami

Sai tarponjot dihilala ho di angka dalanmi

Refrein  :

Mulakma tu TUHAN Jesus Sipalua tondimi

Dang ditulak ho na dangol nasa dosami

3. Tung sibolis do manggohi rohami  na loja i 

Tung maheu do rohamu di baen parungkilon i 

Refrein  :

Mulakma tu TUHAN Jesus Sipalua tondimi

Dang ditulak ho na dangol nasa dosami

4. Roma jalo hagogoon sian TUHAN Jesus i 

Ai parmonang do TUHAN ta ingkon talu musu i 

Refrein  :

Mulakma tu TUHAN Jesus Sipalua tondimi

Dang ditulak ho na dangol nasa dosami

5. Dang tuk ho mangaramoti daging dohot tondimi

Holan Jesus do manjaga angka tinobusNa i 

Refrein  :

Mulakma tu TUHAN Jesus Sipalua tondimi

Dang ditulak ho na dangol nasa dosami

• Buku Ende 389 : ALE DONGAN RO TU JESUS 

1. Ale dongan ro tu Jesus naeng pangkulinganNa ho

Unang toishon panjouonNa i, ro tu Jesus silu ro

Refrein  :

Ro nuaeng ro nuaeng Jesus do managam ho

ro nuaeng ro nuaeng Jesus do managam ho

2. Boan dosami tu Jesus unang leleng togang be

Dipalua do tondimu sian arsak sasude

Refrein  :

Ro nuaeng ro nuaeng Jesus do managam ho

ro nuaeng ro nuaeng Jesus do managam ho

3. Dang boi sonang be tondimu baenon ni portibi on 

Sada Sipasonang roha, Jesus Kristus do tongon

Refrein  :

Ro nuaeng ro nuaeng Jesus do managam ho

ro nuaeng ro nuaeng Jesus do managam ho.

4. Boan nasa haboratan nasa ganggu ni roham

Sai haposima gogoNa sonang ho sabam roham

Refrein  :

Ro nuaeng ro nuaeng Jesus do managam ho

ro nuaeng ro nuaeng Jesus do managam ho.

• Buku Ende 390 : NUNGA SAI DOSAM

1. Nunga sae dosam ulaning malum ho

naung diauhon ho mudarNa i  ai ias do ho na saksak bajumi

Na di auhon ho mudarNa i 

Ias ho malum ho dibaen mudar ni TUHAN ta i 

Ai nang saksak bajuM songon hapas i, ai ias ho dibaen mudar i 

2. Naung solhot ho jongjong tu parsilang i 

Naung niuras ni mudarNa i? Sauduran ho dohot TUHAN ta i

Ai ias ho dibaen mudar i 

3. Ai rade ho, molo ro TUHAN ta i ? Ai ias ho dibaen mudar i

Boi ditomu ho TUHAN ta Jesus i 

Ai ias ho dibaen mudar i 

4. Tung hatopma ho mamuri rohami. 

Boi ias ho dibaen mudar i 

Sai bagas mangungkor ho tu mual i 

Ai na malum dibaen mudar i. 

Buku Ende 391 : SOTUNG DITULAK

1. Sotung ditulak rohami panjouon ni TUHAN ta i
Disi do hangoluanmi sadarionma tangkup i
Refrein  :
Sadarion sadarion paujung i sadarion
sadarion sadarion paujung i sadarion.

2. Diboto ho do umurmi, hatop do dapot ajalmi.
Sadari on mangolu ho, hatopma ho tu Jesus ro.
Refrein  :
Sadarion sadarion paujung i sadarion
sadarion sadarion paujung i sadarion.

3. Dang sonang ho di tano on, nang gok di ho portibi on.
Rade di ho adian i, sadari on ma tangkup i,
Refrein  :
Sadarion sadarion paujung i sadarion
sadarion sadarion paujung i sadarion.

4. Pardosa na sumalin ho, dijangkon Jesus do nang ho.
Didokkon ho, ihuthonma sadari on mangolu ho.
Refrein  :
Sadarion sadarion paujung i sadarion
sadarion sadarion paujung i sadarion.

Buku Ende 392 : SAI PASIAT TUHAN JESUS

1. Sai pasiat TUHAN Jesus tu bagasan rohami
Sai maima ima Jesus bege panuktukNa i
Refrein  :
Sai pasiat TUHAN Jesus jangkon i tu rohami
nunga tingki parasian sotung jolo salpu i

2. Hariburon na di tano on sai ringgas di jangkon ho
Marisuang TUHAN Jesus sai dihagarishon ho.
Refrein  :
Sai pasiat TUHAN Jesus jangkon i tu rohami
nunga tingki parasian sotung jolo salpu i

3. Ai sadia leleng nari laos so putus rohami
Unang toishon sotung salpu tingki parasian i
Refrein  :
Sai pasiat TUHAN Jesus jangkon i tu rohami
nunga tingki parasian sotung jolo salpu i

4. Lehon ngolumi tu Jesus ai hatop do salpu i
Sai pasiatma TUHAN mu tu roham na loja i
Refrein  :
Sai pasiat TUHAN Jesus jangkon i tu rohami
nunga tingki parasian sotung jolo salpu i

Buku Ende 393 : LAS NI ROHA BOLON

1. Las ni roha bolon i, ido na huboan i tung martua dohot au
dung nang au tu Jesus lao
Refrein  :
Nang hamuna donganki dipasonang Jesus i

2. Tung na holom rohamu di baen angka dosamu,
Jangkon Jesus tu roham, gabe sesa nang dosam.
Refrein  :
Nang hamuna donganki dipasonang Jesus i

3, Ungutungut hatami angka taon na salpu i.
Hape Jesus ro tu ho, tu Ibana hatop ro.
Refrein  :
Nang hamuna donganki dipasonang Jesus i

4. Suhi suhi ni roham na holom dibaen dosam,
Gabe marsinondang do, ai TUHAN mu ro tu ho.
Refrein  :
Nang hamuna donganki dipasonang Jesus i

5. Arsak nang saritami hatopma maporus i.
Las ni roha jambarmi, sai haposi TUHAN i.
Refrein  :
Nang hamuna donganki dipasonang Jesus i

DAPOTHONMA JESUS

Buku Ende 394 : O JESUS TUHAN KI

1. O Jesus TUHAN ki sihophop au
Masihol au di Ho naeng Ho di au
Tanda do holongMi sonangma rohaki na maniop tanganMi na lambok i

2. Dosaku sasude na dokdok i na huarsakkon do, sai sesa i
Sai pargogoi au on mangalo rohakon, roha portibi i taluhon i

3. Naeng tong maringan au di dameMi
Sai togu rohaki tu hataMi, sai i pargogoki manulus dalanki
paima tolhas au tu jabuMi

Buku Ende 395 : MASUKMA HO

1. Masukma ho na gogot do harbangan, masukma ho sompit do dalan i
Jesus manjou nang ho di parjalangan, sai roma ho naeng sonang rohami
Refrein  :
Jesus manjou ho, begema i, unang be togang oloi jou jouNa i
unang be togang oloi jou jouNa i

2. Aik lilu ho di dalan parjalangan, Runsur patmi dibaen landitna i.
Torop do na marsangkap hamonangan.
Alai dang saut dibaen garisna i.
Refrein  :
Jesus manjou ho, begema i, unang be togang oloi jou jouNa i
unang be togang oloi jou jouNa i

3. Marsak hamu, Malungun roha muna, malum do i dibaen holongNa i.
manang beha jorbut pe dosa muna,
ias muse dibaen mudarNa i.
Refrein  :
Jesus manjou ho, begema i, unang be togang oloi jou jouNa i
unang be togang oloi jou jouNa i

4. Pabulusma, tadingkon na di pudi,
Sai roma ho ditagam Jesus do Sadarion, boi dohot ho taruli di hatuaon na rade di ho
Refrein  :
Jesus manjou ho, begema i, unang be togang oloi jou jouNa i
unang be togang oloi jou jouNa i

Buku Ende 396 : NUNGA TALU MUSU MUNA

1. Nunga talu musu muna sude na ta hurung i,
boi malua saonari, ai ungkap hurungan i
Refrein  :
Sai maporusma tu Jesus Sipasonang rohami sonang sonang rohami

2. Unang dok : Sai sorimago do manggohi rohaki.
Holan Jesus do pamalum bugang na di rohami.
Refrein  :
Sai maporusma tu Jesus Sipasonang rohami sonang sonang rohami

3. Unang dok : Na pogos iba, na maribak bajuki.
Dang bajum dibereng Jesus, dilului do rohami.
Refrein  :
Sai maporusma tu Jesus Sipasonang rohami sonang sonang rohami

4. Unang dok : Godang dosaku, Ido na mangambat au.
Bereng nunga sae dosamu, asal ho tu Jesus lao.
Refrein  :
Sai maporusma tu Jesus Sipasonang rohami sonang sonang rohami

5. Unang dok : Dihaliangi musu i do rohaki.
Dang marhua, ditaluhon TUHAN mi do musu i.
Refrein  :
Sai maporusma tu Jesus Sipasonang rohami sonang sonang rohami

6. Unang dok : Sai tong digohi tano on do rohaki
Jangkon Jesus tu rohamu, gabe ingananNa i.
Refrein  :
Sai maporusma tu Jesus Sipasonang rohami sonang sonang rohami

7. Unang dok : Jo martinading hata au tu ripeki.
Unang bereng be tu pudi, sai torushon dalan i.
Refrein  :
Sai maporusma tu Jesus Sipasonang rohami sonang sonang rohami

8. Talu musu dohot arsak, nang dosam, sibolis pe,
Dang adong be ambat ambat, boi malua sasude.
Refrein  :
Sai maporusma tu Jesus Sipasonang rohami sonang sonang rohami

Buku Ende 397 : DA NUNGA SALPU BORNGIN I

1. Da nunga salpu bo borngin i, sai hehema sude
na tiur sian surgo i ro sumondangi be
soara sian surgo i mandok na ro TUHAN ta i
Bege, bege soara ni suruan, dungo dungo sai tagamma TUHAN

2. Ai molo salpu borngin i, torang ma ari on,
Ba, angka na tarhurung i maluama dison.
TUHAN ta sian surgo i, ro paluahon jolma i.
Jesus, Jesus ro paluahon hita. Doras, doras ta jangkon TUHAN ta.

3. Dung ro ari na torang i, salpu ma na holom.
Imbaru dibaen Jesus i roham, padao holsom.
TUHAN ta sian surgo i, mangapul hita na dangol i.
Sonang, sonang pe maradian hita. Hatop, hatop tu surgoma beta.

Buku Ende 398 : BEHA NA SO MARDAME

1. Beha na so mardame roham na loja i
Marilu do matamu dibaen arsakna i
Refrein  :
Sai olo ho porsea di Jesus TUHAN mi
malua ho baenonNa dibaen holongNa i

2. Ibana mengalehon tu ho tondiNa i.
Sonang pangkilalaan dibaen dameNa i.
Refrein  :
Sai olo ho porsea di Jesus TUHAN mi
malua ho baenonNa dibaen holongNa i

3. Dosam do diarsakkon ho, ale donganki.
Sai ro tu TUHAN Jesus pasaehon dosami.
Refrein  :
Sai olo ho porsea di Jesus TUHAN mi
malua ho baenonNa dibaen holongNa i

4. BugangNa i do mual ni hatuaonmi,
Sai minum, asa malum tondim na bonos i.
Refrein  :
Sai olo ho porsea di Jesus TUHAN mi
malua ho baenonNa dibaen holongNa i

Buku Ende 399 : UNANG TARLALAP DI HATA

1. Unang tarlalap di hata, tulus sigop jambarmi
Dang dapot ho hasonangan molo godang sabatmi
ipe tostosi luhutna na manggugai rohami
arta na godang nang sangap sabatna jorbut do i

2. Unang lilian si dalan, tuju tongtong surgo i
Ai naeng rade do inganan dibaen TUHAN ta disi
Unang bonsa roha muna, pos rohamu lao tusi
Ai toguonKu hamuna tu lambung ni Ama i
Unang lilian di dalan tuju tongtong surgo i
Ai naung rade do inganan dibaen TUHAN ta disi.

Buku Ende 400 : O HO DI HAMAGOANMI

1. O ho dihamagoanmi portibi on nampuna ho
Sai mulakma tu TUHAN mi, hatop ro, hatop ro

2. Molo dibege ho panjou ni Jesus mi na tong mamio
Girgirma ungkap rohami dipio, dipio

3. Hansit sipata rohami binaen ni parsorionmi
hatopma ho tu Jesus mi pamalum rohami

4. Martua dibaen Jesus au, antong hudok sahali nari
Nang ho dijangkon Jesus i saonari, saonari..

BERSAMBUNG.......

Share this post